MAG-ASAWANG BEAUTY SURGEON, MATAGAL NANG HIWALAY DAHIL SA 19-ANYOS NA BABAE NI DOC

ni Julie Bonifacio - @Winner | October 06, 2023

Blind item:

Nalungkot kami sa balitang nakarating sa amin tungkol sa sikat na mag-asawang beauty surgeon.

A very reliable source told us na matagal nang hiwalay ang mag-asawa. Pero wala raw nakakaalam kundi sila lang mismo at ang kanilang mga anak.

Paano kasi, tuluy-tuloy pa rin ang operasyon ng beauty clinic ng mag-asawa. Business partners pa rin sila, magkaiba nga lang daw ng schedule.

Nakatira si female doctor with their children sa isang condo sa Makati, while si male doctor ay sa ibang condo naman, pero halos sa same area lang din.

Pareho raw silang 'di sang-ayon na mag-file ng annulment. Ayaw daw kasi ng dating couple ang kumplikadong sitwasyon.

Third party ang dahilan ng hiwalayan. Nagloko si male doctor, matagal nang may karelasyon na 19-year-old non-celeb girl.

Nangyari pala ang lahat nu’ng umuwi sa Amerika si female doctor kung saan nag-stay siya roon nang matagal.

Hindi raw knows ni male doctor na umupa ng private investigator ang kanyang misis, kaya wala siyang kawala at na-Julie Vega (read: huli) siya sa kanyang pambababae.

As for their children, okey na rin daw sa kanila na maghiwalay ang parents nila dahil madalas din namang mag-away.

Ang nakakalokah nito, hiwalay na rin si male doctor sa naging third party nila ni female doctor. At sa pagkakaalam ng aming source, may bago na raw girlfriend si male doctor.

Chickboy pala si Doc, ha?

Marespeto ba 'yarn? PABEBENG AKTRES, SA YAYA PA NAGPAPAHUBAD NG PANTALON

ni Reggee Bonoan @Sheet Matters | September 6, 2023

BLIND ITEM:

Aware kaya ang aktres na pinagtsitsismisan siya ng kapwa niya artista at mga taga-production dahil sa ‘pabebe’ niyang ugali?

Naloloka lang kasi ang mga nakakakita na sa tuwing matatapos ang eksena niya sa ginagawa niyang project ay tatawagin na niya ang kanyang yaya at ipahuhubad ang suot na pantalon sabay higa sa kama.

Nabanggit din ng yaya sa ibang katsikang yaya sa shoot na ganu’n daw talaga ang ugali ng alaga niya na feeling baby at okay lang naman daw iyon sa kanya dahil para sa kanya ay lambing lang ito.

Wala naman daw pakialam ang mga co-actors ng aktres dahil hindi naman sila ang napeperwisyo kaya lang, iba ang dating kapag pinagtsitsismisan na ito dahil negatibo ang dating at nagpasalin-salin na ng kuwento na sana ay sakto at walang dagdag.

Nang ikuwento naman sa amin ang tsikang ito ay walang dagdag dahil ang mismong taong malapit sa kanya ang nagkuwento at ipinagtanggol nga na sadyang malambing daw talaga ang aktres kaya ganu’n.

May dyowa na ang aktres at mukhang ganito rin ang ugali niya na pabebe dahil may vlog siya na napanood namin na pinagsisilbihan siya ng karelasyon na walang pakialam kung maraming taong nakakakita dahil nasa public sila base sa napanood naming video.

Ang boyfriend ng aktres ay may pangalan ding iniingatan at first time rin namin siyang nakitang ganito niya pagsilbihan ang karelasyon. Sabagay, ang mga nauna naman niyang dyowa ay hindi taga-showbiz.

Suwerte ni aktres dahil ubra ang kanyang pabebe attitude sa dyowa niyang kilalang macho sa showbiz.

BAGUHANG AKTRES, LATE NA SA TAPING, GUSTO PANG SALANG AGAD, NAGMAMADALI RING UMALIS

ni Julie Bonifacio - @Winner | September 5, 2023

Blind item:

Pasaway ang baguhang female artist (FA) sa set ng movie na pinagbibidahan ng isang young actress. Grabe kung mag-attitude ito sa set, daig pa ang mga bida at veteran stars.

Ayon sa aming source, darating lang daw si FA sa set sa oras na gusto niya sa kung ano ‘yung nakalagay sa call slip. Kaya pagdating niya, gusto niya ay salang na lang agad sa eksena.

Siyempre, ‘di naman puwede ‘yung ganoon sa set. At least one hour man lang sana ay nandoon na siya para sa kung anumang adjustments or preparations na kailangang gawin ng cast members.

Say pa ng aming source, nasa kontrata pala ng producer kay FA na dapat two to three hours before call time ay nasa set na ito. Ang siste, minsan ay nale-late pa si FA sa call time niya.

Ang gawain pa raw nito, kahit ‘di pa tapos ang shooting ay magpapasabi na agad na maaga siyang aalis sa shoot.

Tatamad-tamad pa raw si FA kumilos kapag tinatawag na for take. Ilang beses na raw sinusundo sa standby area si FA, nakahilata pa rin. Naka-ilang balik na raw ‘yung talent coordinator sa pagsundo sa kanya.

Maepal din daw si FA sa EP/Director at kinukuwestiyon ang ipinapagawa sa kanya.

Kulang daw ang short bond paper para isulat ang mga kadramahan ni FA sa set. Ang dami-dami pa raw nitong ginagawang “pag-a-attitude”.

Pagre-reveal pa ng aming source, even before mag-shooting ay nagpakita na ng “attitude” si girl.

Kaya dapat daw ay papalitan na si FA kung hindi dumating nu’ng mediacon ng movie.

Ang dami raw hanash ng talent management na nagma-manage kay FA at inakala nila na okey naman ang alaga nila. Akala raw ng produ ng movie na ang problema ay ang management lang ni FA. ‘Yun pala, pati ang newbie female talent ay sakit din sa ulo.

Dahil d’yan, tiyak na kakalat sa showbiz ang pag-uugali ni FA at baka maapektuhan ang kanyang showbiz career.

Si FA ay talent ng isang bagong management company sa showbiz.