ni Nitz Miralles @Bida | June 6, 2026
Photo: IG _bealonzo & FB Vico Sotto
Nakakaaliw ang mga fans, dahil sa balitang hindi natuloy ang wedding nina Bea Alonzo at Vincent Co, ibinaling muli nila ang pagsi-ship kina Bea at Pasig City Mayor Vico Sotto.
Sa comment na, “Baka si Mayor Vico talaga ang endgame mo, nabuhay na naman BeVico heart ko,” marami ang sumang-ayon.
May nagsabi pa na, “God knows,” “Me too, pangarap ko sila ni Vico Sotto magkatuluyan, no need long engagement, kasal agad. ‘Di na uso long engagement ngayon,” “OMG! same,” “May kasama pala ako na BeVico shippers dito,” at “Tapos, magiging issue uli ang prenup.”
Maaalalang unang na-ship sina Bea at Mayor Vico pagkatapos ng breakup nina Bea at Dominic Roque, at natigil lang nang makarelasyon ng aktres si Vincent Co.
Si Vico naman ay na-ship sa isang beauty queen, na meron na ring BF ngayon.
Kaya nang hindi natuloy ang kasal nina Bea at Vincent, bumalik ang pagsi-ship kina Bea at Vico.
Pero paano ‘yan, may balitang sinusuyo uli ni Vincent Co si Bea Alonzo? Mukhang may bagong twist na naman sa BeVico shippers.
Hintayin na lang natin ang mga susunod na mangyayari.
Inaabangan na ang mangyayaring tapatan ng mga shows nina Coco Martin at Dingdong Dantes simula sa June 22 kapag nag-premiere ang Sigabo. Ang nasabing action series ay mapapanood sa 8:00 PM slot, na oras din ng airing ng The Master Cutter (TMC) ni Dingdong.
Nakaka-three weeks na ang airing ng TMC na maganda ang feedback at mataas ang ratings. Pero sabi ng mga fans ni Coco, kapag umere na ang Sigabo nito, tiyak na mababawasan ang manonood ng series ni Dingdong at bababa ang ratings nito.
Kinontra naman ito ng mga fans ni Dingdong, at sinabing sa June 22 at sa mga susunod na araw malalaman kung alin sa dalawang series ang mas mataas ang ratings at mas pag-uusapan.
Friends sina Dingdong at Coco at isa ang Kapamilya actor sa mga bagong members ng AKTORPH kung saan si Dingdong ang chairman. Hindi magiging daan ang pagtatapat ng kanilang series at ratings para masira ang kanilang samahan.
Sa kabilang banda, makakatulong din ito para mas sumigla ang telebisyon kapag may puksaan ang mga fans, at sa pagkakataong ito, ratings ng series nina Coco Martin at Dingdong Dantes ang inaabangan.
HINDI na rin natutuwa si Romnick Sarmenta sa mga nangyayari sa Senado. Ipinahayag nito ang nararamdaman sa pamamagitan ng tweets.
Sey niya, “When you are a government figure with a high position with responsibilities to the Constitution and the nation, and you choose not to come in for work, and instead rant on social media...
“You are undeserving of any post. A moron. And a joke.”
Sinundan pa niya ito ng isa pang mas matapang na tweet.
Aniya, “Tayo pa ang ginagawang dahilan ng ‘di pag-alis sa puwesto. ‘Di po kami naglagay sa inyo r’yan, nagdrama kayo para makuha ang puwesto. Tigilan n’yo kami.”
Marami ang sumang-ayon sa tweet ni Romnick at may nakakatawang comment na, “Sukdulan ang galit kay APC (Alan Peter Cayetano), Sir (Romnick)? ‘Wag ka nang pumunta ng Senado, ha, baka masapak mo si chicken little (APC), pero if ever, idamay mo na si Atty. Wig (Sen. Rodante Marcoleta), ha? Thanks.”
Pero may mga kumontra rin kay Romnick. Siya ang pinupuna at sinasabihang huwag makisawsaw sa usaping pulitika. May tumawag pa sa kanya ng ‘laos’ at hindi na raw siya relevant. Hindi pa yata ito nakikita ni Romnick dahil wala pa siyang reaksiyon.
Nakakatuwa lang ang mga netizens na sobrang involved sa mga nangyayari sa Senado at sa pulitika sa bansa.
In fairness, isa si Romnick Sarmenta sa mga taga-showbiz na hindi natatakot magsabi ng opinyon.
