Senyales ng pagiging duwag ng tao sa ibang bagay

ni Nympha Miano-Ang - @Life and Style | January 27, 2021

Malaki na ang anak mo pero hanggang ngayon ay nakatabi pa rin sa higaan ninyong mag-asawa at ayaw na maiiwan na mag-isa sa isang kuwarto dahil may mumu raw.

Pinakakanta mo ang anak sa stage pero ayaw kumanta kahit na alam mong may boses naman siya at hindi mapapahiya. Pabubutasan mo na ang kanyang tenga para lagyan ng hikaw pero panay ang makaawa at umaayaw. Paano mo nga ba masasabi na ang iyong anak ay duwag.

1. NANGHIHIRAM NG TAPANG. At dahil ang kaduwagan ay sinabing wala man lang ni katiting na katapangan sa kanyang sarili, madalas na humahanap siya ng makatutulong na bagay para maramdaman niyang may umaagapay sa kanya para tumapang. Sa halip na harapin ang sitwasyon pero nahihirapan naman siya na gawin ang maging matapang, kung minsan napipilitan siyang magdroga o uminom ng alak para magkaroon ng hiram na tapang o maling katapangan. Kung minsan nagtatapang-tapangan lang siya dahil may kasama siyang barkada. Kapag marami pa sila ay baka maghamon pa siya ng away.

2. ANG ISYU SA KATOTOHANAN. Ang isang taong duwag ay madalas na ayaw sa katotohanan. Kapag nasa aktuwal nang sitwasyon ay magpapaikut-ikot na siya ng sasabihin dahil hindi siya komportable na umamin. Madalas siyang mag-alibi, kaysa naman hindi ka pumabor. Mahirap din para sa kanya na pangatawanan ang katotohanan mula sa iba. Kung hinihingi mo ang kanyang paliwanag sa anumang kanyang nagawa, gagawa siya ng excuse para pagtibayin ang kanyang ginawa.

3. NAGKUKUNWARI O BRAGGADOCIO. Ang isang duwag ay madalas na dama niyang kailangang manghiram ng tapang sa iba’t ibang sitwasyon kahit na hindi totoo. Kunwari ay magyayabang siya hinggil sa kanyang skills at abilidad para mas mukha siyang maging eksperto sa iba’t ibang mga larangan kahit na wala siyang alam sa naturang bagay.

4. REAKSIYON? At dahil ang isang duwag ay walang ideya kung ano ang kanyang gagawin sa isang nakatetensiyon na sitwasyon madalas kunwari na lahat ng bagay ay ayos lamang. Umiwas siya sa anumang komprontasyon at mabubuhay sa pantasyang mundo na ang lahat ay ayos lamang. Na para sa kanya ika nga na ang “good offense is the best defense.” Na para bang sinasabi na mas mainam nang umiwas kaysa ang mapahamak.

Kalusugan ng tao, masusukat sa stress level kahit panay ang diet

ni Nympha Miano-Ang - @Life and Style | January 26, 2021

‘Pag diyeta ang pag-uusapan, ika nga ng mga eksperto, “ You are what you eat.”

Hindi lamang anila ang pagdidiyeta sa pagkain ang pinakamahalagang isasaalang-alang kasama ng training regimen kundi maging ang personal na kalagayan, emosyonal at sikolohikal na aspeto. Sa maling pagdidiyeta umano ay maaaring mabawasan ng malaking porsiyento ng pagiging epektibo nito sa isang tao.

Nais mo mang palitan ang pagdidiyeta para makapagbawas ng timbang o simpleng madagdagan ang lakas, ang pinakamadaling paraan ay sagutin ang e-diet, para maging gabay na manatiling malusog ngayon at araw-araw! Ayon sa BMI Calculator Tip of the Day Expert Interaction Dining Out Diet Tools

Tips ngayon:

Lahat ng carbohydrates ay hindi pare-pareho! Ang complex carbohydrates ay “whole” foods; ito ang pinagkukunan ng lakas ng katawan!

Mag-enjoy sa whole grains, whole grain breads at cereals, mga prutas at gulay.

Fitness Tip:

Para sa mas epektibong ehersisyo, subukan ang interval training sa cardio machines. Karamihan sa makina ay may present interval program na para sa mas intensidad na panahon ng pagpapalakas.

Ang program ay tinatawag na fat burner o weight loss. Puwedeng palitan ng bilis, grade, o resistance level. Tiyakin na mananatili sa tamang antas ang puso.

Tingnan natin kung gaano karaming stress meron ka sa buhay. Ang sumusunod na babanggitin ay mula sa "Social Readjustment Rating Scale" ni Thomas Holmes & Richard Rahe, 1967. Markahan ang bawat sitwasyon kung ito ay sumasapit ngayon sa buhay at isumatutal ang mga maiipong puntos lalo na kung napapansing dahil sa mga babanggiting problema ay imbes na pumapayat ay lalong nadaragdagan ang timbang:

1. Pagkamatay ng asawa-100

2. Paghihiwalay - 60

3. Menopause - 60

4. Pakikipaghiwalay sa ka-live in - 60

5. Pagkakakulong -60

6. Pagkamatay ng ka-close na kaanak kumpara sa asawa- 60

7. Seryosong karamdaman o malaking injury sa aksidente- 45

8. Pag-aasawa at pag-uumpisa ng buhay na ito- 45

9. Nasibak sa trabaho- 45

10. Pagbabalikan ng mag-asawa o ng relasyon ng mag-syota- 40

11. Pagreretiro-40

12. Pagbabago sa kalusugan ng isang miyembro ng pamilya - 40

13. Pagtatrabaho ng higit sa 40 oras kada isang linggo - 35

14. Pagbubuntis o dahilan ng pagbubuntis - 35

15. Hirap makipag-sex -35

16. Pagkakaroon ng ampon sa pamilya -35

17. negosyo at pagbabago sa papel ng trabaho -35

18. Pagbabago sa estadong pinansiyal -35

19. Pagkamatay ng close friend (hindi kapamilya)- 30

20. Pagbabago sa rami ng pakikipagtalo sa asawa o life partner - 30

21. Pagkakaroon ng utang sa bahay at lupa o pera bunga ng malaking kadahilanan - 25 22. Na-elit na mortgage at utang - 25

23. Halos wala pang 8 oras ang tulog gabi-gabi -25

24. Pagbabago ng responsibilidad sa trabaho - 25

25. May problema sa in-laws o sa mga anak -25

26. Outstanding personal achievement -25

27. May trabaho na uli ang asawa o huminto na sa trabaho- 20

28. Simula na ang klase o bakasyon ng klase -20

29. Pagbabago sa kondisyon ng pamamahay (bisita, roommates, remodeling)- 20

30. Pagbabago sa personal habits (diet, exercise, smoking)- 20

31. Chronic allergies-20

32. Problema sa boss -20

33. Pagbabago sa oras ng trabaho o kondisyon -15

34. Paglipat sa bagong bahay- 15

35. May pre-menstrual period 15

36. Paglipat ng eskuwelahan -15

37. Pagbabago sa relihiyon- 15

38. Pagbabago sa social activities-15

39. Maliit na halaga ng utang- 10

40. Pagbabago sa madalas na family get togethers -10

41. Bakasyon-10

42. Kaunting paglabag sa batas- 05

TOTAL SCORE: Interpretasyon ng iskor:

0-150 Kung ang iyong iskor ay umabot dito kaunting-kaunti lamang ang stress. Maliit lamang ang tsansang dumanas ng sakit o krisis.

150-199 Dito ay indikasyon na dumaranas ka ng MILD stress na posibleng magipit o magkasakit ng kaunti rin namang krisis o sakit..mga 33 %.

200-299 Ang iskor na ito ay indikasyon ng MODERATE stress situation. Ito ay maaaring magresulta sa malaking posibilidad ng aksidente, sakit at iba pang krisis, mga 50%.

300 o higit pa. Ang mga umiskor ng antas na ito ay dumaranas ng mataas na antas ng stress at tiyak na

mataas din ang peligro na nahaharap sa krisis o karamdaman. Ito ang kinokonsiderang peligrosong antas, mga 80% ang tsansa ng dumanas ng ilang problema.

Gayunman, ang sukatang ito ay hindi naman tuwirang batayan para maiantas ang rate stress, iba-iba rin kasi ang paraan ng bawat tao sa pagdadala ng problema sa mga nakaka-stress na sitwasyon. Pero ito pa rin naman ang puwedeng maging gabay natin kung paano sosolusyunan ang stress. Pero kung umiiskor ka ng higit sa 300, bagong adjustment na sa estilo ng buhay ang kailangan.

Paano madidisiplina si bagets para 'di maging rebelde?

ni Nympha Miano-Ang - @Life and Style | January 25, 2021

Sa rami ng mga kabataan ngayon na nagiging miyembro ng makakaliwang grupo, at tumutuligsa na sa gobyerno, hindi maawat sa pagsali sa mga rally, demonstrasyon at gusto pang nasasaktan ng mga awtoridad kapag nagkaroon ng dispersals, nasabugan ng molotov, tinamaan ng bala, ano pa ba ang ibig sabihin nito? Sa bahay palang habang bata pa, subukan mo na siyang kausapin. Ilang mga aklat na rin ang iyong binasa at lahat na yata ng artikulo sa pahayagan at magasin ay sinunod mo na pagkatapos nanonood ka pa ng talk shows. Ngayon pa lang disiplinahin mo na.

Nasa gitna pa naman kayo ng problema ng iyong mister, wala kayong pera kung kaya dobleng paraan ang ginagawa ninyo ngayong dalawa para mabuhay ang buong pamilya. Dahil diyan akala ng anak mong teenager ay napapabayaan n’yo na siya. Ano nga ba ang nagbubunsod sa kanya para magrebelde?

Ang mga tradisyunal na disiplina ay hindi umubra. Kahit ang disiplina ng dati mong magulang ay ginaya mo na ang estilo pero hindi pa rin umubra.

Bagsak ang grado niya sa iskul, hindi gumagawa ng assignment at hindi mo na alam kung sa paanong paraan mo na siya kakastiguhin.

Narinig mo na ba ang pagkastigo nang hindi siya pinapalo para makinig siya at sumunod? Oras na siyang umayos kapag nasasaktan ka na. Ang mga sumusunod ay ilang paraan para madisiplina nang hindi siya tatamaan sa pisikal na paraan.

1. Kung kailangan niyang sumunod sa tamang pag-uwi sa bahay,dapat may dalawang bagay kang utos na paiiralin. Una ay sabihing “hindi puwede.” Ang paglabas-labas niya at pakikipagkaibigan ay isang uri ng prebilehiyo pero hindi isang karapatan kung kaya napakahalaga sa isang tinedyer na maintindihan ang kaibahan nito. Ang prebilehiyo ay binigyang kahulugan ng dictionary.com na isang “advantage o source of pleasure granted to someone, under certain conditions.” ‘Ika nga may kondisyon pa rin kahit nagagawa na niya ang gusto niya.

Habang ang right o karapatan naman ay binibigyang kahulugan na na isang bagay na “due to anyone by just claim, legal guarantees, moral principle, etc."

Karapatan ng bata na mamuhay ng nasa ayos, at ligtas na paligid. Ang pagdalo niya sa prom ay hindi isang karapatan, kundi isa itong prebilehiyo. Ikalawa, huwag siyang bigyan ng susi. Ang pagmamaneho niya ay isa sa pinakadakilang prebilehiyo na nae-enjoy ng tinedyer, pero kung limitado lang ang kanilang paggamit nito at hindi sila pinapayagan kung sinu-sino lang ang kasama niya, higit na susunod siya sa tamang oras ng kanyang pag-uwi.

2. Sa kaso ng isang tamad na bata na hindi man lang marunong mag-ayos ng sariling mga kalat sa kuwarto niya. Bukod sa marumi na ang mga gamit ay mukha pang binagyo ang buong kuwarto niya. Subukan ang ibang approach ng pag-uutos para malinisan ang sariling kuwarto. Ang mga teenager kahit pa sabihing mahilig sa bagong damit at pamporma pagkaharap sa mga kaibigan, pero kung hindi naman siya marunong mag-ingat sa mga branded na gamit na kanyang pinabili pa sa’yo at nakakalat lang kung saan-saang sulok ng kuwarto niya at nanggigitata, pinakamabuting kunin mo nang lahat ng mga mamahaling niyang damit at ikaw na mismo ang mag-ingat na itago ito. Palitan na lang ng mga de bangketang damit. Bigyan lang siyang plain colors na hindi dumihin, tulad ng grey, navy at black.

Sabihin mo sa kanyang isusuot lang niya ang mga branded niyang damit kapag kinakailangan at ipakita mo bilang magulang na may malasakit ka sa kanyang mga gamit. Oras na magbago na siya, saka mo lang na muling ibalik sa closet niya ang mga damit niya.

3. Kapag nakita mong tila hindi nakikinig ang iyong tinedyer, tanungin ang sarili kung tama ba ang iyong diskarte. Habang nagsasabi ka ng iyong tamang punto, nakikita mo bang naglalagay ba siya ng earphone at saka maglalaro ng mobile legend?

Wala ba kayong makahulugang usapan habang kumakain at sa halip ay text nang text ang iyong anak? Hindi maganda na gagamitin ng iyong anak ang mp3 na ikaw pa mismo ang bumili para hindi ka niya pakinggan. Kabastusang ugali ito. Tila hindi siya nakikinig. Kumpiskahin ang mp3 niya at huwag na itong ibabalik pang muli sa kanya, hayaan mo siyang mag-ipon ng pera para makabili ng sarili niyang gusto.