Mark, oh! ANAK NI JOLINA, INAANGKIN NI MARVIN NA KANYA

ni Nitz Miralles @Bida | August 8, 2026

Photo: File / Marvin at Jolina - Karen Davila - YT

Biniro ng press si Marvin Agustin na inangkin ang anak ni Jolina Magdangal na si Vika na present sa Tara, Kapatid! Midyear & Media Celebration ng TV5, kung saan ang upcoming romcom series nila na Mommy Guard (MG) ay kabilang sa mga bagong shows ng network na magpi-premiere.

Nabanggit kasi ang mga anak ni Jolina at sabi agad ni Marvin, “Mga anak namin,” na agad ding binawi. “‘Yun s’ya,” ang reaksiyon ni Jolina na itinuro kay Marvin ang puwesto ng anak. 

Hindi naman siguro isinumbong ni Vika sa dad niyang si Mark Escueta si Marvin dahil nagbibiro lang ito.

Ibinabalik nga ng TV5 ang tambalan nina Jolina at Marvin sa nasabing romcom series. Much-awaited reunion ito, matagal nang pinag-usapan at ang TV5 lang pala ang nakapagbigay sa matagal nang request ng mga fans.

Sa teaser na aming napanood, security guard si Jolina as Tina, mahigpit at sinusungitan si Pio (Marvin). Sa teaser pa lang, kinilig na ang mga fans at hindi na makapaghintay sa airing nito sa September sa TV5, bago ang Eat… Bulaga! (EB!)

Sey ni Marvin, “‘Di namin akalain na after all these years, magkakasama ulit kami ni Jolina sa isang TV series.

“Our last teleserye together was FlordeLisa 10 years ago — a beautiful story filled with drama. This time, we’re coming back with something lighter, full of kilig, and with a nostalgic 90s romcom feel.

“Thank you, TV5, for trusting us with Mommy Guard. We’re both excited and grateful to do what we love again — magpapakilig, magpatawa, at magdala ng ngiti sa inyong lahat. May drama pa rin, s’yempre... pero mas maraming saya.

“See you this September.”

---

Kung si Daboy, sa Phil. Marine…

LORNA, PROUD NA PHIL. NAVY RESERVIST NA

“Discipline is choosing to finish, even when it’s hard. Just finished. Lorna Tolentino Fernandez, at your service. Philippine Navy Reserve Command. Mabuhay ang Pilipinas!” ang post ni Lorna Tolentino bilang pagbabalita na isa na siyang Philippine Navy reservist.

May kasamang photos sa pagtatapos ng kanyang training ang post ni Lorna at sa isang photo, kasama nito ang anak na si Rap Fernandez at ang pamilya nito.

Ang daming nag-congratulate kay LT at may mga nagulat din dahil hindi nila inakala na magiging reservist ang aktres sa Philippine Navy. Sana raw, magkuwento siya ng pinagdaanang training para lang malaman.

Parehong Philippine Navy reservist sina LT at Dingdong Dantes, at si LT ang pinaka-latest na celebrity who joined the PN as reservist. 

May nagpaalala naman na ang late husband ng aktres na si Rudy Fernandez ay isang Philippine Marine reservist.

---

MAY comment pala si David Licauco sa statement ni Barbie Forteza na, “Finally, nagkaroon na ako ng leading man na maayos.” 

Sagot ni David, “I wish her [Barbie] well.”

Sa statement ni Barbie at reaction ni David, feeling ng mga fans, may isyu sa dalawa. Hindi lang daw nila masabi nang diretso at idinaan ni Barbie sa statement at sinagot naman ni David ng may pagpapakumbaba.

Nalungkot ang BarDa fans nina Barbie at David sa nangyari at tila malabo sa ngayon na magtambal pa sila. Wala silang project sa TV at ganoon din sa pelikula. Iba ang leading man ni Barbie sa mga projects niya at si David ay lumayo kay Barbie.

Pumirma kasi si David ng film contract sa Viva at sa rami ng contract stars, mas pipiliin nila ang kanilang talent na ipareha kay David sa halip na kunin si Barbie. 

Kahit ka-collab ng Viva ang GMA-7, puwedeng tumanggi si David.

Kahapon ang contract signing ni David sa Viva na ang sabi, “A new chapter begins on the big screen! David Licauco is officially signing a film contract with Viva Films, in partnership with ALV Talent Circuit and GMA Sparkle, marking the start of an exciting new journey.”

Kung may isyu man kina Barbie at David, kailangan siguro nilang mag-usap para ayusin ang dapat ayusin. Para rin hindi nalulungkot ang BarDa fans na baka hindi na sila magsama pa sa project.

Gusto ring mag-action… ANDREA, GUSTONG MAGING ANNE CURTIS

ni Julie Bonifacio @Winner | August 7, 2026

Photo: IG _blythe & _annecurtissmith

Sobrang nag-enjoy si Andrea Brillantes sa mga action scenes bilang si Chiara sa TV5 drama series na A Secret in Prague (ASIP) with Enrique Gil.

Maituturing na action princess si Andrea ngayon. 

Nang tanungin si Andrea kung paano niya ire-rate ang kanyang experience as an action female star sa serye, 10 ang ibinigay niyang score sa sarili.

Paliwanag ni Andrea, “I think it can go to ten if maayos po s’yang mae-execute. It takes proper trainings. If maayos s’yang magagawa. Kasi ang saya po talaga n’yang gawin. At least for me, I personally enjoy it. I hope to do more.”

After niyang mag-shoot sa Prague for 10 days, may naka-schedule pa raw silang trip sa isang European country para mag-taping.

But her lips are sealed daw kung ano ang next country destination nila ni Enrique.

Samantala, ini-reveal din ni Andrea ang kanyang dream role.

“Meron akong gustung-gustong action film simula bata ako, ‘yung BuyBust ni Ate Anne (Curtis). Nu’ng napanood ko ‘yun, sabi ko, ‘Ang sarap sigurong makagawa ng ganu’ng pelikula. Kakayanin ko. Kung bibigyan po ako ng chance, gusto ko pong i-grab ‘yun at ibigay ang best ko,’” lahad ni Andrea sa Mid-Year Media & Trade Celebration ng TV5.

Why not?

---

Madir, sobrang payat…  

MARTHENA, PUMALAG NA MUKHANG MAMAMATAY NA RAW SI AIKO

Nahe-hurt ang anak ni Aiko Melendez na si Marthena Jickain sa mga nagsasabi ng hindi maganda sa kanyang ina, tulad ng mukhang matanda at ‘dying’ na raw si Aiko.

Nag-react na si Aiko at boyfriend niyang si Onemig Bondoc sa mga nang-bash sa kanya.

Sa ginanap na mediacon para sa Midyear Media & Trade Celebration ng TV5 ay nakausap namin ang baguhang aktres. Isa si Marthena sa mga artists ng Starworx na nag-perform sa nabanggit na event.

“S’yempre po, bilang anak n’ya po, medyo masakit ‘pag nakikita ko ang ganu’n na sinasabi ng tao sa kanya. Pero at the end of the day, ako po ang nakakasama ng mom ko sa bahay. And I know po kung ano ang kalagayan niya, ano ang hitsura n’ya,” pahayag ni Marthena.

Kapag kasama raw ni Marthena ang kanyang ina ay para lang daw niyang ate si Aiko.

Pero tanggap ni Marthena na ganoon talaga ang panahon ngayon at maraming bashers.

Panawagan lang niya sa mga nanlalait sa kanyang ina, especially sa nagsabing mukhang ‘dying’ na si Aiko, sana raw, people should be more kind na lang in giving comments online.

Sinabihan na rin daw ni Marthena si Aiko tungkol sa mga bashers niya.

“And sa mom ko naman po, lagi ko s’yang nire-remind. ‘Mom, ang tagal mo na sa industriyang ‘to. Alam mo na ang ins and outs. Alam mo na kung paano i-take ang bashing.’ And, uhm, at the end of the day, alam naman n’ya kung ano ang ginagawa n’ya sa sarili n’ya to take care of herself. ‘Kaya ‘wag mo nang pansinin,’” pahayag ni Marthena.

Samantala, in-update kami ni Marthena sa lagay ng career niya sa TV5. So far, wala pa raw project na sinasabi sa kanya.

Hopefully, bago matapos ang taon ay magkaroon siya ng proyekto sa TV5.

After daw suspendihin dahil sa bad joke… VICE, BALIK-IT’S SHOWTIME NA

ni Erlinda Rapadas @Teka Nga | August 7, 2026

Photo: YT _ABS-CBN It's Showtime

Nakabalik na ang Unkabogable Star na si Vice Ganda sa pagho-host ng It’s Showtime (IS) kahapon. 

Kung nu’ng mga nakaraang araw ay sina Ogie Alcasid, Amy Perez, Karylle, Vhong Navarro, Jhong Hilario, Darren Espanto, Ryan Bang at iba pa ang bumandera sa IS, ngayong nagbabalik si Vice ay ramdam na uli ang kakaibang saya sa programa dahil sa mga hirit niyang kanyang-kanya lang.

Bagama’t walang opisyal na pahayag ang Kapamilya Network sa ilang araw na pagkawala ni Vice, marami ang naniniwala na pansamantalang pinagbakasyon siya ng management matapos ipatawag ng Movie and Television Review and Classification Board (MTRCB) ang mga bossing ng It’s Showtime dahil sa racist at bad joke nila sa isang member ng Baby Dolls. 

Maraming fans ang tuwang-tuwa na nakabalik na ang host dahil ang iba ay gusto ang mga jokes niya. 

Ano kaya ang magiging pahayag ni Vice na dahilan kung bakit siya nawala?

---

MISMONG si Mika Salamanca ang umamin na seryoso at malalim na ang relasyon nila ni Will Ashley. 

Naging inspirasyon nila ang isa’t isa upang patuloy silang magsikap na maabot ang kanilang mga pangarap at mag-level-up ang kanilang showbiz career.

Parehong abala ngayon sina Mika at Will. Magkasama sila sa upcoming series ng GMA-7 na Delivery Boi (DB), na idinidirek ni Dominic Zapata. 

Si Will ang main lead actor at nasa cast din sina Rayver Cruz, Eric Quizon, Mavy Legaspi, Mikoy Morales, Yasser Marta, Meryll Soriano, Keempee de Leon at Benjie Paras.

Habang tumatagal ay mas gumagaling na umarte si Will. Sa nakaraang EDDYS ay nanalo siyang Best Supporting Actor dahil sa mahusay niyang pagganap sa pelikulang Bar Boys: After School (BBAS). 

Samantala, si Mika naman ay kasama ngayon sa cast ng Saving Cherry (SC), na pinagbibidahan ni Barbie Forteza.

Hindi naman kailangang laging magkasama sa pelikula sina Mika at Will. Hindi sila dapat makulong lang sa pagiging love team. Kailangan nilang mag-grow bilang mga artista upang lumawak ang kanilang kaalaman. 

Payo rin ng kanilang mga fans at supporters na huwag pababayaan ang kanilang career dahil bibihira ang sinusuwerte sa showbiz na tulad nila.

---

NAGING emosyonal sina Melissa Mendez at Malu Barry nang magsalita sila sa eulogy sa huling gabi ng burol ng yumaong reporter, host, talent manager at vlogger na si Jobert Sucaldito.

Nagbahagi sila ng kanilang mga karanasan noong magkakasama silang tumira sa isang bahay. Bago pa lamang noon si Jobert sa showbiz. 

Hindi makakalimutan ni Melissa na ipinagluluto siya noon ni Jobert ng pagkain at sinusubuan pa siya. 

Si Malu naman ay hindi malilimutan na lagi siyang ipinagtatanggol ni Jobert kapag may naninira sa kanya.

Maging si Patricia Javier ay halos gabi-gabi sa lamay ni Jobert. Ang mag-inang Angelica at Beth Jones ay nakiramay din. 

Dumating din sa huling gabi ng burol sina Andrew E., Atty. Ferdinand Topacio, Jay Manalo at ang maraming entertainment press. Naroon din si Ahwel Paz na nakasama niya noon sa kanilang radio show.