Sa edad na 74, happy ang love life… GLORIA, ENJOY-ENJOY LANG SA BATANG DYOWA, ‘DI FEEL MAGPAKASAL

ni Erlinda Rapadas @Teka Nga | August 28, 2025

Photo: Gloria Diaz - IG

Sa edad na 74, masaya at may love life ang 1969 Ms. Universe na si Gloria Diaz. 

Nang yumao ang kanyang mister na si Bong Daza, nakatagpo siyang muli ng bagong pag-ibig sa katauhan ni Mike de Jesus. Matagal na silang magkarelasyon pero wala silang balak na magpakasal at magsama sa iisang bubong.

Parehong nasanay sa kani-kanilang bahay sina Gloria at Mike. Mahihirapan kung sino sa kanila ang mag-a-adjust at maggi-give-up ng kanyang nakasanayang tirahan. 

Hindi ikinahihiya ni Gloria na mas bata ang kanyang karelasyon ngayon. Napaka-conservative raw nito, hindi umiinom, hindi naninigarilyo at may pagka-nerd, pero nagkasundo sila sa ugali.

Dahil masaya ang kanyang love life, blooming at inspirado rin sa kanyang career si Gloria Diaz. 

May mga offers sa kanya sa TV at pelikula. Kasama siya sa major cast ng Beauty Empire (BE) na pinagbibidahan nina Barbie Forteza, Kyline Alcantara at Ruffa Gutierrez. Bagay silang dalawa ni Ruffa sa BE dahil pareho silang beauty queen.

---

SOBRANG na-miss ng Pambansang Ginoo na si David Licauco ang ka-love team niyang si Barbie Forteza. Kaya naman, ganu’n na lamang ang kanyang saya nang malaman na magge-guest siya sa seryeng Beauty Empire (BE) na pinagbibidahan nina Barbie, Kyline Alcantara at Ruffa Gutierrez. 

Pareho silang excited ni Barbie na magkatrabahong muli. Maging ang mga BarDa (Barbie at David) fans ay natutuwa sa reunion ng kanilang mga idolo. 

Kahit guest lang si David sa kanyang role bilang si Javier sa BE, ngayon pa lang ay kinikilig na ang mga BarDa fans na mapanood ang kanilang mga eksena.

Samantala, marami ang bilib sa energy ni David na nakayang gampanan ang lahat ng kanyang commitments. Bukod sa kanyang showbiz career, may mga negosyo pa siyang inaasikaso at maging ang kanyang career sa basketball ay hindi niya napapabayaan. 

Pinaghahandaan ni David Licauco ang competition o laro ng kanyang basketball team.

---

GANDANG-GANDA kami kay Rhian Ramos nang dumalo siya sa Philippine Movie Press Club (PMPC) 37th Star Awards for TV na ginanap sa VS Hotel last Sunday. Mala-Audrey Hepburn ang kanyang ayos na bumagay naman sa kanya kaya napili siyang Female Face of the Night na nagkamit ng cash incentive mula sa Bingo Plus.

Nanalo rin si Rhian bilang Best Actress sa kanyang mahusay na pagganap sa seryeng Royal Blood (RB) ng GMA-7. 

Mukhang taon nga ng aktres ang 2025 dahil pinapirma rin siyang muli ng kontrata ng GMA Network. 

Maganda rin ang feedback ng mga viewers sa kanyang pagganap bilang si Mitena sa sequel ng action-fantasy na The Encantadia Chronicles: Sang’gre.

Mapa-bida o kontrabida, nagmamarka lagi ang pagganap ni Rhian Ramos. At bukod sa suwerte sa kanyang career, lucky din si Rhian sa kanyang love life at masaya sa piling ng nobyong si Sam Verzosa, isang successful businessman.

---

MASAYANG-MASAYA si Rochelle Pangilinan nang manalong Best Actress in a Single Performance sa 37th Philippine Movie Press Club (PMPC) Star Awards for TV. Hindi niya inaasahan na ang katulad niyang dancer na bahagi ng Sexbomb Girls ay magiging ganap na aktres.

Noong nag-uumpisa pa lang siyang umarte ay pinagsikapan ni Rochelle na magampanan ito nang maayos. Pinangarap din niya noon na makatrabaho ang magagaling na artista sa pelikula at telebisyon. Kinarir niya nang husto ang pag-arte dahil gusto niyang maging ganap na aktres.

Magsisilbing inspirasyon kay Rochelle ang napanalunan niya. Magiging challenge sa kanya ang mga susunod niyang projects na gagawin. Kailangang patunayan niya na karapat-dapat siyang tanghaling Best Actress.

Sobrang hurt na raw… SANYA, SUKO NA SA BASHING SA PALPAK NA RETOKE NG ILONG

ni Erlinda Rapadas @Teka Nga | August 25, 2025

Photo: Sanya Lopez - IG

Nakikiusap si Sanya Lopez sa mga bashers na sana ay tigilan na nila ang pamba-bash sa kanya. Sobra na siyang nasasaktan sa mga panlalait na kanyang natatanggap dahil lang sa hitsura ng kanyang ilong.

Marami ang nagsasabing hindi bagay at palpak ang pagkakagawa ng bagong ilong ng aktres. Para raw siyang si Pinocchio. Hindi raw ito nakatulong upang lalo siyang gumanda, mas okey na raw ang dati niyang hitsura.

Well, sino naman kaya ang nag-advise kay Sanya Lopez na ipagawa ang kanyang ilong? Nagdurusa tuloy siya ngayon sa masasakit na panlalait ng mga bashers. Mabuti nga siguro na ibalik na lang sa dati ang kanyang ilong.

---

IS co-host ang ipinalit kay Barbie…

JAK AT JACKIE, PAREHONG MAHILIG MAG-BAR KAY SWAK

PAGKATAPOS ng pitong buwan nilang paghihiwalay ni Barbie Forteza, naka-move on na raw ang Kapuso actor na si Jak Roberto. Maugong ang balitang ang dancer-host na si Jackie Gonzaga na mas kilala bilang si “Ate Girl” sa It’s Showtime (IS) ang ipinalit ni Jak kay Barbie.

Madalas daw na nakikitang nagde-date sina Jak at Jackie, laging magkasama sa bar hopping. 

Mukhang swak nga sila sa isa’t isa dahil pareho silang mahilig sa nightlife.

Dati na ring nababalita si Jak na may kasamang chicks kapag nagpupunta sa bar. Ang laging pag-inom at hilig ng aktor sa nightlife ang madalas na pinag-aawayan nila noon ni Barbie Forteza kaya humantong sila sa paghihiwalay. 

Ganunpaman, talagang hindi nga siguro meant to be para sa isa’t isa sina Barbie Forteza at Jak Roberto. May ibang nakatakda para sa kanila.

---

ALAM kaya ni Kylie Padilla ang kumakalat na balita na dalawa na ang anak ng estranged husband niyang si Aljur Abrenica sa sexy actress na si AJ Raval?

Ipinagtapat ba ito ni Aljur sa kanya? 

Ayon nga sa tatay ni AJ Raval na si Jeric Raval, dalawa na ang apo niya kay AJ at si Aljur ang ama. Isang lalaki at isang babae ang anak nina Aljur at AJ.

May dalawa ring anak na lalaki si Aljur kay Kylie Padilla at kasal pa sila, hindi pa annulled ang kasal nila kaya hindi niya mapakasalan si AJ Raval kahit dalawa na ang anak nila.

Samantala, open naman si Kylie at umamin na may love life siya ngayon. Co-parenting ang agreement nila sa dalawa nilang anak na sina Alas at Axl. 

Binibigyan din ni Aljur ng panahon na makasama ang mga anak lalo na sa mga special occasions.

Maraming netizens ang nagsasabing the mere fact na may dalawang anak na si Aljur Abrenica kay AJ Raval ay nangangahulugan lamang na wala na siyang balak na bumalik pa kay Kylie Padilla.

Naka-jackpot pa kay Julia… COCO, NAKINIG SA PAYO NI SEN. LITO KAYA YUMAMAN

ni Erlinda Rapadas @Teka Nga | August 24, 2025

Photo: Lito Lapid at Coco Martin/ File circulated

Dapat na pamarisan ng ibang sikat na artista si Coco Martin pagdating sa paghawak ng pera. 

Galing sa hirap ang aktor-direktor at alam niya kung gaano kahirap kumita ng pera. 

Lahat ng klaseng trabaho ay kanyang sinubukan upang makaraos lamang at matulungan ang kanyang pamilya.

Kaya nang mabigyan ng break at maisama sa pelikula, doon na nagsimula ang pagginhawa niya sa buhay. 

Sinamantala ni Coco ang lahat ng oportunidad na dumating. Dinoble niya ang sipag sa trabaho at pinakisamahan ang kanyang mga katrabaho sa pelikula.

Maraming natutunan si Coco Martin habang nagtatagal sa showbiz. Hindi siya naging bulagsak sa pera, hindi siya gumagastos sa mga luho lamang, bagkus ay nag-ipon siya para gawing puhunan sa negosyo at magpundar ng mga properties. 

Pinahahalagahan niya ang bawat sentimo na kanyang kinikita sa pag-aartista. Nakinig siya sa mga payo ng mga senior actors na nakatrabaho niya sa Batang Quiapo (BQ) tulad ni Sen. Lito Lapid. 

Ngayon ay masasabing financially stable na si Coco Martin at mabibigyan niya ng magandang future ang kanyang pamilya.

Patuloy ang paglago ng negosyo ni Coco, ngunit kailanman ay hindi niya ito ipinagyabang sa mga kasamahang artista. Tumutulong siya sa mga maliliit na movie workers na nangangailangan ng tulong. 

At suwerte si Coco Martin dahil ang partner niyang si Julia Montes ay masinop at business-minded din na tulad niya.

---

Hindi lang Guillermo Box Office Awards ang ‘di sinipot… KATHRYN, INISNAB ANG FAMAS AWARD

MARAMI ang nagtataka at nagtatanong kung bakit iniisnab na ngayon ni Kathryn Bernardo ang ilang award-giving bodies. 

Hindi sinipot ng aktres ang  Guillermo Mendoza Box Office Award kung saan sila ni Alden Richards ang hinirang na Box Office Queen at King.

Tanging ang aktor ang dumating at tumanggap ng award, isang bagay na tumatak sa mga netizens.

Noong 73rd FAMAS ay si Kathryn din ang itinanghal na Bida sa Takilya (Box Office Queen), pero hindi rin siya sumipot sa nasabing event. 

Kaya nagtatanong ang lahat kung ano kaya ang idadahilan ni Kathryn sa kanyang pang-iisnab sa FAMAS Awards. Hindi tuloy maiwasang isipin ng ilang netizens na nagbago na nga si Kathryn at dedma na sa mga awards na ibinibigay sa kanya.

Alam kaya ni Kath kung gaano kaimportante ang award sa isang artista? Hindi lahat ay binibigyan ng award at pagkilala ng mga award-giving bodies. Huwag balewalain ito dahil makakatulong ito sa kanilang career.

---

ISANG malaking karangalan para sa pamunuan ng Philippine Movie Press Club (PMPC) ang pagpayag ng King of Talk na si Boy Abunda upang mag-host ng 37th Star Awards for TV na gaganapin ngayong Linggo sa VS Hotel sa QC. 

Makakasama ni Abunda sina Pops Fernandez, Robi Domingo, Gela Atayde at Elijah Canlas. 

Ang 37th Star Awards for TV ay ididirek ni Vivian Blancaflor.

Tinitiyak na dadalo ang mga recipients ng awards sa major categories, ganoon din ang mga special awards na ibibigay. 

Bukod sa trophy na ipagkakaloob sa mananalong Best Actress at Best Actor, may cash incentive din mula sa Bingo Plus. Bibigyan din ng cash prize ang mapipiling Best Female at Male Star of the Year.

Masayang-masaya naman ang cast ng Bubble Gang (BG) dahil sina Paolo Contis at Chariz Solomon ang nanalong Best Comedy Actor at Best Comedy Actress.

Congratulations!