Pati misis, damay, pakialamera raw… KALAT NA: NICO WAJE, SINIBAK SA GMA-7 DAHIL SA ATTITUDE PROBLEM

ni Ambet Nabus @Let's See | January 27, 2026

Photo: Circulated / Nico Waje

Inulan ng bashing ang dating GMA-7 reporter na si Nico Waje nang bigla itong bumalik sa socmed (social media) as a content creator. 

After kasing mawala sa Kapuso Network ang minsang nag-viral na news reporter, naging palaisipan sa marami kung bakit hindi na ito napapanood. 

May mga nag-Marites na diumano, kesyo nagkaroon ito ng problema sa kapwa news reporter. 

Mayroon ding tsismis na sinibak ito dahil sa attitude problem at kahit nga ang asawa nito ay nadamay pa sa isyu na kesyo ‘epal’ at pakialamera sa trabaho ng asawang reporter.

Sa ginawang pagpaparamdam sa socmed (social media) ni Nico, na minsang tinawag na ‘bagong heartthrob ng news reporting’, nakapagtatakang mas maraming negatibong reaksiyon ang ibinabato sa kanya ng mga netizens sa ngayon.

Nagsisisi kaya siya sa kanyang pagpaparamdam? 

Gaano naman kaya katotoo ang balitang ito raw ang papalit sa isang kontrobersiyal na male news reporter na sinibak kamakailan sa isang government-owned TV network?

---

SURE nang matutuloy ang action series na pagsasamahan nina Andrea Brillantes at Enrique Gil sa Kapatid Network na A Secret in Prague (ASIP), na teaser pa lang ang naipo-post ay pinag-usapan na.

Kamakailan kasi ay nagkaroon ng send-off sa kanila kasama ang iba pa nilang makakasama sa series na sina Cedrick Juan at Kim Domingo.

Pupunta sila ng Prague, Czech Republic dahil ‘yun nga ang sentro ng series, na ayon nga kay Atty. Ferdie Topacio (producer ng Spring in Prague movie) ay maraming very interesting stories na masarap lagyan ng Pinoy flavor.

At dahil may kani-kanya nang love partners ang mga bumibida rito, kyut pa rin daw itanong kung may chance kayang sumunod ang mga ito para makapagbakasyon man lang sila kapag may break?

Pero ayon naman sa isang taga-production na aming nakausap, hindi raw ‘yun imposible pero mayroon daw kasing pinirmahang agreement na kailangang tapusin ang mga dapat kunan para sa series bago ang mga kani-kanyang pribadong lakad.

‘Yun naman pala!

---

DAHIL naman sa mga posts ng family member ni Eldrew Yulo, tila sa kanila ngayon pumapabor ang madla. 

Mukhang ang mas sikat at super-yaman nilang kapatid na Olympic medalist na si Carlos Yulo at dyowa nitong blondina ang buhok ang sila ngayong ‘nakikisakay’ sa positibong reaksiyon ng madla.

Sa latest post kasi ng nanay nina Eldrew at Caloy, wala kang mababasang negative lalo’t tungkol ito sa loteng binili nila mula sa kinikitang pera ni Eldrew, na isa na ring mahusay na gymnast at pride ng bansa.

Tila raw sampal ito sa noo’y balitaktakan nina Caloy at nanay niya tungkol sa paghahanap ng una sa kanyang mga ‘ipinatagong’ pera.

Sa recent birthday celebration ni Eldrew kung saan masaya ngang kasama ng kanyang mga kapatid si Caloy at ang dyowa nitong blondina ang buhok ay tila mahihinuhang ‘nagkamabutihan’ na’t masaya na ang kanilang family. 

Pero ‘yun nga lang, dedma pa rin ang nanay ni Caloy na hindi ninyo makikita sa alinmang photos ng birthday fun.

Proof nga raw na wala pa sa huwisyong makipagbati ang ina sa yumabang na anak at dyowa nitong feeling asawa sa lahat ng kilos ng Olympic medalist.

BIANCA: MAS MAHAL MAGBAKASYON SA ‘PINAS KESA ABROAD

ni Ambet Nabus @Let's See | January 26, 2026

Photo: Bianca Gonzalez-Intal

Kahit kami ay sumasang-ayon sa obserbasyon ni Bianca Gonzales hinggil sa mas mahal na local tourism kesa mag-abroad.

Sa sarili rin naming experience, talagang nakakaloka na kahit dito pa nga lang sa mga ipinagmamalaking tourist spots sa Luzon (Baguio, Sagada, Zambales, Laguna, Tagaytay, Bicol, et. al.) ay mas lumalabas na mas magastos at mahal silang puntahan.

Nitong nagdaang two weeks lang after ng New Year ay halos malapit na sa isandaang libo ang nagastos namin sa three to four days na biyahe namin sa Bicol (to witness ‘yung dangerously beautiful Mayon Volcano eruption) at sa Baguio, with side trip sa La Union. 

Sa gas pa lang ng aming sasakyan, toll fees, etc., hindi ka mapa-proud bilang local tourist. Hahaha!

Sabi nga ng aming mga kaibigan na kamakailan lang ay nag-enjoy sa Vietnam at Thailand, “May sukli ka pa at keri mo pang mag-Hong Kong o Taiwan sa ganu’ng nagastos mo.”

Hay, reality bites!

---

“I think she won’t mind at all. Besides, alam na n’yang in any project she does in this biz (showbiz), dapat may laging intriga at iskandalong magamit sa promo,” pag-aanalisa ng mga tagahanga ni Lea Salonga.

Sa paglulunsad kasi ng tila bonggang musical project na pagbibidahan ng internationally-acclaimed artist kasama ng iba pang mga theater veterans gaya ni Rachelle Ann Go, nasentro ang promo sa ilang personal na usapin kay Lea.

Matagal na pala itong hiwalay sa mister at mas naging very open na ito sa pag-accept sa only daughter nila na isang transman at gaya niyang sa mundo ng teatro rin nahihilig.

Obserbasyon pa ng ilan, kahit masakit ang mga ganitong bagay ay tila tinatanggap na lang ni Lea bilang bahagi ng isang pangit na sistema sa pag-promote ng isang project.

“Ang importante, mapatunayan nilang may matino at bongga silang project. Might as well earn from it dahil ang mga Pinoy talaga ay parang mamamatay ‘pag ‘di haluan ng iskandalo at intriga ang promo ng isang show o project,” hirit pa ng mga mahilig sa kakaibang Maritesan.

Dagdag pa nila, “At least, nakita nila kung gaano ka-loving at supportive na mother si Lea sa anak nilang transman. Kesa pagpiyestahan pa, sa kanila na nanggaling ang kumpirmasyon at tamang kuwento. Kung mayroon pang gagawa ng tsismis about it, ‘di na nila concern ‘yun.”

---

“LOOK at Anne Curtis, napakasimple at straight n’yang sinopla ang nagbibida-bida tungkol sa latest movie project niya with Jericho (Rosales). Eh, ‘di ‘wag ninyong panoorin kung ayaw ninyo,” pag-quote pa ng mga supporters ni Anne.

Minsan daw talaga, dapat na sinosopla at sinasagot ng isang artista ang mga opinyon at tanong ng ‘bashers’, ayon sa kung paano nila ito sinabi o ginawa. 

Although may mga naniniwala pa ring nakakaapekto ito sa isang celebrity o project nila, kung may idea ka naman daw sa kung ano ang personalidad ng celebrity, alam mong ma-identify ang promo lang sa totoo.

Although, marami rin ang naniwala na nasa ‘mourning stage’ pa ang aktres-host dahil sa pagkawala ng kanyang ama recently kaya’t medyo may emotional stability issue pa raw ito sa ngayon. 

Kahit nga raw sa It’s Showtime (IS) ay tila madalas din itong ‘nagmamaasim’ sa mga spiels nito.

“Si Anne ang nakikita namin na very considerate at smart mag-express ng sarili. Pero nauunawaan namin s’ya. Wala namang masama sa sinabi n’ya o ginawa n’ya,” komento ng mga followers ni Anne Curtis.

Nasampulan ng Higop King… IVANA, HINIGOP NI JOSHUA SA HALIKAN NILA

ni Ambet Nabus @Let's See | January 21, 2026

Photo: Joshua Garcia at Ivana Alawi sa Love is Never Gone

Ay, marami rin ang nagsasabing kakaiba ring mag-confirm ng ‘kiss’ si Ivana Alawi.

Sa latest interview kasi rito ay tahasan nitong kinumpirma na ‘Higop King’ pagdating sa halikan ang mahusay at guwapong aktor na si Joshua Garcia.

May ginagawang project ang dalawa at isa nga ang halikan nila na bahagi ng kanilang mga roles.

Wala raw awareness si Ivana hinggil sa paraan ng pag-kiss ni Joshua na inamin niyang showbiz crush niya. Pero laking-gulat nga raw niya nang kunan na ang eksenang may kissing scenes sila ay napatunayan niyang totoo raw pala ang tsismis. Na ibang klaseng humalik si Joshua dahil higop kung higop daw ang ginagawa nito sa kahalikan.

Ang ending tuloy, hayan at marami na naman ang na-curious sa pagiging ‘hunk’ ni Joshua Garcia lalo’t isang Ivana Algawi na may sexy image ang nagkukuwento.

Kapag inggit, pikit. Hahaha!

---

Marami ang nagulat kung bakit mukhang nasentro kay dating Senador Bong Revilla ang usapin sa flood control.

Kusang sumuko sa awtoridad si Sen. Bong dahil sa mga naglabasang balita na mayroon na itong ‘warrant of arrest’ na anytime ay handang i-serve.

Ayon sa aming nakausap na malapit sa pamilya, walang balak tumakas o lumabas ng bansa ang aktor-pulitiko kaya’t hindi raw nila papatulan ang mga bashing hinggil sa hold departure order para rito at iba pang nega bashing.

“Binanggit lang ng isang taga-DPWH (Department of Public Works and Highways) ang name niya tungkol sa Bulacan flood control project, wala pang maayos na imbestigasyon, wala pang proseso and everything, pero kung paniniwalaan ninyo ‘yung mga naglalabasang balita, tila ba nahatulan na s’ya? S’ya na talaga ang isinesentro ng mga usapin? 

“Teka lang naman, ganito na ba talaga ang labanan sa gobyerno ngayon?” bahagi pa ng pagtatanong ng mga supporters ni Sen. Bong.

“Wala naman kaming tutol kung may basis at pinanggagalingan na proof at tamang imbestigasyon, pero naman, hello sa mga nasa posisyon at may iba pang mas higit na damay sa kaso, ano ang ginagawa sa kanila at bakit kay Sen. Bong ninyo tila isinisisi, ibinibintang at s’ya lang itong nais ninyong papanagutin?” dagdag pa nila.

---

Obyus na ‘di nawala ang love sa isa't isa…

MARK ANTHONY, KILIG NA KILIG SA PAGBATI NI CLAUDINE

BUHAY na buhay ang mga fans nina Claudine Barretto at Mark Anthony Fernandez dahil sa kilig na kanilang na-feel nang dahil sa birthday greetings ni Clau sa first love niya.

Winner na winner naman kasi ang ginawang pagbati nito kung saan inilarawan pa niyang hindi niya makakalimutan si Mark bilang nagbigay ng maraming first sa kanya, including some heartaches…

Pero dahil sa magandang pagkakasalansan ni Clau ng mga salita para sa dating ka-love team at first love, marami ang kinilig at umaasang sana nga raw ay magkaroon ng bagong chapter ang love affair nila.

Sa nabalitaan naman naming reaksiyon ni Mark, tila kilig na kilig pa rin ito sa pagbati ni Claudine. 

Magkasama ang dalawa sa Totoy Bato (TB) series sa TV5 at kung nasusubaybayan nga raw ninyo ang madalas nilang hirit sa mga vlogs at Tiktok, masasabi mo ngang hindi nawala ang pag-ibig nila sa isa’t isa.

First love never dies daw talaga sa kanila.