Kinumpirma ng apong si Janine… PILITA, PUMANAW NA SA EDAD NA 85

ni Beth Gelena @Bulgary | Apr. 13, 2025

Photo: Pilita Corrales - Facebook

Nag-post na si Janine Gutierrez sa kanyang Facebook (FB) account tungkol sa pagpanaw ng kanyang Mamita Pilita Corrales, April 12. 

Aniya, “It is with a heavy heart that we announce the passing of our beloved mami and mamita, Pilita Corrales.  

“Pilita touched the lives of many, not only with her songs but also with her kindness and generosity.  

“She will be remembered for her contributions to the entertainment industry, but most of all for her love of life and family.  

“Please join us with your prayers and kind thoughts as we celebrate her beautiful life.  

“Further details regarding memorial services will be shared soon.”  

Wala pang detalye kung ano ang ikinamatay ng Asia's Queen of Songs. Namatay ang batikang singer kahapon, April 12, 2025 sa edad na 85.  

Nakikiramay po ang buong BULGAR sa mga naulila ni Ms. Pilita Corrales.

---

LALONG lumala ang isyu sa pagitan ni Dennis Padilla at kanyang mga anak ngayong nagsalita na rin ang ex-wife niyang si Marjorie Barretto.

Binura na umano ni Dennis ang post niya sa kanyang Instagram (IG) ng kasal ng anak na si Claudia kasunod ng pasabog ni Marjorie sa interbyu sa kanya ni Ogie Diaz sa YouTube channel nito.

Sa interview kay Marjorie, she set the record straight on several matters regarding Dennis and their family's dynamics. 

Kinlaro ni Marjorie na si Dennis at anak nilang si Claudia are on speaking terms, at kahit

hindi nakikita si Dennis sa mga special events sa buhay ng anak bago ang wedding, nilinaw ni Marjorie na hindi dahil pinipigilan niya ang mga bata na makipagkita sa kanilang ama at hindi rin daw siya ang nag-utos na mabalewala ito sa kasal.

Sadyang malayo lang daw talaga ang loob ni Claudia kay Dennis dahil 18 yrs. na hindi ito nagpaka-ama sa mga anak.

Nilinaw din ni Marjorie na hindi siya ang nag-organize at nagdesisyon para sa kasal ni Claudia.

Napu-frustrate raw siya kay Dennis dahil sa pagsasalita ng aktor sa publiko ng kanilang family matters, lalo na’t kumakalat na ito sa social media. 

Sinira raw ni Dennis ‘yung isang beses lang sa buhay ni Claudia na kasal na dapat ay ine-enjoy nito dahil sa pag-agaw-eksena at pagda-drama nito na kaawa-awa siya sa kasal bilang “father of the bride”. 

Marami ang nagnanais na sana ay magkaayos na ang pamilya, na maging tahimik na lang sila, find peace and unity for the sake of their children, especially during such important milestones. 

Hangga’t may nagsasalita sa magkabilang kampo ay hindi titigil ang isyu sa pagitan nila.

Well, ang mga netizens na ang nakikiusap na sana raw ay tumigil na ang bawat isa sa paglalabas ng kung anu-anong resibo para lang patunayan kung sino ang nagsasabi nang totoo.

Mga netizens ang nahihiya dahil ang napangasawa raw ni Claudia ay hindi naman showbiz and besides, tahimik lang ang pamilya Lorenzo.

May payo rin ang mga netizens kay Claudia, tumahimik na lang daw ito. Naniniwala kasi sila na less talk, less mistake at kusa raw na tatahimik ang isyu.

Wala pa ring pahayag si Claudia Barretto hanggang ngayon kaugnay ng pag-iingay ni Dennis Padilla. 

---

NAGSAMA-SAMA sa isang frame ang mga aktres na sina Jodi Sta. Maria, Sanya Lopez, Jane Oineza at Loisa Andalio.  

Except kay Jodi, ang tatlo ay pilit na pinapasikat ng kani-kanilang networks pero parang hindi pa rin sumikat-sikat though kahit papaano ay may pangalan na rin naman sila sa showbiz.  

Sadyang mailap pa lang siguro sa kanila ang tunay na kasikatan.  

Si Jodi ay nakasuporta sa tatlo, inaalalayan niya sa kanilang bagong pelikula.  

Sey pa ng mga netizens:

“All of the young ladies, except Jodi, are on their way to greatness and success, slowly but surely!

"Si Sanya, haha! ‘Yung dalawa, parang nag-lie low sa showbiz.”

May nagtanggol naman sa tatlo, “Hey, these girls can act. Hindi porke hindi sikat, eh, walang talent. Meron namang super-sikat, overhyped na, pabebe pa.”  

“Si Loisa, sikat na, at matagal na, huwag mag-compare!”

“Sayang si Loisa. Pasikat na sana at magaling naman din pero inuna love life.” 

Iniintriga naman ng iba si Jodi. 

“Ano’ng nangyari sa mag-hiatus na raw si Jodi? Pa-press release pa ng hiatus daw, ‘di naman pala niya kaya. Hahahaha!”  

“Sabi n’ya sa interview na may isa pang project na kailangan n’yang tapusin kasi nag-yes na siya dati, so eto ‘yun, ‘di naman puwedeng basta-basta s’yang umalis at may naiwan pang project.” 

Sa apat na aktres na magkasama sa isang movie ay tanging si Sanya lang ang Kapuso at the rest ay Kapamilya na lahat.

Napuno na sa padir… JULIA, TINAWAG NA NARCISSISTIC SI DENNIS

ni Beth Gelena @Bulgary | Apr. 12, 2025

Photo: Julia Barretto at Dennis Padilla - Instagram

May bagong post si Julia Barretto tungkol sa narcissist. Ang tanong ng mga netizens, patungkol daw ba iyon sa kanyang amang si Dennis Padilla?  

Post ni Julia, “A narcissist doesn’t care about being a good parent - they just care about looking like one.” 

Komento ng mga netizens, ilabas na raw kasi kung ano ang ginawa ng ama sa kanila para magalit sila nang ganu’n kay Dennis.

Sey ng isang netizen, “Oh, Julia, ilabas n’yo sana ang ginawa n’ya sa inyo.”

Sagot ng isa, “Screenshot n’ya ‘yung mga texts na puro pagmumura sa kanila ni Dennis, pero ‘pag narcissist talaga, wala nang pag-asa.”

“Wala namang ilalabas, maliban sa sustento ng pera. Pero kung magkasama naman sila ni Marjorie kahit kulang sa pera, ‘yung service na lang na puwedeng ibigay ng ama, baka nagawa niya, kaso naghiwalay na sila, eh. Pinalayas na siya, ‘yung ginawa ni Marjorie ang dapat ilabas. Kaso public knowledge naman na ‘yun.  

Tanong tuloy ng iba, “ANO BA KASI ANG GINAWA NI DENNIS ASTIG NA KINASUKDULAN NG GALIT NI MARJORIE O MGA HINDI NIYA GINAWA NOON?”

“Ang kalat. Gets ko na dadating ang time na ipagtatanggol mo (ang) sarili mo, pero bad timing kasi nakakahiya lang du’n sa bagong kasal at sa side ng guy. Dapat dedma na lang muna, kaya lang, lahat gusto magpabida.” 

“Napuno na si Julia, ilang taon din kayo nanahimik. Ipagtanggol n’yo sarili n’yo sa isang narcissist.”  

“Maraming skeletons in the closet si Marjorie. Pasalamat siya, tikom bibig ni D d’yan.”  

“First time niya nag-react sa mga ganyan.”

“Siguro, eh, sobra na. Ang tagal na n’yang nagtimpi at tumahimik, ‘di na n’ya kinaya.”

“Affected na kasi si Claudia siguro kaya nag-react na siya. Grabe ka, Dennis, ang lala mo.” 

“Ay, bulag-bulagan. Obvious namang narc din si Marj. Pailalim nga lang.”  

“Both parents are narcissistic.”

“‘Yung nanay, greedy.” 

“Sana, mag one time, big time si Marjorie! Ilabas ang totoong istorya.” 

“Korek ka, d’yan. Kaya nga ‘di makapag all-out si Marjorie dahil ang dami n’yang baho na ‘di pa nabubunyag.”

“Dennis already asked for forgiveness years ago. Matitigas talaga puso nila. Si Dennis, mali niya, maingay masyado. ‘Yung nangyari sa kasal, I guess it’s Marjorie’s idea.”

May masasabi pa ba kayo, mga Ka-BULGAR?

---

PINURI ni Priscilla Meirelles ang estranged husband na si John Estrada bilang mabuting ama, pero wala nang balikan na mangyayari sa kanilang dalawa.  

Diretsahang sinabi ni Priscilla na hindi na sila magkakabalikan ni John.  

Lumipat na raw sila ng tirahan ng anak nilang si Anechka, bilang patunay na tapos na ang kanilang relasyon.  

Pero nananatili raw silang maayos para sa kanilang anak, lalo na sa mga mahahalagang okasyon gaya ng 14th birthday ni Anechka.  

Sa panayam ni Karen Davila, mariin niyang sinabi na kung umaasa pa siyang magkakabalikan sila, hindi raw sana niya iiwan ang bahay na tinirhan nila noon.  

But, despite the fact, pinuri pa rin niya si John bilang mabuting ama sa kanilang anak. Para kay Priscilla, ang kanilang anak ay hindi dapat madamay sa anumang sigalot nila bilang mag-asawa.  

Aniya, mahalaga pa rin na maging present si John sa mahahalagang sandali sa buhay ng kanilang anak.

GF ni JK, saksi raw, nagsalita na… MUNTIK NA SAPAKAN NINA DANIEL AT KYLE SA ABS-CBN BALL, ‘DI TOTOO

ni Beth Gelena @Bulgary | Apr. 11, 2025

Photo: JK, Dia, Kyle at Daniel Padilla - Instagram, circulated

Binasag ng beauty queen na si Dia Mate ang kanyang katahimikan sa rumor hinggil sa kanyang boyfriend na si JK Labajo.  

Ang singer-composer ay na-involve sa alegasyong muntik na sapakan umano nina Kyle Echarri at Daniel Padilla.  

Sa social media account ng beauty queen, she posted, “Guys again, everyone’s asking me about the issue, please do not believe the issue, not true. Everything about JK and Kyle is not true. As someone with her own eyes, saw everything. Not true. What they’re being accused of, not true.”  

Despite the buzz, ang mga celebrities na involved sa isyu na sina Kyle, Daniel, Richard Gutierrez at JK ay wala ring official statement para kumpirmahin o i-deny ang alegasyon sa kanila. Nananatiling tahimik ang mga ito.

---

Nagbigay ng mensahe si Dani Barretto sa newly wed couple na sina Claudia Barretto at Basti Lorenzo sa gitna ng pag-iingay ng kanilang amang si Dennis Padilla sa social media dahil sa hindi magandang trato sa kanya sa kasal ng anak.

Si Dani ang eldest daughter ni Marjorie Barretto kay Kier Legaspi.  

In-encourage ni Dani ang couple na mag-focus sa kanilang pagmamahalan and not let anything or anyone dim the joy of their special day.  

Aniya, “Dear Claudia and Basti, Congratulations on this incredible milestone, 10 years in the making. Your love, patience, and commitment have brought you to this moment, and it’s truly something to be celebrated.  

“Savor every second, hold each other a little tighter, and let your hearts be full. This day is yours, soak in all the joy, the laughter, the love. You deserve every bit of it. Don’t let anything or anyone dim the light of this moment. 

“It’s your story, your love, and your forever beginning. I wish you both a lifetime of happiness, adventure, and love that only grows deeper with time. I love you more than words can ever express.”  

Hindi man direktang na-mention ni Dani ang name ni Dennis, her message appeared to offer Claudia a moment of peace and encouragement amid the growing attention online.  

Ang daming nagkomento sa mensahe ng eldest sister ni Claudia:

“Nakakalungkot lang talaga na hindi n’yo kaya magpaubaya ng sarili mong ama para sa ikakatahimik ng lahat. Itong magkakapatid na ito, sobrang strong n’yo. God bless.”  

“Ay, paawa na naman siya, tapos kayo awang-awa textbook narcissist.”  

“Then a day after he called Ogie Diaz, nagpa-interview na naman, nagpapaawa. Pilit na umiiyak. My God. Now I really understand bakit traumatized itong mga anak.”  

Ang komento ni Mariel Padilla, “Congratulations Clau and Basti! You worded it perfectly Dani!!! Wish them ‘Da Best!”  

Samantala, may nagkomento rin patungkol sa mother-in-law nina Claudia at Erich Gonzales. FYI, magkapatid sina Basti at Mateo Lorenzo na asawa ni Erich.

“‘Yung mother ni Basti, grabe, super beauty din pala (tulad) nina Claudia at Erich, kaya pala ganyan din kaganda ang mga napili ng mga anak niya.”