HEART, PINUPURI ABROAD, DEDMA RAW SA ‘PINAS BILANG FASHION ICON

ni Nitz Miralles @Bida | July 6, 2026

Photo: FB Heart Evangelista

May tampo ang mga fans ni Heart Evangelista sa ilang local fashion magazines dahil hindi raw tunay na naa-acknowledge si Heart at ang contribution nito sa Philippine fashion.

Comment na, “Imagine being disrespected and overlooked by PH fashion magazines... writing article after article, yet not mentioning Heart ever once na nag-attend ng fashion events. 

“Akala nila, by ignoring her presence, she’ll disappear and won’t be relevant anymore, not knowing that sometimes the loudest statement is the name deliberately left out of the story.”

Marami sa mga supporters ni Heart ang nag-agree sa comment dahil dinededma raw ang idol nila sa sariling bansa, samantalang well-loved ito sa ibang bansa, lalo na sa Paris.

May napa-comment pa ng “@iamhearte You should have stayed in Paris, Missy. You are much more loved there compared to the Philippines. The vibes are so chill, and there’s a sense of happiness and peace that just radiates. 

“Paris truly has a special way of making people feel at home, and I believe you would have found so much joy and comfort there. 

“Remember, sometimes it’s okay to follow your heart and seek the happiness you deserve.”

Naglabas ng tampo ang mga fans ni Heart dahil sa magkasunod nitong post sa Instagram (IG) na kasama niya ang mga sikat na designers na sina Stéphane Rolland at Giambattista Valli. Mahal si Heart ng mga nabanggit, na ipinagpapasalamat ng mga fans.

Kaya lang, parang hindi naman siya dinededma ng local fashion industry dahil laging present sa mga fashion events. 

Si Heart Evangelista pa ba ang dededmahin?

---

Tinalo si Iga Świątek…

ALEX EALA, INULAN NG PAGBATI NG MGA CELEBS

Positive vibe ang dala kapag binasa ang mga comments sa Instagram ni Alex Eala na karamihan ay kino-congratulate ang Philippine pride sa tennis matapos talunin si Iga Świątek. 

Si Iga ay isang Polish professional tennis player. Siya ang World No. 3 sa Women’s Tennis Association singles rankings at reigning 2025 Wimbledon champion.

Mababasa ang mga pangalan nina Aga Muhlach, Agot Isidro, Gary Valenciano, Alfred Vargas, Ogie Alcasid, Iya Villania, Rufa Mae Quinto, Angeline Quinto, Ryan Agoncillo, Camille Prats, Eugene Domingo, Luis Manzano, John Prats, Pops Fernandez, Shaina Magdayao, Rajo Laurel, Rodjun Cruz, Isabelle Daza, Gina Alajar, Arlene Muhlach, Bianca Gonzalez, Rafael Rosell, Jodi Sta. Maria, Ben Alves, Karla Estrada, Jerald Napoles, Matteo Guidicelli, at Kim Atienza sa mga nagpaabot ng kanilang pasasalamat at congratulatory messages.

Ilan sa inspiring messages na ipinaabot kay Alex ay galing sa mga netizens na ang sabi, “The little girl with ruffled socks just inspired an entire nation,” at “You gave people hope when the country needed it most.” 

Hindi namin mahanap ang comment na nagsabing Alex inspires young girls to pick up a tennis racket para sundan siya.

Hindi lang maiwasan na may bashers at tinawag na nepo baby si Alex dahil rich kaya afford ang training sa Rafael Nadal Tennis Academy sa Spain. May nag-comment pa na OA (overacting) ang paghiga niya sa tennis lawn nang manalo siya.

Sagot ng mga fans ni Alex sa mga bashers nito, “‘Pag inggit, pikit.” 

Nakakatuwa rin na maraming foreign vloggers ang nagtanggol kay Alex sa OA reaction nito upon learning that she won. 

Sabi ng isang vlogger, kung siya ang nanalo, baka hindi lang siya nahiga sa tuwa, baka may ginawa pa siyang kakaiba.

---

BEAUTY queen ang datingan ng sexy star na si Astrid Lee at inamin nitong dream niyang maging beauty queen at FA o flight attendant. Hindi lang niya ipinursige ang dalawang pinangarap dahil kulang siya sa height.

Kaya ang ending, nag-showbiz si Astrid at mukhang sa larangang ito siya sisikat, lalo na at very open siya sa sexy and daring scenes. 

Sa bago nitong pelikula sa VMX na Lunok, nakipagsabayan siya sa co-star na si Allison Ross sa kanilang GL (girls’ love) movie.

Hindi raw siya nailang sa mga eksena nila dahil best friends sila at nagsuportahan. 

Suportado nila ang isa’t isa at nagsasabihan ng “Kaya mo ‘yan,” na totoo namang nakaya nila ang sexy scenes.

Pinsan ni Ice Seguerra ang director ng Lunok na si Ranierio Yamson II at siniguro nitong hindi madi-disappoint ang mag-i-stream ng movie sa VMX.

“Mapapalunok talaga kayo ‘pag napanood ninyo ang Lunok,” paninigurado ni Direk Ranierio.

‘Di pang-GF… WILBERT: BEA, WIFE MATERIAL

ni Nitz Miralles @Bida | July 5, 2026

Photo: FB Wilbert Ross

Hindi na lang love team sina Bea Binene at Wilbert Ross, business partners na rin sila dahil sila ang nasa likod ng Sunset Avenue Shades. 

In-announce ito ng dalawa sa mediacon ng latest Viva One series na Love U Lots (LUL), kung saan nai-share ng direktor na si Victor Villanueva na more kilig ang series bilang isang romcom.

Last July 4, ini-launch nga ng WilBea ang Sunset Avenue na ang mga pangalan ay hango sa favorite local tourist destinations. Ang pangako ng dalawa, more joint business pa ang kanilang pagsasamahan plus more projects to come. Nauna lang itong LUL na streaming na on July 24.

Hindi madi-disappoint ang WilBea fans sa LUL dahil sa teaser pa lang, sobrang kilig na ang napanood, na naging dahilan para magsigawan ang mga fans na present sa Robinsons Manila.

Dagdag na kilig pa ang sagot ni Will sa tanong kung girlfriend material ba si Bea, “More on GF material, she’s wife material.” 

Binanggit nito ang qualities ni Bea na supportive, maalaga at mabait, kaya ganoon ang kanyang sagot.

Eight episodes ang LUL kung saan gagampanan ni Bea ang karakter ni Ysa na may Dissociative Identity Disorder o DID.

Sey sa promo, “The series offers a fresh and unconventional love story that proves romance can take many unexpected forms.”

Follow-up ito ng WilBea sa successful run ng Golden Scenery of Tomorrow at simula ng pagsikat nina Wilbert at Bea. Ngayon, isa na ang love team nila sa pinakasikat among the love teams ng Viva.

---

‘Di raw maganda… PAG-AKBAY NI BIMBY KAY RYZZA, PINALAGAN NG FANS

May request kay Bimby Aquino ang mga fans nila ni Ryzza Mae Dizon at sana raw ay mabasa nito. 

Napanood nila ang video na magkatabing naglalakad ang dalawa nang biglang ilagay ni Bimby ang braso niya sa balikat ni Ryzza na off para sa mga fans.

Sunud-sunod ang comments na, “Ipaalala mo kay Bimb, ‘wag ilagay ang braso n’ya sa shoulder mo, please,” “‘Wag naman sana ilagay ni Bimb ang braso n’ya sa balikat ni Ryzza,” at “Medyo nailang ako sa pagpatong ng kamay ni Bimb. Medyo ‘di okay tingnan.”

Fans na rin ng MaeBy ang sumagot at ang paliwanag, “Magkaibigan sila, biruan nila ‘yan.” 

May nag-quote naman sa PA (personal assistant) ni Bimby na si Jack Salvador. Komportable raw ang dalawa sa ginagawa ni Bimby at love language nila ang pagpatong ni Bimby ng braso sa balikat ni Ryzza.

Hopefully, makarating kina Bimby at Jack ang concern na ito ng mga fans para ma-address at, kung nakaka-offend sa iba, itigil ni Bimby. Pero, kung hindi naman isyu kay Ryzza at kung komportable siya sa ginagawa ni Bimby, walang rason para itigil.

Ibig sabihin nito, nakikita at napapansin na ang mga kilos nina Bimby at Ryzza at isa na naman ito sa mga signs na lumalaki na ang grupo ng kanilang mga fans.

Samantala, sa Saturday episode ng Eat… Bulaga! (EB!), biniro ni Joey de Leon si Ryzza kung kailan sila mag-uusap ni Kim Chiu. 

Sagot ni Ryzza, nag-wave at nag-dialogue ng “Hi po!” 

Sa ngayon, si Kris Aquino ang may power na pagtagpuin at pag-usapin ang dalawa. Kailan kaya sila magkikita?

---

SOBRANG aliw ang new song ni Regine Velasquez at sa title pa lang na Espasol, magke-crave at magugutom ka na. 

Pinakinggan namin ang song na, in fairness, nabanggit ang iba pang local kakanin gaya ng bibingka, suman, pichi-pichi, atbp., pero ang espasol ang pinakaespesyal.

Natuwa ang mga netizens dahil hindi nila inakalang magkakaroon ng song ang espasol at dahil si Regine ang kumanta, siguradong magna-number one. 

Hindi nabanggit kung sino ang composer, kaya lang, may Ogie Alcasid feels ang song, kaya malamang si Ogie ang sumulat nito.

And speaking of Regine, available na ang tickets sa Finale concert niya sa July 30. 

Sa October 17, 2026 ang first night ng concert at TBA o to be announced ang details ng October 18 concert. Last major concert ito ni Songbird kaya sisiguraduhin ng mga fans na mapapanood nila ito.

Well, naghahanda na rin si Regine sa two-night finale major concert niya. Kumonsulta na siya kay Dr. Roland Angeles, isang internal medicine doctor na specializes in weight loss treatment. Sisiguraduhin niyang fit na fit siya sa kanyang concert to give the fans what they want to see in her last major concert.

Obyus na super in love… KATHRYN, TAGAPILI NG POLO PARA KAY MAYOR MARK

ni Nitz Miralles @Bida | July 4, 2026

Photo: Circulated

Spotted na uli si Kathryn Bernardo at ang boyfriend nitong si Lucena City Mayor Mark Alcala sa isang clothing store. 

Sa lumabas na larawan, ang aktres ang nagtse-check ng naka-display na polo at nasa tabi niya ang BF.

Comment ng mga netizens, parang nasa men’s section ang dalawa at kung si Kathryn ang nagtse-check ng mga polo, baka sa kanya raw ipinamahala ni Mark ang pagpili ng bibilhing polo. Kaya lang, sa taas ng rack, blouse ang naka-display. Ibig kayang sabihin, polo for Mark at blouse for her ang itsine-check ni Kathryn?

Matagal ding hindi nakitang magkasama sina Kathryn at Mark, siguro dahil busy ang aktres sa taping ng Someone, Someday (SS). Pero, kita n’yo naman, nang magkaroon ng free time, nag-date ang magdyowa.

Kapansin-pansin na kumonti ang mga fans ni Kathryn na hindi pabor sa boyfriend niya ngayon. Nag-iba na ang tono ng karamihan sa kanila. Tanggap na nila ang BF ni Kathryn at katwiran nila, kung saan masaya ang aktres, susuportahan nila. 

Dapat lang namang tanggapin nila dahil si Mark ang mahal ni Kathryn at nagpapasaya sa kanya. Blooming daw ang aktres ngayon at ibig sabihin, masaya ang buhay niya.

---

ANY day now, mapapanood na si Jennylyn Mercado sa The Master Cutter (TMC) dahil magge-guest siya sa action series ni Dingdong Dantes. Nag-taping na ang aktres sa role ng isang bungangerang babae na may struggle sa buhay.

Nang ma-interview sa 24-Oras, wala pang nakunang eksena sina Jennylyn at Dingdong pero sabi nito, “Excited na ako to work with Dingdong again. Six years ago pa kami nagkatrabaho, kaya looking forward ako na makatrabaho uli s’ya.”

Sa Philippine adaptation ng K-drama na Descendants of the Sun (DOTS) pa huling nagkatrabaho sina Jennylyn at Dingdong at hindi na muling nagkasama. Ngayon lang uli, kaya siguradong pati ang aktor ay excited.

Pinuri naman ni Jen ang child actress na si Sienna Stevens, gumaganap bilang Ibyang sa action series. 

“Sobrang galing n’ya, wala akong masabi. Dalang-dala ako sa kanya. Niyayakap ko s’ya pagkatapos ng eksena n’ya dahil magaling,” sabi nito.

Sa kuwentong ito ni Jennylyn, lumalabas na may mga eksena sila ni Sienna, kaya abangan natin. Maganda rin ang twist ng karakter ng batang aktres. Hintayin natin na madiskubre ‘yun.

---

INI-REPOST ni Bela Padilla ang post ng isang estudyante na nagpa-fundraising para sa kanyang pag-aaral. Nanawagan ang estudyante na si Jhomar Luna na matulungan siya na mabayaran ang balance ng tuition fee niya para makapag-enroll.

Kabilang si Bela sa mga tumugon sa Piso Para sa Tuition Fee na panawagan ni Jhomar at sabi nito, “Guys, tayo-tayo na ‘to.”

Nagpasalamat kay Bela ang estudyante dahil sa pagre-repost nito, mas marami ang na-inform sa fundraising. May isang basher lang na nag-comment ng “Girl, you think this is funny?” 

Sinagot siya ni Bela ng “U ok (are you okay)?”

Aabot sa P24,112.87 ang kailangang i-raise ni Jhomar at may mga nauna nang nagpadala ng tulong. Siguradong mabilis na maiipon ang nasabing amount dahil, for sure, hindi lang piso ang ibibigay na tulong ng aktres.

In fairness kay Bela, this is not the first time na tumulong siya sa mga nanghihingi ng tulong sa kanya. Kaya naman tuluy-tuloy ang dating ng projects sa kanya. Isa na rito ang movie nila ni Maricel Soriano na Life After You. Tapos, masaya pa ang love life ng aktres, halos kumpleto na nga ang buhay nito.

---

LQ lang, ‘di pa hiwalay…

JOHN LLOYD AT ISABEL, OKS NA ULI

INI-LIKE nina Bea Alonzo at Ellen Adarna ang post ni John Lloyd Cruz (JLC) ng photo ng GF na si Isabel Santos. Ilang kaibigan din at fans ng aktor ang nag-like ng post niya ng larawan ng nobya kahit nakatalikod at buhok lang at bitbit na payong ang malinaw na nakikita.

Comment ng mga netizens, baka nagkatampuhan lang ang dalawa nang mag-post si Isabel ng cryptic post na nagpahiwatig na break na sila ni JLC. May naniwala namang baka dumaan lang sa birthday blues si Isabel.

Ang unsolicited advice ng mga fans ni JLC, magpakasal na sila ni Isabel at simulan na nilang bumuo ng pamilya. Huwag na raw nilang bigyan ng problema ang mga fans na baka maghiwalay pa sila.