Kaya never na raw pinag-drive ni Direk Paul… TONI, NAHULI NG PULIS SA SOBRANG BILIS MAGMANEHO

ni Mercy Lejarde @Showbiz Talkies | February 6, 2026

Photo: Toni Talks - YT

“Kahit si Superman, masasaktan sa ginawa mo sa akin,” ang pahayag ng mahusay na host ng Rainbow Rumble (RR) na si Luis Manzano sa aktres-singer na si Toni Gonzaga sa YouTube (YT) channel ni Luis na Luis Listens.

Super-espesyal ang episode na ito dahil nakasuot pa ng barong si Luis habang ini-interview ang dati niyang niligawan na si Toni.

Tanong ni Luis, “Paano mo nakuha ‘yung commercial na ‘I love you, Piolo!’? Ikaw ba ‘yung type na every weekend ‘yung ngiti sa kanan at kaliwa? ‘Yung batang VTR (video tape recording) ka?”

Sey ni Toni, “Hindi. Ang dream ko talaga nu’ng bata is maging singer lang. ‘Yun lang ang dream ko kasi kumakanta ako. Tapos, na-realize ko nu’ng nagsisimula ako in the ‘90s, ang mga singing contests lang ang nasa noontime shows or bihira, unlike ngayon na may The Voice na may solo show. 

“Bihirang-bihira noon, seasonal lang ang mga singing competitions. So nu’ng natapos na ‘yung mga singing competition sa mga noontime shows, parang narinig ko na may mga VTRs din daw for commercials. 

“Eh, ‘di ba ‘pag bata ka naman, when you’re 12, 13, 14, parang gusto mo ring i-try lahat? So, na-try ko na rin. Nag-VTR na rin ako for commercials.”

Maraming beses daw nag-audition si Toni sa mga TV commercials pero mas marami ‘yung hindi siya natatanggap dahil hindi siya mestiza. 

Sey ni Toni, “Nu’ng time na ‘yun kasi, ‘yun ‘yung sinasabi ng daddy ko na in the ‘90s, mas standout kasi ‘yung mga mestiza and half-half, ‘di ba? Given naman ‘yun, sa isang lineup ng mga girls, talagang standout ‘yung mestiza.”

Pero sinabihan daw siya ng daddy niya ng “One day, mauuso rin ang mukha mo.”

Tanong ni Luis na may kasamang biro, “Kailan kaya mauuso ‘yung mukha ni Catherine (Alex Gonzaga)?”

Sey ni Toni, “One day, mauuso rin ‘yung mukha mo.”

Tanong ni Luis, “How would you take it? Kasi sabi ko nga, it’s not something you hear every day. Pero ikaw, kaya mo bang tawanan or at one point medyo may konting tama sa ‘yo?”

Sey ni Toni, “Ang daddy ko kasi, straight to the point magsalita. Parang lagi n’yang sinasabi sa akin, ‘Bago mo pa marinig sa labas ng bahay, sasabihin ko na sa ‘yo.’ Parang lagi n’ya akong tine-train. It’s a cruel world out there. Kung ‘di ka sanay sa masasakit na salitang maririnig mo, ‘di mo kakayanin ‘yang mundong pinapasukan mo. Kaya diretso lang magsalita daddy ko sa akin nu’ng time na ‘yun.”

Naikuwento rin ni Toni na bago pa siya nag-artista ay kumakanta siya sa mga hotel at P1,500 daw ang talent fee niya for two sets, na ang bawat set ay 12 songs, so bale 24 songs ang kinakanta niya. 

Tanong ni Luis, “May isa ka bang endorsement noon na 6 figures na una mong nasabi na ‘Uy, teka lang, malaki na ‘to, ah?’ Was it 7 figures?”

Sey ni Toni, “‘Yun ‘yung nag-six or seven figures. S’yempre, parang ‘Ha? Kaya ko pala ‘yun?’ Kasi ang daddy ko, lagi n’yang sinasabi dati, nu’ng nalalaman n’ya ‘yung mga endorsements, naalala ko pa ‘yun sa GMA, sa Startalk, kay Rosanna Roces, parang naghihintay sila. Tapos, narinig n’ya ‘yung TF for an endorsement. Sabi ng daddy ko, ‘Siguro, ‘pag kumikita na ng ganyan si Celestine (Toni), baka wala na tayo sa mundo. ‘Di na natin abutin.’ So, nu’ng nakita ko na naabot ko na rin pala ‘yung point na puwedeng kumita ng ganu’n sa isang endorsement, natuwa ako na at least, nandito pa ‘yung mga parents ko. Na-experience nila ‘yun.”

Bukod sa naging career ni Toni ay napag-usapan din nila ang naging relasyon nila noon ni Luis 

Kuwento pa ni Luis, “Naalala ko one time, may pinuntahan tayo nu’n, may dinner break or lunch break. Magmo-mall dapat tayo. Sabi ko, ‘Gusto mo bang sumabay ka na lang sa akin?’ Sabi niya, ‘Hindi, ako ang magda-drive.’ ‘Yun, nag-drive s’ya. Nahuli ng pulis.”

Sey ni Toni, “Ay, oo.”

Sey pa ni Luis, “Sa Mandaluyong, may Guadalupe.”

Sey ni Toni, “Oo. Nahuli ako kasi mabilis akong magmaneho. Alam mo ba, hanggang ngayon, Luis, simula nu’ng ikinasal kami ni Paul, ilang years na? Ten years. Ten years na akong ‘di nagda-drive.”

Hirit na tanong ni Luis, “Seryoso?”

Sey ni Toni, “Kasi natatakot si Paul. Ang bilis ko raw mag-drive.”

Kuwento pa ni Luis, “Para malinaw, masaya na kami sa mga buhay namin. Ito’y kuwento lamang na ‘di pinagdaraanan ng mga normal na tao. Kuwento lang ‘to. Kahit si Superman, masasaktan sa ginawa mo sa akin.”

Patuloy nito, “Nanliligaw po ako nu’ng mga panahong ‘to. Intense na panliligaw. Naalala ko pa, alas-tres nang umaga, slide-slide phone na malamang ibinigay ko pa sa kanya ‘yung isang Samsung.”

Sey ni Toni, “Oo, niregaluhan mo ako ng cellphone.”

Sey naman ni Luis, “Sabi n’ya, ‘Ang ganda nito.’ Ako naman, sinurprise ko, ibinigay ko, tapos ‘di ko na alam ang nangyari, baka patong na lang sa mesa.

“Naalala ko pa, alas-tres nang umaga, nasa Manaoag ako, tumatawag si Toni Gonzaga. Alas-tres. Sabi ko, ‘May sasabihin ba ito sa akin?’ Hello? Oh, Toni… (umiiyak sa phone).”

Tanong ni Toni, “Ba’t ako umiiyak?”

Sey ni Luis, “Kasi parang nag-away kayo ni *****. Sa akin humingi ng advice. Kung sino pa ‘yung pinakananliligaw sa kanya, ‘yun pa ‘yung tinawagan n’ya.”

Sey ni Toni, “Ah, alam ko na ‘yun.”

Sey ni Luis, “Mas alam ko ‘yun kasi masakit.”

Sey ni Toni, “Hindi. Kasi na-discover ko na may iba pala s’ya.”

Kuwento pa ni Toni, “Alam mo ba kung ba’t ikaw ang natawagan ko? Kasi ikaw ‘di ba, nagte-text ka sa akin. Ikaw siguro ‘yung unang name na nakita ko. Si Luis, sumbong ko kay Luis. Lagi ka kasing nagte-text, nagme-message.”

Sey ni Luis, “Kasi nanliligaw ako. So ako naman, sasagutin ko ba ‘to? Advice lahat-lahat, pero tingnan mo nasaan tayo.”

Sey ni Toni, “Alam mo, ang saya ko na na-maintain ko si Luis as a friend. Imagine mo ‘yun, ‘di tayo magka-ex or ‘di tayo naging magka-relationship. Ang ganda ng friendship natin ngayon through the years. Since nakilala kita, 19 years old ako. Ilang taon na tayo ngayon? 22.”

Well, in fairness kay Luis Manzano, mabait naman sa totoo lang, ‘di ba naman, Baby Peanut?

Saka na lang daw ise-share sa publiko… KASAL NINA KIM AT JERALD, SA MARCH NA

ni Mercy Lejarde @Showbiz Talkies | February 5, 2026

Photo: Jerald Napoles at Kim Molina - IG

Tuloy na tuloy na at wala nang atrasan ang kasal ng aktor na si Jerald Napoles at ng aktres na si Kim Molina.

Sa presscon ng pelikulang Wonderful Nightmare (WN) ng Viva Films, natanong si Kim kung kailan ang kasal nila ni Jerald.

Sey niya na may kasamang magandang ngiti, “Next month na po. Sa March 2026, next month. ‘Yun lang po, opo. ‘Di po s’ya sa Manila.”

Pero somewhere in the Phils. pa rin.

Sey ni Jerald, “Hanggang du’n lang ‘yung budget.”

Sey ni Kim na sinang-ayunan ang sinabi ni Jerald, “Du’n lang ‘yung budget po namin.”

Sey na biro pa ni Jerald, “Baka makulong na kami ‘pag sa ibang bansa.”

Naitanong din sa panayam kung io-open ba sa media ang nasabing kasalan.

Sey ni Kim, “Ako po ang nag-decide nito. Tinanong din ako ni Jerald. Honestly, may proposal kasi si Je. Nagulat ako na naunang nalaman ng mga tao bago ko s’ya i-post kasi na-post agad ‘yung full na speech ni Je sa proposal n’ya.

“So I think itong wedding na ito, sa amin na po muna s’ya. But of course, ise-share naman po namin on the day.”

Natanong din kung may magiging role ang fashion designer na si Mak Tumang sa magaganap na kasalan sa March.

Sey ni Kim na may kasamang biro, “Ah, yes, Mak will be creating my dream gown. Artista Manalo, ‘di Ahtisa Manalo. Hahaha!”

Ipinaliwanag din ni Kim kung bakit ngayon lang sila magpapakasal gayung noong Agosto, 2024 pa nag-propose si Jerald.

Sey ni Kim, “Ipon po, ipon. Gusto po namin ni Jerald na ma-experience muna ‘yung may time, ‘yung ‘di kami nagmamadali. At the same time, may dad ako na nasa Saudi, bihira lang s’yang makabalik. So, there are a lot of factors, also family. I think ngayong year po is the perfect time for us.”

Kinumpirma rin ni Kim na darating ang kanyang pamilya sa kanilang kasal.

Congratulations, Kim Molina and Jerald Napoles, para sa inyong nalalapit na kasal!

---

Manliligaw, sure nang sasagutin…

JILLIAN, ATAT NANG MAGKA-BF SA EDAD NA 21

Jillian Ward sa Fast Talk with Boy Abunda / YT

BONGGANG-BONGGA ang bagong clues na ibinahagi ng aktres na si Jillian Ward tungkol sa kanyang ‘mystery suitor’ nang mag-guest ito sa Fast Talk with Boy Abunda (FTWBA) kamakailan.

Saad ni Jillian, “He’s tall. ‘Di lang po halata sa video kasi medyo naka-crouch down s’ya para ‘di kita ‘yung mukha n’ya.”

Tanong ni Boy, “Ito ba’y Filipino o foreigner?”

Saad ni Jillian, “Pinoy.”

Dagdag na clue ni Jillian, “Nasa showbiz s’ya pero ‘di lang showbiz ang ginagawa n’ya.

‘Di lang s’ya public figure. May iba pa po s’yang skill.”

Tanong ni Boy, “S’ya ba’y mestizo o moreno?”

Saad ni Jillian, “Hindi ko po muna sasabihin. Pero sasabihin ko ang age, mga 22 to 24.”

Tanong ni Boy, “Ito ba’y taga-GMA?”

Saad ni Jillian, “Secret. I don’t want to say.”

Sa showbiz din daw niya nakilala ang guy. 

Hirit ni Boy, “Pero one day, you will introduce him to the public?”

Saad ni Jillian, “Kung tatagal po. I hope tumagal.”

Tanong ni Boy, “Nasaang stage na ang inyong relasyon?”

Saad ni Jillian, “Sa lahat po ng mga nanligaw sa akin, s’ya ‘yung talagang nagpa-feel na super special ako.”

Tanong ni Boy, “One to ten, ano ang chances n’ya para sagutin mo?”

Sagot ni Jillian na may kilig, “Ten. Eleven.”

Tanong ni Boy, “Is this the first time you’re actually in something like this?”

Saad ni Jillian, “Noong 14 po ako, ‘di pumapayag ang parents ko, kaya itinatago ko na may nagpapakilig sa akin. Puppy love. Pero ngayon, dalaga na ako, first time ko pong kiligin nang ganito.”

Komento ni Boy, “That’s how exciting it is. First love is always exciting.”

Saad ni Jillian, “Well, I had a first love but—”

Hirit ni Boy, “Oh, you had one?”

Saad ni Jillian, “Yes. Very young. Pero ngayon, very open na ako sa parents ko. If ever talagang tatagal kami, he will be my first legal boyfriend.

“I think I deserve it. I think it’s time. ‘Di na po ako minor. Magtu-twenty one na ako sa February 23.”

Well, deserve mo ‘yan, Jillian. Go, go, go, girl. 

Sino kaya ang masuwerteng guy na ito? Si Eman Bacosa Pacquiao ba o may iba pa? Abangan!

‘Yun lang, and I thank you.

Kaya raw nagustuhan at minahal ang ex mo, Kylie… AJ: ALJUR, VERY RESPONSIBLE

ni Mercy Lejarde @Showbiz Talkies | February 3, 2026

Photo: IG _ajravsss

Naging emosyonal ang aktres na si AJ Raval nang mag-guest sa Toni Talks, ang YouTube (YT) channel ng singer-actress na si Toni Gonzaga.

Unang tanong ni Toni, “Ano’ng meron kay Aljur (Abrenica), bakit mo nagustuhan? Bakit may nag-spark sa kanya?”

Saad ni AJ, “Ang kagandahan po kasi kay Aljur, ‘yung values n’ya. Alam kong maraming kokontra, pero very responsible po s’ya and he’s a good provider.”

Tanong ni Toni, “Mahirap ba to be in a relationship na alam mong may misconception ang tao sa pagsasama n’yo?”

Saad ni AJ, “Yes po. Mahirap po ‘yun. Ipinagdasal ko po ‘yun. Nu’ng nag-start po kasi kami ni Aljur, sobrang saya namin. Masaya lang. Tapos nag-pray po ako, sabi ko, ‘Sana po, Lord, ibagsak N’yo na po lahat ng problema sa amin.’”

Komento ni Toni, “Ha? Ikaw naman ang kabaligtaran, gusto mo, problema. Ang saya.”

Saad ni AJ, “Para po makita ko lang kung kami po talaga para sa isa’t isa. Kung nand’yan po kami para sa isa’t isa, ‘di lang kapag masaya. Para po hindi na tumagal. Maghiwalay na po kami kung maghihiwalay kami.”

Tanong ni Toni, “When you were happy, did you think someone was unhappy when you were in a relationship?”

Saad ni AJ, “Hindi naman po, Ms. Toni. Kasi nag-start po kami ni Aljur, malinis po talaga.”

Dagdag na tanong ni Toni, “Wala na s’ya du’n sa dati n’yang relationship?”

Saad ni AJ, “Wala na po.”

Tanong ni Toni, “Pero ‘di alam ng tao ‘yun?”

Saad ni AJ, “Hindi po. Pero po kasi, nu’ng time na ‘yun, since ako rin po ang naglabas, since bago po ako mag-artista, ‘di ko po alam kung ano ang dapat sabihin at hindi sabihin sa interview.”

Reaksiyon ni Toni, “Kaya nagsunud-sunod na ‘yung mga issues at controversy, kasi ang dating sa tao, may overlap sa relationship, naging third party, naging cause.”

Saad ni AJ, “Hindi po, ‘di po talaga.”

Reaksiyon ni Toni, “So para sa kaalaman ng lahat na may misconception, may judgment at may assumption sa relationship n’yo. When you and Aljur got together, Aljur was separated.”

Saad ni AJ, “Yes. Separated na po talaga sila that time.”

Tanong ni Toni, “Nu’ng nakilala mo s’ya?”

Sagot ni AJ, “Opo.”

Sey ni Toni, “Na hindi alam ‘yan ng tao. Cause this is the chapter na hindi alam ng mga tao because ang naiwan sa kanila is ‘yung Aljur with the previous relationship. Kaya ‘pag may bagong babae in the picture, nasa kanya na lahat ng blame, nasa kanya ‘yung point ba?”

Dagdag na tanong ni Toni, “Paano mo hinandle ‘yun?”

Saad ni AJ, “Sa part naman na ‘yun, Ms. Toni, alam kong wala akong ginawang masama. Kaya lumaban talaga ako. Paulit-ulit kong sinasabi na hindi ako (naging kabit). Alam ng Diyos na hindi ako. Wala akong kasalanan.

“Pero Ms. Toni, ‘di naman din po lahat galit sa amin. Meron pa ring naniniwala. Lately, Ms. Toni, naiisip ko, bakit nangyari sa akin ‘yung mga ‘yun kasi ito ‘yung plano sa akin. Ito ‘yung dapat kong pagdaanan.”

Dagdag pa ni AJ habang tuluyan nang umiiyak, “Wala akong magagawa kung ito ang plano sa akin ni Lord kundi tanggapin at i-embrace ang nangyayari.

“Mas importante ba talaga na tingnan ka nang maganda ng mga tao? Importante ba ‘yung magiging tingin nila sa ‘yo? O mas importante kung ano ang magiging tingin sa ‘yo ng Diyos?”

Sey ni Toni, “Alam mo kung ano ang importante? Sasabihin ko sa ‘yo. Kung ano ang tingin sa ‘yo ng mga anak mo. To them, you are the world. You are the best mom. That’s the most important thing.”

Tanong ulit ni Toni, “Bakit mo ini-reveal at inamin this year na may mga anak na kayo ni Aljur? Na ito na ang mga anak namin?”

Saad ni AJ, “Kasi po, Ms. Toni, gusto na naming matapos magtago. Gusto na naming maging malaya. Sa bahay po namin, may pumupuntang tao na ‘di ko kilala. Gusto lang nilang mag-capture ng picture ng mga bata.

“Gusto namin silang ipasyal. Gusto namin silang bigyan ng malalaking birthday celebration.”

Sey ni Toni, “Na-deprive sila ru’n.”

Kuwento pa ni AJ, “‘Yung panganay ko po, nag-aaral. Gusto kong pumunta sa school n’ya, maging present.

“Parang nasanay na po s’ya na alam n’ya ang nangyayari. ‘Di ko po s’ya tinuruan. ‘Pag nasa bahay kami, ang tawag n’ya sa akin, ‘Mommy Bats,’ pero ‘pag nasa labas kami, automatic, ang tawag n’ya sa akin, ‘Ate Bats’ noon.

“Ngayon, kinausap ko na po s’ya. ‘Okay lang, Mommy.’ Okay na tayo.

“Sa school nga po, minsan, hinahatid namin s’ya noong ‘di pa kami nag-a-out, tapos pag-alis namin, kinukulit s’ya. Sinasabi, ‘Sino’ng mama mo? Sino’ng tatay mo?’”

Well, pakiusap lang po ni yours truly, huwag kulitin ang mga bata. Kung may gusto kayong malaman, sa mga magulang kayo dumiretso. ‘Di ba naman, madlang people?

---

PATULOY na tinatangkilik at sinusubaybayan ng mga manonood ang What Lies Beneath (WLB) habang umeere sa ALLTV2, A2Z, Kapamilya Channel, at mga pangunahing online streaming platforms. 

Pinupuri ang serye sa matapang nitong pagtalakay sa mahahalagang isyung panlipunan, partikular ang karapatan ng kababaihan.

Mainit ang pagtanggap ng mga manonood sa pagbibigay-diin ng serye sa women’s rights, lalo na sa mga eksenang ipinakita kung paano tumulong si Erica (Kaila Estrada) sa kanyang kaibigang si Mel (Sue Ramirez) upang ipagtanggol ang sarili laban sa mapang-abusong asawa nitong si Anton (Jameson Blake).

Bukod sa matinding suporta mula sa mga netizens, nananatili ang WLB sa mga pinakapinapanood na palabas sa iWant at Netflix PH. Ang kasalukuyang mga episodes nito ay nakapagtala rin ng halos 200,000 peak concurrent viewers sa

Kapamilya Online Live sa YouTube (YT) channel ng ABS-CBN Entertainment, ang may pinakamaraming subscribers na media and entertainment channel sa Southeast Asia.

‘Yun lang, and I thank you.