Dapat gawin para suportahan ang kaibigang gustong magladlad

ni Nympha Miano-Ang - @Life and Style | February 1, 2021

Dumarami na rin ang tumatanggap sa lipunan ng mga nag-out ng kanilang pagkatao, bading, tomboy, lesbian, bisexual, etc. man sa harap ng kanilang mga kaibigan at pamilya. Pero marami pa rin ang nalilito sa ganyang pagbabago sa kasarian ng mahal sa buhay lalo't puro straight ang buong pamilya, kumbaga, lahi ng mga sundalo at pulis, pero may lilitaw na ganyan sa uri nila.

At dahil nakagugulat sa parte ng isang kapamilya na hindi makapaniwala o hindi tanggap ang pangyayari pero bilang isang kaibigan ay nais mong mapanatili ang inyong friendship, mahalagang iwaksi ang panghuhusga dahil kaibigan siya ay nais mong ituring na parehong tao na iyong nakilala noon, isang taong minamahal mo at kinakailangan at gustong suportahan.

1. Makinig na mabuti sa anumang sasabihin ng kaibigang naglaladlad. Totoo ito sa lahat ng ga kaibigan, sa lahat ng oras, pero tunay na napakahirap na makarinig ng nakagugulat na pag-amin na ito mula sa kaibigan. Halimbawa na siya ay bakla o tomboy na hindi agad dapat manghusga, maging positibo man o negatibo. Hayaang mailabas niya ang sarili at maibahagi iyan ng kanyang pag-iisip, damdamin, mapagmalasakit na mga salita na iyong sasambitin dahil nariyan na nga iyan.

2. Paniwalaan ang kaibigan. Isa sa pinaka-karaniwang reaksiyon na lalabas ay siyempre hindi ka makapaniwala. Sila rin kasi ang taong matagal din namang tiniis ang nararamdaman at itinagong pagkatao bago sila nakapag-isip-isip din ng matagal bago naipagtapat o nasabi sa mga mahal sa buhay o mga kaibigan ang kanilang tunay na pagkatao at pagladlad.

3. Asahan ang mga pagbabago. Kung sinabi ng kaibigan o nagtapat siya na siya ay talagang may pusong babae, tiyak na magbabago na rin siya ng pangalan na gusto niyang itawag sa kanya at pangalan pa ng isang babae. Respetuhin mo na rin iyon at kung gusto niyang magpatawag ng bagong pangalan ng babae ay iyon na mismo ang siyang itawag mo sa kanya. Huwag ka nang magbiro na tawagin pa siya sa dati niyang pangalan na lalaki.

4. Huwag mong isuko ang pagkakaibigan dahil lang sa nagulat ka sa kanyang pagtatapat o rebelasyon. Kung talagang kaibigan mo siya, kailangang ipakita mo iyon at tanggap mo ang pagkatao niya. Kaya nga sa inyo niya unang ipinagtatapat dahil kayo ang unang makauunawa sa kanya. Ang kaibigan kasi ang unang mga tao na makatatanggap at gugusto sa kanya bago pa man maipagtapat sa sariling pamilya anuman ang magbago o mangyari dahil sila ang alam nilang may malasakit.

5. Ilihim na muna kung ililihim. Kung gusto ng kaibigan na ilihim muna ang kanyang pagkatao, respetuhin ang tiwala niyang ibinigay sa iyo. Kung ang kaibigan ay pinagkakatiwalaan, patuloy siyang magbubukas loob sa iyo, pero masasaktan siya kapag itsinismis mo sa iba.

6. Lagi ka dapat nasa tabi niya kapag kailangan ka niya. Ang mundo ay hindi laging mabait para sa kanilang mga ladlad lalo na sa mga kabataan pa. Kung kailangan ng kaibigan ng kausap dahil na-badtrip siya o kinutya ng iba, makinig na mabuti at bigyan siya ng suporta.

7. Maging kakampi ka. Hindi naman ibig sabihin na maging gay ka na rin , kailangang hindi pa rin ika nga magbabago ang lahat bilang siya sa iyo at bilang isang kaibigan.

‘Di confident mag-sleeveless? We got you!... Iba’t ibang paraan para pumuti ang kilikili

ni Nympha Miano-Ang - @Life and Style | February 1, 2021

Say no to maitim na kilikili!

Knows n’yo ba na puwedeng mapaputi ang kilikili nang safe at sa mas murang halaga? Truly, sa tulong ng DIY remedy o natural na proseso ay maaaring mapaputi o mas mapaganda pa ang ating armpit!

Para goodbye na sa maitim na underarm, narito ang ilan sa mga puwede nating gamitin o gawin:

1. APPLE CIDER VINEGAR. Para sa mixture, kailangan ng 2 teaspoons ng apple cider vinegar at 2 teaspoons ng baking soda. Paghaluin lamang ang mga ito hanggang sa bumula saka i-apply ang mixture sa kilikili at hayaan itong matuyo. Pagkatapos ng 10 hanggang 15 minuto ay banlawan ito gamit ang malamig na tubig. Maaaring ulitin ang proseso ng tatlong beses kada linggo. Ang apple cider vinegar ay nagtataglay ng mild acids na nakatatanggal ng dead skin cells at disinfectant din ito.

2. PATATAS. Magkaskas lamang ng patatas at pigain ito hanggang sa magkaroon ng juice saka direkta itong i-apply sa kilikili. Ibabad ito sa loob ng 10 hanggang 15 minuto saka banlawan. Maaari itong gawin at ulitin nang dalawang beses sa isang araw hanggang sa makita ang magandang resulta. Ang patatas ay natural bleach at anti-irritant. Isa pa, instant remedy din ito sa pamamantal at pangangati.

3. OLIVE OIL. Paghaluin lamang ang 2 tablespoons ng virgin olive oil at 2-3 tablespoons ng brown sugar para sa mixture. Ilagay ang mixture sa kilikili saka ibabad ng limang minuto. I-massage ito habang natutuyo saka banlawan gamit ang maligamgam na tubig. Para sa mas epektib na resulta, gawin ito ng dalawang beses sa isang linggo. Ang olive oil ay mayaman sa antioxidants na siyang nagha-hydrate at nagpapaganda sa balat. Samantala, ang brown sugar naman ay epektib na exfoliant.

4. CALAMANSI. Maghiwa lamang ng ilang piraso saka ipahid ang mismong calamansi sa kilikili nang 2-3 minutes. Hayaan ito ng hanggang 10 minutes bago banlawan. Gawin ito regularly o 3-4 times kada linggo. Ang calamansi ay nagtataglay ng mataas na konsentrasyon ng citric acid, na natural na exfoliant at bleach. Pero mag-ingat sa paggamit dahil maaari nitong masunog o masira ang balat kapag mali ang paggamit kaya hindi ito advisable kapag may sensitive skin.

5. TURMERIC. Kailangan lamang ng 1 teaspoon ng turmeric powder, 1 tablespoon ng gatas at 1 teaspoon ng honey. Paghalu-haluin ang mga ito hanggang sa maging paste saka i-apply sa kilikili. Ibabad ito sa loob ng 10 hanggang 12 minuto saka banlawan. Ulitin ito nang dalawang beses sa isang linggo. Ang turmeric ay natural na nakakaputi ng balat, habang ang gatas naman ay mayroong lactic acid na oks sa proseso ng pagpapaputi ng kilikili. Samantala, ang honey naman ay soothing agent.

‘Ika nga, hindi mahal ang magpaganda. Basta matiyaga lang ay sure na maa-achieve ang skin na gusto natin. Kaya naman, try lang muna kung epektib! Okay?

Sawa na sa boring na ganap?... Prank ideas na puwedeng subukan sa birthday celebration

ni Nympha Miano-Ang - @Life and Style | January 31, 2021

Pandemic ngayon, batbat nang lungkot ang marami, pati na birthday celebration hindi puwedeng i-celebrate nang bongga at hindi puwedeng mag-imbita ng marami dahil mahigpit na ipinagbabawal ang pagtitipon ng maramihan. Hmmm, tutal uso naman sa social media ang pranks, uso nang gawin ang panloloko sa mga mahal sa buhay at ito naman ay tinatawag na Birthday Prank Ideas.

Hindi lang practical jokes ang ginagawa ng marami kundi sa birthday surprise prank ay pinapauso na rin ito ngayon para naman kahit paano masaya ang pagtitipon kahit kayo-kayo lang.

Nauuso ang tiktok practical jokes at tricks, makiki-joke na rin tayo mga beshies!

Kung nais ninyong ang isang kaibigan, close family member ay gawan ng joke para sa kanilang kaarawan ngayon, heto ang mga magagandang ideya.

1. PEKENG PARTY. Dahil marami naman ang game ngayon pampaibsan ng lungkot, panahon na puno ng mga biro, paghandaan siya ng pekeng party. Puwede kang gumawa ng dekorasyon sa isang party kunwari at sabihin sa kanya na para ito sa birthday niya. Imbitahin siya rito. Siyempre, pagpasok niya rito ay mag-isa lang siya, may handa ka nang cake, balloons at mga pagkain kunwari, pero may isang oras na siyang naghihintay ay wala pang dumarating sa mga imbitado niyang dalawang kaibigan. Hayaan muna siyang mairita o maiyak at pagkaraan ay saka na siya dalhin sa likod-bahay kung saan talagang naroon ang mga bi4sitang mahal sa buhay.

2. PRAKTIKAL NA BIRO. Bigyan ng iba’t ibang biro ang taong may kaarawan maging sa kanyang bisita. O kaya naman ay atasan ang dalawang inimbitang bisita na magbaon na ng kanilang mga practical jokes para sa magbe-birthday. Ang ilang jokes ay puwedeng nakakapikon, kaya naman tiyakin sa dumalo ang plano mong inaasahan para sa magbe-birthday.

3. NAKASOSORPRESANG PA-BDAY. Punumpuno ka ng naiisip na pam-prank, ito ang pinakamainam na panahon na magkaroon ng sorpresa sa kanya. Kukutsabahin mo kunwari ang delivery boy na magdadala sa kanya ng isang mamahaling bag o accessories at saka siya sisingilin sa halaga ng naturang gamit na inorder niya online. Tiyakin mo na mahusay umarte at mag-prank ang rider, matapang na sisingilin siya sa items na tiyak mo ring iyon ang pangarap niyang maging regalo sa kanya. Iyan ang tiyakin mo na magiging ultimate prank sa iyong gustong biruin na mahal sa buhay.

4. TEMANG MARAMING BULAKLAK. Kung magbibiro ka sa isang magbe-birthday, gamitin mo ang mga bagay na ayaw na ayaw niya. Tulad na lamang ng paglalagay ng maraming bulaklak at iba pang pastel na kulay at idekorasyon ito, samahan pa ng mga bulaklak, malalaking gagamba, bubuyog at iba pang ka-weirduhang bagay sa kanya.

Maganda namang pang-welcome ang mga bulaklak at kakaiba hindi ba, lalo na kung pangkaraniwan na lang lagi ang selebrasyon ng kanyang kaarawan at gawing kakaiba naman para mas masaya at nakatutuwang selebrasyon.

MGA PAGKAING PAMBIRO PARA SA MAY KAARAWAN

Ang agahan ay pinakamahalagang pagkain sa buong araw at walang pinakamagandang paraan para masimulan ang birthday pranks day sa isang mangkok na lugaw, sasamahan ng isang burger o pandesal na pinatigas. Wala kang ibang gagawin kundi dagdagan ng ilang patak ng food coloring ang lugaw, puwedeng itim o pula, depende sa gusto mong kulay na nakakadiri o nakakadiwara.

Kung medyo hindi patok ang joke, mag-serve ng isang pekeng meatloaf sa umaga. Gumamit ng pira-pirasong chocolate rice cereal para magmukhang karne, magdagdag ng maliliit na piraso ng tuyong prutas para magmukhang sibuyas o kamatis. O kaya magpalaman ng bagoong sa pandesal na kunwari ay corned beef.

SA KATANGHALIAN.Kung magbabalot ng pack lunch para sa mga bata, maglagay ng laruang ipis na kunwari ay nakakapit sa mansanas. O kaya ay butasan ang saging na tama lang para pasukan ng gummy worm at ipasok ito rito.

ANG MATAHIMIK NA HAPUNAN NG PAMILYA. Sa hapunan lang karaniwang nagsasalu-salo ang lahat o nagsasabay ng pagkain. Kunwari ay nilagang dahon lang ng kamote ang ulam at tuyo ang nakahain. Hayaan muna silang medyo mairita ng konti at saka mo na ilabas ang tunay na masasarap mong pagkain na inihanda.

IMPOSIBLENG KAININ NA PAGKAIN. Kung sadya talagang maloko ka sa pagbibiro kaysa ang magluto, puwedeng magsilbi ng pagkain na totoo, pero hindi matataba. Punuin ang isang bowl ng 1/3 na tubig at ilagay ito sa freezer sa gabi pa lang bago ang pranks day. Kinabukasan, ilabas ang bowl na nakoberan ng yelo, gawing imposible itong kainin.Silbihan pa ang frustrated fruit salad eater ng isang cup ng kunwari ay juice pero gelatin ito sa isang baso na pinalamig mo rin ng gabing iyon. Kaya kahit inumin niya iyon ay matatawa ka na lang dahil matigas ito at hindi maiinom.