Padir ng anak, balik-bisyo raw… NADIA KAY BARON: ‘WAG MONG IDAMAY SI SOPHIA SA GULO

ni Vinia Vivar @Frankly Speaking | August 1, 2026

Photo: FB Nadia Montenegro

Maayos naman ang co-parenting setup nina Nadia Montenegro at Baron Geisler hinggil sa kanilang anak na si Sophia, who is now 20 years old at pumasok na rin sa showbiz.

Sey ni Nadia nang makausap ng ilang entertainment press sa Maddox Iconic Runway: Diamond Jewelry Fashion Show 2026 last Thursday na ginanap sa Shangri-La Hotel, anytime raw na gustong makasama ni Baron si Sophia ay okay naman din sa kanya.

“Actually, last year pa, 1 year tumira si Sophia sa kanya kasi malapit sa school ni Sophia. So, okay naman. Pero ngayon, Sophia is living in a different place na nearer sa school n’ya. ‘Di na s’ya ru’n kay Baron,” tsika ng dating aktres.

Tungkol naman sa pagpasok na rin sa pag-aartista ng kanilang anak, sey ni Nadia ay mukhang nagmana raw ito ng kahusayan sa pag-arte kay Baron. 

Pero usapan daw nila ni Sophia na tapusin muna ang pag-aaral bago mag-focus sa pag-aartista.

Nang matanong kung payag ba siyang magkasama silang tatlo nina Baron sa isang project, ayon kay Nadia ay pag-iisipan muna niya.

“Silang dalawa, baka. Pero kaming tatlo, let’s see…” aniya.

Natanong din ang dating aktres kung hindi ba siya natatakot para kay Sophia dahil sa mga balita lately na bumabalik na naman umano ang dating bisyo ni Baron.

“Na-pull-out ko na si Sophia sa bahay ni Baron, February pa. Matagal nang wala si Sophia sa kanya. Pero ‘yung relationship naman nilang mag-ama, secure naman ako ru’n. Alam ko naman na ‘di n’ya siguro idadamay ‘yung anak ko sa ganyan,” sagot ni Nadia.

“‘Yun lang ang text ko sa kanya, ‘Hoy, ingatan mo si Sophia. ‘Wag mo s’yang idamay sa gulo n’yo at ‘wag mo s’yang gagamitin sa kung anu-anong problema.’

“So, very honest naman ako sa kanya. Although ‘di n’ya nga ako sinasagot,” dagdag pa ni Nadia.

Samantala, napuno ng kinang at ningning ang Maddox Iconic Runway: Diamond Jewelry Fashion Show 2026 dahil sa pagdalo at pagrampa ng ating mga sikat na celebrities.

Ilan sa mga rumampa suot ang mga nagkikinangang diamond jewelries from Maddox ay sina Ryza Cenon, Diego Loyzaga, AJ Raval, Aljur Abrenica, Kris Bernal, Edgar Allan ‘EA’ Guzman, Polo Ravales, Ara Mina, Diana Zubiri, Claudine Barretto, Aubrey Miles, Troy Montero at marami pang iba.

Ang nasabing event ay inorganisa ni Ms. Charo Cordial, founder, president and CEO of Maddox Jewelry, isang sikat na jewelry brand sa Pilipinas offering affordable natural and lab-grown diamonds.

---

SPEAKING of Maddox Jewelry CEO (Chief Executive Officer) na si Ms. Charo Cordial, nakausap din siya ng ilang entertainment press sa fashion show event at dito ay naitsika niyang gusto niyang makilala at regaluhan ng diamonds si Marian Rivera.

Gandang-ganda raw siya sa Kapuso Primetime Queen at kung mabibigyan ng pagkakataon ay gusto niya itong makilala nang personal.

Samantala, nang tanungin kung sino ang napipisil niyang gumanap sa karakter niya sakaling isapelikula ang success story niya, kaagad niyang binanggit ang kaibigang si Claudine Barretto.

Well, sa nasabing interview ay binalikan din ng tinaguriang Diamonds Queen kung paano siya nagsimula sa jewelry business noong panahon ng COVID-19 pandemic.

Aniya, out of boredom ay nag-online selling siya noong 2020 at sa simula ay bags lang ang kanyang ibinebenta. Pero dahil mahirap daw i-ship, naisip niyang alahas na lang. Itinuluy-tuloy na niya ang pagbebenta ng alahas hanggang sa nakapagpatayo na siya ng sariling kumpanya na Maddox Jewelry, and the rest is history.

Ngayon ay isa na ang Maddox sa pinakamalaking jewelry companies sa bansa. Dito na rin niya nagsimulang makilala ang mga showbiz personalities na mga customers niya.

“Nu’ng una nito, wala kaming plan to have mga ganitong fashion show. Pero habang lumalaki po kasi ang Maddox, we cater many customers already, even mga celebrities.

Ang isa sa mga mission and vision namin is maging super-affordable ‘yung diamond jewelry, luxury sa lahat po ng Pilipinas. So ito, isang way po namin ‘to para makita po ng lahat ng ‘di pa nakakakilala sa amin na meron pong diamond jewelry na puwede pong bilhin kahit ng mga ordinaryong tao. Na kaya pala naming bilhin s’ya, na ‘di lang s’ya pang-millions, pang-mga alta. So, all Filipinos can afford. Parang we want to spread the means para sa lahat from Maddox Jewelry,” pahayag ni Cordial.

‘Di raw kailangan ng mamahaling regalo… DANICA, GUSTONG MA-SOLO SI MARC KAHIT 2 DAYS LANG

ni Beth Gelena @Bulgary | August 1, 2026

Photo: FB Danica Sotto Pingris

May pakiusap si Danica Sotto sa mister niyang si Marc Pingris.

Sa isang episode ng House of D (HOD), ibinahagi ng aktres ang kanyang kahilingan sa asawa na dating PBA player.

Ipinahayag niya na kahit lubos na panatag si Marc sa kanyang pagmamahal, gusto rin niyang pahalagahan nito ang kanyang katapatan.

Binigyang-diin ni Danica na napakahalagang mapanatili ang matibay na ugnayan bilang mag-asawa dahil kalaunan, lalaki rin ang kanilang mga anak at aalis sa kanilang tahanan, at silang mag-asawa na lang ang maiiwan.

Ang pagpapanatili ng isang matibay na pagsasama ay nangangailangan ng pagsisikap, komunikasyon at oras.

“I feel kasi sometimes he’s so secure with my love for him. Alam n’yang I’m there, secure s’ya, alam n’yang ‘di ako gagawa ng kalokohan. But I also want him to value my loyalty and show that to me,” sambit ng anak nina Dina Bonnevie at Vic Sotto.

Sinabi niyang hindi mahalaga ang mga materyal na bagay. Sa halip, ang mga simpleng pag-uusap at mga personal na sandali ang siyang nagpaparamdam sa kanya ng pagmamahal.

“Dahil ang alam ko sa pagmamahal ay oras. ‘Di mo ako kailangang bilhan ng mamahaling regalo, alam ‘yan ng mga kaibigan ko. Kausapin mo lang ako, ‘Kumusta ang araw mo?’ Kasi bilang nanay, ang sasabihin mo, una, mga anak mo muna. 

“S’yempre, ‘di mo naman puwedeng kasama ang biyenan mo, lalo na’t tumatanda na rin s’ya. Pero ang hinihintay ko lang sa kanya, ‘Sana, Marc this year, may ‘me time’ rin, one trip. Wala akong pakialam kung nasa ibang bansa ka o nandito, ibigay mo lang sa akin — dalawang araw na tayo lang.’”

Paliwanag pa ni Danica, bagama’t lubos niyang pinagkakatiwalaan si Marc at alam niyang isa itong mabuting asawa, dapat maging maingat ang mga mag-asawa na huwag abusuhin ang pagmamahal ng isa’t isa.

“You know that secure ka sa love ko, pero ‘wag mo rin namang abusuhin na okay lang ‘yan, nand’yan lang si Danica,” aniya pa.

---

BINALIKAN ni James Reid sa The B Side (TBS) ng Cinema One ang paggawa ng pelikulang Never Not Love You (NNLY) kasama si Nadine Lustre at sinabi niyang isa itong ‘crazy project’ dahil kakaiba ang paraan ng pag-shoot nito.

“That was a crazy project,” ani James.

Wala raw halos kumpletong script. Marami sa mga eksena at linya ay improvised o kusang nabuo habang kinukunan.

Kakaiba rin ang direksiyon ni Antoinette Jadaone. May mga pagkakataong magkaiba ang utos niya sa dalawang bida.

Halimbawa, kay James, “Siguraduhin mong ‘di aalis si Nadine.”

Kay Nadine naman, “Umalis ka.”

Dahil dito, naging mas natural at matindi ang emosyon sa eksena.

“It was definitely something more mature. Even from the coloring and everything, it’s darker... because it’s not exactly like a ‘happily ever after’.

“It’s a bit more nuanced than that... a bit more complicated. So that was definitely a step up from the projects that we had done, as it should be... as we were growing up and maturing,” pagbabahagi pa niya.

---

Tutuluyan daw dahil sa pagnanakaw…

LAKAM, TAMEME KAY KIM

INIULAT na itutuloy ng Kapamilya actress na si Kim Chiu ang pagsasampa ng kasong legal laban sa kanyang kapatid at matatag siya sa kanyang desisyon.

Noong nakaraang taon, pormal na nagsampa ng kaso si Kim laban sa kanyang Ate Lakam Chiu.

Ang reklamong pagnanakaw laban kay Lakam ay dahil umano sa pagsusugal nito.

“Nalulong s’ya sa pagsusugal. Madalas s’yang makita sa Solaire o sa casino sa isang hotel. Nalugi si Lakam ng daan-daang milyong piso mula sa kinita ni Kim dahil sa pagsusugal sa nakalipas na dalawang taon,” sabi ni Atty. Jesus Falcis.

Sa ngayon ay wala pang pahayag ang ate ni Kim kaugnay ng inilabas na statement ng Star Magic na itutuloy ng kanilang talent ang kaso laban sa kapatid nito.

Proud na proud sa ipinalit kay Miles… ELIJAH AT THEA ASTLEY, TODO-HOLDING HANDS SA PALENGKE

ni Nitz Miralles @Bida | August 1, 2026

Photo: FB Circulated

Ginulat nina Elijah Canlas at Thea Astley ang mga netizens nang makita silang magkasama in public at magka-holding hands pa. Hindi lang malinaw ang dalawang photos na aming nakita online, pero hindi maipagkakailang silang dalawa ‘yun.

Tila namamalengke ang dalawa dahil sa background, makikita ang rows of eggs at sa isa pang photo, tila fruits and vegetables ang nasa likod nila. 

Pareho ring may suot na dark glasses sina Thea at Elijah, pero hindi nagtatago sa camera.

Comment ng isang netizen, “Elijah and his new girl? Hiwalay na ba sila ni Miles Ocampo? Please enlighten me, kasi ‘di ko alam. Ang tanging alam ko lang ay sila pa rin, tsaka ‘di ba mahal na mahal ni Elijah si Miles? What happened kaya? OMG!”

May sumagot na isa ring netizen at sinabing break na sina Miles at Elijah. Nagkabalikan ang dalawa pero nag-break uli. May nagsabi namang baka may taping lang na magkasama sina Elijah at Thea, nagkaroon ng break sa taping at naisipan nilang mamili sa palengke.

Comment naman ng isa pang netizen, dapat daw bang magka-holding hands sina Elijah at Thea habang namimili kung wala silang relasyon?

---

MULING humarap sa media ang magka-love team na sina Rabin Angeles at Angela Muji para sa mid-season mediacon ng Viva One series na Dating Alys Perez (DAP). Kasama nila sa mediacon si Zeke Polina at Director Crisanto Aquino.

Ipinaalam nina Angela, Zeke, at Rabin na new episodes ang mapapanood every Friday sa Viva One na paniguradong susuportahan uli ng RabGel fans. Plus, kasama pa si Zeke na agad ding tinanggap ng mga fans kahit ka-love triangle siya ni Rabin kay Angela.

Paulit-ulit ang pasasalamat nina Rabin at Angela sa suporta ng kanilang mga fans. Isa ang RabGel love team sa mga pinakasikat sa Viva. Ang lakas ng dalawa sa mga fans, hindi lang sa Viva One. Every time na may public appearance sila, siguradong susugod ang mga fans at magpapalakasan pa ng sigawan at palakpakan.

Ang nakakatuwa sa mga fans, hindi nila pine-pressure na maging for real ang love team nina Angela at Rabin. Masaya sila at tanggap ang sagot ng dalawa na, “‘Di namin minamadali at sa ngayon, masaya kami as friends and love team.”

---

KABILANG sina Ogie Alcasid, Apl.de.Ap at Sen. Bam Aquino sa mga nag-congratulate sa SB19 sa performance ng grupo sa Lollapalooza. 

Sabi ni Ogie, “Hail SB19,” na sinundan ni Apl.de.Ap ng “Congrats to my little brothers SB19 on their historic performance at Lollapalooza. So incredible!” 

Sinundan pa ito ng congratulatory remarks ni Sen. Bam na, “Isang pagpupugay sa SB19 sa makasaysayang pagtatanghal sa Lollapalooza Music Festival.”

Nakaka-proud naman talaga ang performance ng SB19 dahil sila ang first fully Filipino homegrown talent to perform sa legendary music festival. Ang daming nanood sa grupo at hindi lang Filipino, marami ring foreigners. May mga Philippine flags na iwinagayway ang mga Pinoy at nagsayawan pa.

Ten songs ang nasa set list ng SB19, kabilang ang Gento, DAM, at MAPA. Kasama rin sa setlist nila ang Mga Kababayan ni Francis Magalona. They were featured in Fox 32 Chicago, nakaka-proud!

Ang ganda ng comment ng isang SB19 fan na, “Watching SB19 perform at Lollapalooza is such a proud moment for every Filipino. They didn’t just perform, they owned the stage with incredible vocals, powerful choreography, and undeniable charisma. Congrats, SB19! You represented the Philippines with excellence and made us all proud.”

---

MAY post sa Facebook (FB) page ni Bong Revilla na clasped hands emoji na may caption na: “Thank you, Lord,” pagkatapos i-grant ng Sandiganbayan 3rd Division ang kanyang temporary liberty.

Nag-post si Bong ng P1-million bail para sa kanyang temporary freedom. 

Sabi ng court, ang release ni Bong “is in line with the Supreme Court’s ruling in Enrile v. Sandiganbayan, which allows bail in non-bailable offenses when the prosecution fails to show that the evidence of guilt is strong.”