Proteksyon para sa mga bata laban sa sexual abuse, dagdagan pa

ni Nancy Binay - @Be Nice Tayo | March 10, 2022

Sa wakas, batas na ang panukalang itaas ang age of consent sa 16 mula 12.

Nitong nakaraang Lunes ay inilabas ng Malacañang ang pirmadong kopya ng Republic Act No. 116481.

Tinataas ng RA No. 116481 ang age of sexual consent mula 12, na kasalukuyang pinakamababa sa Southeast Asia at isa sa pinakamababa sa mundo, sa 16. Inaamyendahan nito ang RA No. 7610 o ang Special Protection of Children Against Abuse, Exploitation, and Discrimination Act.

☻☻☻

Mahalagang batas ito sapagkat dinaragdagan nito ang proteksyon ng mga bata mula sa sexual abuse.

Ang ibig sabihin kasi, kakasuhan ng statutory rape ang sino mang adult na mahuling may sexual activity kasama ang isang menor-de-edad na mas bata sa 16 taong gulang.

Samantala, exempted naman ang mga may consensual sexual relations sa mga menor-de-edad na 16 taong gulang pababa basta't hindi lalagpas sa 3 taon ang agwat ng kanilang edad.

Ngunit hindi kasama ang exemption na ito kung 13 taong gulang o mas mababa pa ang edad ng biktima.

☻☻☻

Mahalaga ang Age of Consent Law sa paglatag ng mas malakas na proteksyon kontra sa pag-abuso sa mga bata.

Maraming salamat sa lahat ng nag-alay ng oras nila para pag-aralan at isulong ang pagtaas ng age of consent.

Bagama't mahaba pa ang daan at marami pang kailangang gawin upang tuluyang makawala sa banta ng pang-aabuso ang kabataan, isang tagumpay ito para sa ating lahat.

☻☻☻

Paalala lamang sa lahat na manatili sa loob ng bahay, ugaliing maghugas ng kamay, bigyang pahalaga ang kalusugan, at huwag kalilimutang magdasal.

Malalagpasan din natin ito.

Be Safe. Be Well. Be Nice! ☻

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

20-M ang balik-trabaho… Alert Level 1, pabor sa muling pag-unlad ng ekonomiya

ni Nancy Binay - @Be Nice Tayo | March 6, 2022

Hindi pa tapos ang COVID-19 pandemic.

Ito ang paalala natin sa ating mga kababayan matapos isailalim ang Kamaynilaan at 38 pang lugar sa Alert Level 1 o ang pinakamababang lebel ng health restrictions.

Maaari nang magbukas para sa 100 percent on-site work ang mga business establishments at workplaces at full capacity para sa public transportation.

Madaragdagan na rin ang bilang ng mga paaralang magsasagawa ng face-to-face classes sa buong bansa.

☻☻☻

Inaasahan namang 62 percent ng ekonomiya ang makakabenepisyo sa pagluluwag, ayon sa National Economic and Development Authority (NEDA).

Makadaragdag ito ng tinatayang P9.4 bilyon kada linggo sa ating ekonomiya at 20.3

milyong manggagawa naman ang makababalik sa trabaho.

☻☻☻

Ngunit para sa ilan nating mga kababayan, tila nakalimutan nila na nasa gitna pa rin tayo ng pandemya.

Ito ay matapos iulat ng Philippine National Police (PNP) na humigit-kumulang 22,000 indibidwal ang sinita, pinagmulta o nakulong dahil sa paglabag sa minimum health protocols at curfew sa unang araw ng Alert Level 1.

Mahigit 18, 700 katao ang nabigyan ng warning, samantalang 1,800 ang pinagmulta at 1,100 naman ang nakulong o pinag-community service dahil sa paglabag sa health protocols.

Sa bilang na ito, 4, 200 katao ang nasita sa Metro Manila. Kabilang sa mga violation ay ang maling pagsusuot ng facemask at hindi pagsunod sa physical distancing.

☻☻☻

Umaapela pa rin tayo sa ating mga kababayan — kahit na ang karamihan ng mga lugar sa ating bansa ay nasa Alert Level 1 at 2 — na panatilihin ang pag-obserba sa minimum health and safety protocols.

Hinihimok din natin ang ating mga kababayan na magpa-booster shot kung kuwalipikado at nariyan na ang supply.

Ito ay upang maiwasan natin ang muling pagsirit ng bilang ng mga kaso at muling maghigpit.

Habang unti-unti nating pinasisiglang muli ang ekonomiya ay sana’y protektahan din natin ang mga bunga ng sakripisyo ng ating medical frontliners.

☻☻☻

Paalala lamang sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay

Asahan at paghandaan ang rotational brownout sa Luzon

ni Nancy Binay - @Be Nice Tayo | March 3, 2022

Ninipis ang reserba ng kuryente ng Luzon grid, na maaaring maging sanhi ng mga brownout ngayong election season, kung hindi madaragdagan ang power supply, ayon sa Independent Electricity Market Operator of the Philippines (Imepo).

Ayon sa simulations ng Imepo, 67 na yellow alert level warnings ang nagbabanta sa Luzon mula March hanggang June kung hindi masusustentuhan ang supply ng kuryente.

Ang yellow alert ay senyales na manipis na ang supply ng kuryente, na maaaring humantong sa red alert.

Sa ilalim ng red alert ay mapipilitan ang grid operator na mag-implementa ng rotational brownouts na tulad ng naranasan noong nakaraang taon.

Kamakailan din ay sinabi ng Institute of Climate and Sustainable Cities (ICSC) na aabot sa 1,355 MW ang projected power supply deficit ng bansa sa paparating na tag-init.

☻☻☻

Inaasahan natin na agarang aaksiyunan ng pamahalaan ang pagsiguro ng supply ng kuryente bilang commitment nito sa maayos na pamamalakad ng pambansang halalan.

Sa halip na magbangayan at magturuan, nananawagan tayo sa ating mga electricity stakeholders na magtulungan para masolusyunan ang nakaambang krisis.

☻☻☻

Mula noong Martes, March 1 ay ibinaba na sa Alert Level 1 ang Metro Manila at 38 na iba pang mga lugar sa bansa.

Ang Alert Level 1 ang pinakamababang level ng restrictions.

Nakikiusap tayo sa ating mga kababayan na bagama’t mas malaya na tayong nakagagalaw ay huwag sana nating kalimutan ang ibayong pag-iingat.

Patuloy nating obserbahan ang mga minimum health and safety protocols dahil hindi pa rin nawawala ang banta ng COVID-19, bagama’t patuloy na bumababa ang mga kaso.

☻☻☻

Paalala sa lahat na manatili sa loob ng bahay, ugaliing maghugas ng mga kamay, bigyang-halaga ang kalusugan at huwag kalilimutang magdasal.

Malalagpasan din natin ito.

Be Safe. Be Well. Be Nice!

---

Kung mayroon kayong nais idulog o ipaabot sa inyong abang lingkod, maaari kayong sumulat sa BE NICE TAYO ni Sen. Nancy Binay, BULGAR Bldg., 538 Quezon Ave., Quezon City o mag-email sa benicetayo.gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran. Always Be Nice! FOLLOW US!  Facebook: www.facebook.com/SenatorNancyBinay Twitter: www.twitter.com/SenatorBinay @SenatorBinay Instagram: @SenatorNancyBinay