POKWANG AT RUBY RUIZ, TIE NA BEST ACTRESS SA CINEMALAYA

by OJT @Special Article | August 19, 2026

Photo: FB Cinemalaya

Dalawang aktres, isang award! 

Kapwa itinanghal na Best Actress sina Pokwang at Ruby Ruiz sa ginanap na Cinemalaya 2026 Awards Night nitong Agosto 17.

Nakuha ni Pokwang ang karangalan para sa kanyang pagganap sa pelikulang 2 Valid IDs, habang kinilala naman si Ruby para sa kanyang role sa Status: Rejected.

Hindi naging madali ang kompetisyon ngayong taon dahil kapwa-naghatid ng kapansin-pansing pagganap ang dalawang beteranang aktres sa kani-kanilang pelikula. 

Sa huli, pareho silang kinilala ng mga hurado at nag-tie nga bilang Best Actress ng festival.

Para kay Pokwang, ang pagkilalang ito ay isang malaking milestone sa kanyang career, lalo na’t mas nakilala siya ng publiko sa comedy at entertainment bago niya muling ipinakita ang kanyang dramatic acting sa independent film.

Samantala, hindi na rin bago kay Ruby ang mga ganitong pagkilala. Sa kanyang pagganap, muli niyang ipinakita ang kanyang versatility bilang aktres at nakakuha ng panibagong Balanghai recognition.

Hindi lang Best Actress ang naging highlight ng awards night. Nagwagi rin ang Mag-iina bilang Best Film, habang si Giancarlo Abrahan ang hinirang na Best Director para sa parehong pelikula. Si Martin del Rosario naman ang nag-uwi ng Best Actor award para sa Tayo Lang Ang Nakakaalam.

Samantala, patuloy namang pinag-uusapan online ang pagkapanalo nina Pokwang at Ruby, na parehong itinuring ng mga manonood na deserving sa kanilang pagkilala.

Dalawang pelikula, dalawang performance, pero parehong Best Actress. Isa na namang memorable moment ang naging pagtatapos ng Cinemalaya ngayong taon.

---

KRIS, EDITOR DIN SA BAGONG SHOW

IPINAKITA ni Kris Aquino na kaya pa rin niyang pagsabay-sabayin ang kanyang talento matapos siyang maging bahagi ng bagong Netflix Philippines project na C.H.I.K.A. o Chief Head of Insights and Kontent Analysis.

Sa naturang project, muling nasilayan ng publiko ang dating ‘Queen of All Media’ habang nagbibigay ng sariling take at insights tungkol sa mga lokal na palabas at contents ng Netflix.

Hindi lang basta nagbigay ng opinyon si Kris dahil ipinakita rin niya ang kanyang pagiging hands-on sa pag-edit at pag-aanalisa ng content, bagay na swak sa kanyang matagal nang karanasan sa telebisyon at media.

Dahil dito, muling napag-usapan online ang pagbabalik ni Kris sa harap ng camera. Marami ring fans ang natuwa na makita siyang muli sa isang entertainment project matapos ang matagal na panahong hindi siya regular na napapanood.

Para sa ilang netizens, bagay pa rin kay Kris ang ganitong format dahil kilala siya sa pagiging prangka, mabilis mag-react at may sariling pananaw pagdating sa showbiz at pop culture.

Gayunman, ang C.H.I.K.A. project ay Netflix Philippines content, at hindi nangangahulugang regular television comeback na agad ito para kay Kris.

Sa kabila nito, sapat na ang kanyang bagong role para muling ipakita na hindi lang iisang larangan ang kayang galawan ni Kris.

Mula sa pagiging host, actress at producer, editor naman ang bagong title ni Kris Aquino. At mukhang hindi pa talaga nauubusan ng ganap ang Queen of All Media.

JULIA AT JOSHUA, GAMIT NA GAMIT ANG LAMBINGAN TUWING MAY MOVIE

ni Janiz Navida @Showbiz Special | August 19, 2026

Photo: YT ABS-CBN Star Cinema

Matagal nang hiwalay sina Julia Barretto at Joshua Garcia, pero tuwing nagsasama sila sa pelikula man, endorsement o TV series, buhay na buhay pa rin ang kilig ng mga fans sa kanilang tambalan.

Open book naman na may 3 yrs. nang girlfriend si Joshua, ang French-Filipina golfer and entrepreneur na si Emilienne Vigier, habang si Julia, bagama’t wala pang kinukumpirma ay nali-link sa bayaw ni Erich Gonzales na si Lucas Lorenzo, younger brother ni Mateo Lorenzo.

Pero kapag nagsasama nga sina Julia at Joshua, parang biglang nakakalimutan ng mga fans nila na may kani-kanya na silang personal na buhay. Todo-kilig pa rin ang mga fans at bentang-benta sa kanila ang sweet gestures nina Joshua at Julia sa isa’t isa.

Tulad sa bagong movie ng JoshLia, ang Always Yours, Never Mine, sa promo pa lang, itinotodo na nina Julia at Joshua ang fan service matiyak lang na aabangan at susuportahan ng kanilang mga fans ang kanilang bagong project.

Pero dahil pareho namang kilalang magaling sa pag-arte sina Joshua at Julia, ‘wag sanang puro pakilig lang ang ibigay nila sa mga fans sa kanilang latest movie. 

Mas gusto at inaabangan pa rin ng mga manonood ang pagle-level-up ng kanilang love team, ‘yung bago nilang io-offer na hindi pa napanood sa mga unang movies o TV series na kanilang pinagtambalan.

Deserve ng paying fans na mas malalim na pag-arte at pag-atake sa kanilang roles ang mapanood kina Julia at Joshua lalo’t napakamahal na nga ng presyo ng tiket sa sinehan. 

At mas magiging matatag ang tambalang JoshLia kahit pa hindi naman sila magkarelasyon in real life kung mapapantayan o mahihigitan nila ang galing sa pag-arte nina John Lloyd Cruz at Bea Alonzo, na tulad nila ay tanggap ng manonood tuwing magtatambal sa project kahit wala namang relasyon sa totoong buhay.

Well, ‘yan ang challenge kina Joshua at Julia, bukod sa makapag-establish ng kani-kanyang pangalan sa industriya at maging award-winning actors sa sarili nilang paraan nang hindi dumedepende sa love team.

---

Be a gentleman naman, ‘no?!

BUSINESSMAN NA DYOWA NGA SIKAT NA AKTRES, SOBRANG BABAERO, MAY PA-NDA SA MGA BABAE PARA WA’ PALAG

BLIND ITEM:

May kasabihang: “Walang lihim na ‘di nabubunyag.” Anumang baho ‘yan, sisingaw at sisingaw sa tamang panahon kahit ano pang pagtatakip ang gawin.

Ito siguro ang nararamdaman ngayon ng super rich businessman na dyowa ng isang sikat na aktres. 

Nu’ng hindi pa kasi konektado sa showbiz ang rich businessman, may image pala itong babaero at alam na alam ‘yun ng mga kaibigan niyang hindi rin naman taga-showbiz.

Dahil madatung nga bukod sa ma-appeal din naman dahil matangkad ito, maraming girls ang hindi makatanggi sa kanya kapag natipuhan niya. 

Ang siste, wala ngang tumatagal na seryosong relasyon ang rich businessman dahil ang kondisyon pala nito sa babae, kailangang pumirma ng NDA (yes, non-disclosure agreement). Oh, ‘di ba, negosyanteng-negosyante talaga ang datingan? Haha!

Ito ang style ng rich businessman para hindi matali sa iisang babae lang, at kung may matipuhan siyang iba, hindi makapalag ang kanyang karelasyon dahil may NDA nga sila.

Well, may ibang girls na payag sa NDA situation dahil iniisip nilang kapag nakatuluyan nila ang businessman ay paldung-paldo sila. Pero may ilan naman na hindi masakyan ang trip ng guy kaya after lang ng ilang dates nila, goodbye na!

Pero ngayong dyowa na ng sikat na aktres ang rich businessman, umaasa ang mga kaibigan nito na seryoso na talaga siya at tapos na sa pagiging chickboy.

Dapat naman, eh, magpakatino at maging gentleman siya, ‘no! Aba, panalo siya sa aktres na sikat at maganda na, eh, mabait at mapagmahal pa. 

So, para siyang nakamina ng pot of gold kaya panalo siya!

BERNADETTE, NAG-MRT DAHIL SA BAHA, CR PURING-PURI, BINARA NG NETIZEN

ni Reggee Bonoan @Sheet Matters | August 19, 2026

Photo: IG _iambernadettesembrano

Trending sa social media ang mga larawang ipinost ng news anchor na si Bernadette Sembrano-Aguinaldo na sumakay siya ng MRT nitong Lunes, Agosto 17.

Baha ang ilang bahagi ng EDSA nu’ng Lunes mula tanghali hanggang gabi kaya imposible siyang makarating ng ABS-CBN para sa news program niyang TV Patrol.

Kaya naisip niyang mag-MRT mula Ayala Station hanggang Quezon Avenue Station at magtatraysikel papuntang ELJ Building sa Eugenio Lopez Drive dahil isinarado na nang permanente ang gate sa Sgt. Esguerra Avenue corner Mother Ignacia Avenue simula nu’ng Agosto 16 bilang paghahanda sa demolition dahil pag-aari na ito ng Ayala.

Going back to Bernadette ay maraming natuwa at nagpa-picture pa sa TV host-content creator sa loob at labas ng MRT Station dahil nakasabay nila ito at sabay post sa kanilang social media.

Base sa facial expression ni Bernadette ay tuwang-tuwa siya dahil matagal na panahon din bago siya muling nakasakay ng MRT.

Naka-jacked up SUV ang sasakyan ni Bernadette at puwede naman niya itong gamitin sa baha pero hindi rin niya ginamit dahil trapik sa buong EDSA.

Ang post ni Bernadette, “Hawak ko ang BEEP! (ipinakita ang beep card). Plastic shoes on, Beep card on hand, backpack in front, baha on our streets…

“The MRT is a big relief commuting from South to North of EDSA!!! Promise ang laki na ng iginanda ng train station and banyo (sun emoji). Definitely #better. Thanks sa sabay @gigi.hadidnt. #bbetter.”

Base sa comments section sa Facebook (FB) account ni Bernadette ay napuri siya dahil napakasimpleng tao raw nito at laging nakangiti.

Pinatotohanan ding malaking tulong nga raw ang MRT/LRT sa mga commuters kapag may mga pagbaha sa daraanan at sa mga naghahabol ng oras at higit sa lahat, malaking tipid sa pamasahe.

Medyo maraming nag-react sa sinabi ni Bernadette na “Ang laki na ng iginanda ng banyo” dahil hindi raw lahat ay malinis at gumagana ang flush.

“Sa Quezon Avenue station lang naman ang maganda, try ninyo sa ibang MRT at LRT station, mas malinis pa ‘yung sa Bilibid,” sabi ng netizen.

‘Yun lang!

---

Malaman naman kasi, walang kababawan…

CONTENT CREATOR, MALAKI ANG BAYAD SA MGA INI-INTERVIEW PARA SA VIEWS

• 

MALAKI pala ang ibinibigay na honorarium ng content creator sa mga naipi-feature niya sa kanyang vlog, lalo na kung may isyu itong pinag-uusapan.

Isa ito sa mga topics na napag-usapan namin ng aming mga kaibigang gumagawa ng content over dinner kamakailan. 

Nagulat kami kung sinu-sino ang mga personalidad na pinagkakakitaan ang mga gustong mag-interview sa kanila.

May mga personalidad daw na laging tinatawagan ng mga kilalang content creator para interbyuhin dahil may bago silang ibabalita at tiyak na maraming views. Pinapatulan naman ito ng ilan, pero tinatabla ang iba dahil waley naman.

May isa raw personalidad na laging tinatawagan ng isang kilalang content creator para ikuwento ang mga nangyayari sa kanyang buhay at pamilya. Dahil marami itong followers, go ang content creator.

In fairness, malaki ang honorarium na natanggap ng personalidad at may pangako pa na kapag umabot ng isang milyon ang views ay may dagdag pa.

Ang personalidad na ito ay laging laman ng vlog at, in fairness ay nagte-trending naman.