Na-bash dahil ‘di proud Pinoy… JETHER NAG-SORRY, BRANDON, NAG-DEACTIVATE NG ACCOUNT

ni Nitz Miralles @Bida | June 13, 2026

Photo: IG of Brandon Espiritu & Jether Palomo

Deactivated na ang Instagram (IG) account ng controversial ‘halfie’ na si Brandon Espiritu. Hindi nito kinaya ang mga natanggap na komento dahil sa nakakainsultong pahayag nito at hindi pagiging proud bilang Pilipino.

Pinababalik na siya sa Guam dahil wala na raw siyang magiging career sa bansa at apektado na rin pati ang kanyang mga endorsements.

Ang isa pang controversial ‘halfie’ na si Jether Palomo ay hindi pa nagde-deactivate ng kanyang IG account. Pero deleted na ang karamihan sa kanyang mga posts at ang naiwan na lamang ay ang apology statement. Pinababalik na rin siya sa Amerika dahil tiyak daw na wala na rin siyang magiging career dito.

Natatandaan ng mga fans ni Marian Rivera si Jether Palomo. Siya ang contestant sa Superbody ng Century Tuna na naka-assign kay Marian para tanungin. 

Nang tanungin siya ni Marian, ipina-translate niya ang question sa Tagalog to English dahil hindi raw niya naintindihan.

Sa sinabi nitong “I’m sorry, can I get English, please?” isinalin nga ni Marian sa English ang kanyang tanong, pero sinabihan muna siya ng “Listen very carefully... I think you understand that,” sabay peace sign.

Naaliw kay Marian ang mga nakapanood ng nasabing event at doon pa lang ay may mga na-turn-off na kay Jether Palomo. 

Pure Filipino naman daw pala ito, bakit hindi nakakaintindi ng Tagalog? 

Marami tuloy ang nag-comment na deserve niya ang bashings at backlash na natatanggap nila ngayon ni Brandon Espiritu.

---

Dahil sa pahayag ni Asia’s Songbird Regine Velasquez-Alcasid sa pagkamatay ng 2 basketball players ng Ateneo de Manila University (ADMU) dulot ng pagkalunod, maraming um-agree sa bulok na sistema ng pa-waiver ng mga eskuwelahan na matagal nang ipinapatupad kapag may field trip o kailangang dalhin ang estudyante sa ibang lugar.

Marami ang nag-agree sa post na ito ni Regine dahil bakit nga naman daw kailangan ng waiver? Bakit daw kapag may naaksidente o namatay sa school event, hindi puwedeng kasuhan ang school?

May nag-comment lang na sana ay matulungan nina Regine Velasquez-Alcasid at Vice Ganda ang pamilya nina Rene Baterbonia at Divine Adili na makakuha ng competent lawyer. Tila hindi satisfied ang nag-comment kay Atty. Jimmy Bondoc bilang lawyer sa kaso.

---

KINAALIWAN ng mga netizens ang muling pagkikita nina Ryzza Mae Dizon at Bimby Aquino makalipas ang 13 taon. 

Nagkita ang dalawa sa set ng Eat… Bulaga! (EB!) kahapon at it was a happy reunion.

Unang nagkita at naging magkaibigan sina Ryzza at Bimb noong 2013 nang magsama sila sa isang pelikula. Ngayon lang muling nagkrus ang kanilang landas at sa mga lumabas na larawan, makikitang sweet pa rin si Bimb kay Ryzza. Nagyakapan sila at siguradong nagkuwentuhan.

Nag-guest si Bimb sa EB! at dahil sa magandang feedback, baka masundan pa ang guesting niya. 

Ang request ng mga viewers ng show ay magkaroon sila ng segment ni Ryzza at sila ang maging host, o kung anuman ang maisip ng mga taga-EB!.

Tanong ng mga netizens, ang guesting ba ni Bimby Aquino sa EB! ay senyales na sasabak na talaga siya sa showbiz? Nagbo-voice lessons ito at gustong maging singer. Puwede rin siyang umarte.

Rumored GF, magiging evil na raw… ENRIQUE KAY ANDREA: COME JOIN THE DARK SIDE

ni Nitz Miralles @Bida | June 12, 2026

Photo: IG __andreabrownnn & _iamkarendavila

Biniro si Enrique Gil na soft launch sa nababalitang relasyon nila ni Andrea Brown ang pagko-comment niya sa Instagram (IG) story ng huli. Actually, wala namang romantic sa post ni Andrea at hindi rin romantic ang comment ni Enrique, pero may mga kinilig pa rin sa kanila.

Nag-post si Andrea ng, “Just letting everyone know that I’ll be turning evil soon. It sucks, but it has to happen.” 

Sabi lang ni Enrique, “Come join the dark side,” at marami na nga ang kinilig. 

Wish ng mga fans, magkaroon pa ng more interactions ang dalawa online para may update sila.

Tsinek namin ang IG ni Andrea, maganda siya, at comment nga ng mga fans, bagay sila ni Enrique, never mind daw sa age gap nila. 

Makikita sa IG ni Andrea na naka-follow sa kanya ang aktor at laging nangunguna sa mga nagla-like sa post niya.

May nagtanong pa kung hindi pa ba nakukumbinse ni Enrique Gil na mag-artista si Andrea Brown. Puwedeng-puwede siya sa showbiz at bagay silang magkapareha.

---

Kampo nina Ashtine at Aubrey, umapela…

ATASHA, NEPO BABY DAW KAYA NAKUHANG BIDA SA MUSICAL PLAY

IPINAKILALA na ang four leading men ng Bongga Ka ‘Day!: The Annie Batungbakal Musical (BKDTABM) na kinabibilangan nina Sam Concepcion, KD Estrada, Jeff Moses at Anthony Rosaldo. 

Susunod nang ipapakilala ang iba pang cast ng musical at ang aktres na gaganap bilang Annie Batungbakal na sa pelikula ay ginampanan ni Nora Aunor.

Nagsimula na ang rehearsal ng apat at ng ibang cast, pati ang aktres na gaganap bilang Annie B, pero hindi pa siya pinapangalanan. 

Sa teaser, ang chin at likod pa lang nito ang ipinakita, pati ang nakapusod na buhok, at dito pa lang, nahulaan na ng mga netizens na si Atasha Muhlach ang napili to play the iconic role sa musical version.

Marami ang natuwa, lalo na ang mga fans nina Atasha at Andres Muhlach, dahil pagkatapos gawin ni Andres ang Bagets the Musical, ang kakambal naman niyang si Atasha ang sasabak sa musical. 

Hindi na makapaghintay ang mga fans na mapanood ito on stage na kumakanta at sumasayaw.

Marami rin ang nag-congratulate kay Atasha, deserve raw nito ang mapiling Annie B. dahil kabilang sa talent niya ang sing and dance. Right time raw ito para subukan niya ang stage at musical, at nangako ang mga fans ng suporta.

May mga nagreklamo rin, fans ng ibang Viva Artists Agency talents, na feeling nila ay mas bagay sa role ni Annie B. ang iba pang artista tulad nina Ashtine Olviga at Aubrey Caraan.

May nag-akusa pa kay Atasha na nepo baby daw ito at malaking factor ang parents niyang sina Aga Muhlach at Charlene Gonzalez para siya ang mapili sa role. 

May nag-comment pa na wala naman itong stage experience, na sinagot naman ng mga fans ni Atasha.

Naglatag sila ng ebidensiya na may stage background si Atasha dahil nakasama siya sa cast ng The Sound of Music (TSOM) noong bata pa siya. 

Dagdag pa ng mga fans, hindi ibibigay kay Atasha ang Annie B. role kung hindi nito kaya. 

Napapanood din daw sa Eat… Bulaga! (EB!) na sumasayaw at kumakanta si Atasha, at ipinakita na rin nito na marunong siyang umarte.

Anyway, may ingay na bago pa man ma-announce na si Atasha nga si Annie B. Ang isa pang inaabangan ay kung sino ang isa pa dahil kadalasan, dalawa ang napipili para sa parehong role bilang understudy.

Ang Bongga Ka ‘Day! The Annie Batungbakal Musical ay nakatakdang mag-run mula September hanggang October sa Newport Performing Arts Theater sa Newport World Resorts. Ang Philippine Educational Theater Association (PETA) Plus ang in charge sa production.

Pag-uwi ng ‘Pinas galing US, mamadaliin daw… PACQUIAO, NAGPRAMIS NG TULONG SA MGA NILINDOL

ni Nitz Miralles @Bida | June 11, 2026

Photo: IG _mannypacquiao

Nagpaabot ng pakikisimpatya si Manny Pacquiao sa mga naapektuhan ng magnitude 7.8 lindol sa Mindanao. Kabilang sa mga lubos na naapektuhan ang kanilang lugar na General Santos City (GenSan).

Sabi ni Manny, “Though I am currently here in the United States fulfilling prior commitments, I am monitoring the situation closely and coordinating with our teams on the ground to ensure that help reaches those who need it most as quickly as possible.

“You are not alone in this. We will face this challenge together and rebuild as one.”

May sinabi pa si Manny na, “I am working to expedite my return so that I can be there in person to stand with you, listen to your needs, and personally help in our recovery efforts.”

Nasa Amerika si Manny at ang pamilya nito dahil sa kasal ng eldest son nila ni Jinkee na si Jimuel Pacquiao. Proud grandparents sina Manny at Jinkee dahil may anak na si Jimuel at ang wife nito.

---

NAGPASALAMAT ang mga Filipino fans ni Thalia sa ginawa nitong pakikisimpatya sa mga biktima ng magnitude 7.8 na lindol sa Mindanao.

Mensahe niya, “Philippines, I’m deeply saddened by the news of the earthquake. Keeping everyone affected in my thoughts and prayers, and sending love, strength, and light during this difficult time.”

Sikat na sikat sa bansa si Thalia, ang Mexican singer-actress na napanood sa mga seryeng Marimar, Maria Mercedes at Rosalinda.

---

SOBRANG tapang ng VMX (Vivamax) series na Helena at ganu’n din ng mga bidang sina Jenn Rosa at Lea Bernabe, pati ang kasama nilang aktor na si Van Allen Ong. 

Hindi madi-disappoint ang mga fans ni Jenn na nagbabalik sa VMX series matapos mag-concentrate muna sa studies.

Nasabi naming matapang si Jenn dahil ibinuyangyang ang kanyang private parts. May eksena siyang frontal nudity at walang plaster. 

Katwiran nito, ginawa naman niya ang paghuhubad kaya ibinigay na rin niya ang lahat ng kailangan sa eksena at hiningi ni Direk Omar Deroca para sa role niyang isang healer.

First time maghubo’t hubad sa pelikula si Jenn at para rin daw sa ikagaganda ng pelikula ang pagpayag niya sa nudity scene. Nagandahan din siya sa tema at storyline ng pelikula at baka makasira kung magho-hold back siya.

Hindi rin nagpatalo ang kasamang si Lea dahil bigay na bigay din ito sa kanyang mga eksena. Kung may nudity scene si Jenn, nagpakita naman siya ng boobs at ang katwiran nito ay para sa ikagaganda ng pelikula kaya niya ginawa ang eksena.

Biniro naman si Van Allen na ang suwerte-suwerte niya dahil dalawang naggagandahan at nagseseksihang aktres ang kasama niya na walang arte sa pagbubuyangyang ng katawan. Walang naniwala na hindi siya tumingin sa mga hubad na katawan ng dalawang co-stars kapag hindi kailangan.

---

PINABILIB ni Miguel Tanfelix ang mga nakapanood sa kanya nang gawin ang Michael Jackson performance number sa All-Out Sundays (AOS). 

Swak daw ang caption na ‘Miguel Tanfelix channeling the moves of the King of Pop, Michael Jackson, together with Power Impact Dancers’.

Ang husay-husay ni Miguel kaya puro papuri ang mga fans at showbiz friends niya. Ang suwabe raw ng moves nito, gusto nila ang pitik, at may nag-comment ng “No one else can do this like Miguel! Nag-iisa ka lang!” “Smooth like butter,” at “Do more prods like this.”

May mga requests na nga na more MJ prods pa para kay Miguel at ‘yung may moonwalk dance steps naman daw. May nag-request pa ng Bruno Mars number at alam nilang kayang-kaya ito ng aktor.

Lalong humanga ang mga fans kay Miguel sa pagiging versatile nito dahil kung sa Taskforce Firewall (TF) ay nag-a-action siya, sa AOS naman ay kumakanta at sumasayaw. Idagdag pa na nagho-host din siya ng Planet XP.