Irespeto raw ang desisyon nila… MCCOY, MAS PINILI SI ELISSE KESA SA CAREER, SA HIWALAYAN DIN NAUWI

ni Erlinda Rapadas @Teka Nga | July 26, 2025

Photo File: Mccoy De Leon - IG

Marami ang nalungkot sa hiwalayan nina Elisse Joson at McCoy de Leon. Ang ganda pa naman ng kanilang love story na matapang nilang ipinaglaban. 

Hindi nagdalawang-isip si McCoy na aminin ang kanilang relasyon sa publiko kahit sinabihan siyang makaaapekto ito sa kanyang showbiz career.

Marami ang naniniwala na mas sisikat sana si McCoy kung nanatiling single at na-build-up bilang matinee idol. Pero mas pinili niya ang pagmamahalan nila ni Elisse at ang pagiging responsableng ama sa anak nilang si Felize.

Ilang taon din nilang ipinaglaban ang kanilang relasyon, pero dumating sa puntong pareho na nilang napagdesisyunan na maghiwalay nang maayos, walang sumbatan. 

Nakiusap ang dalawa na irespeto ng publiko ang kanilang desisyon.

---

NAGING emosyonal ang Comedy Queen na si Ai Ai delas Alas nang ibalita ng anak niyang si Sancho Vito na buntis ang fiancé nitong si Maria Paula Sulit.

Nakatakdang manganak si Maria Paula sa January 2026, at wish nilang sa January 31 ito isilang, sa kaarawan ni Sancho.

Sa Toronto, Canada ipapanganak ang kanilang baby. At nangako si Ai Ai na pupunta roon upang maalagaan ang kanyang unang apo. 

Sabik na sabik na raw siya, at ito raw ang magbibigay ng panibagong sigla sa kanyang buhay, lalo na’t dumaan siya kamakailan sa malungkot na chapter ng kanyang love life.

Magtatagal daw siya sa Canada pero posible pa rin siyang umuwi kung may work offer sa GMA-7, tulad ng pagiging hurado sa The Clash (TC) kasama sina Lani Misalucha at Christian Bautista.

---

DAHIL 15 taon na silang magkatrabaho sa Pepito Manaloto (PM), naging matibay ang samahan nina Michael V. at John Feir na gumaganap bilang sina Pepito at Patrick na mag-BFF sa sitcom. 

Mula pa sa simula ng serye, magkaibigan na ang kanilang mga karakter. At nang yumaman si Pepito, kasa-kasama pa rin niya si Patrick sa kanyang negosyo.

Sa tunay na buhay, sinasalamin ng kanilang samahan ang mga solidong pagkakaibigan na subok ng panahon. 

Kahit may kani-kanyang projects sina Nova Villa, Manilyn Reynes, at iba pang cast, pamilya pa rin ang turingan nila sa isa’t isa.

Si Manilyn ay may mahalagang role sa Sang’gre, habang si Nova ay bahagi ng Sanggang Dikit FR (SDFR) nina Jennylyn Mercado at Dennis Trillo, patunay ng galing at tibay ng PM family sa loob at labas ng kamera.

‘Di stressed sa pag-aalaga… RICA: HEART, MAGANDA PA RIN DAHIL WALANG ANAK

ni Erlinda Rapadas @Teka Nga | July 25, 2025

Photo File: Rica Peralejo at Heart Evangelista - IG

Hindi minasama ni Heart Evangelista ang naging komento ni Rica Peralejo na isa sa mga dahilan kung bakit nananatiling maganda si Heart ay dahil wala itong anak na inaalagaan.

Bagama’t ilang loyal fans ni Heart ang nag-react at binigyan ng ibang kahulugan ang sinabi ni Rica, malinaw ang intensiyon ng dating aktres.

Naungkat muli ang sensitibong isyu ng pagiging childless nina Heart at Sen. Chiz Escudero, isang topic na ayaw nang pag-usapan ng aktres-fashion icon. Dalawang beses na nagka-miscarriage si Heart, dahilan kaya’t hirap na siyang magdalantao. Malalim ang kanyang pinagdaanan, at matagal siyang na-depressed dahil dito.

Pero ayon kay Heart, naunawaan niya ang mensahe ni Rica na hindi para insultuhin kundi para bigyang-diin ang reyalidad ng maraming ina, na dahil sa tutok sa anak ay minsan, nakakalimutang alagaan ang sarili.

Nilinaw din ni Rica Peralejo na ito ang dahilan kung bakit mas naalagaan ni Heart ang kanyang hitsura, hindi siya na-stress sa pagpapalaki ng anak tulad ng ibang kababaihan.

---

Ipinalit kay Barbie…

BAGO NI RICHARD, EX NI XIAN GAZA

KINIKILIG ngayon ang libu-libong fans ng BarDa (Barbie Forteza at David Licauco) love team dahil muling magsasama ang dalawa sa bagong seryeng Beauty Empire (BE).

Balitang papasok si David sa nasabing serye kaya abot-langit ang excitement ng mga tagahanga. Buhay na buhay na naman ang fandom nina Barbie at David. Ngayon pa lang ay gusto na ng kanilang mga fans na malaman kung ano ang role na gagampanan ni David. Hiling din ng marami na sana’y mahaba-haba ang exposure ng aktor sa serye.

Tiyak na gabi-gabing aabangan ng mga BarDa fans ang BE.

Samantala, dagdag na atraksiyon din sa serye ang paglahok ng Korean pop star na si Choi Bo Min. Kinunan pa ang ilang eksena sa South Korea kasama sina Barbie Forteza at Kyline Alcantara.

Ngunit iba pa rin ang impact ni David Licauco, sabik na sabik na ang mga fans na makita siyang muli sa piling ni Barbie. Maging si Kyline ay kinikilig kapag nakikitang magkasama ang dalawa.

Maraming netizens ang umaasa na huwag nang paghiwalayin ang BarDa dahil malakas ang hatak nila sa masa. Ayon pa sa ilan, sila ang posibleng pumalit sa tambalang AlDub nina Alden Richards at Maine Mendoza.

---

DESERVE na deserve ni Sylvia Sanchez ang ‘Rising Producer Circle Award’ mula sa 8th

EDDYS.

Sa maikling panahon, napag-aralan ni Sylvia ang likod ng kamera bilang film producer. Naitatag niya ang sariling production outfit, ang Nathan Studios, at nakapagprodyus na ng dalawang pelikula – ang Bagman at Topakk.

Kasunod nito, kasalukuyan na nilang ginagawa ang ImPerfect (IP), ang magiging entry nila sa Metro Manila Film Festival (MMFF) 2025. Tampok dito sina Lorna Tolentino, Janice de Belen, Tonton Gutierrez, Joey Marquez, at marami pang iba.

Bilang baguhang producer, todo-sipag at hands-on si Sylvia. Kitang-kita sa kanya ang malasakit at dedikasyon sa industriya, kaya’t marami ang nagsasabing sumusunod siya sa yapak ng yumaong Mother Lily Monteverde ng Regal Films.

May vision, puso at karismang bihira sa mga bagong producers, kaya’t tiyak na malayo pa ang mararating ng Nathan Studios. 

Higit pa riyan, tiyak ding marami pang artista at film workers ang matutulungan ni Sylvia sa kanyang adhikaing buhayin ang pelikulang Pilipino.

---

BAGAMA’T saglit lang tumagal diumano (kung totoo ang tsismis) ang relasyong Barbie Imperial-Richard Gutierrez, may kumakalat na balitang may bago nang idine-date ang aktor – si Charlotte Wink na ex-girlfriend umano ni Xian Gaza.

May sightings na magkasama ang dalawa, ngunit tikom ang bibig ng kampo ni Richard tungkol dito.

Sa kabilang banda, nananatiling tahimik at composed si Sarah Lahbati, dating misis ni Richard, tungkol sa balita.

Ayon sa malalapit sa aktres, naka-move on na raw ito at may bago na ring inspirasyon.

May co-parenting agreement sina Sarah at Richard para sa dalawa nilang anak, at kahit single mom na ngayon si Sarah, patuloy ang kanyang pagbangon sa tulong ng pamilya’t career.

Wagi na namang Best Actor at Best Actress… DENNIS AT RURU, ASSET, NEVER PAKAKAWALAN NG GMA-7

ni Erlinda Rapadas @Teka Nga | July 24, 2025

Photo File: Ruru Madrid at Dennis Trillo - IG

Sa nakaraang 8th EDDYS Awards, muling nasungkit nina Dennis Trillo at Ruru Madrid ang Best Actor at Best Supporting Actor trophy respectively via the movie Green Bones (GB). Sila rin ang nanalo noon sa Metro Manila Film Festival (MMFF) 2024 sa parehong kategorya.

Malaki ang naging impact ng GB movie sa career nina Dennis at Ruru. Dito nila nailabas ang kanilang galing bilang mga aktor. 

Ngayon pa lang, may mga nagsasabing masusundan pa ang panalo nilang ito.

Maging ang GB ay posibleng maging grand slam sa pagiging Best Movie, ganoon din ang direktor nito na si Zig Dulay.

Well, may lalim ang pag-arte ni Dennis Trillo sa mga seryoso niyang role sa pelikula, pero kaya pa rin niyang gumanap sa action/romance seryeng Sanggang Dikit FR (SDFR), kapareha ang kanyang pretty wifey na si Jennylyn Mercado.

Si Ruru Madrid naman ay lumilinya ngayon sa pagiging action star, at inihahanda na ng GMA Network ang bago niyang project, ang Hari ng Tondo (HNT), at dito ay excited na siya dahil panibagong hamon na naman ito sa kanyang kakayahan.

Well, masasabing asset ng GMA-7 sina Dennis at Ruru at tiyak na hinding-hindi sila pakakawalan ng network.

---

AKTIBUNG-AKTIBO ang career ngayon ni Lorna Tolentino. Bentahe para sa kanya ang markadong role at exposure sa seryeng Batang Quiapo (BQ). Sumiglang muli ang kanyang karera bilang bankable at mahusay na aktres.

Nagkasama sila ni Judy Ann Santos sa pelikulang Espantaho na kasali sa Metro Manila Film Festival (MMFF) 2024. Dahil din sa pelikulang ito ay napansin ang akting ni Lorna ng EDDYS. Siya ang nanalong Best Supporting Actress sa ginanap na 8th EDDYS Awards.

At ngayon ay nagsu-shoot siya ng pelikulang ImPerfect (IP), na produced ng Nathan Studios ni Sylvia Sanchez. Kasama ni Lorna sa movie sina Janice de Belen, Tonton Gutierrez at Joey Marquez.

Kinunan ang pelikulang IP sa hometown ni Sylvia sa Nasipit, Agusan del Sur. Gusto niyang bigyan ng importansiya ang kanyang sariling bayan bilang pagtanaw ng utang na loob ngayong nagtagumpay na siya sa buhay. 

Planong isali sa MMFF 2025 ang pelikulang IP. 

Samantala, bukod sa movie projects, may offer din kay Lorna para gawin ang isang serye, at under negotiation na ito. Natutuwa naman ang mga fans niya dahil bumalik na ang aktres sa mainstream ng showbiz.

---

Kinikita sa vlog, isine-share… MOMMY NI MIGUEL, MAY SAKU-SAKONG BIGAS PARA SA MAHIHIRAP

HINDI lang sa husay niya sa pagluluto nakikilala ngayon ang Mommy Grace ni Miguel Tanfelix.

Sa kanyang vlog, may content din siya na namimigay ng saku-sakong bigas sa ilang pamilyang mahihirap. Ito ang paraan niya upang bumawi sa mga blessings na natatanggap niya bilang content creator.

Isine-share ni Mommy Grace ang kanyang kinikita sa pagiging vlogger, at mukhang nae-enjoy na ng mom ni Miguel ang pagiging content creator.

Naging negosyo na rin ni Mommy Grace ang pagluluto ng masarap na leche flan. Marami na ang nag-o-order nito. Maging ang masasarap niyang recipes ay puwede niyang ibenta online.

Napaka-charming ng personalidad ni Mommy Grace. Marami na siyang mga fans at followers. Isa na rin siyang fan-favorite celebrity.