DOLE sa mga employer: P60 dagdag-sahod, bawal nang bawiin

ni Mylene Alfonso @News | August 1, 2026

Photo: File

Iginiit ng Department of Labor and Employment (DOLE) na hindi na maaaring bawiin ng mga employer ang P60 dagdag sa arawang sahod na naibigay na sa mga manggagawa sa Metro Manila, kahit pansamantalang naantala ang implementasyon ng wage increase.

Sinabi ni Labor and Employment Sec. Francis Tolentino na may ilang employer na nakapagpatupad na ng dagdag-sahod bago pa inilabas ng korte ang status quo ante order na nagpahinto sa implementasyon ng wage hike na nakatakda sanang ipatupad noong Hulyo 25.

Sinabi ng kalihim na ang mga naibigay nang dagdag-sahod ay inaasahang papasok na sa payroll ng ilang manggagawa at hindi na maaaring bawiin o ibawas sa susunod na pasahod.

P85 taas-sahod, 'di tuloy

ni Mylene Alfonso @News | July 31, 2026

Photo: File

Hindi muna maipatutupad ang unang bugso ng P85 na minimum wage increase para sa mga manggagawa sa National Capital Region (NCR) matapos maglabas ang Pasig Regional Trial Court (RTC) ng isang status quo ante order.

Sa kautusang may petsang Hulyo 24, 2026, pinagbigyan ni Executive Judge Achilles A. C. Bulauitan ang petisyon ng Readycon Trading and Construction Corp. at R-11 Builders Inc.

Bagama’t hindi pinagbigyan ang hiling na 72-hour Temporary Restraining Order (TRO), iniutos ng korte na panatilihin muna ang status quo habang dinidinig ang aplikasyon para sa TRO. Dahil dito, pansamantalang hindi muna maipatutupad ang Wage Order No. 27.

Matatandaang inanunsyo ng DOLE noong Hunyo ang P85 na wage hike, na ayon sa Malacañang ay alinsunod sa direktiba ni Pangulong Ferdinand Marcos Jr. 

Nabatid na mahigit 1.1 milyong minimum wage earners sa NCR ang inaasahang makikinabang sana sa umento, na nakatakdang ipatupad sa dalawang yugto P60 noong Hulyo 19 at P25 sa Enero 2027.

System loss sa kuryente, 'wag ipasa sa konsyumer... MVP kay PBBM: Sino'ng magbabayad?

ni Mervin Reyes @News | July 30, 2026

Photo: Manny V. Pangilinan at Pangulong Bongbong Marc - FB Circulated - SONA 2026 PCO

Nagpahayag ng pag-aalala ang Meralco sa panukala ni Pangulong Ferdinand Marcos Jr. na alisin ang system loss sa singil sa kuryente ng mga konsyumer, at iginiit na kailangang malinaw kung sino ang sasagot sa naturang gastos.

Ayon kay Meralco Chairman at Chief Executive Officer Manuel V. Pangilinan, nakahanda ang kumpanya na makipagtulungan sa pamahalaan sa planong pag-amyenda sa Electric Power Industry Reform Act (EPIRA), ngunit binigyang-diin na likas sa transmission ng kuryente ang pagkakaroon ng system losses.

“Inherent in any operation that involves transmission... will involve some losses... The real question is who bears the cost?” ani Pangilinan.

Dagdag pa niya, kung tuluyang aalisin ang system loss charge sa mga konsyumer, maaaring ang mga distribution utility ang mapilitang sumalo sa lahat ng gastos na dulot ng naturang pagkawala ng kuryente sa kanilang network.