Ex ni Tom, pumapag-ibig na uli… KA-DATE NI CARLA SA RESTO SA HOTEL, DOKTOR

ni Nitz Miralles @Bida | July 22, 2025

Image: Carla Abellana - IG

Usap-usapan online na doctor daw ang ka-date ni Carla Abellana at nag-isip agad ang mga netizens na baka nakilala siya ng aktres noong maospital siya last year. O, baka tama ang paniniwala ng mga netizens na ipinakilala sa kanya ang ka-date ni Karel Marquez at ng husband nitong si Sean Fariñas.

May nagtsika pa na nakita sina Carla at ka-date nito sa resto ng isang hotel at ibig sabihin, hindi nila itinatago ang kanilang pagde-date.

May nag-comment pa nga na kilala niya ang ka-date ni Carla at ang wish nito, ang nasabing guy na ang para sa aktres dahil sabi nga ng marami, deserve ni Carla na maging masaya.

Dahil sa info nito tungkol sa naka-date ni Carla, mas lalong marami ang nagre-request sa aktres na i-face reveal at i-name reveal na niya ang naka-date para raw hindi na mag-isip ang mga Marites.

Speaking of Carla, ini-launch na nito ang business niyang tinawag na ‘Artisana’ na ang products for sale ay handcrafted natural artisan soaps, candles and ceramics na gawa mismo ng aktres. Ang gaganda ng kanyang mga gawa. 

Nag-aral gumawa ng scented candles, artisan soaps at pottery si Carla at sinuklian ng mga netizens ang sipag at tiyaga niya dahil sold-out ang mga produkto niya. 

Sabi nga ng mga fans ng aktres sa mga bashers nito, hindi lang sa pagrereklamo sa PrimeWater, Converge at sa mataas na tax busy si Carla Abellana, marami siyang ginagawa at isa na rito ang pagtatayo ng business at pagpapalago nito.

---

TV host, naka-wheelchair na… BIMBY, PALIT KAY KRIS, MAS DOWN-TO-EARTH AT SUPER CHARMING DAW

IN-UPDATE ni Kris Aquino ang mga nagmamahal sa kanya sa mga kaganapan ng buhay niya at buhay ng mga anak na sina Joshua at Bimb. 

Sa nag-comment na sana ay ma-meet niya uli si Kris, sagot nito, “I am currently staying at the compound of a very kind friend of my brother. This place is very peaceful and living where I get fresh air and listen to the waves was always my dream.

Too bad I am now wheelchair bound... I still need to learn how to walk again.”

Sinagot din ni Kris ang comment na nami-miss na niya ang kanyang energy. 

Sey niya, “That’s the problem. I’m not the same me and I want to give all of you the KRIS you deserve. Parang gremlins kung mag-multiply my autoimmune diseases including the complications. I think you will like watching the 6’2” male version of me because he’s more down to earth, athletic and super charming to all—we will be uploading soon but Bimb will be one going outside and meeting people.”

Marami na ang excited sa ibinalita ni Kris na magkakaroon ng vlog si Bimb at nangako ang mga fans niya na susuportahan ito. 

“Yes!” nga ang sagot ng mga supporters ni Kris sa tanong niya na, “Bimb and I are ready. Are you?”

May sagot din si Kris sa suggestion na mag-explore siya ng therapies na magpo-process ng trauma from intense public lives.

Sagot ni Kris, “This has been suggested but I have reached a point where I have forgiven those who never bothered to say they are sorry... I have been blessed in so many ways because all my dreams as a child came true because I had a dad who called me beautiful and many times encouraged me to dream bigger dreams...”

Binanggit din ni Kris na stage mom si Cory Aquino (RIP) at mino-monitor siya sa kanyang mga shows at pati anggulo niya at maling pronunciation ay mino-monitor.

Aniya, “I have nothing at all against therapists but I am very self-aware. I am now on 1 immunosuppressant so we would need to do therapy online. With how sophisticated hackers can be now and how AI can alter a person’s words and facial expression, no thanks. My therapy is listening to Christian and Catholic Contemporary music.”

Ang mga ganitong pakikipag-usap ni Kris ang nami-miss sa kanya ng kanyang mga supporters. Tuloy lang ang dasal natin na gumaling na si Kris.

---

MARAMI ang na-OA-yan sa anniversary greetings ni Ruru Madrid sa girlfriend na si Bianca Umali, pero nang basahin namin ang message ng aktor, wala kaming napansin na OA siya. Mga bashers talaga!

Sabi ni Ruru, “Pitong taon ng pag-ibig. Hindi perpekto, pero totoo. Hindi man laging tugma, pero palagi nating pinipili ang tama. Tayo pa rin. Tayong dalawa. Hanggang dulo—ikaw at ako. Sa ‘yo lang ang tingin.

“Mahal na mahal kita. Happy 7th anniversary, Maria Isadora Bianca.”

Ano ang OA sa anniversary message na ito ni Ruru? Hindi rin OA ang sagot ni Bianca na, “Mahal ko... mahal na mahal kita. Sobra, sobra, sobra.”

Samantala, marami ang pumuri kay Bianca sa stunts na ginawa niya sa Sang’gre. Ang husay daw niya at tama raw ang GMA na sa kanya ibinigay ang nasabing serye dahil pinaghirapan at pinaghandaan at kita naman sa mga execution.

Ninang, magbabawas daw ng gamit… BILLY, HUMIRIT NG LUXURY BAG KAY SHARON PARA SA BUNTIS NA SI COLEEN

ni Nitz Miralles @Bida | July 21, 2025

Image: Billy at Coleen - Instagram

‘Kaaliw ang comment ni Martin Nievera na, “Can I have some of your bags then, Hahaha!” sa in-announce ni Sharon Cuneta na, “I have decided to downsize my life and get rid of things I no longer use (or have Never used!). 

“Ititinda ko na lang ang ilang damit, bags, at gamit ko para mag negosyo. ‘Pag napaikot ko ang kikitain ko sa negosyo, mas kikita, mas maraming puwedeng matulungan ay magbabawas na ako ng gamit na wala nang silbi!”

Pati si Billy Crawford, may hirit kay Sharon na, “Uhmmmmm… ninang kahit konting bag sa buntis kong wife would do. Miss you and you look great Ninang!”

Si Noel Ferrer naman, tinanong si Sharon kung kasama sa ibebenta niya ang collection niya ng mga books at nakakatuwa ang sagot ni Mega na, “‘Yun ang pinakamahirap ko i-let go! Mauna na mga Hermes!”

Marami na ang excited kung kailan ang super Mega Garage sale ni Sharon at ang iba ay nag-iipon na dahil sigurado silang marami silang mabibili sa mga ibebenta ng aktres. Ang iba, bibili dahil gustong magkaroon ng souvenir galing kay Sharon, bags man, damit o iba pang gamit nito.

Hinihintay na lang ng mga fans kung kailan ang garage sale ng preloved stuff ni Sharon at susugod na sila. Ang iba nga, in-specify pa kung ano ang gusto nilang bilhin at may nagbanggit ng Hermes, LV bags, Gucci jacket, sweatshirt, at may mga gustong makabili ng books.

Samantala, nagpunta sina Sharon at mga anak na sina Frankie, Miel, at Miguel sa Marawi City bilang pasasalamat sa suporta nina Gov. and Mayor Adiong sa kandidatura ni Sen. Kiko Pangilinan. First time raw nakabisita sa Marawi ang mga anak at first time ng magkapatid na magsuot ng hijabs.

---

BIRTHDAY ni Barbie Forteza sa July 31, pero parang wala siyang birthday celebration, ayon na rin sa kanyang Instagram (IG) post.

“I LOOOOVE WORKING and I’m having such a great time!!! But I’m low-key missing my life. Running before the sun’s out, trying out a new sport, attending my pilates class, getting all giddy reading romance novels and exploring cafes I see on Tiktok, Hahahaha!!! 

“Looking forward to have time to do these things again, no birthday for this girl this year, I guess. Tara, work!”

Hindi papayag ang mga fans ni Barbie na hindi i-celebrate ang 28th birthday ng aktres, tiyak na may pa-birthday sila sa aktres. In fact, ang Barbienatics ang nag-organisa ng birthday celebration niya kasama ang mga bata sa Child Haus Foundation – isang haven na nag-aalaga sa mga batang may cancer.

Inaabangan din ng mga fans ang magiging birthday greetings nina David Licauco na ka-love team ni Barbie, Jameson Blake na running buddy ng aktres at Jak Roberto na ex ni Barbie.

Ang birthday ni Barbie ay the day after ng opening ng movie niyang P77.

Working birthday nga dahil busy siya sa cinema tour, pag-attend sa block screening at tuloy sa pagpo-promote ng horror movie. May Beauty Empire (BE) pa si Barbie at parang hindi pa tapos ang taping. Busy nga ang calendar ni birthday girl, kaya wala munang party.

Kasama rin pala siya sa Global Youth Summit 2025 na gaganapin sa SM Mall of Asia Arena (MOA) sa July 28 para sa SDG 5: Gender Equality. Magsasalita si Barbie Forteza tungkol sa topic na Turning Influence into Impact.

Bongga, ‘di ba?

---

DOMINIC, IPINU-PUSH NANG MAGPAKASAL

SABAY na sinalubong ng magdyowang Sue Ramirez at Dominic Roque ang kanilang parehong birthday noong madaling-araw ng July 20. Nakakatuwa na sa halip na cake, pizza ang sinindihan nila ng birthday candles.

Marami ang bumati sa dalawa at pansin ang wish kina Sue at Dominic na sila na ang endgame at magpakasal na raw sila and start a family. 

Cute ang pagiging pala-desisyon ng mga fans, paano kung may iba pa silang plano at gustong gawin sa buhay?

Napansin namin na ang daming fans ng DominSue at kita ito sa number ng engagement tuwing may post sila. 

Wala bang producer na makakaisip na sila ay pagtambalin? 

Paniguradong susuportahan ng mga fans ‘yan, mapa-TV project man o pelikula.

Bakit nga kaya walang producer na makaisip na pagtambalin sina Dominic at Sue? Nand’yan na ang mga fans, nand’yan ang chemistry, project na lang ang kulang. O, baka ayaw na talagang umarte ni Dominic Roque?

This is it, Tom! CARLA, IDINISPLEY NA MAY KA-DINNER DATE

ni Nitz Miralles @Bida | July 20, 2025

Image: Carla Abellana - IG

Hindi tungkol sa reklamo ang post ni Carla Abellana na pinag-uusapan at ipinagre-react ng kanyang mga supporters. In fact, kinilig ang mga fans ng aktres sa naisip nila na baka may bago na siyang pag-ibig na kung totoo, deserve raw ni Carla.

Dahil ito sa Instagram (IG) post ng aktres na may ka-dinner date siya, kaya lang, chin lang ang ipinakita. Tila nagbabasa ng menu ang guy, pero parang after dinner na ang picture dahil glass of water, plate and knives na lang ang makikita sa harap ni Carla at sa harap ng guy, saucer na lang ang nakalagay.

Walang ibang caption si Carla kundi, “Hi,” at ‘yun na, kinilig na ang mga nakabasa. 

May nagtanong kung soft launch daw ba ‘yun na hindi niya sinagot. 

Marami ang pinusuan ang nasabing post na ibig sabihin, happy sila sakaling magkaroon na ng love life ang aktres.

Samantala, may gusto namang i-face reveal na ni Carla ang ka-date dahil excited na silang makita ang face ng guy. May nag-comment pa nga ng “I hope it’s not just a friendly or family date,” na ibig sabihin, gusto na nilang magka-love life ang aktres.

Marami rin ang nagpaabot ng congratulations kay Carla at ramdam ang tuwa ng mga nagko-comment at wish nila, dumating na ang right guy for the actress.

And speaking of Carla, balitang makakasama niya si Ashley Ortega sa bago niyang serye sa GMA-7 na Sister’s Game (SG) raw ang title. Wait tayo ng ibang details tungkol dito.

---

AFTER Paris Fashion Week (PFW) sa France, parehong nasa Singapore sina Heart Evangelista at Pia Wurtzbach. Magkita kaya uli sila? 

Kaya lang, parang magkaibang event ang kanilang pinuntahan dahil nauna si Pia sa Singapore at para sa Bvlgari ang kanyang event.

Naka-tag naman sa post ni Heart announcing that she is in Singapore ang Directions Group Inc., baka event nila ang kanyang pinuntahan. 

Bago sa Singapore, dumaan muna sa Bangkok si Heart at sumakay pa nga siya sa Tuktuk na kinaaliwan ng kanyang mga supporters. Sana raw, sumakay din siya ng tricycle rito sa bansa kapag nandito siya.

Dahil parehong nasa Singapore, ang wish ng mga netizens, magkasabay sa eroplano sina Heart at Pia pabalik ng Manila at mas maganda raw kung magkalapit ang kanilang mga upuan. Baka raw may chance na magbatian sila at ang kani-kanyang team.

Speaking of Heart, kakaiba siyang mag-endorse ng Tiger Balm dahil sabi nga ng fan, parang ginawa nitong pang-skin care nang ipahid sa kanyang neck, noo at sa may sentido. Para kay Heart, gamot niya ito sa tension, tightness of muscles o pampa-relax. Kaya ayun, marami ang nakumbinse niyang bumili.

---

Aktres, ‘di raw binanggit nang manalo sila ng award… ALDEN AT KATHRYN, MALABO NANG MAGSAMA ULI SA MOVIE

WALA yatang ulan sa Bicol dahil nandoon si Alden Richards para sa BDO Fiesta Event ng Banco de Oro kung saan, isa siya sa mga ambassadors. Hindi na nga yata natulog ang aktor dahil the night before, present naman siya sa Vivo event na isa rin siya sa mga endorsers ng brand ng smartphone.

Hindi rin siya puwedeng magtagal sa Bicol dahil dadalo siya sa 8th EDDYS Award na naka-schedule today, July 20, 2025 at gagawin sa Marriott Grand Ballroom sa Newport World Resorts.

Tatanggapin ni Alden ang Box Office Hero award kasama si Kathryn Bernardo para sa pelikula nilang Hello, Love, Again (HLA). Dahil nasa Australia pa si Kathryn for a vacation, si Alden lang ang tatanggap ng nasabing award.

Inaabangan ng kani-kanyang fans kung babanggitin ba ni Alden ang pangalan ni Kathryn at pasasalamatan. Nagkaisyu sa mga fans nang hindi banggitin ni Alden ang pangalan ni Kath nang tumanggap ng award for the said movie sa isa pang award-giving body.

Inakusahan si Alden na hindi marunong magpasalamat gayung binanggit nito at pinasalamatan ang lahat ng involved sa movie at hindi na inisa-isang pangalanan. Sabi rin ng mga fans ni Alden, kung binanggit nito ang pangalan ni Kathryn, aakusahan naman siyang manggagamit. Hindi na raw alam ni Alden kung saan siya lulugar.

Nakakalungkot na dahil sa pagkakagulo ng mga fans, tila malabo na (sa ngayon) na magsama uli sa pelikula sina Alden at Kathryn. Para siguro makaiwas na lang sa maraming isyu, hindi na lang nila gugustuhing muling magkatrabaho.