Mga paraan para tumibay ang friendship

ni Nympha Miano-Ang - @Life and Style | February 4, 2021

Dumaraan ang panahon, lahat tayo ay nagkakaroon ng pag-iibayo sa ugali. Dahil mula sa ating pagkabata ay si beshy na ang iyong laging kasama. Pero habang kayo ay lumalaki ay nag-iiba na ang pananaw at ugali, na iyong iba ay may mga inaasikaso nang mga anak, may pamilya na, busy na ang iba sa career, dinadala na ng kanilang mga asawa sa malayo, ang iba ay single pero nasa malayo nakatira.

Masaya ang pagkakaibigang laging may reunions pero sa ngayon ay sa virtual na lang muna o chatting muling magkikita-kita, may mga tsismisan, makita ang isa’t isa at mabalitaan kung paano nagbago. Pero kung sa buong buhay natin ay sila pa rin ang mga taong ating kasama, dito na natin mapapansin kung anong kalidad ng friendships mayroon tayo, ang kanilang impluwensiya sa ating buhay na parang higit pa sa kapatid.

Okey lamang kung sila pa rin ang mga taong close sa iyo, pero may iba’t ibang kalidad ng friendships at iba’t ibang uri ng relasyon ang naghahatid sa atin ng pag-iibayo sa buhay.

ILANG PARAAN UPANG UMIBAYO ANG KALIDAD NG FRIENDSHIPS:

1. Ang responsibilidad ay isang mahalagang parte ng friendship. May ilang tao na nakakasalamuha mo dahil sa tradisyonal, loyalty at closeness. Sila ang mga taong kilala mo na sa buong buhay mo, kaysa sa iba. Pero ang koneksiyon at alaala ay isang bagay na nababawasan kung minsan. Ang positibong impluwensiya ay mahalaga, pero kung ang isang tao sa nakaraan ay negatibo o hindi mapagsuporta, oras na para hindi sila ang taong taong dapat mang-impluwensiya sa’yo.

2. Ang isang good friends ay dapat handang makinig at rumespeto sa iyong mga alalahanin at may malasakit sila kapag kailangan mo ng suporta. Ang taong nakauunawa na kailangan mong may makinig sa’yo o iyong napakikinabangan mo ang kanilang payo ay mahalaga. Iyong hindi ka tensiyunado at hindi ka hinuhusgahan sa iyong ugali o pintas ay mahalagang kalidad ng friendship. Ang quality friends ay nariyan kapag kailangan mo sila.

3. Ang kompromiso ay mahalaga sa relasyon. Ang iyong mga ideya ay dapat napapakinggan, ang iyong mungkahi ay pinahahalagahan at ibinubulalas.

Kung ang kaibigan ay hindi interesado sa aktibidad, bago mong ideya, mga bagay na iyong iminumungkahi, maaaring oras na para makakilala ka ng iba na mas kasundo mo.

4. Ang kumpiyansa ay dapat umibayo para makasakay ka sa pagbabago at okey sa iyo. Ang isang grupo ay dapat masaya, komportable sa kanilang mga ginagawa.

Kailangang kumpiyansa ka sa grupo mo na masasabi mo ang iyong opinyon at mga kagustuhan.

5. Ang bagong kaibigan ay dumarating mula sa trabaho, o nakilala lang sa isang okasyon. Sila ang mga mapagtanggap, positibong tao sa buhay. Nage-enjoy din sa oportunidad na sumubok ng bagong atkibidad na gaya mo.

Mahalaga na may oras ang kaibigan na pahalagahan ang relasyon. Kahit na pagkapehin ka lang niya o ilibre ng lunch.

6. Ang magawa ninyo pareho ang mga bagay na ikinasisiya ninyo pareho ay mahalagang commitment na sa sarili at kalidad ng buhay. Ang isang good friends ay dapat binibigyang atensiyon. Sila ang mga taong nagmamalasakit, nagbibigay payo, nakauunawa kung saan ka nanggaling, mga bagay na nagpapasiya sa iyo o nagpapalungkot.

Ang mga taong totoo ang loob na may pareho mo ring best interes sa puso ay espesyal. Kahit na hindi ka sang-ayon sa kanila o hindi na sundin ang kanilang payo, basta nirerespeto ka pa rin at nanatiling kaibigan ay senyales ng kalidad ng relasyon, isa siyang tunay na kaibigan.

7. Ang positibong relasyon ang sumusuporta sa iyo at natutulungan ka para umibayo sa buhay. Kapag napapaligiran ka ng mga taong mula sa iba’t ibang parte ng buhay, may nasasandalan kang mga mahalagang tao sa buhay.

Mga taong kabahagi mo ng iyong mga pangarap, malasakit, unawa, anuman ang isyu. Ang ilan ay maaaring mga nagdaan nang kaibigan o kaya iyong mga bago pa lang dumating sa buhay mo.

Ang pagkakaroon ng oras at espasyo sa buhay para sa kalidad na kaibigan ay napakahalaga.

Tips para 'di masobrahan ang bata sa paglalaro ng video games

ni Nympha Miano-Ang - @Life and Style | February 3, 2021

Nakalulungkot ang nakita nating isang viral post ng isang magulang kung saan ang kanyang musmos na anak ay naging malubha ang bell's palsy o iyong hindi makontrol na pagpikit-dilat ng kanyang mga mata, hindi makatulog at hindi makakain ang bata dahil dito. Hinala ng kanyang ina ay dahil sa hindi nakontrol ang bata sa maghapon at magdamag na pagbababad sa computer o video games.

Kapag sinabi mo kasing tama na ang panonood ng TV, tiyak sa computer naman haharap ang bata. Parehong nakakaadik sa bata ang dalawang screen na iyan.

Mayroon pang ilang mga kaso na namatay ang bata dahil sa pagbababad sa computer games, ang American Academy of Pediatrics ay nagrekomenda na lamang ng 1 hanggang 2 oras na TV programming , kabilang na ang screen time sa computer.

Ang paglimita sa oras sa computer ay ginagamit para lamang sa educational purpose at mga school work.

1. Ilagay ang family computer sa isang karaniwang lugar kung saan namomonitor ang bata.

2. Sumang-ayon sa araw-araw na limitasyon para sa computer use, parehong sa school work at entertainment. Ipaliwanag na ang computer ay hindi dapat gamitin para sa games o social media surfing hanggang sa ang homework at gawain ay nakumpleto na sa isang araw. Magtakda ng espesipikong oras, tulad ng isang oras, kapag gagamit na ang bata ng computer para sa games o websites.

3. Magtakda ng time limits na kailangan. Ang games at website ay dapat nang i-off sa pagtakda ng timer.

4. Tulungan ang bata na matuto ng computer efficiency tulad ng tamang pagtitipa at key padding. I-bookmark ang favorite sites niya para hindi siya makapunta sa ibang web address. Lagyan siya ng index card para sa avatars at passwords sa bawat site.

5. Mag-surf online na kaharap ang bata para maturuan siya ng internet etiquette.

6. Kailangang turuan ang anak sa computer lalo na’t lumalaki ang bata. Ipaliwanag na ang kanilang gagawin at titingnan sa computer ay naka-monitor.

7. Ipagbawal siya na magkaroon ng chatmate. Ipaliwanag ang peligro ng pakikipag-chat sa kahit sino para maintindihan niya ang panganib. Hikayatin sila na na maging alerto sa anumang nakasususpetsang mga taong makikipag-chat sa kanila.

8. Hikayatin siya na may ugaliin ang sports activities at iba pang hobbies at kung maaari magkaroon ng maraming magagamit na bagay para mas mahirati siya sa sports kaysa ang magbabad sa computer.

Bago pa magkademandahan, tips para mabalanse ang galit at hindi makasakit ng kapwa

ni Nympha Miano-Ang - @Life and Style | February 2, 2021

Sa ating buhay hindi maiiwasang sapitin natin ang mga pagdurusa at kalungkutan, maging ang kabiguan. Maging sa panahon man ng pagkamatay ng mahal sa buhay, pakikipagtalo sa asawa o sa kaanak o maging sa ibang tao ay pawang karaniwan at normal na bahagi ng buhay.

Ilan na bang mga insidente ang nabalitaan natin na kapag may nakakagalit ang tao sa kanilang loveones ay kanilang sinasaktan ang mga ito o kaya ay kinikitil ang buhay.

Relaks lang, maging mahinahon at mapagpasensiya. Kadugo mo iyan at sila ang mga taong magiging kakampi mo balang-araw at hindi dapat na saktan o buwisan ng buhay dahil lamang sa mga bagay na hindi napagkakasunduan.

1. Paligiran ang sarili ng mga mapagsuportang pamilya at mga kaibigan na tutulong sa iyo para masabi mo ang iyong damdamin habang nagdurusa ka. Marami ang nagkukulong sa kuwarto kapag nasa grieving period pera mas mainam kung may kakausap kang close na kaanak na magpapalakas ng loob mo. Sila ang tutulong sa iyo sa oras na kailangan mo sila.

2. Tanggapin na galit ka sa iyong sarili at sa iba. Ito’y para mapakampante ang sarili.

3. Pag-aralan ang damdamin ng galit at iba pang emosyon na siyang pinagmulan ng iyong kabiguan at pagdurusa. Tanungin ang sarili kung bakit ka ba nagagalit ngayon. Alamin nang eksakto kung bakit ka galit at kung ano ang eksaktong dahilan ng iyong ikinagagalit. Maaring galit ka dahil iniwan ka ng mister mo at sumama sa ibang babae. Tanggapin ang dahilan ng iyong galit at unawain ang rasong balido.

4. Pangalagaan ang sarili. Matulog nang sapat ang oras at nasa tamang oras. Tiyakin na kumakain ng tamang masustansiyang pagkain. Mag-ehersisyo at iwasan ang pag-inom ng alak o paggamit ng droga na magpapalala sa depresyon at galit.

5. Ilabas ang galit at emosyon sa harap ng isang tagapayo o counselor, support group o mga kaibigan. Okey lang na mailabas ang galit sa ganitong estado, pero kung feel mo na walang kontrol ang galit mo. Subukang huminga ng malalim o maglakad nang malayo para mapakalma. Hayaan mong malaman ng iyong kakampi na galit ka at kung bakit ka galit. Ipahayag mo ang iyong emosyon sa bisa rin ng pagsusulat, pagpipinta o paghahardin, paghahalaman, pagdidisenyo sa loob ng bahay, paggawa ng scrapbook o magagandang mga picture frames.

6. Ihinto na ang galit at sama ng loob matapos na mailabas na ang iyong niloloob. Alisin na ang inis sa dibdib,ito’y para mapalago na ang iyong sarili at ituloy ang matiwasay na buhay.