Kumanta sa X’mas party… ALDEN, IDINAWIT SA MAG-ASAWANG DISCAYA

ni Erlinda Rapadas @Teka Nga | September 9, 2025

Photo: Sarah, Curlee Discaya at Alden Richards - IG / Senate

Nagpoprotesta ang mga fans at supporters ng Pambansang Bae na si Alden Richards dahil sa idinadawit ang kanilang idol sa isyu ng yaman ng mga Discaya. 

Kinuha kasi noon si Alden sa Christmas Party ng kumpanya nila, kung saan nag-perform at kumanta siya para pasayahin ang mga bisita. 

At that time, hindi pa naman pumapasok sa pulitika si Sarah Discaya. 

Sa larangan ng construction business siya nakilala at dito yumaman. Kaya unfair na idawit at pagbintangan si Alden gayung hindi naman niya personal na kakilala ang mga Discaya. Hindi siya aware na ganoon sila kayaman.

Samantala, marami ang nagtataka sa naging pahayag ni Ara Mina na hindi niya iiwan si Sarah Discaya sa gitna ng controversy na hinaharap nito. Nasaan na raw ngayon ang aktres sa mga nangyayari sa mag-asawa?

Kaibigan niya si Sarah at nakasama nang tumakbo siyang konsehal sa Pasig noong midterm elections. 

Sad to say, pareho silang natalo kahit milyun-milyon ang ginastos nila sa kanilang kandidatura.

---

NAGBIGAY na ng pahayag si Cong. Arjo Atayde tungkol sa pagkakadawit niya sa issue ng flood control projects ng Department of Public Works and Highways (DPWH). Isa siya sa mga pinangalanan ng mga Discaya na nasa listahan ng mga pulitikong nabigyan umano nila ng commission o parte sa mga projects na nakukuha sa DPWH. 

Mariin itong itinanggi ni Cong. Arjo Atayde at sinabing kahit kailan ay hindi siya nakipag-deal sa mga Discaya. Handa niyang idepensa ang kanyang sarili at linisin ang kanyang pangalan.

Marami sa media people ang nagsasabing straight at hindi corrupt na pulitiko si Cong. Arjo. May kaya sa buhay ang pamilya Atayde kahit noong hindi pa siya pumapasok sa political arena. Nakita rin ng lahat ang kanyang pagmamalasakit sa mga mahihirap sa kanyang distrito nang mamahagi siya ng ayuda sa panahon ng kalamidad.

Well, posible kayang may ilang tao na ginagamit ang pangalan ni Cong. Arjo para sirain ang kanyang imahe sa publiko nang hindi niya alam? 

For sure, maging ang kanyang inang si Sylvia Sanchez ay hindi papayag na madawit ang anak niya sa anomalya ng flood control projects.

---

MARAMI rin ang tiyak na kokontra sa bansag ngayon ng mga bashers kay Heart Evangelista na isa raw siyang ‘nepo wife’. Maraming collection ng branded bags at shoes si Heart, at milyones din ang halaga ng kanyang mga naipundar na jewelries. 

Puro signature dresses din ang kanyang isinusuot na gawa ng mga sikat na fashion designers at panay ang biyahe niya abroad — bukod pa sa France, USA, at Paris.

Likas na mayaman ang pamilya ni Heart. Bata pa siya at hindi pa nag-aartista ay branded na ang kanyang mga gamit, at sa exclusive school siya pinag-aral. 

May mga negosyo ang kanilang pamilya at isa na rito ang sikat na Barrio Fiesta resto.

Marami ring malalaking endorsements si Heart at kumikita siya nang milyones, bukod pa sa halaga ng kanyang mga paintings, kaya marami siyang naipundar na properties at iba pang investments. 

Kahit hindi niya napangasawa si Sen. Chiz Escudero, milyonarya na si Heart, kaya niyang bilhin ang lahat ng gusto niya.

Sabi nga niya, kung anuman ang meron siya ngayon, iyon ay hard-earned money na pinaghirapan niyang kitain. Hindi ganoon kadali ang ginagawa niyang pagrampa sa New York at Paris Fashion Week. Madalas siyang ma-stress kaya nagkakaroon siya ng mga pasa sa braso at halos wala siyang pahinga kapag naghahanda sa pagrampa.

Nanay na kasi… MAJA, PANG-KONTRABIDA NA LANG KINA KATHRYN AT JAMES

ni Erlinda Rapadas @Teka Nga | September 8, 2025

Photo: James, Kathryn at Maja - Instagram

Nag-react ang mga fans ni Maja Salvador kung bakit tinanggap niya ang role bilang kontrabida sa seryeng pagtatambalan nina Kathryn Bernardo at James Reid sa pamamahala ng Dreamscape Entertainment. 

Ilang beses nang nagbida si Maja sa serye at pelikula. Magaling siyang umarte at very professional. Sa gitna ng kompetisyon ng mga artista ay nagagawa niyang makipagsabayan.

Bilang artist, mahalaga kay Maja ang patuloy na pag-level-up sa kanyang career.

Matagal siyang nagpahinga nang magpakasal kay Rambo Nuñez at nagkaroon ng anak. 

Pero na-miss din niya ang umarte at suportado ni Rambo ang kanyang pagbabalik-

showbiz.

Maganda ang serye na pagbibidahan nina Kathryn at James, kaya kahit na kontrabida ang kanyang role ay tinanggap niya. Besides, bilang isang artista, ang mahalaga ay ang magiging impact sa mga viewers ng kanyang role. At ang makasama si Kathryn Bernardo sa serye ay isang magandang oportunidad na hindi mapapalampas ng sinumang artista.

---

Magandang balita para sa mga fans ni John Lloyd Cruz (JLC) ang kanyang muling pagbabalik-showbiz upang gumawa ng pelikula. Isang malaking historical movie na ipo-produce ni Coco Martin ang gagawin ni JLC. 

Nagkausap na sila ni Coco tungkol sa nasabing project at tinanggap na raw ito ni Lloydie. Inaayos na ang mga kakailanganin sa pagsu-shoot ng movie, kaya excited ang lahat na makita muli ang aktor na umaarte.

Mahigit tatlong taon din na hindi siya gumawa ng pelikula. Sinulit nang husto ni JLC ang kanyang pamamahinga. Request naman ng mga fans nila ni Bea Alonzo, sana ay maisingit ni Lloydie ang paggawa ng reunion movie nila ni Basha (Bea). Hinahanap pa rin ng mga moviegoers ang tandem nila sa pelikula. 

Well, anything is possible sa showbiz. Posibleng pagbigyan ni JLC ang kanilang mga tagahanga ni Bea Alonzo at maaari ring magtuluy-tuloy na ang kanyang pagbabalik sa pag-arte. Napakabata pa ni John Lloyd Cruz upang magretiro sa showbiz. Marami pa siyang maiaambag sa industriya ng pelikula.

---

MARAMI ang nagtatanong kung bakit sa South Africa pa nagpunta si Ruffa Gutierrez para hanapin ang kanyang sarili. May mabigat ba siyang pinagdaraanan ngayon kaya bumiyahe siyang mag-isa? 

Sa caption ni Ruffa habang ine-explore ang Safari land ng South Africa, “I am rediscovering myself.” 

Aliw na aliw siya sa kanyang close encounter sa mga elephants at iba pang wild animals sa savanna. 

“You only live once,” dagdag pa ni Ruffa.

Well, may kinalaman kaya sa relasyon nila ni Herbert Bautista ang kanyang soul searching ngayon? Totoo bang may regret daw si Ruffa sa kanyang desisyon na tapusin ang kanilang naging ugnayan? 

Ilang taon ding tumagal ang relasyon nila ni Bistek at maraming happy memories noon sa piling nito. 

Inaabangan ng lahat kung makakatagpo bang muli ng bagong pag-ibig si Ruffa Gutierrez. Muli ba niyang bibigyan ng second chance ang ex-husband niyang si Yilmaz Bektas? Balitang pursigido ang ex-mister sa panunuyo kay Ruffa. 

Para sa kanyang mga anak, sinisikap niya na maging maganda ang kanilang relasyon ni Yilmaz. Si Yilmaz ang ama nina Venice at Lorin, kaya mananatili silang magkaibigan. 

Pagdating sa larangan ng pag-ibig, hindi lang puso ang pinaiiral ni Ruffa Gutierrez. Ayaw na niyang masaktan. Matibay na siya at ipinaglalaban ang kanyang karapatan.

Ilang gov’t. officials, damay… MICHAEL V., INGAT SA PAGGAYA KAY SARAH DISCAYA

ni Erlinda Rapadas @Teka Nga | September 7, 2025

Photo: Michael V - FB / Sarah Discaya - Senate of the Philippines

Inaabanagan ng mga viewers ng Bubble Gang (BG) ang parody ni Michael V. sa kontrobersiyal na contractor na si Sarah Discaya.

Medyo hawig nga si Bitoy kay Madam Sarah at maging ang British accent nito ay kayang-kaya rin niyang gayahin. 

Maraming characters at personalities na ang ginaya ni Bitoy at naaliw ang mga viewers ng BG.

Tiyak na magba-viral sa social media ang paggaya niya kay Sarah Discaya. Medyo maingat lang si Michael V. dahil sangkot si Sarah ngayon sa isyu ng anomalya sa mga flood control projects na damay din ang ilang government officials.

---

TIYAK na ikatutuwa ng mga fans nina Bea Alonzo at John Lloyd Cruz (JLC) ang balak ng aktor na muling makipagkita sa dating leading lady at magkaroon ng reunion. 

Inimbitahan ni Lloydie si Bea na pumasyal sa kanyang bahay at isama ang boyfriend nitong si Vincent Co. Magaling daw magluto ang nobya ni JLC na si Isabel Santos, at ipaghahanda sila kapag muling nagkita-kita.

Na-miss din ni Lloydie ang mga tsikahan nila ni Bea. Hanggang ngayon, hindi pa rin malilimutan ng moviegoers ang role nina Bea at JLC sa pelikulang One More Chance (OMC). 

Marami ang nakaka-relate sa kanila bilang sina Basha at Popoy. Perfect silang screen partners, pero hanggang best of friends lang ang kanilang naging relasyon.

Masaya si Bea na natagpuan na ni Lloydie ang kanyang “the one”. Matagal ding naging mailap sa aktor ang tunay na pag-ibig. 

Samantala, humihirit ang mga Bea-John Lloyd fans na muli silang magtambal sa pelikula. Sobrang nami-miss daw nila ang love team na Basha at Popoy.

---

Dennis, Ruru, Carlo, Baron at Sid,  pasok…  

AGA, ALDEN, ARJO AT VICE, LAGLAG SA MGA BEST ACTOR NOMINEES NG GAWAD URIAN 

MARAMING netizens ang nagtaka kung bakit inisnab ng Gawad Urian ang ilang magagaling na aktor tulad nina Aga Muhlach, Alden Richards, Arjo Atayde at Vice Ganda na hindi na-nominate sa kategoryang Best Actor. 

Sa nakaraang FAMAS Awards, sina Vice Ganda at Arjo Atayde ang itinanghal na Best Actor. Napansin ang galing ni Arjo sa pelikulang Topakk, at si Vice Ganda naman ay nagmarka sa And The Breadwinner Is… (ATBI).

Ganunpaman, hindi sila nakapasa sa pamantayan ng Gawad Urian. Iba ang napiling nominees na contenders sa Best Actor. Pasok sina Dennis Trillo, Ruru Madrid, Carlo Aquino, Baron Geisler at Sid Lucero. Parehong pasok sina Dennis at Ruru dahil sa powerful performances nila sa pelikulang Green Bones (GB).

Umaapela naman ang mga fans ni Alden Richards dahil mahusay daw ang aktor sa pelikulang Hello, Love, Again (HLA). Si Aga Muhlach naman ay may pagka-offbeat ang role sa Uninvited.

---

Para ‘di raw makalimutan ang Superstar…

MGA ANAK NI NORA, IPINA-TATTOO ANG PANGALAN NIYA SA BRASO NILA

IKINAGULAT ng mga Noranians ang ginawa ng magkakapatid na Ian, Lotlot, Matet, Kenneth at Kiko. Nagpa-tattoo kasi sila ng pangalan ng Superstar sa kanilang mga braso. Magkakasama silang nagpa-tattoo ng pangalang ‘Guy’. Ito raw ang paraan upang lagi nilang maalala ang yumao nilang ina, ang National Artist na si Nora Aunor.

Tiyak na masaya ang Superstar saanman siya naroroon ngayon dahil nakikita niya ang closeness ng kanyang mga anak. Ito lang naman ang tanging hiling ni Aunor para sa kanila. 

Noong nabubuhay pa siya, madalas niyang sabihin na ang pangarap niya ay makitang masaya at nagkakasundo ang kanyang mga anak.

Sa kanyang pagpanaw, nangako sina Ian, Lotlot, Matet, Kenneth at Kiko na sila ay magdadamayan at magtutulungan bilang magkakapatid. Madalas ding dalawin nina Ian, Lotlot at Matet ang puntod ni Aunor sa Libingan ng mga Bayani kaya natutuwa ang mga Noranians sa pagmamalasakit nila sa alaala ng Superstar.