Mala-Barbie na dati, lumaki ngayon… ILONG NI LISA NG BLACKPINK, IPINARETOKE, SABLAY

ni Alicia Abarnas (OJT) @Special Article | July 8, 2026

Photo: Lisa of BlackPink - IG

Usap-usapan ngayon ang tila nagbagong hitsura ng ilong ng global superstar na si Lisa Manoban ng Blackpink pagkatapos mapansin ng mga netizens at Blinks na mas lumaki at bumalik sa natural nitong Thai feature ang dati’y maliit at "Barbie-style" na ilong ng K-pop idol.

Sa mga naglalabasang reaksiyon, hayagang sinabi ng isang Blinks na mukhang naging pango at mas lumaki ang ilong ng dalaga na tila malayo sa inaasahang resulta ng operasyon, habang dismayado naman ang iba sa matinding pressure sa industriya kung saan tila kailangang baguhin ng mga artista ang kanilang mukha kada dalawang taon para lang sumabay sa bagong uso.

Sa kabilang banda, may mga nagtanggol din kay Lisa at naghinalang baka hindi ito para sa porma kundi isang medikal na reconstruction dahil sa problema sa paghinga, lalo pa't napansin ng marami na tila madalang na itong humataw sa pagsasayaw sa kanyang solo career kamakailan.

Narito ang ilan sa mga international comments: 

“Doesn’t it make her nose look larger and more bulbous? I can’t imagine that was the desired outcome. Either way, she looked better with her previous nose job.”

“Lisa’s Barbie-style nose job was really small before, so I wonder if this was more of a necessary reconstruction due to breathing difficulties or something.

“Honestly, it would make a lot of sense considering she has faced some criticism lately for not focusing as much on dancing in her solo career. It always seemed like a strange choice to me that she wouldn’t try to highlight one of her main strengths when going solo.

“I think it’s also just hard for me to imagine she did this for purely aesthetic purposes, considering it seems to be very against the 'ideal' nose—especially in East Asia and Korea—to purposely make your nose larger like this.” 

---

Minor pa raw ang kabit ng ex-mister…

JELAI, IBINULGAR NA NABUNTIS NI KING BADGER ANG VIVA STAR NA SI YUMI GARCIA

Nagwakas na ang bangungot! 

Kumpirmadong opisyal nang annulled ang kasal ng vlogger-aktres na si Jelai Andres at ni Jon “King Badger” Gutierrez. 

Pero bago tuluyang lumaya, isang pasabog na rebelasyon ang binitawan ni Jelai sa kanyang YouTube video na siguradong ikaluluwa ng mata ng mga Marites.

Inamin ni Jelai na nabuntis umano ni King Badger ang dati nitong menor-de-edad na kabit na ngayo’y Viva artist na si Yumi Garcia — at nangyari ito noong kasal at nagsasama pa sila.

Ang matindi pa, may eksena pa raw na dinala ni Jon ang batang bunga ng kasalanan nito.

Umuusok naman sa galit ang mga netizens sa kakapalan ng mukha ng dating asawa ng aktres. 

Buwelta ng isang tagahanga: "Magpasalamat sila at mabuting tao si Jelai. At sa kabit ni King Badger, huwag ka magdiwang! Sa papel lang naalis ang pagiging kabit mo pero sa paningin namin, kabit ka pa rin, pwe!" 

Ouch!

---

BUMAHA ng parangal para sa mga naglalakihang bituin sa katatapos lang na 9th Eddys (Entertainment Editors’ Choice).

Wagi bilang Best Supporting Actor ang bagitong aktor na si Will Ashley para sa Bar Boys: After School, katabla ang singer-actor na si Rico Blanco. 

Nag-uwi rin ng parangal ang Sexbomb leader na si Rochelle Pangilinan bilang Best Supporting Actress para sa kanyang natatanging pagganap sa Child No. 82. 

Sa labis na tuwa, napasigaw si Rochelle sa kanyang Instagram post ng: “OMG! Nanalo ako!” 

Aniya, isang napakalaking karangalan ang masungkit ang tropeo kalaban ang iba pang mahuhusay na nominado.

Ang The Eddys ay taunang parangal na binubuo ng mga entertainment editors at journalists sa bansa para kilalanin ang mga pinakamahuhusay na obra at pagganap sa Philippine cinema. 

16 yrs. inipon… RYAN, KESA MAG-B-DAY, IBINIGAY ANG DATUNG SA DRIVER AT STAFF

ni Mercy Lejarde @Talkies | July 8, 2026

Photo: Ryan Bang YT Channel

Imbes na gastusin ang kanyang naipon para sa sarili, ibinahagi ng It’s Showtime (IS) host na si Ryan Bang ang kanyang biyaya sa dalawa sa mga taong matagal nang naging bahagi ng kanyang buhay—ang kanyang personal assistant na si Joyce, na limang taon nang nagtatrabaho sa kanya, at ang kanyang driver na si Ronald, na nasa kanyang serbisyo sa loob ng 13 taon, bilang pagdiriwang ng kanyang kaarawan noong Hunyo 16.

Sa kanyang YouTube (YT) vlog, ikinuwento ni Ryan ang pinagmulan ng perang kanyang ipinamahagi.

“Magkukuwento talaga ako sa inyo para kumpleto ang birthday ko. Kanina, nag-share ako sa It’s Showtime, nag-start ako nu’ng August 16, 2010. ‘Yun ang first day ko bilang hurado, dapat dalawang linggo lang talaga ako. Sabi sa akin ng nanay ko at s’yempre ng tatay ko, ‘Anak, mag-ipon ka. Lagi kang mag-ipon, kahit maliit,’” kuwento niya.

Ibinunyag niyang mula pa noong 2010 ay nag-iipon siya ng P1 thousand kada buwan.

Aniya, “Nahihiya ako, actually, mag-share nito, pero ginawa ko, nag-ipon po ako ng P1,000 kada buwan. Ngayon, birthday ko, nakita ko na umabot na sa ₱190,000 ang total na naipon ko.”

Bukod dito, kumita rin siya ng P10,000 mula sa kauna-unahang event ng kanyang Creators Ukay at Sari-Sari Space/Sari-Sari Market, kung saan tampok ang mga produktong gawa ng mga Pilipino.

“So total, mayroon na akong P200,000. At alam n’yo, galing ‘to sa puso ko,” aniya.

Ayon kay Ryan, matagal na niyang nais na suklian ang kabutihan ng kanyang personal assistant (PA) at driver dahil sila ang naging pinakamalapit niyang pamilya habang naninirahan sa Pilipinas.

Pahayag niya, “Matagal nang nagtatrabaho sa akin ang personal assistant ko at driver ko. Sila talaga ang pinakamalapit sa puso ko kasi wala po akong pamilya rito. S’yempre, malapit din sa akin si Mommy Vice at ang pamilya niya, pero araw-araw kong kasama ang driver ko at PA ko.”

Ikinuwento rin niya kung paano siya sinuportahan ni Joyce noong kasagsagan ng COVID-19 pandemic.

“Napakabait ni Joyce. Noong pandemic, mag-isa lang ako rito. ‘Di ako makapunta sa bahay ni Mommy Vice. ‘Di n’ya ako iniwan, kaya sobrang laki ng pasasalamat ko sa kanya.”

Samantala, ibinahagi rin niya ang espesyal na ugnayan nila ng kanyang driver na si Ronald.

Sabi ni Ryan, “Si Kuya Ronald, 13 years na s’yang nagda-drive sa akin. Gusto ko, ‘pag ikinasal ako, s’ya ang magda-drive sa akin. Lagi s’yang nar’yan para sa akin at ‘di n’ya ako iniwan. Sa kanya ako humihingi ng payo. Parang tatay ko talaga s’ya.”

Dagdag pa niya, inaanak niya ang anak ni Ronald na si Angelica, na kamakailan ay nagdiwang ng ika-siyam na kaarawan.

Ayon kay Ryan, itinuro ng kanyang mga magulang na alagaan at pahalagahan ang mga taong malapit sa kanya.

Sey niya, “Sabi sa akin ng mga magulang ko, alagaan ko ang mga empleyado ko dahil parang pamilya ko rin sila.”

Sa pagtatapos ng vlog, nagpasalamat si Ryan sa Diyos at sa lahat ng patuloy na sumusuporta sa kanya.

Mensahe niya, “Thank you kay Lord na ginagamit Niya ako para magpasaya at makatulong sa mga Pilipino. Thank you so much sa pagmamahal ninyo sa akin, Madlang people, at sa lahat ng sumusuporta sa akin kahit hindi malinaw ang pananalita ko.”

Wow! Iba talaga ang ugali ni Ryan Bang. Hindi nakapagtataka kung bakit mahal na mahal siya ng Mommy Vice niya. Sobrang bait kasi niya, hindi tulad ng iba na noong sumikat lang ay nagbago na ang ugali at naging matapobre. 

Pak, ganern!

---

KASALUKUYANG nagpapagaling ang singer na si Dingdong Avanzado matapos sumailalim sa operasyon at muling ma-admit sa ospital, ayon sa ibinahaging pinakabagong update ng kanyang misis na si Jessa Zaragoza.

Ayon kay Jessa, mula pa noong Father’s Day noong June 22 ay pabalik-balik na sila sa ospital dahil sa mga kinakaharap na health challenges ni Dingdong. Dahil dito, kinailangan din niyang ipagpaliban ang ilan sa kanyang mga nakatakdang commitments upang matutukan ang pag-aalaga sa asawa.

Sa kanyang social media post, ibinahagi ni Jessa, “I’ve been MIA (missing in action) dahil sa mga todo-pasang kaganapan sa life. Pasensya na sa mga postpone kong scheds. ‘Di ako maka-focus talaga.

“Since Father’s Day, June 22, we’ve been going back and forth to the hospital, as Dingdong’s been facing health challenges.

“Between his surgery and being admitted again this past Friday, I’ve realized, ‘di rin biro mag-alaga ng loved ones mo na may karamdaman. I have to be on my toes all the time ‘pag may kailangan s’ya.

“Thank you to all our family & friends who took time to visit Dingdong (‘yung iba are not in the picture). Salamat sa mga padala n’yong food. We appreciate you all. Thank you for the prayers.

“We’re looking forward to celebrating Dingdong’s birthday out of the hospital. ‘Yun na lang daw ang birthday wish n’ya. Thank you, Lord.”

Sa ngayon, hindi pa sinasabi ni Jessa Zaragoza ang eksaktong sakit o kondisyon ng kanyang mister pero base sa post, cardiologist at urologist ang doctor nito.

Get well soon, Dingdong! I wish you good health and a very fast recovery.

---

Na-starstruck daw sa komedyante… 

KARA, PINAHANGA NI VICE SA GRADUATION SPEECH SA UP

“NA-STARSTRUCK ako nu’ng makita ko s’ya,” sey ng broadcast journalist-propesor na si Kara David matapos niyang makilala ang Unkabogable Star na si Vice Ganda, na nagsilbing commencement speaker sa pagtatapos ng University of the Philippines College of Media and Communication (UP CMC) noong Linggo.

Sa isang social media post, ibinahagi ni Kara ang kanyang paghanga kay Vice.

Milyones daw ang kita sa pagba-vlog… SMALL LAUDE, KINABOG NI IVANA SA DAMI NG PERA

ni Erlinda Rapadas @Teka Nga | July 8, 2026

Photo: Small Laude at Ivana Alawi - YT

Sa lahat ng naka-collab niyang celebrities, si Ivana Alawi ang tanging napuri ng sikat at rich vlogger na si Small Laude. Mabait at napaka-down-to-earth daw kasi ng vlogger-aktres. 

At may nakakatuwa siyang experience nang magkasama sila. Nu’ng nasa mall daw sila ay may nagustuhang bilhin si Small Laude na item, pero ang dala lang niyang cash ay P3 thousand lang. Hindi kasya sa presyo ng nagustuhan niyang item. 

Nag-volunteer si Ivana na siya na ang magbabayad. Ang dalang pera ni Ivana sa kanyang bag ay P30 thousand. Namimigay kasi si Ivana sa mga taong dapat na tulungan. Kahit saan siya magpunta, kapag may lumapit na humihingi ng tulong ay binibigyan niya ito. Wala siyang pinipili sa mga taong kanyang inaabutan.

Naaliw lang si Small Laude dahil siya na super rich ay P3 thousand lang ang laman ng bag, samantalang si Ivana ay may P30K cash sa bag. Kinabog talaga siya!

Samantala, nalaman din ni Small Laude na milyones ang kinikita ni Ivana Alawi sa kanyang pagba-vlog, at isine-share niya ito sa charity at sa mga taong kanyang tinutulungan.

---

Bukod sa Best Actor… 

ECHO, NAGTATALON SA STAGE NANG MAG-BEST PICTURE ANG QUEZON

SAYANG at hindi nakunan ng mga press photographers ang reaction ni Jericho Rosales sa stage nang i-announce na ang nanalong Best Picture sa 9th Eddys ay ang pelikulang Quezon na kanyang pinagbidahan. 

Parang bata na talon nang talon sa stage ang aktor dahil sa sobrang tuwa.

Bago pa ang announcement ng Best Picture ay nanalo na siya bilang Best Actor sa kanyang mahusay na pagkakaganap bilang si Manuel L. Quezon. Ang saya-saya niya nang tanggapin ang kanyang Best Actor trophy at halos hindi siya makapagsalita.

Sobra ang hirap na pinagdaanan niya habang ginagawa ang pelikula. Dito nasubok nang husto ang kanyang galing sa pag-arte. Maging ang buong cast at production crew ng Quezon ay nagsabing napakahirap ng kanilang naging experience sa pelikula. 

Well, ngayon ay bawing-bawi ang kanilang pagod at hirap dahil nanalong Best Picture ang Quezon at sa kanila rin galing ang Best Actor. 

‘Yun ang dahilan kaya parang batang nagtatatalon sa stage si Jericho Rosales nang manalo ang kanilang pelikula.

---

NAKIKITA namin kay Will Ashley ang dedikasyon na nakita rin namin noong nagsisimula pa lang si Joshua Garcia. 

Sila ang mga artistang seryoso sa trabaho at kinakarir nang husto ang kanilang larangang pinasok. 

Hindi sila maangas at maporma kumpara sa ibang baguhang artista na nauuna ang yabang kahit wala pang napapatunayan.

At tama lang na pinagbida na ng GMA Network si Will sa upcoming seryeng Delivery Boi (DB). May Best Supporting Actor award na siyang maipagmamalaki dahil sa kanyang mahusay na pagganap sa pelikulang Bar Boys 2: After School (BBAS). 

Ito pa lang ang simula sa pag-abot ni Will ng kanyang mga pangarap. Malayo pa ang mararating ng kanyang career. Huwag lang sanang magbabago ang kanyang ugali at manatiling humble at professional sa trabaho.

Nahasa siya nang husto sa pag-arte, nakita ito dahil markado ang kanyang role sa pelikula kaya hindi na nagulat ang lahat nang manalo siyang Best Supporting Actor sa 9th Eddys. 

Sa una pa lang ng pagsabak ni Will Ashley sa showbiz ay kinakitaan na siya ng husay sa pag-arte. Sineryoso niya ang kanyang career kaya nabibigyan siya ng mga challenging roles.