Malas o suwerte: Misteryo ng no. 7, alamin!

ni Nympha Miano-Ang - @Life and Style | July 28, 2020

Sa buong mundo ang numero 7 ay kinikilala bilang isa sa pinakamasuwerteng numero kung saan maliban sa pagiging suwerte napapaloob sa numerong ito ang iba’t ibang misteryo na makapagpapaisip sa tao kung dahil ba ito sa naturang numero o nagkataon lang.

Sa isang pagkakataon, isang babaeng taga-New York City na isinilang noong Hulyo 7, 1907 ang nagpakasal sa isang lalaking nabibilang sa Navy na nagkataong may outbreak ng mga sakit noong World War II. Ipinadala ang kanyang mister sa South Pacific sa ship no. 777 at pinalad na makauwi na hindi man lang nasugatan o nasaktan sa kabila ng nakakatakot na kamikaze bombings at bagyo. Ang naturang babae ay namatay noong 1985 sa edad na 77.

Samantala, mayroon tayong 7 Ages of Man at mayroon ding 7 Wonders of the Ancient World na tunay na ipinagmamalaki ng bawat isang tao.

Ngunit mayroon ding madilim na bahagi ang numero 7, ayon sa eksperto ng numerology. Ang terrorist bombing na naganap sa London ay noong Hulyo 7, 2005 ang petsa na mayroong tatlong 7, sa buwan, date at suma ng naturang taon (2+5=7) at naitala na ang pangalang Al Qaeda ay binubuo ng 7 letra. Ilan pa sa katotohanang napapaloob sa numero 7 ay ang unang bombing sa ganap na 8:51 a.m. (8+5+1=2x7) sa pagitan ng unang bomba at huli, 56 (7x8) minutong nagdaan, ang serial number ng naturang target na bus ay 17758 (1+7+7+5+8=28=4x7).

Masamang araw din ang Hulyo 7 sa kasaysayan ng babaeng si Mary Sumal. Taong 1865 nang una siyang patawan ng kaparusahan bilang kauna-unahang babaeng hinatulan ng kamatayan sa U.S. dahil sa diumano’y pakikibahagi sa pagpaslang kay Abraham Lincoln sa kabila ng mga ebidensiyang nagsasaad ng kanyang pagiging inosente hindi rin niya naisalba sa huli ang kanyang buhay.

Sinasakop ng mga Hapon ang Tsina noong Hulyo 7, 1937 at ito ang nagbunsod sa pagsiklab ng World War II. Ang NAZI’s ay walang awang pumaslang sa 5,000 bilang ng Jews sa loob lamang ng isang araw noong Hulyo 7, 1941 habang naglunsad naman ng medical experiments sa Jews sa parehong petsa ng kasunod na taon.

Ayon naman sa alamat, ang ika-7 anak na lalaki ng sinumang mag-asawa ay maaaring maging mangkukulam o salot.

Gayundin, pinaniniwalaan na ang aksidenteng pagkabasag ng salamin sa loob ng bahay o kung saan pa mang lugar ay magbubunsod sa 7 taon na kamalasan. Sa huli ang numero 7 ay kilalang pigura sa mga religious tradition.

Gayundin ang paggawa o pagkakasangkot sa isa sa 7 Deadly sins ay pinaniniwalaang magbubunsod sa pamamalagi sa ika-7 antas ng impiyerno, na ito-torture ng may 7 ulo na halimaw ayon sa aklat ng Revelation.

Ang mga Jews ay nagluluksa sa kamatayan ng kanilang mga minamahal sa loob ng 7 araw o ang pagbuburol ng 7 days bilang tinatawag na ‘sitting shivah.’

Pitong araw na nilikha ng Diyos ang mundo.Ang mga Muslim ay naglalakad sa palibot ng Holy Ka’aba stone sa Mecca ng pitong beses, upang kumatawan sa 7 atribusyon ni Allah.

Habang 7 naman ang milagro o sign na naitala sa Bibliya ng Diyos. 1. Ang tubig na naging alak. 2. Napagaling ang anak ng isang hari sa Capernaum. 3. Nakapaglakad ang isang paralitiko sa Bethesda. 4. Napakain ang 5,000 katao. 5. Naglakad si Hesus sa ibabaw ng tubig. 6. Nagkaroon ng paningin ang isang bulag. 7. Binuhay si Lazaro.

Doble ingat sa mga seniors ngayon… Para matutukan ang pag-aalaga sa tumatandang magulang

ni Nympha Miano-Ang - @Life and Style | July 27, 2020

Mahirap talaga sa kalooban ang mapalayo ang isang anak sa tumatanda na niyang magulang. Kahit na ang pinaka-dedicated na anak ay hindi niya ngayon alam kung paano niya bibigyan ng sapat na atensiyon ang kanyang tumatanda at medyo sakitin na niyang magulang.

ANG HIRAP KAPAG MALAYO. Sa loob ng 10 taon bumibiyahe ng higit 100 km, isang beses sa isang buwan si Kathy mula Maynila hanggang Tarlac para lamang puntahan ang kanyang matanda nang nanay. Sa isang taon ay nababawasan ng once a month ang pagpunta niya minsan. Kapag suwerteng nahiram niya ang sasakyan ng mister ay dinadrayb niya ito o kaya naman ay nagko-commute siya. Nitong sumapit ang pandemya mas pahirapan dahil 2 buwan na walang biyahe, mabuti na lang at may tiyahin siyang kapitbahay nila roon na nag-alaga muna sa kanyang nanay at ngayong GCQ baka puwede na niyang iwan ang trabaho dahil 58-anyos na siya, ang 2 oras na biyahe at pag-aalala sa araw-araw ay balakid sa kanya. Kaya maaga siyang nagretiro upang mabantayan ang kanyang 86-anyos na nanay. “Kailangan kong gawin ito, pero mas mahirap naman kung sa ibang tao ko siya ipagkakatiwala. Mahina na si Inay at gusto ko’y mahalaga ang mga oras na makakapiling ko siya.”

At upang maging magaan kay Kathy na tulad niya’y may mahina nang magulang ngunit nasa malayong lugar ay narito ang makatutulong na strategy:

1. PLANUHIN ANG LAHAT BAGO DUMATING ANG EMERGENCY: Pagdating sa long distance caregiving para sa nagkakaedad ng mga magulang. Sa pagbisita dapat ay may pangunahin nang oportunidad na makagawa ng ilang preparasyon. Kailangan magkaroon ka ng support system ng mga kaanak, kaibigan o kapitbahay sa lugar.Kaibiganin silang lahat upang mas madali mo silang matawagan sa oras na kailangan ng titingin sa kanila. Alamin din kung saan tatawagan ang kanyang doctor o nurse na malapit sa inyong klinika.

2. KUMUHA NG KOPYA NG MEDICAL FINANCIAL AT LEGAL INFORMATION NG MAGULANG. Kabilang ang kanilang status sa Social Security System o SSS. Mga kasulatan na mapag-iiwanan niya ng ari-arian, power of-attorney paperwork at health care papers. Lahat ng ito ay maaring kailangan sa oras ng emergency. Ito ang mga kailangan mo nang malaman sa panahon na unti-unti nang nagiging sakitin o nanghihina na ang magulang upang mapangalagaan mo sila.

3. MAGTAKDA NG DOCTOR’S APPOINTMENT. Kumuha ng diagnosis mula sa impormasyon ng kaanak kabilang na ang masusing assessments kung ano na ang mga bagay na hindi na niya nagagawang mag-isa. Humingi ng payo sa geriatrician o mga espesyalista online kung hindi makakapunta sa ospital para sa anumang medical information.

4. HUWAG PILITIN KAHIT PASAWAY NA ANG MAGULANG. Isa pinakaimportanteng bagay na magagawa mo ay ikarangal ang pagiging independent ng magulang at tandaan na sila ay nagkakaedad na. Hindi mo sila dapat na pasunurin sa gusto mo,dahil sila pa rin ang magulang na dapat masunod. Kailangang pabayaan mo siya sa kalayaan na gusto niya sa kanyang sarili at gumawa ng sarili niyang pagpapasya kahit na mali dahil sa katandaan niya at memorya niya. Maliban lang kung ulyanin o may dementia. Kahit na pinipigilan mo ang tatay mo na magmaneho pa ng jeep sa edad niyang 84, hindi mo siya kailangang pigilan kung talagang ang bagay na iyon ang siyang ikinasisiya. Pero ngayong pandemic, bawal silang lumabas.

5. KONTRIBUSYON NG IBA PANG MIYEMBRO NG PAMILYA. Sa maraming pamilya, isa sa inyo ang magbibigay ng pinakamalaking responsibilidad sa pangangalaga, pero ang long distance caregiving ay higit pa sa ilang tao ang dapat gumawa nito.

Sinuman ang nakatoka na bumisita ay tatawag siya sa ilang miyembro ng pamilya at mga kaibigan. May kontribusyon ang mga hindi makakarating gaya ng pamasahe, pagkain, gamot at iba pang pangunahing pangangailangan ng matanda

6. HINGIN ANG TULONG NG PROFESSIONAL CAREGIVER. Marami ang nais na mag-aplay bilang caregiver. Sila ang mga taong bihasa sa pag-aalaga ng mga matatanda o ng mga bata dahil sa kursong pinag-aralan nila. Mainam ito para sa may kakayahang magbayad.

7. MAGING BALANSE. Ang pangangalaga sa matatanda ay kailangan ng sapat na emosyonal at pisikal na kalakasan lalo na't bugnutin at marami nang kapalpakang ginagawa ang mga matatanda. Pinakamainam na mapalakas ng caregiver ang sarili hindi lang ang kanyang alagang matanda. Kumain ng tama, may hustong pahinga, mag-ehersisyo at magkaroon din ng oras para sa sarili. Ito'y mas maganda ang trato ng tagapag-alaga sa mga matatandang pasaway at mahirap nang unawain.

Kalusugan ingatan, super busy man… Nutrisyong kailangan ng mga babaeng walang pahinga

ni Nympha Miano-Ang - @Life and Style | July 26, 2020

Ang mainam na nutrition habit ng working women ay kaiba sa nutrisyon na kailangan ng isang bata. Ito’y bunga na rin ng kakaiba niyang lifestyle, ang palagiang pagpasok sa trabaho ngayong may pandemya, hantad sa polusyon at stress na nakaaapekto sa kalusugan at pagkatao at maging sa pagtaas sa tsansa na mahantad sa anumang uri ng sakit. Sila ang mga taong madaling kapitan ng karamdaman.

Narito ang nutritional guidelines para sa kailangang eating habits upang mapangalagaan ang espesyal na pangangailangan habang kayod-kalabaw sa trabaho.

1. PLANUHIN AT IKONSUMO ANG BALANSENG DIYETA SA IBA’T IBANG URI NG PAGKAIN. Kailangang bigyang atensiyon ang kinakain at sapat na nutrisyon lalo na kung buntis at nagpapasuso. Kung kakain ng fastfoods pumili ng masustansiyang uri at tingnan ang sangkap na nilalaman.

2. FORTIFIED FOODS SA ADULTS. Kung kailangan basahing mabuti ang food labels. Kung ipinapayo ng eksperto, uminom ng nutritional supplements.

3. LIMITAHAN ANG PAGKAIN NG MAALAT. Upang maiwasan ang altapresyon o pagtaas ng presyon ng dugo. Sa halip ay gumamit ng iodized salt imbes na rock salt.

4. UGALIIN ANG KALINISAN SA PALIGID MAGING SA SARILI. Palaging kumain ng malinis at ligtas na pagkain, uminom ng malinis na tubig upang malayo sa bacteria at virus.

5. TIYAKIN NG BABAE ANG SAPAT NA VIT. B COMPLEX SA DAILY DIET. Upang maiwasan ang araw-araw na stress. Ang vit. B ay nakapagdaragdag ng metabolism o pag-angat sa sustansiya ng pagkain upang tumaas ang enerhiya at matulungan na mapaglabanan ang fatigue lalo sa panahon ng tensiyon. Ang mga dahon ng gulay, kangkong at saluyot ay mayaman sa riboflavin habang ang dark green vegetables ay mainam na sources ng niacin.

6. MAGING ANG KALALAKIHAN AY DAPAT DING UMINOM NG 8-12 BASO NG TUBIG ARAW-ARAW upang lumabas ang toxins na nakaimbak sa katawan, ang tubig ang nagpapa-rehydrate sa katawan, nagpapalusog at nagpapabata ng balat.

7. ANG VITAMIN C SA PANAHON NG PANDEMYA AY DAPAT NASA 1,000 MG ARAW-ARAW. Mainam din sa malambot at youthful looking face sa kabila rin ng malalang polusyon. Kumunsumo rin ng alkaline water at pagkain araw-araw na mas mataas sa acidity level ng coronavirus tulad ng saging, green lemon, yellow lemon, avocado, bawang, mangga, tangerine, pineapple, watercress at oranges.

Ito rin ang magpapalakas sa immune system na tumutulong upang humusto ang natural na resistensiya ng katawan laban sa sipon at impeksiyon na karaniwan na nangyayari kapag ang katawan ay napapagod.

8. HINAY-HINAY LANG SA TABA AT MAKOLESTEROL NA PAGKAIN. Gaya ng butter,mani, taba ng hayop upang maiwasan ang panganib ng sakit sa puso.

9. DAGDAGAN ANG INTAKE NG CALCIUM UPANG MAIWASAN ANG OSTEOPOROSIS. Na komon sa lahat ng kababaihan pagtanda nila. Lahat ng dairy products tulad ng gatas, keso, baked products na may itlog ay mainam na pinagkukunan ng calcium.

10. ANG LIGTAS NA KARNE SA KATAWAN. Gaya ng walang tabang karne, atay, itlog at seafoods na may taglay na zinc. Tumutulong ang zinc na umibayo ang protina at genetic material na kailangan ng katawan. Ito rin ang nagpapalakas sa hormonal activity, pag-ibayo ng produksiyon at pagpapadede ng babae.

11. ANG BALANSENG DIYETA, REGULAR NA EHERSISYO AT SAPAT NA TULOG AY PERPEKTONG SOLUSYON UPANG MABAWASAN ANG STRESS. At maiwasan din ang fatigue lalo na sa working women.