Palawan pawnshop, hinoldap ng rider

by Janice Baricuatro @News | August 25, 2026

Photo: File

Kalaboso ang isang lalaki matapos umano nitong holdapin ang isang pawnshop sa Brgy. Tejeros Convention sa Rosario, Cavite, at tumangay ng mga alahas pero ilang oras lang, nasakote rin siya ng mga rumespondeng awtoridad.

Kinilala ang suspek sa alyas Shama, residente ng Rosario, na naaresto alas-10:30 ng umaga sa Brgy. Tejeros Convention.

Alas-8:10 ng umaga nang pasukin umano ni Shama ang Palawan Pawnshop na armado ng 9mm pistol at kitchen knife. 

Tinakot umano nito ang security guard, pinadapa at kinuha ang baril bago binasag ang salamin ng display at tinangay ang mga alahas. Tumakas siya sakay ng motorsiklo patungong General Trias.

Agad nagsagawa ng follow-up operation ang Rosario MPS hanggang sa matunton at maaresto ang suspek. 

Inihahanda na ang mga dokumento para sa inquest proceedings habang patuloy ang imbestigasyon sa halaga ng mga natangay na alahas at iba pang ebidensiya.

SWAT, kabilang sa nagpapatupad ng mahigpit na seguridad sa loob at labas ng eskwelahan sa QC

by Jeff Tumbado @News | August 25, 2026

Photo: JT

Kabilang ang ilang miyembro ng Special Weapons and Tactics (SWAT) ng Quezon City Police District (QCPD) sa mga awtoridad na nagpapatupad ng mahigpit na seguridad sa loob at labas ng Esteban Abada Elementary School sa Project 7, District 1, Quezon City.

Dahil kay PBBM — DEPDev... Mas maraming Pinoy na ang mapera

ni Mylene Alfonso @News | August 24, 2026

Photo: File / DSWD

Tinatayang 6.5 milyong Pilipino ang nakaahon sa kahirapan, kasabay ng pagbaba ng poverty incidence sa 9.7% noong 2025, ayon sa Department of Economy, Planning, and Development (DEPDev).

Batay sa 2025 Full-Year Poverty Statistics na inilabas ng Philippine Statistics Authority noong Agosto 21, 2026, ito na ang pinakamababang antas ng kahirapan na naitala sa bansa.

Ayon sa DEPDev, nakatulong sa pagbaba ng poverty incidence ang mga programa at serbisyong ipinatutupad ng pamahalaan sa ilalim ng administrasyon ni Pangulong Ferdinand R. Marcos Jr.

Kabilang dito ang Pantawid Pamilyang Pilipino Program (4Ps) at ang DSWD Walang Gutom Program, na nagbibigay ng suporta sa mahihirap, vulnerable at disadvantaged na sektor.

Saklaw ng mga programang ito ang tulong para sa pagkain, edukasyon at iba pang pangangailangan na naglalayong mapabuti ang kapakanan at kalidad ng buhay ng mga benepisyaryo.