Naiwang campaign fund ng mayayamang Kakampink, uubusin naman sa protesta, hmmm

ni Ka Ambo - @Bistado | May 14, 2022

BISTADO na ang supporters ni VP Leni ay mula sa mga exclusive villages.

Pero ang masang Pinoy ay bumoto kay BBM.

◘◘◘

DAHIL ubod nang yayaman ng supporters, may naiwan pang campaign fund.

‘Yan ang uubusin sa street protest.

Nasadlak sila sa Plan B.

◘◘◘

KAHIT ang overseas Pinoy workers o OFWs ay higit sa 80 percent ang pabor kay Marcos.

Pero, hindi ‘yan mapaniwalaan ng mga kritiko ni Marcos.

◘◘◘

HANGGANG ngayon diretso pa rin ang black propaganda kontra Marcos.

Tapos na po halalan, sige ituloy n’yo lang ang habit ninyo.

◘◘◘

MALINAW ang abiso ng mga eksperto.

Nasa kumunoy ang ekonomiya.

Ibig sabihin, ang gulong ay nababaon sa pusali, habang kumikilos, lalong nababaon.

◘◘◘

PAANO sasaklolohan ang mga gumagapang sa hirap?

Isang paghamon ‘yan kay BBM.

◘◘◘

SA panahon ng Ministry of Human Settlements, nagpautang si Madame Meldy nang walang interest sa mga munting negosyo.

Iyan ay binansagang KKK — Kilusang Kabuhayan para sa Kaunlaran.

◘◘◘

LAHAT ng bansa ay magugumon sa krisis sa ekonomiya.

Walang solusyon dito kundi ang magdasal nang walang patid.

◘◘◘

ANG mga sinaunang Tagalog ay may pangontra sa krisis.

Ito ay ang sipag, tiyaga at sinop.

◘◘◘

TANGING si Robin Padilla lamang ang may malinaw na plataporma de gobyerno.

Ito ay ang pagbabago sa istruktura, sistema at konsepto ng gobyerno.

Iyan ay ang Federalismo gamit ang Charter Change.

Napakalinaw n’yan.

◘◘◘

ISA tayo sa naniniwala na kailangan ang malawakang pagbabago sa sistema ng gobyerno upang maresolba ang problema.

◘◘◘

ANG plataporma ng ibang kandidato ay pare-parehong pambobola lang.

Kumbaga, generic lang, maliban sa espesipikong plataporma ni Binoe.

Iyan ang dahilan kung bakit siya naging No.1.

Higit siyang matalino kaysa kahit sinumang senador.

Mga Pinoy, mas tumitingin sa pag-uugali kaya nanalo si BBM

ni Ka Ambo - @Bistado | May 11, 2022

MALINAW na malinaw, hindi kuwalipikasyong pang-akademiya ang No.1 sa mga nagwawagi sa eleksyon.

Opo, emosyon po.

◘◘◘

YINURAKAN, biniktima ng black propaganda, kinutya at dinuduro si ex-Sen. Bongbong Marcos kaya’t siya ay biktima ng mga nag-aakalang sila ay kuwalipikado — pero may masama namang behavior.

Iyan mismo ang nagpanalo kay BBM, biktima ng pangungutya.

◘◘◘

ANG pangungutya sa isang tao ay senyales ng hindi mabuting pag-uugali.

Sa kabila ng pangungutya, nanatiling tahimik ang mga biktima tulad ng Top 1 sa senatorial race na si Robin Padilla.

◘◘◘

ANG black propaganda, kapag hindi nahawakan o naimaneho nang maayos ay nagbu-boomerang sa mastermind.

‘Yan ang naranasan ng mga katunggali ng BBM-Sara tandem.

◘◘◘

NALIMUTAN ng mga ito na milyun-milyong Pinoy ang inaapi dahil walang diploma sa kolehiyo.

Milyun-milyong taga-squatter area ang inaakusahang magnanakaw kahit wala namang inuumit sa kapitbahay.

Pero ang mga inaaping ito ay umaabot sa 30 milyon at siyang sumoporta kay Marcos na naging “bayani” sa laylayan.

◘◘◘

ANG nagpapakilalang nasa “laylayan” naman ay nahubaran ng pagkatao at lumantad ang pagiging ipokrito, matapobre at mapanglait.

May natutuhan tayo sa katatapos na eleksyon: Ang behavior ay siyang higit na batayan ng mga botante, kaysa sa naabot sa akademya.

◘◘◘

KAILANGAN maging maingat si BBM sa paghugot ng mga tao na makakasama niya sa gobyerno.

Kailangang kopyahin ni BBM ang estilo ng kanyang ama, humuhugot ng mga pinakamahuhusay na tao mula sa kanya-kanyang larangan.

◘◘◘

HINDI iniwanan ni Labor Secretary at dating Senate President Blas Ople si Marcos sa tindi ng kaliwa’t kanang batikos.

Hindi nakapagtapos ng kolehiyo si Ople, pero siya ay naging “stateman” higit sa kapwa niya senador.

◘◘◘

Si Ople ay isang mahusay na orador, mamamahayag, at kampeon ng masa.

Bihasa siya sa foreign relations at adviser ni Marcos kung kaya’t naitindig ang relasyon ng Pilipinas sa China at Russia.

Ang pakikipagkaibigan ni Marcos sa Beijing at Moscow ay ikinagalit ng US na siyang utak ng EDSA Revolution.

Ang US ang tunay na nagpabagsak kay Marcos gamit ang mga Dilawan at oportunistang pulitiko.

◘◘◘

SA pagbabalik ng Marcos sa Malacañang, hindi sinasadya, tangay-tangay ni BBM ang demokratikong rebolusyon na hinubog at tinangkang ipinatupad ni Marcos.

Kung may EDSA Dos, ngayon ay may ikalawang bersiyon ng Democratic Revolution from the Center — ang ideolohiyang dapat itindig ng Marcos-Duterte tandem.

Sa ayaw o sa gusto ng 100 milyong Pinoy, yumayapak na tayo sa katuparan ng pangarap ng matandang Marcos — ito ay Bagumbagong Lipunan sa modernong panahon!

Comelec, dapat kumilos sa mga palpak na VCM kahit walang pormal na reklamo

ni Ka Ambo - @Bistado | May 10, 2022

SARI-SARING aberya ang naranasan kahapon.

Normal lang ‘yan sa halalan.

◘◘◘

MAY ilang lugar nakaranas ng brownout.

Dapat ay pinaghandaan na ‘yan.

◘◘◘

MAY dispalinghadong VCMs.

Siyempre, may mga nagkakadiperensiya.

◘◘◘

DAPAT ay bantayan ang resulta ng mga presinto na nagkaroon ng aberya gaya ng power supply at dispalinghadong VCMs.

Ikumpara ito sa resulta ng mga VCMs na hindi nakaranas ng aberya.

Sino ang nagwagi sa mayorya ng mga VCMs na nagkaaberya?

◘◘◘

HINDI na dapat maghintay ang Comelec ng complaint o reklamo bago suriin ang mga nagka-aberyang VCM.

Dapat ay may technical group na sumusuri sa kalidad at awtentikasyon ng VCMs na nagkaaberya.

Ganun lang.

◘◘◘

ANG pagbagsak ng bilang ng boto ni BBM sa huling vice presidential race ay naganap matapos, magkaaberya o magpalit ng “command” ang mga computer.

D’yan nagpokus dapat ang imbestigasyon.

◘◘◘

BAGUMBAGO na ang mga tao sa Kamara ng mga Representante at Senado sa taong ito.

Sana ay matanggal na ang mga uugod-ugod at beterano.

Nalipasan na kasi sila ng panahon.

◘◘◘

BIGYAN sana ng pagkakataon ang mga kabataan na hawakan ang maseselang komite sa Kongreso.

Ituon ang mga batas sa modernong teknolohiya at inobasyon sa public administration.

◘◘◘

KRISIS sa ekonomiya ang dapat No.1 priority.

Tanggalin ang pork barrel na ang badyet ay ninanakaw gamit ang infrastructure projects.

Alam ng lahat na nagbubulsa ng milyong komisyon ang lahat ng signatories sa kontrata kasama ang mambabatas.

Mahirap bang isipin ‘yan?

◘◘◘

MASYADONG napagod ang mga bayarang taga-showbiz.

Mawawalan na sila ng “special show” sa mga lalawigan.

◘◘◘

TITIGIL na rin ang maliliit na negosyo na nakadikit sa kampanya.

Balik sa krisis ang bansa.

◘◘◘

MAAARING biglang mag-tag-ulan.

Ano ang contingency measures?

Wala.