Mahal nating mga guro… Pero sahod nila, napakamura!

ni Imee Marcos @Imeesolusyon | October 3, 2025

Hello mga nakshie!

Sabay-sabay nating batiin ng Happy Teacher’s Day ang mga makabagong bayani — ang ating mga guro!

Malapit talaga sa puso ko ang mga guro dahil ang aking nanay, ang ating orig na First Lady na si Imelda Marcos, ay naging isang guro rin!

Hindi matatawaran ang dugo’t pawis na ibinubuhos nila sa kanilang sinumpaang propesyon. Pero alam niyo ba? Literal na LAHAT NA ginagawa nila! Teacher na, coach pa, tindera, cook sa feeding program, social worker, tagapamahala ng eleksyon, EMCEE pa sa school events — grabe, lahat kinakaya!

Kaya naman, higit pa sa cake at flowers, dasurv ng ating mga guro ang totoong regalo: dagdag na suporta para sa kanilang kabuhayan at trabaho. Hindi lang ngayong Teachers’ Day, hindi lang pang isang buwan, kundi pangmatagalang benepisyo na makatutulong sa kanilang pang-araw-araw.

Panahon na para itaas ang sahod ng mga guro! Sa kabila ng implementasyon ng 2nd Tranche ng SSL VI, bitin pa rin! 

Kasi sa totoo lang, marami na sa kanila ang “taga-London” — LOAN dito, LOANDON! Dahil hindi talaga sapat ang kanilang suweldo! Sumasabay pa ang mga bonggang kaltas sa kanilang sahod!

May chalk allowance nga ang ating mga guro pero kakarampot na P10K, sa buong taon na! Kaya ang ending, sa sariling bulsa ng titser manggagaling ang pambili ng chalk at iba pang kailangan sa silid-aralan. 

Kung gaano kaaga pumasok ang ating mga guro, ganoon naman kahuli ibinibigay ang kanilang mga benepisyo. Ang kanilang performance-based bonus, 3 years nang nakatengga! 

Bukod pa riyan, dapat bawasan ang sangkatutak na admin works at dagdag na trabaho na isinisiksik sa kanila. Hindi sila “work all you can” na parang eat all you can lang ha! May mga naririnig pa akong teachers na pati pagbebenta sa canteen, sila pa ang inuutusan.

Kung gaano karami ang memo na nilalabas para protektahan ang mga estudyante, dapat ganoon din katindi ang effort para alagaan ang ating mga guro na siyang humuhubog sa bawat mag-aaral.

Kung may happy wife, happy life… may happy teacher, happy learner! Kung masaya si titser, masaya ring natututo ang ating mga anak!

Ang IMEE-lesson: MATUTO tayong pahalagahan ang mga nagtuturo sa atin, hindi lang tuwing Teacher’s Day, kundi sa araw-araw.

‘Yan lang muna mga nakshie, babush! 

Muli, maligayang araw ng mga guro! Mabuhay kayo mga mamser!

Not so fast, Boying

ni Imee Marcos @Imeesolusyon | September 15, 2025

Beshie, ito na nga, palaisipan ang mga nangyayari kasi ibinasura na raw ang mga ikinaso ko sa Ombudsman laban kay DOJ Sec. Boying Remulla and his minions! 

Aba, teka, teka, teka! Lalo lang nagiging obvious ang plano nilang iupo si Sec. Boying bilang Ombudsman! Isang tanong lang — may suhol ba kay OIC Vargas? Tapos biglang basura na ng kaso para makakuha ng clearance?! Agad-agad besh?

Kaya naman eksena agad ako! Naghain na tayo ng Motion for Reconsideration sa mismong araw ng pag-dismiss nila ng kaso! Mas mabilis pa tayo sa same day delivery ah!

Malapit nang maging PinakBest ang eksena sa dami kong hinahain! 

Kaya ‘wag masyado pa-kampante si Boying -- may kaso pa rin siya! DISQUALIFIED pa rin siya sa pagiging Ombudsman!

Please lang ah, tigilan na ang “group effort” na ‘yan para lang makalusot si SOJ Remulla. Failed na ang Plan A at Plan B nila, time for Plan C na ba???

Ano man ‘yang Plan C na ‘yan, C-cguraduhin kong may Plan D ako: ‘Di ko kayo titigilan!

Ang payo ko lang naman na paulit-ulit ay tigilan n’yo na ang mga makasariling interes! Huwag nating hintaying magalit ng todo ang taumbayan! Hindi ba kayo takot sa mga kaliwa’t kanang protesta sa Nepal, Indonesia, France, etc. ISKERI ah!!!

Ang sakit ma-back-to-you ‘di ba? Babush!

Mga lolo’t lola, tunay na influencer ng buhay!

ni Imee Marcos @Imeesolusyon | September 14, 2025

Mga beshie, usapang thunders muna tayo. Alam n’yo ba kung sino ang unang nagturo sa atin ng “po” at “opo,” ng dasal bago matulog, at ng mga kuwentong puno ng aral? Sino pa kundi sina lolo at lola!

Kaya ni-refile ko sa Senado ang panukalang batas na magtatakda ng ikalawang Linggo ng Setyembre bilang National Grandparents’ Day.

Timing na timing din — dahil katatapos lang ng birthday ng OG presidente natin, si Pangulong Ferdinand E. Marcos Sr. 108 na dapat siya noong Setyembre 11, o ‘di ba?

Kaya’t habang inaalala natin ang kanyang kaarawan, sabay din nating bigyang halaga ang lahat ng OG sa ating buhay — ang mga lolo’t lola na siyang haligi ng pamilya.

Sila ang tunay na influencer ng ating pagkatao. Hindi man sila marunong mag-TikTok, pero sila ang always trending pagdating sa pagtuturo ng mabuting asal, disiplina, at pagmamahal sa atin. Ayon pa nga sa mga pag-aaral, malaki ang papel ng grandparents sa emotional at behavioral growth ng mga apo. Kumbaga, sila ang original na role model! Talagang orig na orig!

Hindi lang appreciation ang handog natin sa ating mga OG dahil nasimulan na natin sa Social Pension at Expanded Centenarians Act! Marami pa tayong utang sa ating mga lolo at lola kasi hindi pa lahat naro-roll out! Relax lang kayo d’yan mga Meemaw, ako na bahala mangalampag! 

Sa National Grandparents’ Day, ipapakita natin na hindi sila invisible kundi bida sa ating mga puso. Mga apo, huwag lang likes at reacts sa social media ang ialay kay lolo at lola. Tawagan n’yo sila, yakapin, dalawin — dahil sila ang OG na dahilan kung bakit tayo naririto ngayon.

Mabuhay ang lahat ng ating lolo at lola! Mabuhay din ang ating OG Presidente, Apo Lakay!

Happy Grandparents’ Day!