ni Janiz Navida @Showbiz Special | July 23, 2026
Photo: IG _awrabriguela
Tinalbugan ni Yassi Pressman ang kabonggahan ng kasal nina Bea Alonzo at Vincent Co.
Imagine, engagement proposal pa lang ang naganap kina Yassi at CamSur Cong. Luigi Villafuerte, pero ang chika sa amin, bukod sa engagement ring, binigyan din daw ng 5 hectares na lupa sa Camarines Sur at malaking halaga ng pera si Yassi para maging savings nito?
Oh, ‘di ba, winner?! Ano pa kaya kapag ikinasal na sina Yassi at Luigi, ilang hektarya ng lupa pa kaya ang ireregalo ng very generous palang kongresista sa kanyang misis?
Well, inggit-pikit na lang siguro ang iba pang celebrities na rumored GF din ng mga richie-richie businessmen at politicians. Talbog sila ni Yassi Pressman! Hahaha!
“Nasa itaas kami, nasa ibaba kayo” ikinorek… GOV. VILMA: ALAM KO NA, ‘PAG MABUNGA ANG PUNO, BINABATO!
“Okay, alam ko na, ‘pag mabunga ang puno, binabato!” ang binitiwang pahayag ni Batangas Governor Vilma Santos-Recto na sinundan ng masayang halakhak na ikinatawa na lang din ng mga kaibigang entertainment press na kanyang hinarap para sa one-on-one interview matapos ang matagumpay niyang State of the Province Address (SOPA) sa Batangas Province Events Center nu’ng Lunes.
Naging malaking isyu nga kasi sa social media ang minsang nasabi ni Gov. Vilma na “Nasa itaas kami, nasa ibaba kayo” nang mahingan siya ng komento tungkol sa mga bashers ng kanilang pamilya.
Bagama’t walang masamang intensiyon si Ate Vi at kilala naman siya ng mas nakararami kung gaano siya ka-transparent at kung paanong pantay-pantay ang tingin niya sa lahat ng klase ng tao, minasama pa rin ito ng ilang kampo, lalo na ng kanyang mga kalaban, na ginamit ang isyu para maging nega sila.
Kaya nang matanong namin ang gobernadora kung paano siya pinatatag ng fake news sa loob ng isang taong panunungkulan niya uli sa Batangas, kung saan paborito siyang batuhin ng maiintrigang balita, ito ang naging pahayag ni Ate Vi.
“Kasi ‘pag fake news, obvious naman. Ang pinakamabuti d’yan is kung ano ‘yung iniiwan mong totoo sa tao because ang mga tao ang maninindigan na ‘Hindi naman totoo ‘yan.’ ‘Yun lang ‘yun, eh.”
Although aminado rin naman siyang matindi talaga ang epekto ng social media ngayon, hindi lang sa mga tulad niyang public servant kundi maging sa mga artista.
“Pero wala ka nang laban sa social media ngayon, especially if you have the clout. Wala nang takot, eh. Kaya nga sometimes, kesa bigyan mo ng panahon ‘yan, I’d rather focus on my job. Kasi at the end of the day, ito ang maghuhusga sa akin, hindi ang social media.”
At nang matanong nga kung nasasaktan pa rin ba siya sa mga intriga, aniya, sa showbiz ay manageable ito, habang sa pulitika ay mas mahirap, na pinahirap pa raw nang times 10 dahil sa social media.
Tama naman, kahit anong gawing pagtatanggol ni Ate Vi sa sarili niya at sa kanyang pamilya, kung sarado na ang isip ng taong galit sa kanila, hindi na ito mababago.
Kaya naman, napakaganda ng naisip ng local government ng Batangas ng presentasyon ng isang taong achievement ng pamumuno ni Gov. Vilma Santos-Recto.
Idinaan ito sa theatrical presentation at hindi mismo sa bibig ni Gov. Vilma nanggaling ang pagmamalaki sa malalaking pagbabago na nagawa niya sa Batangas.
At take note, walang maibubutas sa kanya ang mga kalaban dahil suportado ito ng FACTS at hindi basta boka lang. Kumpleto ang mga dokumento, numero, larawan at mga taong nagpapatunay ng mga improvements na nagawa sa Batangas kaugnay ng H.E.A.R.T.S. (Health, Education and Environment, Agriculture, Roads and Infrastructure, Tourism and Technology, Social Services and Security) program para sa “MAS MATATAG NA BATANGAS”.
Nagtatanungan nga kami ng mga katabi namin kung ano kaya’ng nararamdaman ni former Gov. Hermilando Mandanas habang isa-isang ipinepresenta ang mga naging pagbabago sa panunungkulan ni Gov. Vilma, samantalang nandu’n mismo sa harap ng entablado ang ngayon ay vice-governor naman ng Batangas.
Well….
