'Ber months na, pasko na!

ni Ka Ambo - @Bistado | September 2, 2022

SETYEMBRE na.

Pasko na!

◘◘◘

MERRY kaya ang Pasko sa Disyembre?

Mahirap sagutin.

Magkakasalungat ang opinyon ng mga eksperto.

◘◘◘

ARTIFICIAL o man-made ang sanhi ng krisis.

Man-made ang giyera ng Russia at Ukraine.

Maging ang COVID-19 pandemic ay sinasabing man-made rin.

◘◘◘

SA kaso ng giyera ng Ukraine kontra Russia, malinaw na sanhi ng naturang digmaan ay ang dispalinghadong desisyon ng matataas na opisyal mismo ng Ukraine at mismo rin ng Russia.

Kung magiging tumpak o angkop ang desisyon ng lider ng Ukraine, mareresolba ang giyera.

Ganundin, kapag naging tumpak ang desisyon ng Russia, matatapos agad ang krisis.

Ganun lang kasimple

Malinaw na desisyon ng tao ang solusyon at hindi natural causes o kalamidad.

◘◘◘

GANUN din sa COVID, hindi virus ang sanhi ng krisis kundi ang pesteng lockdown na palpak na desisyon ng WHO at lider ng mga bansa.

Ang palpak na desisyon ng tao ang tunay na sanhi ng krisis dahil ang virus ay kakambal ng buhay sa ibabaw ng lupa.

◘◘◘

ANG lockdown ay hindi epektibong solusyon laban sa pandemic dahil nagbubunga ito ng mas malalang sitwasyon.

Mas marami ang namatay dahil sa stress at ibang sakit dahil sa palpak na sistema sa lockdown kumpara sa bilang ng namatay na malulusog na tao sanhi ng COVID.

◘◘◘

ANG anumang klase ng virus ay hindi living things, bagkus ito ay physical matter.

Pero kapag sumanib ito sa living cells, doon pa lamang siya kakalat.

Over acting ang lockdown na siyang aktuwal na sanhi ng pagkamatay ng maraming biktima.

◘◘◘

SERYE ng tumpak na desisyon ang sagot sa lahat ng klase ng krisis.

Ang mga desisyon ay bunga ng korupsyon at kasakiman ng tao.

◘◘◘

MARAMING kapitalista at taong gobyerno ang nagkamal ng salapi sa panahon ng lockdown kaya't 'yan ang kanilang ipinatupad.

Kaawa-awa ang ordinaryong mamamayan kapag ang mga lider ay walang kakayahang magdesisyon nang tumpak.

◘◘◘

PINALALALA ang krisis ng talamak na korupsyon sa gobyerno at pagiging ganid at sawapang ng mga tiwaling negosyante.

Walang solusyon dito.

Malakas na organisasyong pang-masa ang solusyon laban sa grupong komunista

ni Ka Ambo - @Bistado | August 30, 2022

MALAKING paghamon sa gobyerno na palakasin ang mga organisasyong pang-masa.

Ito mismo ang solusyon laban sa grupong komunista.

◘◘◘

MAINAM na buhayin ni Pangulong Marcos, Jr. ang Presidential Arm for Community Development (PACD) na nilikha ng kanyang ama sa unang termino noong 1964 hanggang 1969.

Hinugot ni Marcos, Sr. mula sa Maynila ang batambata pa noon na si Ernie Maceda upang pamunuan ang PACD na nakaabot ang malawakang koordinasyon ng Malacañang sa kasuluksulukang barangay ng bansa.

◘◘◘

UMAKTONG facilitator o change agent sa halos lahat ng komunidad ng bansa ang mga PACD field officers.

Sa panahong ito, binuo at pinakaaktibo ang mga organisasyong tulad ng Samahang Nayon, 4-H Club, BaExt, Pagasa Youth Movement na nagpasigla sa Masagana 99, Green Revolution at marami pang iba.

◘◘◘

ANG gugulin sa PACD ay mula sa badyet ng Office of the President.

Gayunman, sa panimula ang mga umaaktong PACD fieldmen ay designated officer lamang na hinugot pansamantala sa iba't ibang ahensya na nakabase sa LGU units.

Ganun lang kasimple.

◘◘◘

BINABATIKOS ang mga left-leaning organisasyon na inaakusahang laban sa gobyerno pero wala namang espesyal na ahensya na nag-o-organisa, nagpapasigla, nagsusulong o sumusuporta sa mga asosasyong kabalikat ng pamahalaan.

Dapat pasiglahin at mag-organisa ang gobyerno at palaganapin ang ganap na ideolohiyang maka-Filipino.

◘◘◘

INIAKDA ni Pangulong Marcos, Sr. ang aklat na Democratic From the Center upang isulong ang ideolohiyang Filipino sa bawat barangay.

Dapat itong buhayin ni Pangulong Marcos, Jr. kasabay ng modernong telekomunikasyon habang iniaahon ang bansa mula sa pandemya.

Normal na ang galaw ng mga Pinoy dahil sa F2F

ni Ka Ambo - @Bistado | August 29, 2022

MAY drama na naman sa Senado.

Girian sa minority block.

Kumbaga, kakarampot na'y nahati pa.

◘◘◘

MASYADO kasing bitter si Sen. Risa Hontiveros nang hindi makorner ang puwesto sa Commission on Appointments.

Dapat nauunawaan niya ang regulasyon at reglamento sa CA.

◘◘◘

MAGKAHIWALAY ang “personalidad” ng Senado at CA.

May kani-kanya itong reglamento.

Ang CA ay isa ring Constitutional Body kapantay ng Senado.

Wala sa ilalim ng hurisdiksiyon ng Senado ang CA.

Ganun lang kasimple.

◘◘◘

NAGKAABERYA sa depinisyon ng minority sa Senado at may inilabas na interpretasyon dito ang mismong Senado na kinatigan din mismo ni Hontiveros.

Ang minority ay binubuo ng mga senador na hindi bumoto sa naihalal na Senate President.

◘◘◘

MALINAW na may dalawang grupo ang minorya sa Senado ngayon.

Una, ang grupo nina Hontiveros at Sen. Koko Pimentel at ikalawa, ang magkapatid na si Sen. Alan at Pia Cayetano na nagpakilalang “independent”.

◘◘◘

PALIWANAG ni Sen. Alan Cayetano: “Based on the rules of the Senate, if you vote for the Senate President, you are in the majority; if you do not, you are in the minority.”

Simple lang, maituturing ding minorya si Cayetano.

◘◘◘

NANG magdesisyon ang CA, ang napili nilang maging minority sa komisyon ay si Cayetano imbes na si Hontiveros.

Hindi Senado ang magdedesisyon sa CA, kundi ang mismong mayorya ng mga ito.

◘◘◘

MINSAN kailangan nating tanggapin ang katotohanan.

'Yan ay siyang magpapalaya sa atin at magpapaluwag ng kalooban at pagiging kalma.

◘◘◘

NORMAL na ang galaw ng Pinoy dahil sa F2F school class.

Klap-klap-klap!

◘◘◘

KAPAG itinuloy pa ang barangay election, lalong sisigla ang ekonomiya.

Uunlad ang domestic economy.

◘◘◘

MAY nagbabala ng matingding krisis sa 2023 at 2024.

Malaking mali 'yan.

◘◘◘

KABALIGTARAN sa prediksyon ng mga eksperto, hindi lagim ang magaganap sa dalawang susunod na taon.

Super-unlad ang mararanasan ng Pilipinas dahil may pambihirang bertud ang bagong pangulo ng Pilipinas.

◘◘◘

TALIWAS sa hula ng nagpapakilalang astrologer.

Positibo ang mga mistikong planeta at numero na kaakibat ng kapanganakan ni Pangulong Marcos, Jr.

◘◘◘

MAGSISIMULA sa termino ni Marcos Jr. ang golden years ng Pilipinas dahil sa kanyang buntala at mistikong No. 4 at No. 8.

Marami ang mamangha at darakila sa ating bansa sa mga susunod na taon.

◘◘◘

UNANG signos o senyales dito ay ang pagiging Santo Papa ni Cardinal Tagle.

Susunod dito ang pagsulong ng turismo at telekomunikasyon.

◘◘◘

MATUTUPAD ang islogan ni dating Pangulong Marcos Sr.

This nation can be great again.