‘Di nakipagtsikahan sa press… HEART, TODO-IWAS MAGPAINTERBYU SA FLOOD CONTROL ISSUE NI SEN. CHIZ

ni Beth Gelena @Bulgary | June 2, 2026

Photo: IG _iamhearte

May usap-usapan na umiiwas si Heart Evangelista na mainterbyu nang solo pagkatapos ng mediacon ng game show nila ni Sean Lucas sa GMA-7.

Ayon sa ilang entertainment press, maigsi lamang daw ang Q&A kaya nais pa sana nilang makatsikahan ang Kapuso actress. 

Agad daw kasing umalis si Heart at bumalik sa dressing room kaya hindi na siya nakapanayam nang paisa-isa ng mga miyembro ng media.

Dahil dito, may ilang entertainment reporters na nag-isip na baka umiiwas si Heart sa mga tanong tungkol sa mga kontrobersiyang nauugnay sa kanya at sa kanyang mister na si ex-Senate President (SP) Chiz Escudero na sangkot sa isyu ng flood control at korupsiyon.

Ayon naman sa production team, kailangan lamang talagang umalis ni Heart Evangelista dahil maghahanda pa siya para sa isa pang shoot na nakatakda pagkatapos ng media launch.

‘Yun na!

---

IBINAHAGI ni Lian Paz ang kanyang larawan ng pagtatapos mula sa Cebu Institute of Technology University (CIT-U). 

Inamin ng dating dancer-actress na minsan niyang naramdaman na tila hindi na niya mararanasan ang mga planong inilaan ng Diyos para sa kanya.

Aniya, “‘Di ko masabi ang tamang mga salita kung paano ko mapapasalamatan si Hesus para sa Kanyang katapatan sa buhay ko.

“Grabe ka, Lord. Lahat ng sinira ko, ginulo ko, inayos Mo. Habang lalo kong nakikita ang pag-ibig ni Hesus, ang pamantayan kung sino ako dapat para sa Kanya ay tumataas. Binigyan Niya ako ng layunin. Isinusulat Niyang muli ang kuwento ng aking buhay at palagi itong binibigyan ng pinakamagandang plot twist!”

Prangka rin niyang ibinahagi na dati niyang iniisip na huli na ang lahat para matupad niya ang kanyang pangarap.

Sey ni Lian Paz, “I thought I already missed out on the plans na mayroon si Lord para sa akin, pero Siya ang author ng buhay ko. Jesus, You redeem every part of me that is broken. You made me whole again and again.”

Dugtong pa niya, “Itong diploma, I dedicate to honor my parents. Sorry, Dad, na-late po. I know you see it from up there. To my lola na itinuring kong nanay ko, alam ko, isa ka sa pinakamasaya. My heart aches na wala ka na, but I know, like Dad, nakita mo ‘to. My mom, here’s another treasure for you.”

Hindi rin niya nakalimutang magbigay ng mensahe sa kanyang mga anak.

Sinabi niya, “To my kids, Xonia, Xalene and Niña, kayo ang best part of this graduation. Who would have thought na this milestone, you will be able to witness? I cannot contain the joy that God gave me. Imagine, kasama ko kayo on this journey? How wonderful!”

Congratulations, Lian Paz!

---

Kahit kalat na…

JULIA, TIKOM ANG BIBIG SA ENGAGEMENT DAW KAY LUCAS LORENZO

TRENDING ngayon ang pasabog ni Ogie Diaz sa kanyang Showbiz Update hinggil sa umano’y engagement ni Julia Barretto at ng rumored non-showbiz boyfriend nito na mula sa mayamang pamilya na si Lucas Lorenzo.

Ayon sa source ni Ogie, pormal nang engaged ang dalawa.

Kung matatandaan, matagal nang usap-usapan ang kanilang relasyon dahil madalas silang maispatang nagdya-jogging at nagdi-dinner nang magkasama sa Makati.

Ang balitang ito ay wala pang kumpirmasyon mula sa dalawang personalidad.

Kung sakaling totoo ang engagement, lalo pang titibay ang koneksiyon ng mga pamilyang Barretto at Lorenzo. 

Ang kapatid ni Lucas na si Mateo Lorenzo ay mister ni Erich Gonzales, habang ang isa pa nilang kapatid na si Basti Lorenzo ay mister naman ng kapatid ni Julia na si Claudia Barretto.

Resbak sa pagkalat na may attitude siya… BELLA: PATAWARIN NG DIYOS ANG MGA NAGTANGKANG SIRAIN AKO

ni Beth Gelena @Bulgary | June 1, 2026

Photo: IG _bela

Nagparinig ang aktres na si Bela Padilla sa pamamagitan ng pag-share sa Instagram (IG) Stories ng mga art card na sagot niya sa mga isyung ibinabato sa kanya. Marami tuloy ang nagtataka kung bakit iba ang ikinikilos ng aktres nitong mga nakaraang araw.

Marami kasing negatibong sitsit ang ipinupukol sa aktres tulad ng pagiging sakit daw ng ulo ng produksiyon ng Blood Vs. Duty at ang tampuhan daw nila ni Kim Chiu dahil sa kanya.

Ito ang ilan sa mga posts ni Bela…

“Walang makakatalo sa taong pinili ng Diyos na manalo.”

“Nawa’y patawarin ng Diyos ang mga taong nagtangkang sirain ako.”

Sey pa niya, “Ang paggawa ng drama sa ganitong edad ay nakakahiya. Kumita ka ng pera at maghanap ng kapayapaan.”

Ang huli, “Ang lahat ng ginagawa mo, babalik sa ‘yo. Gumawa ng mabuti, maging mabuti.”

Kaya naman, hindi mapigilan ng mga netizens na magkomento. Ito ang sey nila…

“Go, Bela! Puksain mo ang mga Mosang na nang-iintriga sa ‘yo.”

“Nah! S’ya naman ang gumawa nu’n. Sisihin ang sarili, ‘di ‘yung pa-victim.”

“Alamin kung saan ka nakatayo at sundin ang protocol. Kung ‘di kaya, gumawa ka ng sariling project, team, at company, like Coco Martin.”

“Right, pinangunahan ang production, sumbong sa big boss, pinangunahan si Kim allegedly sa pag-disclose ng personal info (pagpapa-freeze ng eggs para magkaanak pa) niya, may track record siya ng pagka-know-it-all. ‘Di magandang optics. 

“Mag-damage control s’ya sana, mag-apologize sa shortcomings n’ya para tapos na at humanga pa sa kanya ang lahat, instead nag-hanash/double down pa s’ya sa socmed (social media). Baka ma-cancel at ‘di pa siya bigyan ng mga future projects for being problematic, not a team player.”

“Remember sa ginawa n’ya kay Kimmy du’n sa interview ni Boy, very red flag ‘yun. BFF ka pa naman. May rift din daw ito kay Angge, JC, at Carlo. At ang latest about kay Baron sa show nila. Parang ayaw n’yang nasasapawan. Diyos ko.”

“May issue raw sa production ng BVD (Blood vs. Duty) primetime series, sa mga production staff, sa co-stars, sa iba pang artista outside show. I think target si Bela para maiba ang focus kasi guest star si Tito Robin P. sa BVD. Sisihin ang babae at ilihis ang lahat ng masamang istilo ng publicity.”

“As per Ogie Diaz vlog, nag-attitude raw si girl sa set ng Blood vs. Duty series at expected n’ya na s’ya ang magiging highlight sa ending scene sa ibang episodes, pero ‘di pala. Nag-post sa IG Story na she worked hard pero ‘di nangyari. Imbiyerna raw ang mga nasa production ng series dahil feeling big star at inaway pa ang staff at si Baron Geisler (na sinabihan diumano ng retarded).”

---

Maghihiwalay na raw, fans na-curious…

MOVIE NG DONBELLE, P25M SA 3 DAYS

Kung kailan maghihiwalay na ang love team nina Donny Pangilinan at Belle Mariano (DonBelle) ay saka naman pumatok nang husto ang kanilang pelikula.

Kumita ang Tayo Sa Wakas (TSW) ng higit sa P25 million sa loob lamang ng unang tatlong araw ng pagpapalabas nito. 

Dahil dito, tuwang-tuwa ang mga DonBelle fans at umaasa na hindi na matutuloy ang paghihiwalay ng kanilang tambalan.

Nakatulong din sa usapan ang naunang anunsiyo ng management tungkol sa pagbabago sa direksiyon ng career ng DonBelle, kaya lalo itong naging mainit na paksa sa showbiz.

Ang TSW ang pinaka-mature na proyekto ng DonBelle, na tumatalakay sa relasyon, ambisyon, at mga sakripisyong kaakibat ng pagtupad sa mga pangarap.

Kung magpapatuloy ang momentum nito sa weekend at sa international screenings sa Australia, New Zealand, United States (US), Canada, Hong Kong, at iba pang bansa, posible pang madagdagan ang kabuuang kita ng pelikula. Marami rin ang umaasang makapasok ito sa listahan ng pinakamalalaking Filipino box-office hits ng 2026.

---

PAMINSAN-MINSAN ay nagpo-post si John Lloyd Cruz (JLC) sa kanyang Instagram (IG) Stories, kabilang ang pagbati niya sa Tita Mean ng anak niyang si Elias ng “Happy birthday.”

Ipinost ni JLC ang mga larawan ni Elias na kuha ni Mean. 

Mensahe ng aktor, “Mga kuha ni Ate Mean. Happy birthday, Ate Mean, salamat sa pag-aalaga.”

Makikita sa mga larawan si Elias na simpleng naglalaro kasama ang ibang mga bata sa tabi ng kalsada at paminsan-minsang namumulot ng basura.

Ang tinutukoy na ‘Ate Mean’ ay ang nakatatandang kapatid ni Ellen Adarna, na siyang pangunahing tagapag-alaga ni Elias. Malapit siya sa mag-ama at madalas ding magbahagi ng kanilang bonding moments online.

Dahil dito, muling na-miss ng mga fans si John Lloyd at umaasa silang makagawa pa siya ng bagong proyekto sa telebisyon o pelikula.

May isa namang fan na nag-request ng collaboration nina John Lloyd Cruz at Julia Montes, na aniya’y magandang makita sila sa iisang proyekto mula sa magkaibang networks.

Sikreto ng 25 yrs. nila ni Charlene… “PURO PAGMAMAHAL AT RESPETO LANG” — AGA

ni Beth Gelena @Bulgary | May 30, 2026

Photo: IG

Nagdiwang ng silver anniversary ang celebrity couple na sina Aga Muhlach at Charlene Gonzales sa simple ngunit makabuluhang paraan.

Ipinasilip ng aktor sa kanyang IG Story ang kanilang anniversary celebration kung saan magkasama silang nagbibisikleta.

Caption niya, “We’ve always kept it simple, silver anniversary ride.”

Ipinahayag din ng aktor ang kanyang pasasalamat, pagmamahal at pagpapahalaga kay Charlene habang ibinabahagi ang pundasyon ng kanilang matatag na relasyon sa loob ng maraming taon.

Aniya, “Puro pagmamahal at respeto lang.”

Direkta rin niyang ipinahayag ang kanyang pagmamahal sa asawa.

Mensahe ni Aga, “Mahal na mahal kita!!! @itsmecharleneg.”

Kinilala rin niya ang kanilang pananampalataya bilang gabay sa kanilang pagsasama.

Sambit ni Aga, “Mabuti ang Diyos.”

Sa mapagbiro namang paraan, sinabi pa ni Aga, “Para mas lumayo pa sa aming kaseksihan.”

Samantala, mainit na tumugon si Charlene sa post ng mister, “Maligayang ika-25 anibersaryo, mahal ko.”

---

Tuloy ang buhay… 

LANI AT BONG, SA KULUNGAN NAG-CELEBRATE NG KANILANG 40TH ANNIV

NAGING emosyonal at symbolic ang renewal of vows nina Sen. Bong Revilla at Congw. Lani Mercado na ginanap sa loob ng New Quezon City Jail Male Dormitory.

Isa sa mga tumatak sa mga netizens ay ang public apology ni Bong kay Lani nang aminin niyang ilang beses niya itong nasaktan at napaiyak nang tahimik.

Dahil apat na dekada na silang magkasama, marami ang nagsasabing patunay ito ng tibay ng kanilang relasyon sa kabila ng showbiz controversies, political issues, at personal struggles.

Humanga rin ang ilan kay Lani dahil nanatili siyang kasama ni Bong sa kabila ng mga pinagdaanan ng kanilang pamilya.

Mas naging madamdamin ang seremonya nang awitin niya ang Sana’y Wala Nang Wakas at Palagi.

Ayon kay Congw. Lani, “Naniniwala ako na ang lahat ng ating pinagdaanan, it made us stronger individually and as husband and wife, gaya ng sambit ng awiting Sana’y Wala Nang Wakas.”

Gayunman, hati ang reaksiyon ng publiko.

May mga kinilig at naantig sa ipinakitang loyalty at forgiveness ng mag-asawa, habang may ilang kritikal at nagsabing tila ‘image rehabilitation’ umano ito dahil naganap habang nakakulong si Sen. Bong.

Sa kultura ng Philippine showbiz-politics, mabilis talagang napag-uusapan ang mga ganitong pagpapakita ng family unity.

Apat na dekada nang magkasama sina Bong at Lani at dumaan na rin ang kanilang relasyon sa ilang kontrobersiya.

---

BALIK-EAT… Bulaga! (EB!) si Ice Seguerra kung saan siya nagsimula noong bata pa siya.

Ngunit sa pagkakataong ito, hindi na bilang artist kundi bilang direktor ng programa.

Aniya, “Director of my home — Eat…Bulaga! Wah!! Grabe ‘yung kaba ko. Send some good vibes please.

“Mama, naalala ko, ikaw talaga ang nag-manifest nito dati. I hope I made you proud today.”

Marami namang netizens ang natuwa at nagpaabot ng pagbati kay Ice.

Ayon sa isang netizen, “Dati, batang nagda-duck walk lang si Ice sa Eat… Bulaga! Ngayon, director na ng programa. Congratulations, Ice. I’m sure proud na proud si Mommy Caring.”

Ibinahagi rin ng isa pang supporter ang pagiging longtime fan nito at kung paano niya sinubaybayan ang career ni Ice mula pa noon.

May ilan ding nagsabing bagay kay Ice ang bagong posisyon dahil matagal na itong bahagi ng EB! at malaki ang maitutulong niya sa programa.

Nagpaabot din ng suporta ang mga Dabarkads at hinangad ang mas marami pang tagumpay para kay Ice Seguerra bilang direktor ng noontime show.