ni Mercy Lejarde @Talkies | July 28, 2026
Photo: IG _masugarmercado7
Nagpakatotoo ang aktres na si Sugar Mercado nang mag-guest siya sa isang episode ng The People Have Spoken (TPHS), kung saan napunta ang usapan sa pagpili ng magiging karelasyon.
Kasama ni Sugar sa naturang episode ang content creator na kilala bilang ‘Pambansang Yobab’ na si Euleen Castro.
Tinanong ng host ng show na si Heart Evangelista si Sugar, “Para patunayang wala kang itinatago, payag ka bang ipaalam sa dyowa mo ang password mo sa social media?”
Agad namang sumagot si Sugar, “Yes po.”
Sa tanong ni Heart kung bakit, paliwanag ni Sugar, “Handa ako kasi wala naman akong dapat ilihim. Yes, maraming nagsasabi na privacy ‘yun. Pero kung wala ka naman talagang itinatago, bakit mo ililihim? ‘Pag nagkaroon kayo ng relasyon, iisa na kayo. So, dapat, wala kayong itinatago sa isa’t isa. Kasi ako, kahit alam ko ang password, ‘di ko naman ‘yun sisilipin lagi. Pero kampante ka lang na alam mong wala s’yang itinatago, carry na ‘yun.”
Sunod na tanong ni Heart, “May dyowa ka ba, Sugar, ngayon?”
Maikling sagot ni Sugar, “Wala.”
Pabirong hirit ni Heart, “‘Yun, kaya easy for you to say.”
Sinagot naman ito ni Sugar nang may halakhak, “Dahil nga ru’n, may nakita. Hahaha!”
Sa panayam, napag-usapan din kung ano ang mas mahalaga sa pagpili ng magiging dyowa — yaman ba o magandang ugali.
Tinanong ni Heart sina Sugar at Euleen, “Prangkahan na. Sa panahon ngayon, ano ang numero unong basehan n’yo sa pagpili ng dyowa?”
Agad namang sagot ni Sugar, “Ugali. Galing na ako sa mayaman. ‘Di naman nag-grow, charot!”
Samantala, ‘yaman’ naman ang naging tugon ni Euleen.
Pabirong idinagdag pa niya, “Okay lang umiyak sa yate kaysa sa bus!”
Sagot naman ni Sugar, “Ayaw ko na ru’n (sa yate)!” kaya nagtawanan ang audience.
Natawang bawi naman ni Sugar, “Joke lang, joke lang.”
Sinundan ito ni Heart ng pabirong komento, “Huy! Walang joke dito!” na lalo pang nagpasaya sa audience.
Well, at least minsan sa isang panahon, naging masaya rin si Sugar kasama ang may-ari ng yate. ‘Di ba naman, Willie Revillame?
Umamin ang sexy actress na si Maui Taylor tungkol sa isa sa mga pinakamasakit na karanasan niya sa industriya ng showbiz nang mag-guest siya kamakailan sa GMA podcast na Your Honor (YH), na pinangungunahan nina Chariz Solomon at Buboy Villar.
Sa panayam, inamin niyang nagdulot sa kanya ng trauma ang pambabastos na naranasan niya habang pababa ng entablado.
Tinanong siya ni Buboy kung paano niya pinoprotektahan ang sarili sa tuwing humaharap siya sa publiko, lalo na’t hindi maiiwasang may ilang tao na lumalampas sa hangganan.
Inamin ni Maui na ilang beses na siyang nakaranas na mahipuan.
“Marami nang times na either ako or kasama ko ‘yung grupo ko, ‘yung Viva Hot Babes, na talagang nahahawakan kami. ‘Di ko makakalimutan ang isang area sa Rizal, kasi ‘yun talagang frozen in place ako after.
“Group performance kami nu’n. Habang pababa kami ng stage, s’yempre, nagkagulo. May humahawak sa akin sa ibaba. Talagang napa-ganu’n (frozen) na lang ako, ‘di na ako nakagalaw. Tapos, hinatak na lang ako nu’ng mga bouncers namin,” kuwento ni Maui.
Tinanong naman ni Buboy kung nagdulot ba ito ng trauma sa kanya.
“Oo,” maikling sagot ni Maui.
Well, sa mga susubok mambastos sa mga artista tulad ng nangyari kay Maui, siguradong may pananagutan kayong haharapin. Good luck na lang sa karma.
