Anak, may mental health problem daw… GARY V., KUMANTA NA MUNTIK TUMALON NG CONDO SI GAB

ni Nitz Miralles @Bida | August 23, 2026

Photo: FB Circulated

Sa isang interview sa The Daily Dish (TDD) ng Bilyonaryo News Channel (BNC), binalikan ni Gary Valenciano ang battle ng anak na si Gab Valenciano sa mental health issue. 

Sabi ni Gary, Gab was diagnosed with bipolar disorder at may mental issue pa.

There was a time raw na he carried Gab on his back mula sa condo unit, elevator at dinala sa Makati Medical Center. Ikinuwento rin niyang minsan, inisip ni Gab na mag-suicide by jumping from his condo unit na nasa 27th floor. Pinasalamatan ni Gary ang GF ng anak that time dahil hindi raw binitawan ang pagkakahawak nito sa kamay ni Gab.

Muntik na raw tumalon, nasa ledge na ito ng condo unit at naisip na mabilis lang kung gagawin niya ito. Mabuti na lang at may nagbukas ng ilaw at nalinawan ang isip nito na hindi siya dapat nasa ganoong sitwasyon.

Gab is okay now, kaya malaki ang pasasalamat nina Gary at asawang si Angeli Pangilinan-Valenciano dahil nalabanan nito kung anuman ang gumugulo sa kanyang isip. 

Maganda talagang mapanood ito ng mga magulang na may mga anak na may mental health issue. Marami ang matututo sa ibinahagi ni Gary.

Hot topic ngayon ang mental issue dahil marami ang dumaranas nito na humahantong sa patayan, kabilang na ang mga kabataan.

Speaking of Gary, balik-concert siya with his Back at the Museum series of concerts in October. Magsisimula ang concert sa October 1, at tuluy-tuloy na sa 3, 8, 10, 15, 17, 22, 24, 29, at 31.

Directing the concert is his son Paolo Valenciano, musical director is Mon Faustino and produced by Genesis and GV Productions Inc..

---

May bagong patutsada sa IG…

MOND, BINANATAN ANG NAGKAKALAT NG KASINUNGALINGAN

MAY panibagong Instagram (IG) Story si Mond Gutierrez na tila patutsada na naging dahilan na naman ng diskusyon online.

Sey niya, “PAY CLOSE ATTENTION TO THOSE WHO SPREAD LIES; THEY’RE THE ONES TRYING HARDEST TO HIDE THEIR OWN TRUTHS.”

Nagtanungan na naman ang mga nakabasa kung kanino patungkol ang IG Story post na

ito ni Mond. May mga nakaisip at nag-akala kung para kanino ito at kung sino ang kanyang isine-shade.

Sey ng mga netizens, hihintayin nila kung may sasagot sa bagong post na ito ni Mond at kung paano ito sasagutin. 

Ang suggestion nila, mag-usap na lang si Mond at kung sinuman man daw ang isine-shade nito para silang dalawa na lang ang makaalam at wala nang ibang sumawsaw pa.

---

HINDI lang sa salita ipinapakita nina Sharon Cuneta at Barbie Forteza na close sila, makikita rin sa aksiyon na close ang dalawang aktres na magkasama sa series na Honor Thy Mother (HTM).

Sa off-cam photos nila, laging nakakandong si Barbie kay Sharon na tiyak, si Mega ang may gusto na kumandong sa kanya ang aktres. Mapapansin din na nakakandong na nga si Barbie, magkayakap pa sila at magkadikit ang mga mukha.

Sa latest post ni Sharon, sey niya, “Working til the wee hours... Buti na lang we love each other’s company.”

Ini-repost ni Barbie ang post ni Sharon at umani ng mga positive comments. Hindi na raw sila makapaghintay sa September 11, streaming ng series sa Prime Video at airing sa GMA-7. 

May request din na magsama ang dalawa sa pelikula at nanawagan ang mga fans sa Viva Films at GMA Pictures na mag-collab for a Sharon-Barbie movie. Make their dream come true raw.

Umatras sa kasal kay Edu… CHERRY PIE, IPINAGSIGAWANG GAME NA SA MAGPO-PROPOSE SA KANYA

ni Julie Bonifacio @Winner | August 22, 2026

Photo: IG _yescppicache

Ready na si Cherry Pie Picache for a new relationship. ‘Yan ang deklarasyon ng aktres sa kanyang Instagram (IG) post kahapon.

Halos tatlong taon na ring single si Cherry Pie. It’s common knowledge na ang kanyang huling naging boyfriend ay si Edu Manzano at naghiwalay sila noong December, 2023.

Sa latest interview sa aktres, inamin niya na niyaya siya ni Edu na magpakasal, pero tumanggi raw siya.

Inamin ni Cherry Pie na nanghinayang siya sa pagtanggi na magpakasal kay Edu. Pero ngayon, okey daw siya kung may magpo-propose.

Isinagawa ni Cherry Pie ang kanyang deklarasyon sa IG sa pamamagitan ng pag-post ng latest close-up photos niya.

Todo-flex si Cherry Pie sa kanyang new hairstyle and looking young siya sa kanyang latest photos na may pa-bangs.

“I think I’m quite ready for another adventure,” pag-aanunsiyo ni Cherry Pie sa caption.

Nag-comment ang ilang celebrities sa announcement ni Cherry Pie.

Sey ni Zsa Zsa Padilla, “Cutie pie! Hahaha!”

Patiling comment ni Agot Isidro, “Aaaaayyy, oh!”

Biro naman ni Direk Andoy Ranay kay Pie, “Dora? Mommy ni Dora?”

Wah!

---

Ganern, Echo?

HEART, UMAMING MAY 2 EX-BFS NA ‘DI KAIBIGAN

IPINANGALANDAKAN ni Heart Evangelista na may dalawang ex-boyfriends na lang niya ang ‘aloof’ o malayo sa kanya hanggang ngayon.

Feeling ni Heart ay ayaw siyang gawing kaibigan ng kanyang 2 ex-BFs, unlike her ex din na sina John Prats at Daniel Matsunaga na parehong kaibigan na niya ngayon.

At hindi lang si John ang kaibigan na ni Heart ngayon, kundi pati ang misis ni John na si Isabel Oli.

In fact, when she was asked kung sino ang mga close friends niya sa showbiz, pasok sa listahan niya sina Isabel at Angelica Panganiban. 

Habang si Daniel naman daw ay nakakausap niya, pero ang mas madalas daw niyang natatawagan ay ang ina nito. 

Naikuwento tuloy ni Heart noong dinala siya nito sa Brazil during their time. Ipinasyal daw siya sa isang lugar para mag-fishing. Laking-gulat daw niya na makitang may malaking buwaya sa pag-iisdaan nila ni Daniel na nanginginain ng mga isdang nabingwit na niya.

Going back sa 2 ex-BFs ni Heart na ‘aloof’ daw sa kanya, wala kaming ibang maisip na ex-BF niya na taga-showbiz kundi si Jericho Rosales.

Na-link at nanligaw din noon kay Heart si John Lloyd Cruz, pero parang hindi naging sila, unlike Jericho na talagang nasaksihan namin ang ka-sweet-an nila. 

Sobrang minahal talaga ni Echo si Heart that time. Kung feeling ni Heart na umiiwas si Echo sa kanya, bakit hindi niya i-try na maging kaibigan ang girlfriend ng aktor ngayon na si Janine Gutierrez?

Ang tanong, type kaya ni Janine na maging friend si Heart?

Ganern, Karla?! DANIEL, BUMILI RAW NG P48M BAHAY PARA SA KANILA NI KAILA

ni Erlinda Rapadas @Teka Nga | August 22, 2026

Photo: FB / Circulated

May kumakalat na balita ngayon pero wala pang kumpirmasyon mula kay Daniel  Padilla na bumili siya ng brand-new house worth P48 million para sa kanila ng GF niyang si Kaila Estrada. 

Nasa Taguig, malapit sa BGC (Bonifacio Global City), daw ang said property. Unang kita pa lamang daw ni DJ ay nagustuhan na niya ito, kaya agad na niya itong binili. Dito na raw ititira ng aktor si Kaila sakaling magdesisyon na silang magpakasal.

Ganunpaman, pareho pa silang abala ng aktres sa kanilang career ngayon. Wala pa sa plano nila ang pagse-settle down.

Malayo pa ang mararating ng career ni Kaila. Si Daniel naman ay inaasikaso ang kanyang mga naipundar na negosyo at investments.

Basta sa ngayon ay ine-enjoy muna nila ang pagta-travel abroad kapag libre ang kanilang schedule. Kailangang stable na ang kanilang kabuhayan bago sila bumuo ng kanilang pamilya.

---

Nasa GMA-7 na…

VICE, SINA MICHAEL V., MARIAN AT ALDEN ANG GUSTONG I-GUEST SA GGV

ISA si Michael V. sa mga gusto ni Meme Vice Ganda na i-guest sa talk show niyang Gandang Gabi Vice (GGV) na magsisimula nang umere sa GMA-7 sa Setyembre.

Nangangahulugan lamang ito na kinikilala ni Vice Ganda ang husay ni Bitoy bilang isang comedian.

May pagkakaiba ba ang atake ng mga stand-up comedians na tulad ni Meme sa style ng pagpapatawa ng comedian na tulad ni Michael V.?

Mahigit tatlong dekada na sa showbiz si Bitoy at patuloy na pinanonood ang kanyang mga shows sa GMA-7, ang Bubble Gang (BG) at Pepito Manaloto (PM).

Kahit parehong comedian, magkaiba ang direksiyon ng career nina Michael V. at Vice Ganda. Nagsimula si VG bilang stand-up comedian, tapos nag-host ng show at nagbibida rin sa pelikula.

Ano pa ba ang gusto niyang matutunan kay Michael V.? Puwede kaya silang mag-collab at magsama sa isang pelikula?

Well, bukod kay Michael V., gusto ring i-guest ni Vice Ganda sa GGV sina Marian Rivera, Alden Richards, atbp..

Excited na siya sa muling pagbabalik ng GGV.

---

‘Di raw buntis…

SHAIRA, AMINADONG TUMABA DAHIL SA SAKIT

NAG-GAIN lang daw siya ng weight, pero hindi siya buntis. Ito ang naging paglilinaw ng Kapuso actress na si Shaira Diaz bilang sagot sa mga naglalabasang tsika na malapit na siyang maging ina.

Isang taon na silang kasal ni Edgar Allan ‘EA’ Guzman, kaya natural lang na isipin ng publiko na malapit na silang magka-baby.

Maraming viewers ng Unang Hirit (UH) ang nakapansin na medyo chubby si Shaira. Pero gustuhin man nila ni EA na magka-baby na ay hindi pa ibinibigay sa kanila.

Under medication ngayon si Shaira dahil sa kanyang Polycystic Ovary Syndrome (PCOS). May imbalance sa kanyang hormones.

Medyo nasasaktan lang si Shaira ngayon sa mga natatanggap niyang comments at panlalait dahil sa kanyang pagiging chubby. Kaya may pakiusap siya sa mga bashers na huwag naman silang maging mapanghusga sa kapwa.

Mahirap ang sitwasyon ng mga babaeng may PCOS. Madalas ay ginagawa silang katatawanan at kinukutya. Hindi nila deserve ang body-shaming.

---

HINDING-HINDI makakalimutan ni Phillip Salvador ang yumaong direktor na si Lino Brocka. Marami siyang nagawang pelikula na si Brocka ang direktor. 

Pero sa pelikulang Cain at Abel (CAA) nakuha ni Ipe ang kanyang unang Best Actor award sa Gawad Urian noong 1983.

Nagmarka rin sa publiko ang pelikulang Jaguar na nakasali noong 1980 sa Cannes Film Festival.

Ilan pa sa mga makabuluhang movies ni Ipe ay ang Bayan Ko: Kapit sa Patalim at Orapronobis.

Kaya hanggang ngayon ay tinatanaw ng aktor na malaking utang na loob kay Brocka ang kanyang pagiging mahusay na artista.

Well, ipinagmamalaki ni Phillip na ang mga pelikula niyang idinirek ni Lino Brocka ay napasama sa aklat na Sine. Film. Pelikula: The 100+ Greatest Movies of Philippine Cinema.