Niresbakan ni IC, naging nega, natakot… SEN. MIGZ, BIGLANG-SORI SA PAGDAMAY KAY INDAY BADIDAY SA CIRCUS SA SENADO

ni Ambet Nabus @Let's See | May 27, 2026

Photo:Senate / Circulated

Mas naging matindi ang natanggap na bashing ni Sen. Juan Miguel ‘Migz’ Zubiri matapos siyang maglabas ng kanyang public apology sa mga kapamilya ng yumaong showbiz icon at tinaguriang Queen of Intrigues na si Inday Badiday o Ate Luds sa showbiz.

Sa naging pag-call out nga sa kanya ni IC Mendoza, apo ni Ate Luds at anak ng kumare nating si Dolly Anne Carvajal, tila mabilis na humupa ang galit ng senador sa naging ‘manifestation’ niya sa Senado dahil sa video presentation ni Sen. Imee Marcos na tinawag niyang “what a horrible propaganda”.

Sey tuloy ng netizen, “Naku, naduwag lang ang balimbing na ‘yan. Natakot na baka imbes na makatulong sa kanyang sitwasyon, eh, lalong makasama kaya’t apology agad ang drama n’ya.”

Naging malinaw naman sa paghingi ng apology ng senador na ‘spur of the moment at ‘slip of the tongue’ lang daw ang pagkakabanggit niya sa name na “Inday Badiday” sa Senado.

“Medyo naging negative kasi ang impression at connotation dahil ini-link niya ito sa tinatawag na circus at katatawanan sa Senado. Na para bang walang nagawa at nai-contribute na maganda sa showbiz industry ang name na Inday Badiday,” pag-aanalisa pa ng mga nakarinig at nakasaksi sa manifestation ni Sen. Migz Zubiri.

---

Tito Sotto, para makumbinseng umanib sa kanila… SEN. IMEE, PAGBABATIIN DAW SINA DIREK DARRYL AT BOSSING VIC

MEANWHILE, dahil daw sa pangyayari ay naging ‘legit’ na ang pagiging Marites at baka kay Sen. Imee Marcos na raw iputong ang korona bilang ‘Queen of Intrigues’ sa gobyerno.

Sa walang humpay daw nitong pagpapalabas ng mga videos, balita sa kanyang podcast at iba pa na very showbiz ang atake, tila mas mabuti pa raw at bagay na maging showbiz reporter ang senadora.

“Imagine, kahit kapamilya n’ya, titirahin n’ya talaga. Iba s’ya,” sey ng netizen na nagsasabi ring kahit ang way ng pag-present daw nito ng video sa Senado ay gawa at tatak-showbiz.

“Naku, ikaw na ang mayroong mga Direk Darryl Yap and company. Talagang keri nilang gawing showbiz ang pulitika,” hirit pa ng mga netizens.

Mayroon ngang umiikot na tsika na diumano’y si Sen. Imee ang source ng mga usapang ‘pagbabatiin’ umano sina Darryl at Vic Sotto, para raw makumbinse nito ang kapatid na si Sen. Tito Sotto na umanib sa grupo nila sa majority.

Iba pa raw ‘yung isyu kay Pasig City Mayor Vico Sotto, ha (inaalam pa ang mga details. Hahaha!)?

Nakakaloka!

After daw silang laitin ng vocalist… DDS, NAGBUBUNYI NA NA-POSTPONE ANG CONCERT NG CUP OF JOE SA DAVAO

ni Ambet Nabus @Let's See | May 22, 2026

Photo: IG _cupofjoemusicph

Ngayong na-postpone na ang dapat na May 30 concert ng kilalang banda na Cup of Joe (COJ) sa Davao City, tila nagbubunyi ang mga supporters ng mga Duterte sa napakaepektibong pag-call out dito ni Wency Cornejo.

Bago pa man kasi inianunsiyo ang naturang postponement ng concert ay tahasan nang kinol-out ni Wency ang sa palagay niya ay ‘disrespect’ sa mga Davaoeños, lalo na raw sa mga supporters ng mga Duterte.

Diretso rin kasing ‘nilibak, kinantiyawan o pinrovoke’ ang mga DDS ng lead vocalist ng COJ na si Gian Bernardo sa pamamagitan ng socmed (social media) post nito sa kasagsagan ng promo ng dapat ay Davao City concert.

Sey nga nito sa kanyang post gamit ang isang online game, “Who’s most likely to survive a zombie apocalypse?”

Itinuro umano ni Gian ang kanyang sarili, sabay sabing “Duh, ‘di nila hinahabol ang mga bobo,” obviously referring daw sa mga DDS o mga diehard Duterte supporters.

Sinundan pa raw at nag-share pa si Gian ng screenshot ng naturang game with his quote at caption na: “Suwerte ng mga DDS kung sakali [green heart emoji].”  

Sinagot agad ito ni Wency na isang dating kilalang singer-concert producer artist, na tila nagbababala o nagbabanta sa kanyang tanong na, “Sino kaya (ang) producer ng show ng Cup of Joe sa Davao? Naku, mag-isip isip ka na…”

Ilang araw daw after ng naturang post ng parehong singers ay may lumabas na ngang anunsiyo na ‘postponed’ na ang concert ng COJ sa Davao City.

Sinabi sa anunsiyo na merong pupuntahang awards event ang banda on the same date kaya’t postponed na raw ito at walang binanggit kung kailan ito matutuloy.

Ang paniniwala naman ng marami ay naduwag at natakot nga ang banda sa posibleng kahantungan ng kanilang Davao leg. 

Sey pa ni Wency sa parehong post niya, “Baka langawin, multuhin o ‘di tauhin ang concert ng tila hambog na lead vocalist ng banda.”

Samantala, magkakaroon ang sikat na banda ng SANDALI: The Cup of Joe Music Fest ngayong May 23 sa Philippine Sports Stadium sa Bulacan.

---

Umay na umay na raw… 

REGINE AT OGIE, MAS GUSTO PANG MANOOD NG K-DRAMA KESA BALITA SA ‘PINAS

Marami rin ang nakakaunawa at natutuwa sa pagiging totoo ni Asia’s Songbird Regine Velasquez sa post nito hinggil sa panonood ng K-drama (South Korean Drama) vs. pagtutok sa mga TV news tungkol sa mga kaguluhan sa pulitika.

Kuwela pero napakatotoo nga raw ng post ni Regine dahil sa mga panahong ito, mas importante nga raw ‘yung magkaroon muna ng ‘stable mental health o condition’ ang mga Pinoy dahil sobra-sobra na nga raw ang mga problema ng bayan.

“Totoo namang nakakatorete na ang mga balita,” bahagi pa ng post ni Regine kaya’t sa mga free time raw nila sa bahay ng asawa niyang si Ogie Alcasid at anak na si Nate, mas pinipili nilang manood ng mga K-dramas kesa magbabad sa mga news programs.

Pero hindi naman umano nito ibig sabihin na wala na silang pakialam sa mga nangyayari sa bayan.

Sa mga ganitong panahon daw kasi ay higit na pagdarasal ang kailangan ng lahat para mabigyan ng wastong pag-iisip at mga kalmadong damdamin ang lahat ng mga lider ng bansa na may tungkulin at hangaring maglingkod sa lahat.

At dahil may adbokasiya raw silang mag-asawa hinggil sa pagkakaroon ng stable na mental health, mabuti raw na sila mismo ang makaranas ng kanilang ipini-preach o pagsulong nito batay sa kanilang mga karanasan at kung paano nga nila ito nalalabanan.

“Basta’t may Tagalog o naka-dub sa English, ha? Masakit din kasi sa bangs ‘yung may mga subtitles pa,” hirit pa ni Regine sa panonood nila ng mga K-dramas, kung saan puring-puri nito ang mahuhusay daw na mga batang Korean actors.

Samantala, dedma at tila wala naman itong isinagot sa tanong ng ilang netizens sa kanyang post tungkol sa kanyang saloobin sa nangyayari ngayon kay Sen. Robin Padilla sa Senado, na naging leading man din niya sa pelikula.

Tila sa mga naglalabasang balita sa showbiz, mabibilang lang o baka nga raw wala man lang nagtatanggol o kumakampi sa aktor-pulitiko hinggil sa mga aksiyon at ginagawa nito sa Senado.

Kung si Ryan, nagbanta kay Juday… ERWAN, TANGGAP NA MAKIPAGTIKIMAN PA RIN SI ANNE SA IBANG LALAKI

ni Ambet Nabus @Let's See | May 19, 2026

Photo: IG _erwan

Kahit last April pa naipalabas ang interview sa mag-asawang Judy Ann Santos at Ryan Agoncillo sa show ni Matteo Guidicelli sa Bilyonaryo News Channel na Matteo Primetime (MP), naging mainit ang reaksiyon ng ilang netizens tungkol dito.

Ikinukumpara kasi ang mga naging sagot ni Ryan sa mas hinangaang tugon ni Erwan Heussaff sa ‘same questions’ na ibinato ni Matteo hinggil sa ‘showbiz works’ ng kanilang mga sikat na asawa.

This last weekend lang lumabas ang panayam ni Matteo kay Erwan na umani ng maraming papuri dahil mas nakitaan daw ng higit na respeto, suporta at pang-unawa si Erwan para sa misis kesa kay Ryan.

Sa mga tanong kasi kung paanong tinatanggap ng parehong lalaki na maka-partner ng ibang lalaki sa TV o movie projects ang mga asawa nila at may eksenang ‘intimate’ at selos item, although naipaliwanag naman daw ni Ryan ang binitawan nitong sagot na “Subukan n’ya at pagkatapos ay saka na lang kami mag-away,” kitang-kita pa rin daw dito ang hindi pagkakaroon ng ‘full trust’ sa sikat na asawa, kumpara sa sagot ni Erwan Heussaff na mas nararamdaman daw ang klase ng respeto at tiwala nito kay Anne Curtis.

Ang naturang pahayag ni Erwan na pinag-uusapan ngayon, “Totally fine, no jealousy or whatsoever. She was already doing it when we were not even dating yet. So, who am I to kind of tell her what to do or change who she is or anything like that? It’s like her asking me to stop cooking.”

Para sa mga nagkukumpara, tila mas may red flag daw ang sagot ni Ryan Agoncillo kumpara sa green flag na si Erwan Heussaff kaya’t marami ang nagsasabing napakasuwerte ni Anne Curtis.

---

SAMANTALA, hinangaan din ng mga kasama sa media ang naging tugon naman ni Sue Ramirez sa direktang tanong kung handa ba siyang gawin sa tunay na buhay ang role niya sa upcoming movie niyang Project Baby (PB)?

Sa nasabing film kasi ay papel ng isang treintahin ang ginagampanan ni Sue na naghanap ng bubuntis sa kanya at aanakan siya nang walang string attached o commitment mula sa lalaking gagawa nito. 

Kumbaga, magiging ‘sperm donor’ lang ang lalaki dahil anak lang ang gusto niya.

Sagot ni Sue, “Sa totoong buhay ay treintahin na rin talaga ako. If and only anak lang talaga ang gugustuhin ko, yes po, I am willing to undergo such a thing. Ngayon naman kasi, marami nang paraan, both scientifically and the technology kung paanong magkaroon ng anak. And yes, marami na ring definition ang pagiging isang parent sa ngayon. Kung talagang wala o hindi ako makakahanap ng lalaki o asawa, ready na akong magkaanak sa ganu’ng paraan. Besides, talaga namang nararanasan ko na ring maging nanay sa mga pamangkin ko, Isa akong tita nanay sa tunay na buhay.”

Pero sinagot din nitong sa kasalukuyang estado nila ng real-life boyfriend niyang si Dominic Roque, nakikita raw niyang magiging isang mahusay at mabuting ama ang aktor.

“Yes naman, he is a daddy material. He can make a great dad,” susog pa ni Sue sabay hirit na kung kailangan na raw niyang mabuntis ay need na niyang kumilos at gumalaw-galaw.

Ang Project Baby ay isinulat ni Direk Joey Reyes under Regal Entertainment sa direksiyon ni Eric Quizon.

Ang leading man lang naman ni Sue sa movie ay ang rock icon na si Rico Blanco, na may eksenang ‘hubad kung hubad’ sa movie dahil siya nga ang nakuhang ‘donor’ ng karakter ni Sue na mag-fertilize sa kanya.

Kasama nila sa movie sina Alex Calleja, Matt Lozano, Arra San Agustin, Yasser Marta, Kimson Tan, Charut, Christian Ty, Drei Arias, Jonathan Perez, Jazzil Sarinas at ang napakaganda pa ring si Ms. Alice Dixon.

Showing ito ngayong June 10 sa lahat ng mga sinehan sa buong bansa.