May bad news, pero paano mo sasabihin nang maayos sa kanya

ni Nympha Miano-Ang - @Life and Style | November 9, 2020

Parang ang hirap yatang magsabi ng bad news sa isang tao. Pero mas mahirap naman yata kung magsasabi ka ng bad news ay wrong timing pa. Pero kung pipiliin ang tamang timing nang maingat, at least ang balita ay hindi masyadong traumatic sa nakarinig.

1. ALAMING MABUTI ANG BAD NEWS. Gaano ba kasama ang balitang iyan? Gusto mo bang sabihin sa kanya na patay na ang aso niya, o nawalan ka ng trabaho? Ang isa pang miyembro ng pamilya o close friend ay namatay? Kung ang bad news ay may kaugnayan sa iyo ( gaya ng nawalan ka ng trabaho? Ang epekto ay kakaiba kaysa sa problemang may kaugnayan sa kanila (ang pusa niya ay namatay).

2. PUMILI NG MASAYANG ORAS PARA MASABI ANG BAD NEWS. Puwedeng maisingit sa oras ng kasayahan ang masamang balita. Kasi, tiyak kang ang lahat ay relaks, kaya huwag na huwag sasabihin ang masamang balita kung ang magulang ay galing sa kanilang trabaho o matapos na makaaway ang asawa. Gayunman, kung ang balita ay sobrang malaki, hindi na ito puwede pang maghintay ng, “tamang timing na oras,” basta’t huminga ka na lang ng malalim at saka sambitin ang wikang,” Kailangan ko kayong makausap, ayoko na po kasing patagalin pa at baka sisihin n’yo pa ako.”

3. UMUPO NA KAHARAP ANG LAHAT NG TAO NA GUSTONG SABIHIN ANG BAD NEWS. Maging mahinahon, pero tumbukin na agad ang puntos, maniwala ka o hindi, mas madali sa isang tao na makatanggap ng masamang balita kaysa ang maubos ang oras na manghula sa anumang ikinikilos mo at itinatago. Simulang sabihin na, “May sasabihin akong balita sa inyo,” o kaya naman ay “Wala kasing madaling paraan para masabi ko ito.” Tapos ay tingnan siya ng diretso sa mga mata at kampanteng sabihin kung ano ang nangyari. Kung mayroong aksidente at may namatay, diretsahang sabihin, pero mahinahon: “Sorry sa sasabihin ko sa inyo, malubhang aksidente sa sasakyan ang dinanas ni Nilo, namatay po siya.” Huwag silang bitinin sa mga salitang, “Naaksidente si Nilo.” Baka magtanong pa sila nang magtanong ng kung anu-ano at saang ospital naroon siya.

4. HINTAYIN ANG KANILANG REAKSIYON. Kung sisigaw sila, manatiling kampante at ikaw na ang magpakampante sa kanila. Kung iiyak, ipanatag sila. Maaari silang manahimik, hayaan mong humupa ang kanilang loob. At pagkatapos saka mo sila akbayan at aluin ng sinsero at sumimpatiya.

5. TULUNGAN MUNA ANG SARILI KUNG PAANO SASABIHIN ANG BAD NEWS. Kung may isang tao na namatay, paano ba ito matatanggap ng kaibigan o kaanak? Kung ang aso naman ang namatay, paano siya gugunitain ng kanyang amo? Kung may nawalan ng trabaho, paano siya makahahanap ng bago? Isaisip na kahit sino ay iba’t iba ang reaksiyon kapag nakatanggap ng bad news. Tiyakin na ikaw na mismo ang handa para sabihin na ang bad news. Kontrolin ang sariling damdamin at manatiling kampante hanggang kaya.

6. Konsiderahin na iba na lang ang magsalita. Mas mainam na iba na lang ang puwedeng magsabi sa kanila, puwedeng ipadaan ito sa kaibigan, isang pari o pastor o close friend nila na siya na lang ang magsabi sa kanila? Mainam ito kung hindi ka gaanong close sa kanila para mabanggit ang bad news.

7. Kung magagalit siya at mag-iiyak, manatili kang kampante. Ito ay normal na responde sa masamang balita.

8. Kung may isa sa kanila ang sobrang nagbigay ng reaksiyon at nagbasag ng ilang kagamitan o nagwala, umalis ka na kaagad sa naturang lugar at hintayin ang tao na kumampante na lamang. Tawagan ang kaanak o kapitbahay para awatin ang nagwawalang kapamilya.

Paraan para makaligtas sa napakalakas na ulan at pagbaha

ni Nympha Miano-Ang - @Life and Style | November 08, 2020

Pangkaraniwan na ang ulan sa bansa mula Hunyo hanggang Disyembre, pero kung minsan hindi natin inaasahan ang pananalasa na tulad ng ginawa ni Ondoy at Pepeng dito sa buong Luzon. Gayunman, may panganib na hatid ang napakalakas na ulan, lalo na kapag may kasamang malakas na hangin, kidlat at mga pagbaha.

Kung sapat sana sa kaalaman ang marami sa atin sa mga pag-iingat ay hindi darami ng gayon ang mga masasawi.

1. Isarang mabuti ang mga bintana at pintuan upang hindi pumasok ang tubig ulan habang malakas ang hampas ng hangin.

2. Manatiling tuyo at mainit ang temperatura ng katawan. Karaniwang kapag nabasa ng ulan, giginawin ka, lalagnatin, karaniwan na ang mga nalulubog nang matagal ay nagkaka-hypothermia na pangunahing dahilan ng pagkamatay ng marami kapag lumulusong sa tubig baha bukod sa pagkalunod. Balutin ang katawan sa loob ng bahay upang manatiling mainit ang pakiramdam.

3. Magkaroon ng maraming malinis na imbak na tubig kung sakaling naputol ang linya ng tubig. Dapat may isang galon na tubig na imbak para sa isang tao sa loob ng bahay kada isang araw para sa proper hydration.

4. Mag-imbak na rin ng de latang pagkain sa sandaling maubusan ng gaas.

5. Kung maaari kapag malakas ang ulan, huwag nang aalis ng bahay at huwag nang magmaneho, siguradong mai-stranded ka lang sa daan. At kapag hindi ka handa, delikado ka sa anumang mangyayari.Manatiling tuyo, mainit at magkaroon ng maraming imbak na pagkain at tubig upang maka-survive ka matapos ang ulan.

6. Huwag na huwag lulusong sa baha lalo na sa gabi, kahit na akala mo’y hanggang bukung-bukong lang ang lalim. Ang tubig baha ay maaring lumakas ang agos at magkaroon ng kakaibang pagkilos, tataas lalo ang panganib ng malakas na agos nito. Ang mga malalaking butas sa kalsada at pagguho ay puwedeng nakaamba ang panganib kung hindi ka nakahanda.

7. Linising mabuti ang dalawang jugs at hugasan sa klorox para mapaglagakan ng tubig. Punuin ng tubig. Maghanda ng mga kumot, flashlight, flare gun, vests, lubid, gloves, at first aid kid, ilagay ito sa isang ligtas na wet bag.

8. Maghanda rin ng raft o anumang sasakyang pantubig, bangka o de motor. Itupi ang raft at ilagay sa isang bundle. Isama ring itali ang portable air compressor sa raft. Magtali rin ng 2 talampakang lubid sa raft at bag kit.

Ilagak ang mga ito sa mataas na bahagi ng bahay, pulbusan ang lahat ng ito ng baby powder para ma-preserba ito. Maglagay din ng deacons sa paligid nito o maging sa ibaba nito para hindi makalapit ang anumang daga o bubuwit para hindi ito makagat at hindi mabutas.

9. Kapag mayroong baha at na-trap ka sa loob ng bahay, agad na umakyat sa kisame. Wasakin na ang anumang butas sa bubungan, kasing laki ng puwedeng daanan ng raft/bag kit. Magsuot na ng goggles kaagad.

10. Buksan na agad ang raft, magsuot na rin ng safety vests at saka punuin ng hangin ang raft. Manatili sa bubungan hanggang sa dumating ang tutulong.

11. Kung kailangan nang lumusong sa tubig sa lugar na malayo sa malakas na agos ng tubig ipaanod ang raft habang nakasakay ang buong pamilya. Ito’y para hindi ka tumama sa mismong bahay ninyo at ma-trap pa sa kung saang lugar.

12. Isakay na lahat ng loveones sa rafts. Itali na agad sa pinakamalapit na pinakamataas na punong-kahoy ang lubid habang hawak ng buong pamilya. Pumuwesto sa tabing puno na hindi inaagusan ng malakas na tubig. Pumili ng mas matibay na punong kahoy, huwag magtatali sa poste ng kuryente.

13. Kung may dala kang flare gun, mainam ito para makahanap ng liligtas na chopper kung papuputukin mo ito bilang hudyat ng paghingi ng tulong.

14. Maghintay habang palutang-lutang sa raft hanggang sa kayo ay mailigtas. Huwag bababa sa tubig, dahil baka tangayin ka ng iba pang lakas ng agos patungo sa delikadong mga lugar.

15.Pagtali-taliin ang mga sarili, huwag itali ang sarili sa raft.

16. Manatiling nakasakay sa raft.

17. Oo, napakalamig dahil basang-basa ka ng tubig ulan at baha, pero ang responsibilidad mo ay unahin ang iyong buong pamilya. Huwag silang iwanan kahit anong mangyari para lang magligtas ng iba pa, hayaan na gawin na lang ito ng rescuers.

18.Manatili sa mas hindi malakas na agos ng tubig sa mga gilid ng gusali at puno para manatiling ligtas.

Paano ba matanggap na 40-anyos ka na

ni Nympha Miano-Ang - @Life and Style | November 7, 2020

Ang dami kong ka-FB friends na may kaarawan ngayong Nobyembre. Karamihan ay tumuntong na sa edad 40. Sa ilang kaso, kung minsan ang ating kultura, ang kumokondisyon na sa ating isipan na ang pagtuntong sa edad 40 ay ang simula ng katapusan. Hindi ito totoo, lalo na sa lipunan natin ngayon kung saan ay maganda naman ang kinahantungan ng iyong buhay mula dekada 90 at 2000.

Sa ilang tao, ang ika-40 kaarawan ay panahon na dapat ipagdiwang ang lahat ng mabubuting bagay na nagawa sa buhay at gumawa ng planong mas malakihan at mas mainan.

Hindi ito ang panahon para magmukmok at malungkot dahil nagkakaedad ka na. Kung nalulungkot ka at nasa edad 40 na at gusto mong matanggap ang edad na iyan, heto ang ilang napakainam na paraan para hindi ka malungkot.

1.REGULAR NA MAG-EHERSISYO. Kung wala kang regular na ehersisyo, diyan na ngayon sa edad 40 mo hanapin ang oportunidad na magkaroon ng sariling uri ng ehersisyo. Pagka-edad 40 at regular ang ehersisyo, natutulungan kang lumakas at feeling laging bata. Ipinakita sa pag-aaral na ang mga taong nasa edad 40 at regular na may pisikal na aktibidad o ehersisyo ay nagmumukha at ramdam sa sarili na hahaba ang buhay kumpara sa mga walang ehersisyo ang katawan.

2. MAGKAROON NG BAGONG HITSURA.

Isang magandang bagong hitsura ang dapat mong gawin kapag nasa edad 40 na. Magpagupit, pakulayan ang buhok at baguhin na ang estilo ng pananamit. Ito na ang mainam na paraan para mag-make-over lalo na kung walang kadating-dating ang dating estilo ng buhok at pananamit. Ang bagong hitsura ang magpapatingkad sa iyo, magpapasaya at iibayo nang todo ang kumpiyansa sa sarili.

3. YAKAPIN ANG PAGTUNTONG NG EDAD 40. Sa halip na ikahiya o ang iyong edad, sumige ka at yakapin mo ito maging ang pagtanggap mo sa iyong mga natutunan at karanasan sa buhay na kaakibat na ng iyong pagkakaedad dahil iyan ang tutulong para mas maging mabuti kang tao. Damhin ang kumpiyansa sa buhay na darami pa ang kinikita o ang income, buo at mas makahulugan ang lahat ng oportunidad na mangyayari sa’yo at marami ka pang magagawa at maiaambag sa mundong ito.

Ang iyong ika-40 kaarawan ay isang dakilang panahon para magdiwang at magsaya. Huwag itong ituring na simula ng katapusan, pero sa halip isang sariwang simula sa mas exciting at mas makahulugang buhay. Ika nga sa kasabihan, mas mainam ang maging busy o ang maging busy sa pag-iisip na tumatanda hanggang sa huling hininga ng iyong buhay.

Gawing ang pagsapit sa edad 40 at sa iyong kaarawan ay panahon ng pagiging abala at ma-enjoy ang buhay. Ika nga panindigan mo na ang salitang “Life begins at 40.”