Nancy Binay 98/155

Dapat sapat lang ang konsumo… Tipid pa more sa tubig at kuryente!

BULGAR

ni Nancy Binay - @Be Nice Tayo | February 27, 2022

Marami tayong dapat paghandaan sa susunod na mga araw.

Bukod sa patuloy na pagtaas ng presyo ng langis bunsod pagsalakay ng Russia sa Ukraine, kailangan din nating paghandaan ang napipintong kakulangan ng kuryente at tubig sa Kamaynilaan at Luzon sa darating na mga buwan.

☻☻☻

Ayon sa tantiya ng National Water Resources Board (NWRB), posibleng magkaroon ulit ng kakulangan ng tubig pagdating ng Abril o Mayo sa Kamaynilaan.

Patuloy na bumababa ang lebel ng tubig sa Angat Dam, na nagsu-supply ng 98 percent ng tubig sa Kamaynilaan.

Noong isang linggo ay bumaba pa sa 195.75 meters ang lebel ng tubig sa dam, na mababa sa ideal water level na 200 meters.

Hindi rin umano naging sapat ang ulan noong mga huling buwan ng 2021 upang mapuno ang dam.

☻☻☻

Isa pang alalahanin ay ang posibilidad ng brownouts dahil sa tinatayang manipis na supply ng kuryente sa Luzon grid pagdating ng summer months.

Ayon sa National Grid of the Philippines (NGCP), tinaya ng Department of Energy (DOE) na aabot sa 12,387 megawatts (MW) ang peak demand sa huling linggo ng Mayo ngayong taon.

Mas mataas ito ng 747 MW kumpara sa parehas na panahon noong nakaraang taon.

☻☻☻

Nananawagan ang mga supplier na magtipid ng konsumo upang maiwasan ang kakulangan ng demand.

Gumagawa na rin umano ng mga augmentation measures upang hindi magkaroon ng supply disruptions.

Ang apela naman natin ay pabilisin ang pag-apruba ng mga bagong power plants at pagkukunan ng tubig upang makahabol sa mabilis na paglago ng demand.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US! Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Public transport sector workers, umaaray na... Galaw-galaw sa budget para sa fuel subsidy

BULGAR

ni Nancy Binay - @Be Nice Tayo | February 24, 2022

Patuloy ang pagtaas ng presyo ng langis.

Ngayong linggo, inaasahang muli itong tataas. Pang-walong sunod na linggo na ito ng pagtaas.

Dahil dito ay nanawagan tayo sa Department of Budget and Management na ilabas na ang pondo para sa fuel subsidy para sa public transport sector.

Umaaray na ang ating mga public transport sector workers.

Ngayon pa nga lang sana sila muling babangon dahil matagal silang natengga dahil sa pandemya, ngunit nanganganib pa dahil sa patuloy na pagtaas ng presyo ng langis.

☻☻☻

P2.5 bilyon ang nakalaan para sa fuel subsidy program sa 2022 budget.

Ayon sa Land Transportation Franchising and Regulatory Board, nasa 377,443 public utility, taxi, tricycle at full-time ride-hailing delivery service drivers sa buong bansa ang makatatanggap ng P6,500 para sa fuel subsidy.

May P500 milyon din na nakalaan para naman sa fuel discounts para sa mga magsasaka at mangingisda sa ilalim ng Department of Agriculture.

☻☻☻

Ayon kay Budget Undersecretary Tina Rose Marie L. Canda, nakapagpasa na ng mga kinakailangang dokumento ang Department of Transportation at LTFRB.

Ngunit hindi pa rin daw ma-release ang pondo ng fuel subsidy dahil may hinihintay pang dagdag-dokumento mula sa DOTR.

Base sa 2022 General Appropriations Act, maaaring maglabas ng pondo para sa fuel subsidy program kapag ang average Dubai crude oil price na base sa Mean of Platts Singapore ay umabot o lumagpas ng $80 per barrel sa tatlong sunod na buwan.

Sana i-release na ang pondo kung iisang dokumento na lang pala ang hinihintay at napunan naman na ang ibang criteria para sa pagbigay ng fuel subsidy dahil kailangan ng agarang resolusyon ang isyung ito.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

Mga OFW na naiipit sa krisis sa Ukraine, 'wag pabayaan

BULGAR

ni Nancy Binay - @Be Nice Tayo | February 20, 2022

Naiipit ngayon ang ating mga kababayan na nakatira sa Ukraine sa gitna ng krisis.

Nakapalibot ang puwersa ng Russia sa borders ng bansa, at nagbabala ang Estados Unidos na posible itong maging simula ng pagsalakay.

Nag-utos na rin ang ilang bansa sa mamamayan nito na lisanin na ang Ukraine dahil na rin sa bantang ito.

Bawat araw na lumilipas ay patuloy ang palitan ng mga salita ng mga opisyal ng Russia at Estados Unidos, lalo na sa banta ng pagsalakay.

☻☻☻

Humigit-kumulang 400 ang mga kababayan nating nakatira sa Ukraine. Tulad nila ay marami rin tayong tanong na nais nating mabigyan ng kasagutan.

Ayon sa Department of Foreign Affairs ay isinasagawa na ang evacuation plan para sa ating mga kababayan at may libreng repatriation para sa mga nagnanais na umuwi ng Pilipinas.

Ano ang paghahandang ginagawa upang i-prepara ang ating mga kababayan sa paglikas?

Wala tayong embahada sa Ukraine kung kaya’t ang embahada sa Poland ang nangangasiwa sa diplomatic relations sa pagitan ng Ukraine at ng ating bansa.

Nagpadala na ba ang ating embahada o ang DFA mismo ng tao sa Ukraine upang tingnan at i-assess ang kalagayan ng ating mga kababayan doon?

In close contact ba sa Filipino community ang point person o point persons ng DFA at ng embahada?

May balita rin na may ilang kababayan tayong nag-aalinlangang umalis ng Ukraine, dahil natatakot na walang trabahong naghihintay sa kanila pagdating sa Pilipinas.

Ano ang plano ng mga ahensiyang nangangasiwa sa OFW concerns upang mabigyan sila ng maayos na trabaho o pagkakakitaan pagbalik ng Pilipinas?

☻☻☻

Kaisa tayo sa hangarin at mga pagsisikap na magkaroon ng maayos at mapayapang resolusyon ang tensiyong ito.

Nananalangin din tayong patuloy na maging ligtas ang lahat, lalo na ang ating mga kababayan sa Ukraine.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice!

. .

Dapat sapat lang ang konsumo… Tipid pa more sa tubig at kuryente!

Public transport sector workers, umaaray na... Galaw-galaw sa budget para sa fuel subsidy

Mga OFW na naiipit sa krisis sa Ukraine, 'wag pabayaan

RECOMMENDED