Ambag ni Dennis, gustong tanggalin… CLAUDIA, PINAPAPALITAN NG BARRETTO ANG APELYIDO

ni Nitz Miralles @Bida | June 9, 2026

Photo: IG _claudia & _dennisastig

Minus one na ang mga anak ni Dennis Padilla dahil may petition na ang anak niyang si Claudia Barretto to formally change her surname from Baldivia to Barretto na apelyido ng mom niyang si Marjorie Barretto.

Ipinost ni Dennis ang legal document at nakasulat na ang petitioner ay si Claudia at galing sa Quezon City Regional Trial Court (RTC) ang petition at request na palitan ang legal surname ni Claudia. 

Katabi ng legal document, nag-post si Dennis ng text overlay at sabi, “Kung ang lungkot ko ay kasiyahan mo anak… ‘Di magbabago ang pagmamahal ko sa ‘yo, Claudia - Papa.”

Actually, hindi na rin naman magagamit ni Claudia ang Barretto dahil she’s married at Lorenzo na ang surname na ginagamit nito. Ang mister ni Claudia Barretto ay si Basti Lorenzo.

May nag-comment na netizen, ano raw ang gagawin ni Dennis kapag sumunod sina Julia at Leon Barretto na maghain ng petition na alisin na rin ang apelyido ni Dennis at Barretto na ang gamitin?

Well, may mga naawa at nalungkot para kay Dennis. Isipin na lang daw nito na kahit hindi na dala ni Claudia ang kanyang apelyido, hindi maikakaila na siya pa rin ang ama nito. Dugo niya ang nananalaytay sa katawan ng anak.

May nagpayo naman kay Dennis na iwasan na lang ang mga anak at kung binabalewala siya, ganoon din ang kanyang gawin. Pinayuhan din siya to stop posting about his kids dahil isa iyon sa nagti-trigger para magkaroon ng isyu.

---

ALDEN, OWWA MENTAL HEALTH AMBASSADOR

IPINAKILALA na si Alden Richards bilang Overseas Workers Welfare Administration (OWWA) Mental Health Awareness Ambassador sa ginanap na OFW Kabuhayan Expo 2026 sa SMX Convention Center.

Agree ang mga netizens sa pagkakapiling ambassador ni Alden for the said position, makakatulong daw ito lalo na sa pagpapalaganap ng mental awareness sa mga kababayan natin abroad. 

Binisita na nito ang mga OFWs sa Hong Kong at mainit ang pagtanggap sa kanya ng mga ito. Ibig sabihin, masusundan pa ang pagbisita niya sa mga OFWs sa ibang parte ng mundo.

Nakakatuwa lang ang comment ng mga fans ni Alden sa bago niyang purpose-driven role. Dahil mas magiging busy, lalo raw itong mahihirapang magka-love life, kaya ang payo nila, maglaan siya ng oras para sa kanyang love life.

And speaking of Alden, sa June 26 na ang streaming sa Viu ng series nila ni Nadine Lustre na Love, Siargao (LS). Kinunan sa Siargao ang series, kaya hindi lang ang ganda ng story at husay ng cast ang mapapanood, pati na ang ganda ng Siargao.

Sinimulan na rin ni Alden Richards ang paghahanda sa medical series na Code Gray (CG) at marami pa siyang upcoming projects. Mukha ngang too busy ang 2026 sa actor at wala na naman siyang time for his love life.

---

NAUNA nang nag-post ang mag-asawang Maricel Laxamana-Pangilinan at Anthony Pangilinan ng kanilang unang apo. Kita sa mag-asawa ang saya na finally, may apo na sila.

Sabi ni Maricel, “Fernando Leon. Forgive me. Will be M.I.A. (missing in action) for a while. Grandma mode loading... Thank you E & E for this precious one.”

Si Anthony, reels video ang ipinost at kita ang saya sa mga mata at ngiti nito.

Sey niya, “Maricel: Hon, I’m either Lala or Lolly. What about you? What will Fernando call you? Me: LOLs.

“Joke lang. Any suggestions?”

Ang daming suggestions kung ano ang tamang itawag sa lola at lolo at swak ang suggestion ng isang fan, “Pops! Para LollyPops’ po kapag tinawag kayo ni Ms. Maricel.”

Well, nakarga na rin ni Donny Pangilinan ang unang pamangkin, anak ng sister niyang si Ella Pangilinan at asawang si Enrique Lhuillier Miranda. Ipinost nito ang photo na karga niya ang baby at may caption na, “Tito is homeeee.”

Sey mo, Heart? ANNE, NAG-SHOPPING NG LUXURY BAGS, WALANG NANG-BASH

ni Nitz Miralles @Bida | June 8, 2026

Photo: Circulated

Walang nang-bash nang i-post ni Anne Curtis ang luxury bags ng kanyang shopping spree dahil sabi ng mga netizens, sariling pera ang ginamit ni Anne at hindi galing sa pulitika, ‘di raw tulad ni Heart Evangelista.

Sa caption na, “Chanel-maxxing because I work my a$$ (ass) off. Disclaimer: I was also here for a check up so why not, right? Happy Sunday.”

Puro Chanel yata ang pinamili ni Anne dahil pare-parehong black ang shopping bags. 

Sa post ni Mond Gutierrez sa Instagram (IG), nabanggit na magkasama sila ni Anne Curtis sa Singapore para sa isang Chanel event. Kaya doon na rin sila nag-shopping.

---

MAY inilalayag na WinRi love team sa Senado at ang tinutukoy ay sina Sen. Sherwin ‘Win’ Gatchalian at Sen. Risa Hontiveros. Nakakatuwa, marami na agad shippers ang dalawa at pinag-usapan na nga nina Korina Sanchez-Roxas, Pinky Webb at Willard Cheng sa Agenda ng Bilyonaryo News Channel (BNC).

Pabor ang mga nabanggit sakaling maging for real ang WinRi love team dahil sabi nga ni Korina, parehong single ang dalawa. Walang nababalitang nililigawan si Sen. Gatchalian after his break-up with Bianca Manalo. Matagal na rin namang single si Sen. Risa at tama ang nabanggit ni Pinky, nasa kanila na ‘yun, “Matanda na sila.”

Dagdag pa ni Korina, “We need all the love in the Senate,” dahil nga sa mga sunud-sunod na nangyayari. 

Saka, kumpleto na raw kung may love and romance sa Senado dahil may drama, horror, fiction, comedy at action.

May mga nag-post na rin ng video ng dalawang senador na nagpapakita ng gentleness ni Sen. Win kay Sen. Risa. May request na rin kay Vice Ganda na i-feature sa kanyang vlog ang WinRi love team. 

Susunod nito, may request na rin kina Toni Gonzaga, Karen Davila, Julius Babao at sa iba pang may vlog na i-interview ang dalawa.

May hashtag na rin na #WinRi at may account sa X (dating Twitter) na WinRi Official at may mga edits na rin ng videos at photos ng dalawang senador. Nakakaaliw ang comment na, “Hopefully, hindi sila mailang ‘pag nakita nila ang lahat ng memes, edits at fan posts. Have fun, but ship responsibly.”

---

ANG daming nabudol sa inilabas na teaser ng Star Cinema para sa announcement ng bagong film project na kanilang gagawin. May nag-akalang pelikula nina Julia Barretto at Joshua Garcia ang ia-announce.

May nag-akala pang movie nina Kathryn Bernardo at Daniel Padilla ito. May naniwala pang tambalan nina Dustin Yu at Bianca de Vera ang ilalabas, pero mali lahat ang hula.

Movie nina Dingdong Dantes at Marian Rivera na Remember ang in-announce at na-interview ang dalawa sa airport kung saan palipad sila pa-Quebec dahil doon kukunan ang ilang eksena ng movie. Si Direk Mae Cruz-Alviar pa rin ang director, ang direktor din ng Rewind na pinagbidahan nina Dingdong at Marian.

Ang Rewind na family drama ay collab ng Star Cinema, APT Entertainment, Regal Films at AgostoDos Pictures ni Dingdong.

Sa interview kay Dingdong sa airport, ibinalitang sisimulan na nila ang shooting at nauna na raw lumipad pa-Quebec si Direk Mae. 

Sa binanggit ng host na maraming producers ang movie, “It’s good to work again with the same team plus Regal,” sagot nito.

Ayon naman kay Marian, tamang panahon na gawin nila ni Dingdong ang Remember dahil tatlong taon na pala mula nang gawin nila ang Rewind.

“Siguradong magugustuhan nila ‘to,” sabi ni Marian.

Dagdag pa ni Dingdong, “This year ipalalabas ang Remember ‘di lang sa Pilipinas, kundi pati sa ibang bansa.”

May naniniwala na sa 2026 Metro Manila Film Festival (MMFF) ipapalabas ang bagong pelikula ng DongYan (Dingdong Dantes at Marian Rivera), na mas nagpa-excite sa mga fans at moviegoers. Dagdag na saya raw sa filmfest ang movie ng DongYan.

FEU student daw… RICO, SPOTTED SA MALL NA MAY KA-DATE NA BYUTING GIRL NA NAKA-SHORTS

ni Nitz Miralles @Bida | June 7, 2026

Photo: Circulated

Comment ng mga netizens, luma-love life na uli si Rico Blanco at dahil ito sa spotted siya sa isang mall na may kasamang girl. 

Tinutukan ng camera si Rico at ang kasama, tinawag ang pangalan nito and in fairness, ngumiti si Rico at in-acknowledge ang tumawag sa kanya.

Hindi lang nakunan ang face ng girl na kasama ni Rico dahil natakpan ng singer at sa isa pang kuha, nakatalikod ito. 

Pero kahit nakatalikod, feeling ng mga netizens ay maganda si girl dahil makinis ang skin at maganda ang buhok. 

Saka, nasilip nang konti ang left side ng mukha nito at doon pa lang, nagandahan na ang mga netizens.

May mga pumuna naman sa OOTD ni girl na naka-shorts, bakit daw ganoon ang suot nito sa mall? 

Hindi ba nagmo-mall ang mga nagtanong at pumuna? Ang daming naka-shorts sa mall dahil mainit sa bansa natin. Normal na suot ito ng mga kabataan at may mga adults nga rin na naka-shorts sa mall.

First time yata na makitang magkasama sina Rico at ang girl at dahil magkadikit silang naglalakad, “girlfriend ni Rico” na agad ang tawag sa girl. 

Lalo na siguro kung holding hands ang dalawa o kaya ay nakaakbay si Rico sa girl.

Wala pang nakakaalam sa pangalan ng ka-date ni Rico, ang sabi lang, FEU student ito at taga-Bustos, Bulacan. 

Hintayin natin at isa sa mga araw na ito, may magpapangalan din sa sinasabing GF ni Rico.

---

Maka-DDS daw… EDU AT GF, ININTERBYU SI CONG. BARZAGA, IN-UNFOLLOW NG NETIZENS

Isa-isang binabasa ni Edu Manzano ang mga comments sa Instagram post niya at sinasagot ang kailangang sagutin. 

Kaya siguradong nabasa niya na may mga nag-unfollow sa kanya dahil in-interview niya sa podcast nila ng GF na si Ann Cuisia si expelled Cong. Kiko Barzaga.

guest yata ng BOSsES nina Edu at Ann si Kiko, na sabi ni Edu, ang podcast interview nila ay “Steady, insightful, inspirational and principled. Maraming salamat, Kiko. BTW, Maraming salamat din from the staff and crew for your patience and kindness.”

Sa mga nag-unfollow kay Edu, ang sagot ng isa nitong follower, hindi sila kawalan. 

May mga nagpasalamat din na maririnig nila ang side ni Kiko at may mga requests for Edu to interview President Bongbong Marcos para fair.

May nag-akusa naman kay Edu na DDS na pala siya, kaya raw pala maka-DDS ang kanyang mga posts. 

Kaya lang, minsan nang nilinaw ni Edu na wala siyang pinapanigan. 

“I am not green, yellow, pink, purple, orange or whatever color people want to box me in. I am simply asking.”

---

MUSIC pala ang isa sa bonding time nina Sarah Lahbati at Ellen Adarna at sa reels na ipinost ng una, tumutugtog ng piano si Ellen at duet sila sa song na Somebody.

Sabi ni Sarah, “When @maria. elena.adarna invites you over for a catch-up and it somehow turns into an impromptu, zero-practice, no-rehearsals-whatsoever jam.”

Ang ganda ng comment sa post na ito ni Sarah. Hindi raw niya gusto dati ang dalawa, pero noong mag-fail ang marriage nina Sarah at Ellen at nagpaka-strong sila, naging fan na siya ng dalawa.

Isa pang comment, “Queens don’t need a man. They’re getting better and stronger on their on. Queens turn pain into power.”

Meron ding, “‘Pag mayayamang single mom, ganyan sila mag-catch-up, tamang piano. ‘Pag mahirap na single mom nag-catch-up, ang kaharap, kundi Red Horse, malamang Alfonso.” 

Nakakatawa rin ang comment na, “Ganito sana tayo mag-catch-up, kaya lang, wala tayong piano.”

And speaking of Sarah, may iba itong Instagram posts na puro reels lang na kumakanta siya. May reels na songs ng Eraserheads ang kinanta niya at meron ding La Vien en Rose naman, na nagustuhan ng mga nakapanood ng video. 

Payo nila rito, i-pursue ang singing dahil sayang ang ganda ng boses niya.