Young Farmers Challenge is back!

ni Imee Marcos @Imeesolusyon | August 30, 2025

Mga beshie, confirmed — Season 5 na ang ating Young Farmers Challenge (YFC)!

Parang kailan lang nang sinimulan natin ito nu’ng kasagsagan ng pandemic. Ngayon, bonggang-bongga na ang ani: libu-libong agripreneurs ang natulungan na may kanya-kanyang kuwento ng tagumpay! Say mo, beshie?!

Imagine niyo ha — in just 4 years, meron na tayong 4,000 YFC winners at 3,200 agribusinesses na ang naitayo. Hindi lang ito basta statistics o numero -- lahat ‘yan totoong kabuhayan at inspirasyon sa ating mga bagets sa agri.

Noong July lang, ginanap sa Baguio City ang 2024 National Awarding. Talagang proud ako sa aking mga YFC! Si Kristin Angela Yap ng Zambales, gumagawa ng sabon mula sa balat ng mangga. Andiyan din si Dignity Lagunay ng Bohol na nagpe-preserve ng endemic stingless bees, at siyempre, walang katapusang healthy snacks tulad ng Cafelayan Lettuce Chips ni Jeffrey Sereno ng Zamboanga. Panalo, ‘di ba? Basta Young Farmers, winner!

Ngayong 2025, mas pina-level up pa ang categories ng programa, meron na tayong Start-Up, Upscale, Intercollegiate, at Business Development Assistance. Mas pinalaki, mas pinabuti ang YFC program, kaya game na game na uli ang laban para sa agri!

At dahil dumarami ang sumasali at nagiging successful, humirit na ako ng P100M dagdag-budget para sa YFC 2025. Kasi kung sinasabi nating agripreneur, hindi lang ito pangarap — kundi negosyong kumikita at kuwento ng totoong panalo dahil todo-support natin kasama ang DA.

Kaya sa agri beshies ko, ‘wag na kayong magpahuli -- SALI na! Malay niyo, kayo na ang susunod na bida at may agripreneur success story!

Mabuhay ang YFC Season 5!

Araw ng mga BAHA-yani?

ni Imee Marcos @Imeesolusyon | August 25, 2025

Ngayong Araw ng mga Bayani, habang inaalala natin sina Rizal, Bonifacio, at iba pang nag-alay ng buhay para sa bayan, simple lang ang hamon ko sa mga kapwa ko lingkod-bayan: Magpaka-bayani naman kayong tunay!

Habang lubog sa baha ang taumbayan, kayo ba lubog din sa trabaho — o busy lang sa pag-swimming sa pera?

Kaumay na, beshie! Taun-taon, bilyun-bilyon ang pondo para sa flood control projects. Pero bakit tuwing bumubuhos ang ulan, parang nagiging Enchanted Kingdom ang mga kalsada? May instant swimming pool, water ride at say mo, may instant vacation - ay evacuation notice pala!

Heroes’ Day, pero para sa maraming kababayan natin, parang laging Zeroes’ Day — dahil walang nakikitang pagbabago.

Mga beshie, hindi ako papayag na mananatili tayong ganito. Hindi tayo titigil hangga’t walang tunay na resulta ang bilyong inilalabas para sa flood control. Tulad ng ginawa ng ating mga bayani, kailangan nating tumindig at lumaban. 

Hindi na banyaga ang kalaban, giyera na ito sa kapwa Pilipino na LULONG sa katiwalian at nagpapakasasa sa perang hindi naman kanila. 

Dahil ang totoong kabayanihan ngayon — hindi lang pagbuwis ng buhay, kundi pagtigil sa pagbubuwis ng dugo at buhay ng taumbayan sa bawat bagyo at baha.

GISING -- mga totoong bayani ng Pilipinas.

2026 budget deliberations bantayan, dapat naka-live na sa publiko!

ni Imee Marcos @Imeesolusyon | August 20, 2025

Ayan na naman mga beshie! Nag-umpisa na ang budget deliberations para sa proposed P6.793 trilyon na national budget sa 2026. Grabe, ang laki, teh! Mas bongga pa sa budget ngayong 2025.

Imagine, may P881.3 bilyon para sa DPWH — bekenemen this time may matinong flood control project na, hindi puro drawing at press release! Tapos may P2.314 trilyon sa social services na sana ‘wag lang maging props ng mga pulitiko. Ibigay sa totoong nangangailangan, hindi ‘yung pinapapila, pinapaluhod, at pinagmumukhang kawawa bago bigyan ng ayuda.

Ang tanong, mga beshie: mapupunta ba talaga sa masa, o sa bulsa ng BONJING pa rin ang ending? Naku ha! 

BUDGET ito, ha, hindi BADget! Kaya please lang, sa mga kapwa ko lingkod-bayan — kumilos kayo nang tama! ‘Wag na sanang maulit ‘yung nangyari sa 2025 budget na talaga namang naging free for all sa mga very bad! Matuto na tayo! 

Kung ako ang tatanungin, dapat naka-LIVE na sa publiko ’yang budget deliberations. Step by the step ba, para sumakses tayong lahat! Walang taguan! Sabi ko nga, pera ito ng BAYAN, hindi pera ng BAHAY (Ehem HOUSE)! 

Kaya dapat walang extra, walang pa-VIP, lahat tayo kasama sa proseso. Agree?

At ‘wag na sanang mangibabaw ang mga “pork” na parang paulit-ulit na ulam — nakakasawa na, beshie! Ilang dekada na ba ‘yang ganyang klaseng rekado? Iilan lang ang nabubusog, pero ang masa — tuyot at gutom pa rin!

Kaya beshie, bantayan natin ang 2026 budget deliberations. Ayaw na natin ng magic show please lang! Ang gusto ng tao: maayos na serbisyo, malinaw kung ano ang gastos, at tunay na malasakit sa kapwa.