Magsasama sa Paris, Daniel… KATHRYN-JAMES, TANGGAP NA NG MGA FANS

ni Nitz Miralles @Bida | August 30, 2025

Photo: Dreamscape PH - IG

Nag-photoshoot na sina Kathryn Bernardo at James Reid para sa pagtatambalan nilang primetime series sa Kapamilya Channel. Excited, masaya at kinikilig ang mga fans ng dalawa na magtatambal sila for the first time. 

Kahit nga wala pang in-announce ang Dreamscape Entertainment kung ano’ng project ang gagawin nina Kathryn at James, excited na ang mga fans. 

Mga comments na, “Bagay sina Kathryn at James,” “The long wait is over,” “Kinikilig na ako para sa kanila,” “Grabeng mga face card ‘yan,” “Magwe-wait talaga ako,” at “Lakas din,” ang ilan sa mga mababasa.

Happy ang mood ng lahat at waiting na lang sila sa announcement ng ibang detalye sa series nina Kathryn at James. Primetime comeback ito ni James at ngayon pa lang, tinawag na silang ‘powerhouse tandem’.

Una nang nabalita na magsu-shoot sa ibang bansa ang series nina Kathryn at James at nabanggit pa nga na sa Paris sila pupunta. Mas lalong na-excite ang fans dito at sana raw, hindi lang sa France sila mag-shoot, pati sa ibang bansa.

---

Pinag-aawayan ng mga fans ni Barbie Forteza at ng BarDa fans nila ni David Licauco kung sino kina David at Jameson Blake ang kasama ng aktres sa isang bookstore sa BGC, Taguig na nagtse-check ng books sa shelves.

Sa outfit ni Barbie, parang galing sa pagtakbo at kung takbo ang pag-uusapan, si Jameson ang kanyang nakakasama. 

Kaya lang, walang ipinakitang kasama si Barbie at ang nag-caption pa ng post ng picture ng aktres ay ang kasama sa kanyang glam team na si Janra.

Sabi ni Janra: “With my bookstore date @barbieforteza,” at may kasunod pang “Hindi na-manifest ng running outfits natin ang good weather.”

Naka-running shorts at nakasuot ng hoodie si Barbie at may nakunang picture ng isang guy na nakasuot din ng hoodie, parehong kulay sa suot ni Barbie. Ang larawang iyon ng guy ang pinag-aawayan at pinagtatalunan ng BarDa fans at solo fans ni Barbie.

Ipinipilit ng ilang BarDa fans na si David ang kasama ni Barbie at may nagsasabi namang si Jameson ‘yun dahil pareho silang bookworm at parehong tumatakbo. 

‘Yun pala, si Janra ang kasama ng aktres.

Anyway, may nabasa kaming bumitaw na sila sa BarDa, si Barbie na lang daw ang susuportahan nila at welcome sa kanila kahit sino ang makapareha ni Barbie. 

Sa Kontrabida Academy (KA) na streaming sa Netflix this September, si Jameson ang kasama ni Barbie at sila naman ni Eugene Domingo ang lead.

Ang iba naman ay si David na lang ang susuportahan lalo na’t malapit na ang action series nila ni Jillian Ward na Never Say Die (NSD) at may gagawin pa raw silang pelikula. 

Siguro naman, hindi tuluyang mawawala ang BarDa love team, magpapahinga lang at kapag may right project, ibabalik uli ng GMA. 

Saka, guest si David sa Beauty Empire (BE) na inaabangan ng mga fans.

---

May ‘K’ daw magreklamo dahil malaki ang bayad sa tax… SIGAW NG NETIZENS: VICE, MURAHIN ANG MGA KORUP NANG MA-STROKE

MABILIS nag-viral ang Instagram (IG) Story post ni Vice Ganda at ipinag-react ng mga netizens. Maiksi lang ang sinabi niya, pero dahil sa nangyayari ngayon sa bansa patungkol sa korupsiyon, agad nag-viral.

Ipinost ni Vice ang ulam nilang magkakasama sa London para sa ASAP at makikita ang adobo, may chicken pa yata at isa pang ulam na hindi namin matantiya kung ano. 

Marami ang nag-comment na may karapatang magreklamo si Vice dahil isa siya sa mga celebrities na malaki ang ibinabayad na tax sa BIR.

Naaliw lang kami sa comment na lagi raw murahin ni Vice sa TV ang mga corrupt para ma-stroke. May nag-suggest pa na huwag nang magbayad ng tax sina Vice Ganda at iba pang celebrities. 

Gusto naman ng isang nag-suggest na netizen na makulong siya at ang iba pang hindi magbabayad ng tax.

---

Binati sa b-day… 

PANCHO, ‘MOMMAH’ PA RIN ANG TAWAG KAY MAX KAHIT HIWALAY NA

MAGANDA ang paghihiwalay nina Max Collins at Pancho Magno dahil nagagawa nilang batiin ng happy birthday ang isa’t isa. 

Nanguna nga ang pangalan ni Pancho sa mga bumati kay Max na birthday noong August 28.

Sa post ni Max ng kanyang birthday celebration, ang greetings ni Pancho ay “Happy Birthday, Mommah,” bagay na ikinatuwa ng mga netizens.

Kapag si Pancho naman ang nag-birthday, may birthday greetings din sa kanya si

Max. 

Sabi tuloy ng mga netizens, sana, lahat ng mga naghihiwalay ay gaya nina Max at Pancho na maayos ang relasyon at nananatiling magkaibigan.

Inaabangan na sa K-drama… JAMES, NAG-SIGN NG KONTRATA SA KUMPANYA NI JI CHANG-WOOK SA SOKOR

ni Nitz Miralles @Bida | August 29, 2025

Photo: James Reid - FB

Excited ang mga fans ni James Reid sa balitang pumirma siya ng management contract sa Spring Company na located sa South Korea. 

Ang sabi, ang South Korean superstar na si Ji Chang-wook ang nagtayo ng kumpanya.

Naka-post sa Careless PH ang photo ni James kasama ang ilang Koreano na staff ng Spring Company. Ang nakalagay sa caption: “James Reid signs with Korea’s @spring.compan_official—the first Filipino artist to join their roster.”

Ang mga comments na mababasa… “With @jichangwook it is always Spring! Good job,” “Congrats @james! Another blessing and to many more,” “Good luck for this new partnership Saranghaeyo Oppa,” “What? Wow! Ji Chang-wook!” at “I love James, I love Korea, perfect combination.”

May nagtanong kung ibig bang sabihin nito ay makikita si James sa K-dramas? May excited pang nag-comment na wish nilang makasama si James sa K-drama series ni Ji Chang-wook.

Samantala, ibinalita ni Ogie Diaz sa vlog na nagsimula na ang taping nina James Reid at Kathryn Bernardo para sa pagtatambalan nilang series sa Kapamilya channel. Excited na ang mga fans na mapanood silang magkasama.

---

Habang sumasayaw… 

KARYLLE, NAAKSIDENTE SA IT’S SHOWTIME

NAGKAROON ng minor leg injury si Karylle habang may dance number sa It’s Showtime (IS). Si Ryan Bang ang agad umalalay at ini-lift pa ang leg ng singer-actress.

Inakala nina Jhong Hilario at Vhong Navarro na bahagi ng dance number ang pagkadapa ni Karylle. Nang makita nilang totoong nasaktan siya, agad silang lumapit. 

May medic din na agad dumating at nagawa pang magbiro ni Karylle para hindi mabahala ang mga co-hosts at audience.

Pinaalalahanan si Karylle na mag-ingat next time at marami ang humanga sa kanya. Marami rin ang nagpadala ng mga “get well soon” messages.

---

Sunud-sunod ang mga projects ni Will Ashley after ng Pinoy Big Brother (PBB) kahit hindi siya ang Big Winner. 

From recording, movies, TV series, endorsements at ngayon ay pati concert, sasabak na rin siya.

Magre-recording si Will under Star Music in partnership with GMA. May mga endorsements din siya, kabilang ang Acer at Greenwich. 

May tatlong movies siyang ginagawa – ang Poon, Bar Boys (BB) sequel at Love You So Bad (LYSB) kasama sina Bianca at Dustin Yu.

Busy din si Will sa TV dahil bukod sa guest role sa Sanggang Dikit FR (SDFR), magsasama sila ni AZ Martinez sa Daig Kayo ng Lola Ko (DKNLK) sa episode na Hotel De Luma. 

Sa ngayon, wala pa siyang ginagawang series pero sigurado, may inihahanda ang GMA para sa kanya.

Magko-concert na rin si Will sa October 18, 2025 sa New Frontier Theater. Wala pang details sa Fan Meet concert, wala pang title, director, at kung may guests.

Lilipad si Will papuntang Japan para sa Acer event kasama ang ibang PBB endorsers din ng Acer. More to come pa raw kaya abang-abang ang mga fans, marami pa raw darating.

---

SAMA-SAMA sa horror mvie na Huwag Kang Titingin (HKT) ang Pinoy Big Brother (PBB) housemates na sina Shuvee Etrata, Charlie Fleming, Michael Sager, Kira Balinger at Josh Ford. Makakasama rin nila ang Sparkle artists na sina Sofia Pablo, Allen Ansay, Anthony Constantino, Marco Masa at Sean Lucas.

Sa direction ni Frasco Mortiz, collab ito ng Mentorque Productions at GMA Pictures.

Si Kira lang ang non-Sparkle artist sa cast dahil sa love team nila ni Josh na ilalayag.

Wala na sigurong mairereklamo ang mga fans ng PBB Celebrity Collab Edition dahil may projects silang lahat. May naglalagare pa nga gaya ni Shuvee na hindi nakadalo sa storycon ng first movie niya dahil may kasabay na event. Nabalita ring lilipad siya papuntang Japan para sa Acer event kasama ng iba pang PBB housemates na mga endorsers din.

Galing si Shuvee sa Tacloban City para sa Jag event na ini-endorse rin niya. Sa dami ng tao, big star na ang datingan nito. 

Sa dami ng projects ni Shuvee, mapapabilis ang dream niyang mabigyan ng malaking bahay ang pamilya. Tig-iisang kuwarto raw ang bawat kapatid niya, eh, siyam silang magkakapatid.

Patawarin na lang daw ang mga nagkakamali… KORINA, HALATANG WALANG BALAK IDEMANDA SI VICO

ni Nitz Miralles @Bida | August 28, 2025

Photo: Korina Sanchez - IG

Ramdam ang lungkot o tampo sa caption ni Julius Babao sa quotation card na ipinost niya sa Instagram (IG) mula kay Walter Winchell. 

Ang sabi sa quotation card, “A real friend is one who walks in when the rest of the world walks out.”

Ang caption ni Julius sa post niya: “Maraming Salamat sa pagmamahal at pag-unawa ng mga TUNAY na kaibigan! Ngayon, alam ko na kung sino kayo. God Bless You All!”

Naka-off ang comment box sa IG ni Julius. May ipinost lang ito, mga pahayag ng mga taong nakakakilala sa kanya. Hindi sila naniniwala sa mga ipinaparatang kay Julius. 

Well, binanggit ni Orpheus M. Velasco ang kanyang mga rason sa pagtatanggol kay Julius, na agad namang pinasalamatan ng huli. 

“Maraming salamat sa iyong opinyon Orpheus Velasco,” ani Julius at pinasalamatan din nito si Allan Encarnacion.

Sa post pa ni Julius, itinanggi niya ang P10 million na diumano’y ibinigay sa kanila ni Korina Sanchez ng Discaya couple kapalit ng interview.

Aniya, “The 10 Million accusation is super fake news! People in the media industry know me as one who can never be bribed by anyone in exchange for favors or for a story. Sa interview na ito 10 months ago nina @jannolategibbs at @stanleychi, sinagot ko ‘yan.”

Samantala, nakabalik na si Korina at ang kanyang team mula sa Hong Kong. Na-miss niya ang 37th Philippine Movie Press Club (PMPC) Star Awards for TV kung saan nanalo siya. Nagpasalamat siya sa PMPC at nakakatuwa ang photo na hawak ng kanyang mga anak na sina Pepe at Pilar ang trophy.

Maraming nag-congratulate kay Korina. May mga nag-comment pa na dapat niyang i-consult ang lawyer dahil sa unauthorized at malicious posting ng interview niya sa Discaya couple. Baka raw ma-bully sina Pepe at Pilar dahil sa isyu.

May nag-comment pa na dapat matuto si Vico ng basic respect and courtesy bago i-post ang picture niya. 

Sagot ni Korina, “Most important is proof.”

Sa nag-comment na suportado niya sina Korina at Julius Babao at tama na raw ang mga irresponsible leader running the show, sagot ni Korina, “I guess everyone makes mistakes. We have to try to understand and try to forgive.”

Sa nagkomento pa na bigyan daw ni Korina si Mayor Vico Sotto ng lesson on public administration, sagot niya, “Relax. The truth stands firmly on its own.”

Tanong ng mga netizens, sa mga sagot na ito ni Korina Sanchez, ibig bang sabihin ay wala siyang planong magdemanda laban kay Mayor Vico Sotto?

---

RAMDAM naman ang saya at tuwa ni Kim Chiu sa pagbabalik ni Bela Padilla sa Star Magic Philippines at sa Kapamilya Channel. 

Pumirma si Bela ng kontrata sa Star Magic at binigyan siya ng grand welcome.

Mababasa ang comment ni Kim, “Big congratulations, Momsy. Finally!!! Welcome to Star Magic family.”

Sagot ni Bela, “Thank you, Tauren Twinnit, so excited.”

Excited din ang mga fans sa pagbabalik ni Bela sa Star Magic at wish nila na bigyan silang dalawa ng project na magkasama. 

Mas okey daw kung makakasama rin nila ang isa pa nilang friend na si Angelica Panganiban.

Mag-BFF sina Kim at Bela. Pinuntahan pa nga ni Bela si Kim sa Cebu dahil alam niyang kailangan nito ng friend sa pinagdaanang family problem. 

Sobrang na-appreciate ‘yun ni Kim at mas nagpatibay pa sa kanilang friendship.

Nag-congratulate rin si Charo Santos kay Bela, “Congratulations, Bela. Best wishes for an exciting journey ahead.”

Anyway, kahit nasa Star Magic na ang aktres, tuloy pa rin ang film assignment niya sa Viva Films. 

In fact, showing na soon ang Viva Films movie nila ni JC Santos na 100 Awit Para Kay Stella (100APKS) with Kyle Echarri.

May isa pang pelikula sa Viva si Bela, kapareha naman niya si Carlo Aquino. 

Ibig sabihin, walang conflict ang pagbabalik ni Bela Padilla sa Star Magic sa projects niya sa Viva Films.