2nd biggest buyer ng YSL sa buong mundo… PAMBILI NG LUHO NI HEART, GALING DAW KAY SEN. CHIZ

ni Nitz MIralles @Bida | September 14, 2025

Photo: Chiz Escudero at Heart Evangelista / IG

Hindi pala tuluy-tuloy ang pagbabalik sa Instagram (IG) ni Heart Evangelista dahil after one post 2 days ago, tahimik na naman siya. 

Nag-promote lang si Heart ng Centella Sun Serum na in fairness, mabilis nag-sold-out.

Ang pagpapa-sold-out sa ine-endorse ang pa-welcome sana ng mga supporters ni Heart sa pagbabalik niya sa IG. Kaya lang, pause na uli siya kaya naghihintay na uli ang kanyang mga supporters for her next post.

Sold-out sa Shopee at Lazada ang nabanggit na product at ang request nila ay dagdagan ang ilalagay sa online stores dahil kinulang.

Ang next na inaabangan ng mga supporters ni Heart ay ang mga ganap niya sa Milan Fashion Week at Paris Fashion Week na sabi nito sa isang earlier interview ay kanyang dadaluhan.

Samantala, nag-ingay online ang pahayag ng makeup artist ni Heart Evangelista na si Memay Francisco matapos nitong ibulgar sa comment section ng IG post ng aktres na ito raw ang pangalawang pinakamalaking customer ng luxury brand na Yves Saint Laurent (YSL) worldwide.

Dahil dito, maraming netizens ang napa-react at nagtanong kung saan nanggagaling ang pera ni Heart para sa kanyang bonggang YSL purchases. 

“Heart Evangelista is the 2nd biggest customer of YSL in the world according to her glam team. Where did Heart get the money to pay for her YSL purchases? Is it thanks to Chiz?” ayon pa sa isang netizen.

Mabilis na naging usap-usapan sa social media ang lavish lifestyle ni Heart, lalo pa’t lumabas ang issue kasabay ng pagkakadawit ng kanyang mister na si Sen. Francis “Chiz” Escudero sa mga kontrobersiya tungkol sa flood control project contractors.

Kaya ngayon, marami ang curious, galing ba talaga sa sariling kayod at kita ni Heart Evangelista ang kanyang luho o may koneksiyon ba ito sa mga isyung kinasasangkutan ng kanyang mister? 

At ang pagiging 2nd biggest YSL buyer, totoo kaya ito? 

Ano’ng sey mo, Heart?

---

Kahit nasa public place…

BEA AT VINCENT, MAY SARILING MUNDO HABANG TODO-TITIGAN AT HOLDING HANDS

Ang sweet ni Bea Alonzo at ng boyfriend niyang si Vincent Co sa launching ng Bash Aftergloss. May video na nag-uusap sila, magkaharap at holding hands. 

Sa dami ng mga nasa event, parang silang dalawa lang ang tao. Titigan to the max, kaya tama ang caption na: “Just them, in their own little world.”

Positive rin ang mga comments ng mga netizens na kapag nabasa ni Bea, matutuwa at sasaya lalo ang puso niya. 

Si Vincent daw ang boyfriend ni Bea na tanggap ng mga fans, kasama na pati mga fans nila ni John Lloyd Cruz (JLC). 

Umaasa ang mga fans ng aktres na silang dalawa na ang may forever at sa kasalan na mauuwi.

Nainis ang mga fans dahil nabitin sila sa moment nina Bea at Vincent. May sumingit kasi o dumaan habang nag-uusap ang magdyowa. Binitiwan tuloy ni Vincent ang paghawak sa palad ni Bea. Wala raw respeto kung sinuman ang mamang ‘yun, na kawawa naman, hindi alam na marami ang nagalit sa kanya.

Anyway, sa interview kay Bea, natawa siya kay JLC na ginawang public ang pag-iimbita sa kanila ni Vincent sa bahay ng aktor for a dinner. Nakalimutan daw nito na magka-Viber sila.

Pero natuwa si Bea Alonzo at tinanggap ang imbitasyon ni JLC.

Mga korup, tinalakan on national TV… “MARAMI NA ANG NAMATAY DAHIL SA PAGNANAKAW N’YO NG PONDO NG BAYAN” — VICE

ni Nitz MIralles @Bida | September 13, 2025

Photo: Vice Ganda / IG

Marami ang sumang-ayon sa sinabi ni Vice Ganda tungkol sa korupsiyon habang kaharap ang isang contestant sa Laro Laro Pick segment ng It’s Showtime (IS). 

Sa interview ni Vice sa contestant, nalaman na bata pa lang ay nagtatrabaho na ito at dito na nagsalita ang comedian-host at tinawag ang pansin ng mga corrupt government officials.

“Ito ‘yung mga taong ninanakawan natin. Ang korupsiyon ay hindi lamang pagnanakaw ng salapi ng bayan. Ito’y pagnanakaw ng pag-asa. Ito ay pagnanakaw ng pangarap. Ito ay pagnanakaw ng posibilidad. Maraming tao na ang namatay dahil sa pagnanakaw ninyo ng pondo ng bayan,” sabi ni Vice.

Kasunod nito, binanggit ni Vice ang government agencies na naaapektuhan ng kulang o kawalan ng maibigay na serbisyo dahil sa korupsiyon.

“Maraming mga magulang ang hindi nakapagpadala sa mga ospital ng kanilang may sakit na anak dahil sa korupsiyon. Maraming matatanda ang hindi naaagapan ang sakit dahil sa korupsiyon. Maraming bahay ang nasira at nabagsakan dahil sa korupsiyon. Maraming asawa ang naghiwalay dahil sa problema ng kahirapan. Hindi lang pera ang ninanakaw ninyo kundi buhay,” dagdag ni Vice.

Pinayuhan ni Vice ang contestant na si Ronron at ang mga viewers na lumaban at labanan ang mga nangungurakot sa pamamagitan ng tamang pagboto.

“Kaya balikan mo ang mga nagnakaw sa ‘yo, ‘di ba, mababalikan natin sila? Sa ano’ng paraan? Sa pagboto nang tama, sa ‘wag pagpayag na ito ay patuloy nilang gawin sa atin, at sa ‘wag pagpayag na ito ay nagawa nila nang ganu’n-ganu’n lang,” pagtatapos ni Vice.

May mga naiyak sa pahayag na ito ni Vice Ganda at marami rin ang nagpasalamat dahil dumarami ang mga celebrities na nagsasalita at nagpapahayag ng pagkadismaya sa talamak na korupsiyon sa gobyerno.

---

Kapalit ni Liza… 

ANDREA-ENRIQUE, APRUB SA FANS

APRUB agad sa mga fans sakaling magtatambal sa project sina Andrea Brillantes at Enrique Gil. Ito ay pagkatapos makita ang larawan ng dalawa kasama ang kani-kanyang manager.

Sa photo, makikita sina Enrique at Andrea kasama ang talent managers na sina Shirley Kuan (manager ni Andrea) at Ranvel Rufino (manager ni Enrique) at dalawa pang tao. Kaya inisip agad ng mga fans na project ng dalawa ang kanilang pinag-usapan dahil hindi naman daw magkikita ang dalawang managers nang walang dahilan at kasama pa ang mga talents nila.

Wish ng mga fans, matuloy kung may project man na pinag-usapan para kina Andrea at Enrique. Umaasa rin ang mga fans ng aktor na magtuluy-tuloy na ang

career nito. 

May nagpayo pa kay Enrique na career naman niya ang bigyan ng pansin dahil masaya na ang love life niya (if true) dahil kay Franki Russell.

As for Andrea, wish din ng mga fans na mas umalagwa pa ang career nito dahil sayang daw ang face card at popularity. 

Wala pang update tungkol sa pagkikita na ‘yun nina Andrea Brillantes at Enrique Gil with their respective managers. Umaasa lang ang mga fans na matuloy na kung anuman ang project na napag-usapan.

---

CONTROVERSIAL na naman si Senator Robin Padilla dahil inakalang nag-dirty finger ang senador habang inaawit ang Lupang Hinirang. Agad siyang dinepensahan ng asawang si Mariel Padilla. 

Sa kanyang Facebook (FB), nag-post si Mariel ng kanyang panig at panig ni Robin.

“My husband is a devout Muslim and a proud Filipino. During the national anthem he recites the Kalima—the Muslim declaration of faith, affirming his devotion to Allah. This is not an act of disrespect but a personal expression of faith, while at the same time standing in honor of our country,” pahayag ni Mariel.

Ayon pa kay Mariel, walang nakasaad sa batas o Republic Act No. 8491 na dapat “flat” ang palad habang inaawit ang Lupang Hinirang.

“Nowhere in the law does it require the palm to be flat. That is only a practice taught in school and ceremonies, not part of the legal text. No law was broken,” ayon pa kay Mariel.

“To claim he disrespects the flag is unfair. He is one of the most patriotic people I know—he even travels with the Philippine flag in his luggage and hangs it in every hotel room we stay in.

“His faith and patriotism are not in conflict. Serving Allah strengthens his love and service to the Philippines,” pagtatapos ni Mariel Padilla.

‘Yun naman pala!

Habang nasa ibang bansa… ALDEN, NAGPARINIG SA MGA KURAKOT, VIRAL

ni Nitz MIralles @Bida | September 12, 2025

Photo: Alden Richards / IG

Wala sa bansa si Alden Richards dahil lumipad ito pa-Italy noong Wednesday para sa Ferrari launch. Walang update at hindi nabanggit ng aktor na papunta siya sa Italy, kaya waiting ang kanyang mga fans sa kanyang post na hanggang ngayon ay wala pa.

Ayon naman sa mga fans, sanay na sila na hindi nag-a-update si Alden sa mga lakad niya at pagbalik na lang ito nagpo-post. Ang sabi, work-related ang biyahe niya at siya ay inimbitahan. Naniniwala ang mga fans ng aktor na kaya siya nakilala ng mga taga-Ferrari ay dahil ang mga bike niya ay Ferrari ang brand. Kahit mahal at kahit nasira ang isa niyang Ferrari bike, ito pa rin ang brand niya.

Wala pang trabaho si Alden kaya puwede siyang mag-travel. Nakapag-taping siya para sa dance reality show niyang Stars On The Floor (SOTF) at for sure, nagpaalam sa flight school kung saan siya naka-enroll.

Kahit wala sa bansa, pinag-usapan pa rin si Alden dahil ipinost ang definition ng “Kuracaught” (kurakot). Ang meaning daw nito ay mga corrupt official o indibidwal na huling-huli na sa ginagawang walang-habas na katiwalian at pangungurakot.

---

NASA Brazil si Miguel Tanfelix sa latest post nito at first itinerary yata ng aktor sa kanyang South America journey. Nabanggit niya ang “Solo backpacker, budget flights, hostel nights and South America—a journey brb (be right back) PH.”

Hindi ito ang first time na bumiyaheng mag-isa si Miguel. Nagba-backpack na siya dati pa, pero ngayon lang may mga fans na umaway sa kanya. Ang kasalanan daw niya ay hindi isinama ang girlfriend na si Ysabel Ortega sa kanyang biyahe.

May galit na nag-comment, “Tama, Miguel, lagi ka na lang mag-solo para pag-uwi mo, may babae ka na. Tama ‘yan para maging single na si Ysabel at maligawan ng guy na deserve ng pagmamahal n’ya. Parang ‘di kasi ikaw ‘yun, enjoy mo ‘yang pagso-solo mo.”

Hindi na si Miguel ang sumagot sa comment na ito, kundi mga fans niya. Paano raw isasama ni Miguel si Ysabel, eh, backpacker siya at sa budget hotel magtse-check-in. Kaya raw ba ni Ysabel mag-budget hotel? 

Isa pang tanong ng fan, papayagan ba si Ysabel ng mom niya na sumama nang solo kay Miguel?

Ang ibang mga fans naman, pinaalalahanan at pinayuhan si Miguel na mag-iingat sa South America dahil sa mga balita. ‘Wag daw siyang pumunta sa party places at ‘wag din daw niyang sabihing actor siya. 

“Always stay on the safe sides,” ang payo nila.

---

MAY magkasunod na tweet si Pokwang na marami ang nag-react at nag-comment. 

Unang tweet, “‘Yan na!!! Laglagan na!!! Unti-unti na mabibigyan ng mukha at pangalan ang tunay na kalaban ng bayan. Woohoo! EXCITING.”

Sinundan ito ng tweet na, “Shutang ina!!! Hindi ka pala ligtas Senator??? It’s a prank??? God bless our country.”

Sa last tweet ni Pokwang, marami ang nag-react at umaasang hindi matigil sa hearing at pagsampa ng kaso sa mga corrupt ang mangyayari. Gusto ng taumbayan na makulong ang mga corrupt at higit sa lahat, maibalik sa gobyerno ang kanilang mga ninakaw.

---

ANG nakakaaliw na comment ni Kakai Bautista para kay Bea Alonzo, “Cheng!!! Pa-grocery ka naman d’yan! Love you!” 

Hindi pa yata nababasa ni Bea ang request ni Kakai. Maganda sana kung kanyang sasagutin at waiting ang marami kung ano ang kanyang sagot.

Boyfriend kasi ng aktres si Vincent Co, anak ng may-ari ng PureGold at S&R, kaya

naglambing sa kaibigan. 

Kapag binigyan ni Bea ng gift certificate si Kakai, kahit P5,000 lang, ang dami na niyang mabibili.

Anyway, walang sightings kina Bea at Vincent lately kaya nabahala ang mga fans nang marinig ang Lovefool song ng The Cardigans na ginamit ni Bea na background sa kanyang post. 

Nang tanungin kung bakit ‘yun ang song, sagot ni Bea Alonzo, “Gusto ko lang ‘yung song. No meaning.”