Proud na may 8 yrs. na BF… DONITA: RELASYON NG BADING AT LALAKI, ‘DI TUMATAGAL DAHIL SA PANGHUHUSGA

ni Mercy Lejarde @Talkies | July 14, 2026

Photo: File

Usapang pag-ibig ang naging sentro ng talakayan sa podcast na Your Honor (YH) nina Chariz Solomon at Buboy Villar nang mag-guest ang komedyanteng si Donita Nose.

Sa panayam, ibinahagi ni Donita ang ilang detalye tungkol sa kanyang long-term relationship.

Dahil dito, natanong siya ni Chariz, “Paano ka nakakakuha ng long-term relationship? Napaka-rare nu’n sa panahon na alam mong this is for real.”

Hirit ni Buboy, “Wow! Eight years!”

Ipinaliwanag ni Donita na isa sa mga dahilan kung bakit maraming relasyon noon ng mga miyembro ng LGBTQIA+ community ang hindi nagtatagal ay dahil sa panghuhusga.

“Alam mo kung bakit ‘di nagtatagal ang mga relasyon noon ng mga bakla? Kasi nga, nadya-judge. Isa ‘yun sa mga nagiging problema ng mga lalaki. Ngayon kasi, naging mas open na tayo. Ang relasyon ng bading at ng lalaki ay ‘di na hinuhusgahan katulad ng dati. Mas natatanggap na tayo ngayon, kahit papaano,” aniya.

Iginiit din ni Donita na may mga lalaking tunay na nagmamahal sa kapwa lalaki.

Sey pa niya, “At saka, ‘di mo maitatanggi na meron talagang totoong lalaki na nagmamahal ng bading — tunay na pagmamahal. Totoo ‘yun.

“Kaya maraming salamat sa lahat ng mga taong umuunawa ngayon sa ganitong klaseng relasyon. At the same time, sa mga lalaking ‘di natatakot na lumabas at ipaglaban ang kanilang totoong pagmamahal sa mga tulad namin.”

Samantala, nagbigay naman ng mensahe si Chariz Solomon tungkol sa pag-ibig.

Aniya, “Love is love, guys. Love is love. Walang different forms of love.”

Well, kantahan na nga lang natin si Donita ng awiting, “Love moves in mysterious ways… It’s always so surprising. How love appears over the horizon… I’ll love you for the rest of my days…”

Pak, ganern!

---

NAGBAHAGI ng isang bukas at emosyonal na liham ang aktres na si Judy Ann Santos para sa kanyang anak na si Lucho sa pamamagitan ng kanyang Instagram (IG) account.

Kalakip ng post ang larawan nila ng asawang TV host na si Ryan Agoncillo kasama ang kanilang anak matapos ang isang international football tournament.

Bukod sa husay sa paglalaro, mas ikinatuwa umano ng aktres ang pagiging mapagmahal ng kanyang anak sa pamilya.

Aniya, “My dearest boy, Mama’s heart couldn’t be more proud of you. Watching how you pour your heart, energy and dedication into every game. YOU ARE AMAZING! You are amazing in many, many ways. Being named ‘Player of the Match’ for your team to rank 16 out of 70+ international teams, you’ve come a long way, my love.

“This experience has opened up a lot of options and opportunities for you to become what you really want to be in the future. I love watching you play again with some of your childhood friends and become friends with new ones. I love how focused you are in every game.

“But you know what I love the most? It’s the tight hugs and kisses you give me and Dada every after game. The way you still kiss your sisters on their forehead every time you see them makes me more proud of the man you’re becoming.

“My love, go and chase your dreams. We will support you no matter what. As long as you want me to cook rice (kanin is life), adobo and salpicao for you and do your laundry for every tournament such as this, I will do so with a very happy heart.

“You will always be Mama’s favorite son. I love you to the moon and back a thousand times and beyond.”

Matatandaang kamakailan lamang ay hinirang si Lucho bilang Player of the Match sa isang international football tournament na ginanap sa Spain. 

Higit pa rito, nakapasok ang kanyang koponan sa Top 16 mula sa mahigit 70 international teams na lumahok sa kompetisyon.

Isang malaking congratulations, Lucho!

At siyempre, congratulations din sa super-proud na lola ni Lucho, Mommy Carol Santos!

---

NAGPA-TATTOO si Miss Universe Philippines 2026 Bea Millan-Windorski kay Grace Palicas, pamangkin ng legendary mambabatok na si Apo Whang-Od, at ibinahagi ang karanasan sa kanyang social media.

Ani Bea sa kanyang post, “Proud to be inked by the great @palicasgrace and carry the stories of the generations of women who came before me.

“The three dot signature represents the continuation of the mambabatok art form through the legendary Apo Whang-Od, her niece Grace Palicas, and her grandniece Elyang Wigan. To me, they also serve as a reminder of my mom and lola, who shaped me into the woman I am today.

“As a pageant queen I am often asked about my perception and definition of beauty, but I was reminded in the lush contours of the Cordillera and in the presence of the women mambabatok that beauty is more than meets the eye. For the Kalinga, tattoos are markers and enhancers of beauty. It was believed that you could not bring gold, silver, or any worldly possessions into the afterlife. You could only bring the markings on your bodies.

“However, mambabatok was pushed to the brink of extinction due to the forces of modernization and American occupation. Tattooed women were shamed for the complex patterns of figs, snakes, prayers, and ferns that bloomed across their bodies.

“But one trailblazer was able to preserve the art form for future generations. Due to the work of Apo Whang-Od, mambabatok has not only survived, but thrived and found its way onto the skin of Filipinos around the country and visitors from around the world.

“My tattoo also serves as a reminder of the strength and perseverance of Filipino culture, one that I will be proud to share on the international stage.”

Samantala, nakatakdang irepresenta ni Bea Millan-Windorski ang Pilipinas sa Miss Universe 2026 pageant na gaganapin sa Puerto Rico sa Nobyembre.

‘Yun lang, and I thank you.

Sa 3 yrs., marami raw natutunan… SEN. ROBIN, PROUD NA GRADUATE SA KULUNGAN

ni Mercy Lejarde @Talkies | July 13, 2026

Photo: FB Robin Padilla

Ibinahagi ni Sen. Robin Padilla sa kanyang social media account ang isang larawan niya na nakasuot ng toga na tila isang graduate na gawa sa Artificial Intelligence (AI). 

Sa larawan, makikita rin ang isang gusali na may nakasulat na ‘University of Prison’.

Sa caption ng kanyang post, sinabi ni Robin, “Maraming salamat po sa gumawa nito. Alhamdulillah. Napakaganda po talaga. Ipaguhit ko po ito sa canvas. Ipinagmamalaki ko po talaga ang tatlong taon ko sa University of Prison.

“Dito sa lugar na ito ang tunay na unibersidad ng buhay. Dito pinag-aaralan kung paano magbayad sa kasalanan at matakot sa Diyos. Dito, kung nasaan ang mga tinalikuran ng pagkakataon ay normal na pinag-uusapan ang mga kaso ng bawat isa.

“Araw-gabi, umagahan, tanghalian, gabihan, gising o sa panaginip, paulit-ulit ang talakayan sa kani-kanilang kaso. Karamihan, biktima ng kahirapan at kawalan ng katarungan.

“Dito hubad at lantad ang tumatakbo sa pag-iisip at pagkatao ng lahat ng klase ng kriminal. Dito walang nakukubling pagkukunwari. Dito, ang lahat ng istilo ng kriminal ay napag-aaralan. Killer, snatcher, holdaper, akyat-bahay, pusher, pickpocket, gangster, corrupt na pulitiko, atbp.. Dito ang batas at butas nito ay may pangil at nagpaparusa.

“Ito ang unibersidad ng totoo at tunay na estado ng bansa at ng taong bayan. Dito sa lugar na ito nagpupunta ang mga mababa at mataas na paaralan, kasama na ang sikat na unibersidad, upang matuto sa buhay ng mga kriminal.

“Madali lang ang pumasok dito. Ang mahirap ay ang makalabas at mag-graduate... with honors o with death.”

Sa kabila ng pagiging simple ng mga salita ni Sen. Robin Padilla, malalim ang mensaheng nais niyang iparating. Ang pangunahing punto ng kanyang pahayag ay magsilbing paalala sa lahat na iwasan ang paggawa ng masama upang hindi humantong sa pagkakakulong o sa tinawag niyang ‘University of Prison’.

---

Inamin ng aktres na si Yayo Aguila sa panayam ng broadcast journalist na si Julius Babao sa kanyang YouTube (YT) channel na Unplugged na hindi niya pinagsisisihan ang maaga niyang pag-aasawa.

Sa kanilang pag-uusap, napag-usapan ang mga naging karanasan ni Yayo sa kanyang buhay-pag-ibig at ang desisyon niyang bumuo ng pamilya sa murang edad.

Ayon kay Yayo, ginusto niya mismo ang magkaroon ng sariling pamilya kahit bata pa siya.

“Kasi unang-una, ginusto ko ‘yun. Sixteen pa lang ako nu’n, kakatapos ko lang ng high school. Fourth year high school pa lang ako nu’n, pero ‘yung mindset ko, bago pa mag-4th year high school, gusto ko na talagang magkaroon ng pamilya. Gusto kong magkaroon ng mga anak more than asawa. Gusto ko ‘yung magluluto ako para sa mga anak ko, mag-aayos ng baon nila, ‘yung parang nasa storybook,” ani Yayo.

Ibinahagi rin ng aktres na hindi niya pinagsisihan ang mga naging desisyon niya dahil sa mga biyayang natanggap niya sa buhay.

“Nilabag ko lahat ‘yung mga pangarap ng lola’t lolo ko for me, ganu’n din ng mommy at daddy ko. So fast forward, ‘di ko pinagsisihan ang kahit ano kasi nagkaroon ako ng apat na mababait at mabubuting anak. Na-strengthen ko ‘yung faith ko. Marami akong natutunan, marami akong takeaways sa lahat ng ginawa ko,” saad niya.

Aminado si Yayo na maaaring hindi perpekto ang desisyon niyang mag-asawa nang maaga.

“Kahit maling desisyon ‘yung mag-asawa nang maaga, ‘di ako nagsisi. ‘Di ako nagsisi kasi ang buhay, ‘di naman perfect. Kahit gaano mo kagustong pagandahin ang buhay mo, somewhere along the way, sa kalye, may lubak. So, ‘di ako nagsisi,” dagdag niya.

Sa panayam, napag-usapan din nila ang tungkol sa mga anak ni Yayo sa dating asawa niyang aktor na si William Martinez.

Tinanong siya ni Julius, “Pero ngayon, okay na raw si William sa mga anak mo?”

Ayon kay Yayo, masaya siya dahil matapos ang apat na taong hindi sila nag-uusap, nagkaroon na ng pagkakaayos ang kanyang mga anak at si William.

“Yes. After 4 years na ‘di sila nag-uusap, masaya ako kasi nag-reconcile na sila. I mean, ‘di ko alam ‘yung complete details kasi ‘di ako nagtatanong sa mga anak ko,” saad ni Yayo.

Ibinahagi ng aktres na ang alam lamang niya ay nagkita ang kanyang mga anak at si William upang maglaan ng oras sa isa’t isa.

“Basta ang alam ko, they went out to lunch. Kumpleto silang mag-aama kasama ‘yung brother-in-law ko. Ang sabi lang nila, kumain sila sa labas, nag-mall. ‘Di ko na tinanong kasi kung magkukuwento ang mga anak ko, magkukuwento sila,” aniya.

Para kay Yayo, ang pinakamahalaga ay nagkaroon na ng pagkakaayos sa pagitan ng kanyang mga anak at ng kanilang ama.

“Para sa akin, ang importante lang, nag-uusap na sila. ‘Di naman closure, pero nagkaroon ng healing. Okay na ‘yun kasi at least, alam ko sa mga anak ko na maluwag na ang dibdib nila,” dagdag niya.

Korek ka riyan, Yayo!

Dahil daw kay Miguel… KYLINE, NAGSALITA NA SA NAGING WAR NILA NI BIANCA

ni Mercy Lejarde @Talkies | July 12, 2026

Photo: IG _itskylinealcantara & _bianxa

Nilinaw ng aktres na si Kyline Alcantara na walang kinalaman si Miguel Tanfelix sa naging hindi nila pagkakaunawaan noon ni Bianca Umali.

Sa naging panayam ni Kyline sa Fast Talk with Boy Abunda (FTWBA), muling napag-usapan ang kanyang nakaraan at ang mga isyung minsang iniugnay sa kanya.

Nang tanungin ng mahusay na TV host na si Boy Abunda kung naging sila ba ng aktor sa tunay na buhay, sumagot si Kyline, “Nasagot na naman po ito ni Miguel. We had something special. ‘Yun po.”

Tinanong din siya ni Boy tungkol sa girlfriend ni Miguel na si Ysabel Ortega, “Kayo ni Ysabel, you’re okay? Are you friends?”

Sagot ng aktres, “Yes, we are okay. Actually, last taping po namin, bumisita po s’ya. Nag-games kami habang lunch break at dinner break. So, okay na okay po kami.”

Isa sa mga naging tampok sa panayam ang matagal nang usap-usapang alitan nila ni Bianca Umali. Nang tanungin ni Boy kung totoo bang si Miguel ang naging dahilan ng naging hidwaan nila ni Bianca, mariing itinanggi ito ng aktres.

“Actually, no. No po, no po,” sagot ni Kyline.

Ipinaliwanag niya na ang naging tampuhan nila ni Bianca ay dulot lamang ng misunderstanding at miscommunication.

Aniya, “Kaya nga po naging close kami ulit. S’yempre, may mga misunderstanding, miscommunication, kaya po kami ‘di naging okay ni Bianca at that time. Pero nu’ng nakapag-usap na po kami…”

Muling nagtanong si Boy, “But nothing to do with Miguel?”

“Nothing to do with Miguel,” paglilinaw ni Kyline.

Ayon sa aktres, nang magkaroon sila ng pagkakataong mag-usap nang masinsinan ni Bianca, napagtanto nilang walang kinalaman si Miguel sa kanilang hindi pagkakaunawaan.

Aniya, “So, nu’ng nakapag-usap na kami ni Bianca nu’ng time na ‘yun, akala namin... Pero nu’ng nakapag-usap na po kami ulit, parang ay, wala naman pala. ‘Di naman pala dahil kay Miguel.”

Ibinahagi rin ni Kyline na masaya siyang siya mismo ang lumapit kay Bianca upang linawin ang lahat. 

Aniya pa, “And I’m so happy na dumirekta po ako mismo kay Bianca because we have deep love for each other. And I’m so happy na napakinggan namin ‘yung isa’t isa nu’ng time na ‘yun.

“And now, we’re so close, we’re so okay. Like, we have dinner, napaglutuan n’ya na ako ng specialty n’ya na sinigang, nakapunta na ‘ko sa bahay n’ya, of course bonding with Ruru (Madrid), so sobrang okay na po.”

Samantala, ibinahagi ni Kyline na minsan na siyang nabiktima ng online scam.

Tinanong siya ni Boy, “Isa sa mga nilalabanan ng Taskforce Firewall ay ang online scam. Nabiktima ka ng isang scam? Tell us more about it.”

Ikinuwento ni Kyline na nakatanggap siya ng email at text message na may kasamang link na nagsasabing may problema umano sa kanyang bank account.

Aniya, “Meron pong email and text message na may link po. Ang nakalagay po ru’n sa text message is parang may problema raw po sa aking banko, so click this link para maayos. So, I clicked it, and then parang nagpunta po sa ibang website, so inalis ko na lang po s’ya agad.”

Gayunman, nang tingnan niya ang kanyang banking app, napansin niyang nabawasan na ang laman ng kanyang account.

Aniya, “And then when I checked the bank app, biglang parang nabawasan ‘yung pera ko. ‘Yun na po pala ‘yun. Nabawasan ang aking pera.”

Nang tanungin ni Boy kung umabot ba sa daan-daang libong piso ang nawalang halaga, sinabi ni Kyline na mas mababa rito ang halaga, ngunit malaki pa rin ito para sa kanya.

“Under naman po pero malaki pa rin po ‘yun. Diyos ko! Pangkuryente ko po ‘yun,” aniya.

Anyway, sa lahat ng gumagawa ng online scam, darating din ang karma ninyo. Hintayin n’yo lang. Pak, ganern! 

---

IBINAHAGI ng aktres na si Yasmien Kurdi ang isang masayang family moment kasama ang kanyang asawa na si Rey Soldevilla Jr. at ang kanilang dalawang anak na sina Ayesha Zara at Raya Layla.

Sa mga larawang ibinahagi ni Yasmien sa social media, makikitang magkakasama silang nanood sa IMAX Theater ng SM Mall of Asia (MOA). Ayon sa aktres, espesyal ang okasyong ito dahil ito ang unang pagkakataon na naranasan ng bunso nilang anak na si Raya Layla na manood ng sine.

Aniya, “Last night was Raya Layla’s very first time watching a movie in the cinema!!!

I’m so happy her first movie was the Philippine premiere of Moana.

“Favorite ni Raya si Moana. Memorized n’ya ang mga kanta kasi araw-araw n’ya ‘tong pinapanood sa Disney.

“You know what’s even more special is that this was also the movie Ayesha loved when she was younger. Just like Moana and her little sister, my girls have a big age gap, too. Kaya nu’ng sinabi ni Ayesha na malaki ang age gap nila ni Raya, lagi kong ine-example si Moana at ang kapatid n’ya na mas malaki pa ang age gap.

“Overall, the live-action film was so good. No joke! I honestly think they made it even better than the animated version. Walang ka-echosan! Ang galing umarte ni Catherine Laga’aia bilang si Moana. And of course, Dwayne ‘The Rock’ Johnson was perfect as Maui! Wala na akong maisip na ibang magpo-portray ng role.”

In fairness, sulit na sulit ang family movie date ng pamilya ni Yasmien dahil kitang-kita na nag-enjoy silang lahat sa kanilang pinanood na pelikula.

‘Yun lang, and I thank you.