Bagay daw sa GF ni Ruru… BIANCA BILANG NEXT DARNA, APRUB SA FANS

ni Nitz Miralles @Bida | June 6, 2025

Photo: Bianca Umali - Sparkle Tour, IG

Tila nauuso ang pagpo-post ng pictures na nakatalikod ang subject. Nauna na si Tom Rodriguez at ngayon naman, si Bianca Umali. Iba ang dating sa post niya ng picture ng Lola Vicky niya kasama ang boyfriend na si Ruru Madrid. Inaalalayan ni Ruru ang lola ni Bianca na lalong nagpaantig sa puso ng mga nakakita.

Simple lang ang caption ni Bianca sa post niya, “2 in 1: 2 pillars of my life in 1 photo.” 

Sumagot si Ruru ng “Mahal ko kayo,” na pinusuan ng mga netizens.

Sa mga interviews sa kanya, laging binabanggit ni Bianca kung gaano niya kamahal ang lola niya na nagpalaki sa kanya mula nang pumanaw ang kanyang mga magulang. Bago dumating si Ruru sa buhay ni Bianca, dalawa lang sila ng lola niya, pero ngayon, sabi nga nito, dalawa na ang pillars niya.

And speaking of Bianca, may request ang mga netizens sa GMA na pagkatapos ng Encantadia The Last Chronicles: Sang’gre (ETLCS), gawin din ng network ang Darna at kay Bianca pa rin ibigay ang nasabing project.

Bagay daw kasi sa aktres ang maging bagong version ng Darna at kayang-kaya nito ang mga stunts dahil galing na siya sa matinding training sa Sang’gre. 

Hindi na raw kakailanganin ng matagal na training ni Bianca kung siya ang mapipili para muling lumipad sa Darna.

Kaya lang, bago lumipad, makikipaglaban muna si Bianca sa mga manggugulo sa Encantadia. 

Sa June 16 na ang premiere ng fantaserye na marami ang nagmahal at marami pa rin ang nagmamahal. Ang daming bagong karakter na dapat abangan at isa sa mga gustong mapanood ng Encantadiks ay kung paano napuno ng yelo ang EDSA. Kaya abangan!

---

Tahimik daw ang buhay, Carla…

TOM, IPINAGSIGAWANG SOBRANG SAYA SA BAGONG DYOWA

Ang ganda ng caption ni Tom Rodriguez sa family post niya kung saan ipinakita ang partner niya (baka wife na niya) at ang baby boy nila. Nakatalikod nga lang sa photo ang mag-ina ng aktor.

“Some treasures in life are too sacred to put on full display. This isn’t about hiding... it’s about holding.

“Holding close to what grounds me. What restores me. What reminds me of who I am beyond the lights, the noise, and the roles I play.

“This family of mine is my sanctuary... My peace. And in a world that often demands a performance, they are where I’m most real. #FamilyFirst #Gratitude #QuietJoy #Sanctuary.”

Ang gaganda rin ng comments sa post na ito ni Tom at sa nag-comment ng masaya siya para kay Tom at bagay sa kanya na masaya siya, ang sagot ng aktor, “Sobra-sobrang saya araw-araw!”

Wish ng mga fans ni Tom na sa Father’s Day sa June 15, may face reveal na siya kay Baby Korben at sa mom nito at pati raw name ng partner ni Tom, isama na rin sa reveal para mas masaya.

---

BALIK-HOSTING na uli si Luis Manzano after ng elections at babalikan nito ang mga game shows niya sa ABS-CBN. Una niyang babalikan ang Rainbow Rumble (RR), this June na raw ang simula nito, kaya tama ang mga humula na ang nasabing game show ang unang gagawin ni Luis.

Si Luis din ang host ng mga dati niyang game shows gaya ng Kapamilya Deal or No Deal (DOND) at Minute to Win (MTW). Kaya ang comment ng mga netizens, panalo pa rin si Luis kahit natalo sa nakaraang eleksiyon.

Ang request ng mga Kapamilya fans, ilagay sa 5:30 PM slot ang RR katapat ng Family Feud (FF) ng GMA-7 na si Dingdong Dantes ang host. Makakatapat din daw nito ang Una Sa Lahat (USL) ng TV5.

May nakita kaming picture ni Luis na kuha yata sa taping ng RR dahil kasama niya ang staff ng game show at si John Prats na director ng show.

Kinakalampag ng madlang pipol… HEART, DAMAY KAY SEN. CHIZ SA PAG-DELAY SA IMPEACHMENT TRIAL KAY VP SARA

ni Nitz Miralles @Bida | June 5, 2025

Photo: Heart, Chiz at VP Sara - FB

Pati si Heart Evangelista, nadadamay sa isyu ng asawang si Senate President Chiz Escudero sa pagka-delay sa impeachment trial kay Vice-President Sara Duterte. 

Itina-tag si Heart sa mga comments sa X (dating Twitter) para kay Chiz, iparating daw sa husband niya ang sentiments ng taumbayan.

In fairness kay Heart, hindi naman ito nakikialam sa usaping-pulitika ni Chiz. Nagtatanong siguro siya sa mga isyu pero wala siyang power na makialam. Kaya unfair na pati siya ay idamay sa na-delay na impeachment trial.

Samantala, naiyak si Heart sa tuwa dahil ‘yung collaboration niya with an international phone case brand na CASETiFY, na-sold-out kahit today pa lang ang schedule ng pagiging out in the market nito.

Special ang phone case brand dahil may artwork ni Heart at may signature pa niya. Kaya napa-post ito ng “Ahhhh! A dream come true.” 

Lalo pang naging special kay Heart ang latest collab niya dahil tinanggap agad.

Hindi napigilan ni Heart ang maiyak at recorded ito sa ipinost niyang emotional video sa Instagram (IG) Stories.

Aniya, “So, so grateful. To all my fans who believed in me, made every item I love sold out, this collab is because of you all! Never the type to share me crying about something this way but my heart is just over the moon! #heartmademedoit I love you!”

In fairness uli, may buying power talaga ang mga fans ni Heart at kung bags nga na ine-endorse niya ay napapa-sold-out niya, phone case pa kaya? 

Jackpot ang collab na ito dahil pati mga fans ni Heart sa US, sa Malaysia at iba pang bansa, nagre-request na maging available rin sa kanila ang CASETiFY phone case brand.

---

ANG ganda naman ng poster ng pelikulang Out of Order (OOO), ang first directorial job ni Alden Richards at siya rin ang lead actor. 

Tatlo lang ang photos sa poster — sina Alden, Heaven Peralejo at Nonie Buencamino, kaya maaliwalas tingnan. 

Sa billing, una ang pangalan ni Alden at pangalan lang niya ang nasa itaas. Nasa second row naman ang names nina Heaven at Nonie.

Kung sa billing, nakasulat ang ‘Alden Richards,’ sa credits ng director, nakasulat naman ang ‘Richard Faulkerson, Jr.’, kaya dalawang beses mababasa ang pangalan ng aktor, ang real name niya at screen name.

Sabi ng Sparkle GMA Artist Center na nag-post ng poster, “From in front of the camera to behind it. Asia’s Multimedia Star Alden Richards makes his bold leap into directing with OOO — a film he also stars in and co-produces through his own company, Myriad, in partnership with Viva Films.

“The film is set to have its world premiere in the competition section of the 3rd Da Nang Asian Film Festival in Vietnam, happening June 29 to July 5.”

Siguradong dadalo si Alden Richards sa film festival at triple tiyak ang excitement nito dahil tatlo ang ginagampanan niyang role sa nasabing pelikula.

After ng breakup kay Kobe… “I AM STRONGER AND BETTER NOW” — KYLINE

ni Nitz Miralles @Bida | June 4, 2025

Photo: Kyline Alcantara - IG

Pansin ng mga fans, genuine na ang ngiti ni Kyline Alcantara at hindi na pilit. Abot na rin daw sa mga mata nito ang kanyang mga ngiti, unlike sa mga unang araw ng breakup nila ni Kobe Paras na pilit ang mga ngiti nito at ang pagsasaya.

Pinasalamatan ni Kyline ang kanyang support group na malaki raw ang naitulong para makapag-move on siya at siguro, pati makalimutan na ang ex. Hirit nito, ang family at friends niya ang nakakaalam ng buong pangyayari.

“I am stronger and better now because of my family and friends. Sila ang support system ko and without them, hindi ko malalampasan ang nangyari,” sey nito.

Contrary sa paniniwala ng mga bashers ni Kyline na malalaos siya dahil sa controversy ng breakup nila ni Kobe, masigla pa rin ang career ng aktres. May bago siyang endorsement at rumarampa sa mga pang-sosyal na event.

Malapit na rin ang premiere ng Beauty Empire (BE) series nila nina Barbie Forteza at Ruffa Gutierrez. May mga upcoming projects pa siya.

---

Lantaran na ang lambingan sa socmed…

BEA, TAGILID DAW SA BF NA CHINESE NA, PANGANAY AT ONLY SON PA

HARD launch daw sa relasyon nina Bea Alonzo at Vincent Co ang paglabas ng photos nila sa birthday party ng road manager ng aktres. Hindi lang daw kasi isang photo ang lumabas, saka hindi na sila concerned sa sasabihin ng mga netizens. Sweet ang power couple sa mga larawan nila.

Sa isa pa ngang larawan, kasama nina Bea at Vincent ang birthday girl, nakaharap sila sa camera at nakahilig si Bea sa shoulder ni Vincent. Ang sweet daw nilang tingnan, sabi ng mga shippers ng couple.

Hindi lang maiwasan na may mga bitter at inggit kay Bea na nagko-comment at ginawa pa ring isyu ang pagiging Chinese ni Vincent at usually daw, ang pure Chinese family, hindi pumapayag na hindi rin Chinese ang mapangasawa ng kanilang mga anak, lalo na sa kaso ni Vincent na the only boy sa Co family at panganay pa.

May nag-comment pa na dapat tahimik lang si Bea sa relasyon niya kay Vincent dahil baka ayaw ng mga Co na nagiging public ang relasyon ng kanilang anak. 

May nagpaalala naman sa mga bitter kay Bea na hindi siya ang nagpo-post ng photos nila ni Vincent and as a matter of fact, si Vincent ang unang nag-post ng photos nila noong nasa Spain sila.

Hindi rin si Bea ang nag-post ng photos nila ni Vincent sa birthday party na kanilang dinaluhan. Kaibigan ni Bea ang unang nag-post at malay ba ng love birds na ipo-post ang picture nila.

Sa 2nd photo na lumabas, ang birthday girl mismo ang nag-post at hindi si Bea. 

Tanong ng mga fans ni Bea Alonzo, kailan nito in-announce na sila na ni Vincent Co? Saka, hindi siya nag-ingay na may love life na siya. Tama ang mga fans nito na ang mga netizens ang maiingay sa love life ng aktres-businesswoman.

---

Hindi si Ruru… MIKOY, SI MIKEE ANG NAPILING MAGING ‘BEST WOMAN’ SA KASAL

ANG ganda ng friendship nina Mikee Quintos at Mikoy Morales na nagsimula noong mas bata pa sila at hanggang ngayon, friends pa rin ang dalawa. 

Suportado ng isa’t isa ang kani-kanyang love life at sa kasal ni Mikoy, si Mikee ang napili niyang maging “best woman” na ikinaiyak ng Kapuso actress.

Sey niya, “My best friend asked me to be his BEST WOMAN a few nights ago!!! Swipe right if you wanna watch me struggle through reading his letter.

“No matter how scary the jump is... You jump, I jump - @mikoymorales. I got you. Can’t wait to spend the rest of my life with you and @isagarsha.”

Kasamang ipinost ni Mikee ang letter ni Mikoy na tinanong siya ng “Will you be my Bestwoman?” pati ang video habang binabasa ni Mikee ang letter ni Mikoy na he’s getting married habang kausap ang aktor.

Ipinost din ni Mikee ang birthday greetings sa kanya ni Mikoy na tinawag siyang ‘one of his best energies in his life, the sister that he never had.’ 

Ayun, naiyak na nga si Mikee lalo na nang magpasalamat si Mikoy for loving his fiancée.

Of course, tinanggap ni Mikee ang imbitasyon ni Mikoy to be his best woman. Abangan natin kung ano ang magiging role ni Ruru Madrid sa wedding nina Mikoy at Isa dahil kasama si Ruru nina Mikee at Mikoy sa best friend circle nila.

Sayang pala at hindi pa yata nagkakasama ang magbe-best friend sa series ng GMA-7. Sina Mikoy at Mikee pa lang ang nagkatrabaho at ang madalas magkasama ay sina Mikoy at Ruru.