Mabenta hanggang abroad… SEXBOMB, MAS DUMAMI ANG SHOWS DAHIL KAY ALVIN

ni Ambet Nabus @Let's See | February 20, 2026

Photo: Rochelle Pangilinan

O, hayan na, kahit ang mga big superstars gaya nina Vice Ganda at Dingdong Dantes ay tila hindi na rin nakatiis mag-react sa sinasabing very outrageous at self-righteous remarks o stance ni Alvin Aragon.

Marami tuloy ang napapa-“Da who?” sa name ng dating StarStruck star na kinalampag ang showbiz dahil ‘sinabayan’ nito ang bagong fame ng Sexbomb Girls.

Ang balita nga namin, kung dati-rati ay sa Australia at Dubai lang napabalitang may nagkainteres na ipag-produce ng shows ang grupo, aba’y nabuhay na rin daw ang interes ng USA, Canada at iba pang lugar na ngayo’y muling nakakilala sa Sexbomb. 

At yes, may tsika ring posibleng maimbita ang mga ‘anak’ ng mga miyembro ng grupo gaya ni Sofia Trazona para makibahagi sa show.

Hmmm… May dapat kaya silang ipagpasalamat sa ingay na nalikha ng mga pahayag ni Alvin? 

Magdarasal kaya uli sila para makasali na si Sexbomb Izzy Trazona? 

O ‘di ba, kahit nga raw si Sexbomb Jopay Paguia ay napabalitang kumonsulta muna sa mga pastor na kaibigan bago siya bumalik at sumama uli sa grupo?

Gimik o what, sure na may mga kumita…

---

NASA Top 10 pa rin hanggang ngayon ang Everybody Knows Juan (EK) sa Netflix.

Ito ang first directorial movie ni Alessandra de Rossi, na isa rin sa mga bida kasama ang mga award-winning actors na sina Joel Torre, Gina Alajar, Edu Manzano, Ronnie Lazaro, Ruby Ruiz, Angeli Bayani, JM de Guzman at Kelvin Miranda.

Napanood na namin ito at wala ka talagang itulak-kabigin sa performances ng mga naturang bida. 

Kahit nga ang mga nag-cameo rito na sina Jaime Fabregas, Empoy Marquez, Jerald Napoles at Kim Molina ay nag-shine rin sa kanilang mga roles. 

Although voice lang ni Liza Lorena ang maririnig, iba rin ang angas nito sa kabuuan ng movie.

Pero ang hahangaan mo talaga ay si Kelvin bilang hardinero ng pamilya. Hindi mo makikita ang tension o pressure niya sa mga kaeksenang puro de-kalibre. Napakagaling din!

‘Arrived’ na talaga ang GMA Sparkle artist. Must-watch ang nasabing pelikula dahil very relatable ang story, all cast superb ang acting skills, and yes, Kelvin here is such a revelation.

Samantala, abangan gabi-gabi si Kelvin Miranda bilang Adamus sa Encantadia Chronicles: Sang’gre (ECS) sa GMA Prime.

---

Sharon at Bea, matapos iurong ang demanda…

CRISTY, ABSUWELTO SA KASO VS. DOMINIC

NA-ACQUIT si ‘Nay Cristy Fermin sa kasong cyber libel na isinampa laban sa kanya ni Dominic Roque noong 2024.

Batay sa inilabas na desisyon ng Office of the City Prosecutor of Pasig City noong February 18, si Presiding Judge Manuel Gerard C. Tomacruz ay nagsabing walang sapat na basehan at hindi na-establish beyond a reasonable doubt ang veracity ng subject statements na ginawa ni ‘Nay Cristy. Ni hindi rin napatunayang ang mga ito ay false o made with reckless disregard.

Sey ni ‘Nay Cristy, “Maraming salamat lang ang puwede kong ibalik sa matinding suporta, tiwala at pagmamahal. Awa ng Diyos, tapos na. Wala na, tapos na lahat. Maraming salamat sa walang kuwestiyong tiwala, suporta at pagmamahal.”

Ito na ang ikalawang tagumpay ni ‘Nay Cristy ngayong 2026 sa mga kasong kinaharap niya. 

Nauna na riyan ang pag-urong ng kaso ni Bea Alonzo at ito ngang pagka-acquit niya sa kasong isinampa ni Dominic Roque.

Noong nakaraang taon, ang kasong isinampa nina Megastar Sharon Cuneta at Sen. Kiko Pangilinan ay iniurong din.

Mabuhay po!

Obyus din daw ang yabang… ALVIN, KINOKONTROL DAW SI IZZY, FANS TURNED-OFF

ni Ambet Nabus @Let's See | February 17, 2026

Photo: IG _izzytrazona_aragon

“That’s their belief. Their own comprehension of their religion. Basta ‘wag lang maging pushy o conventional na sila lang ‘yung tama at maliligtas, okey na ‘yun,” reaction ng mga Sexbomb fans na na-turn-off nga raw sa mga pahayag ni Alvin Aragon, ang asawa ngayon ni Sexbomb Izzy Trazona.

Matapos kasing lumabas ang feature story ng mga ‘batang pinalaki’ ng Sexbomb sa Kapuso Mo, Jessica Soho (KMJS) show, nagkaroon din ng tila debate sa first-born ni Izzy na isa ngang transwoman at sa relasyon nito sa nanay niya.

Si Alvin kasi ang itinuturong rason kung bakit humiwalay na raw sa mama niya si Sofia (dating Andrei). Putok pa rin ‘yung pagbibintang na very controlling umano ang dating aktor at sobra nga raw nitong ginagamit ang new-found faith and religious practice nila sa mga usapin sa showbiz, etc..

Kahit sa naging pagpapa-interview nito sa show ni Kuya Boy Abunda ay pinintasan at hinanapan ng butas ng netizen ang tila mga mannerisms nito at tila ‘kayabangan’ umano at pagiging outrageous kung kaya’t nakokontrol nito ang dating sikat na Sexbomb member.

Well, nagsalita na si Alvin na mismong si Izzy ang naka-discover kay God at sumunod lang ito sa utos nitong maging ‘mangingisda’ ng mga taong naniniwala sa Diyos, kaya’t tinalikuran na nito ang showbiz.

‘Yun nga lang, nang dahil sa minsang pagpapakita ni Izzy na tila Born Again siya nang sumikat muli ang grupong Sexbomb (na soon ay dadayo sa iba’t ibang bansa for shows), ‘yun nga at hindi rin nila naiwasan ang maintriga at paratangan sila ng kung anu-ano.

---

TAWANG-TAWA naman kami (though na-worry) sa ipinapanood sa aming podcast reel kung saan guest sina Direk Andoy Ranay, ang baby Elijah Canlas namin at si Romnick Sarmenta. 

Obviously, para yata iyon sa promo ng stage play version ng highly-acclaimed movie nilang About Us But Not About Us (AUBNAU).

Hindi namin alam kung si Direk Andoy ang direktor ng stage version pero naloka kami sa naging sharing nila ng ilang stories about their previous projects.

Sa pa-blind item kuwento ni Elijah, natawa kami sa naging co-star niyang ‘bida-bida’ na gusto raw lagyan ng eksenang tuturuan siyang manigarilyo kahit wala naman ito sa script at ang karakter niya sa series ay isang minor pa.

Nang ini-refer nga raw niya kay Direk Andoy na siyang direktor nu’ng series, hinayaan lang ito ni direk dahil sey nito, “Okey lang, ‘di ko naman s’ya binigyan ng close-up shot.”

Bongga ang timing ng delivery ng kuwento ni Elijah, matatawa ka talaga. Ganoon siya kanatural na aktor. 

Pero nag-worry kami nang si Direk Andoy na ‘yung nagkuwento dahil may kinalaman na nga sa mga naging artista niya na ‘produkto’ lamang ng hype at studio system pero ginawang bida o major part ng series.

Although pa-blind item niya itong ginawa, lumabas pa ring ‘off’ sa mga nakapanood dahil siya nga naman ang direktor ng series. 

Mas katanggap-tanggap pa raw kung pinangalanan na lang niya, kesa ginawang katatawanan sa tsismisan.

Iba kasi kapag ang direktor na ang nagtsitsismis, ‘noh! Tama ba kami Mareng Ateng Janiz at mga Ka-BULGAR? (Kung pinangalanan niya, malamang, that’s the end of his career na. Hahaha!)

---

MARAMI naman ang naniniwala na mukhang naapektuhan umano si Pareng Ogie Alcasid sa mga bashing ng mga Rufa Mae Quinto supporters sa Your Face Sounds Familiar (YFSF) show.

Talagang ‘one point’ lang ang ibinigay nitong score kay Rufa Mae na ayon sa mga fans nito ay nagtagumpay na maging seryoso sa pagkanta at iparinig ang maganda nitong boses pala via Kitchie Nadal song/impersonation.

“She deserves a higher score,” sigaw ng mga fans ni Rufa Mae. 

Pero mukhang may something din daw yata sa naging pagbibigay ng scores ng dalawa pang judges na sina Sharon Cuneta at Gary Valenciano, dahil ultimo raw ang laging consistent na magaling (at ilang beses nang naging winners) na tandem nina Marielle Montellano at JM dela Cerna ay binigyan din ng second lowest score.

Again, show po ‘yan at may karapatan ang mga judges na magbigay ng low o high score sa gusto nilang performers. 

Kung naapektuhan sila ng bashing, ‘yun na!

Pulutan sa family gatherings kaya no show lagi… IZZY AT MGA KAMAG-ANAK, ‘DI TANGGAP ANG ANAK NIYANG BADING

ni Ambet Nabus @Let's See | February 11, 2026

Photo: Izzy at Sofia Trazona - FB

May nakapagtsika sa amin na isa pala sa mga rason kung bakit hindi na ganoon ka-excited si Sexbomb Izzy sa mga reunion-reunion ek-ek ng nasabing grupo ay dahil sa personal na dahilan. 

Although lumabas nitong huling concert ng Sexbomb si Izzy, sa ‘singing portion’ lang daw ito sumali at never nagsayaw.

May kinalaman nga raw kasi ang transman nitong anak, na very active sa socmed (social media) lalo’t sa LGBTQIA+ community o mga chat groups.

May isyu kasing hindi umano tanggap ni Sexbomb Izzy at mga kaanak nito ang anak sa ganoong preference, plus may usapin pa raw sa kanilang relihiyon.

Sa nabasa naman naming post ng anak nitong may gamit na name na Sofia ‘Andrei’ Trazona, kaya raw pala hindi ito dumadalo sa mga family gatherings nila ay dahil laging siya ang sentro ng usapan at intriga. Hindi niya raw kaya pang saktan ang damdamin ng ina. Hindi na rin daw sila nagkikita ng mama niya. 

Sa huli, sinabi pa niyang ‘acceptance’ lang naman daw ang nais niya.

Nakakalungkot, pero totoo po na napakahirap ng nasa ganitong sitwasyon.

---

“WHETHER she admits it or not, nagpagamit at ginamit din n’ya for publicity,” reaksiyon ng netizen sa naging pagsagot ni Anne Curtis sa lumang isyu nu’ng 2013 kung saan humirit siya ng “I can buy you, your friends and this place!”

Sa mga nakakaalala pa, ito ay isang insidente sa isang Makati bar kung saan nga nakainitan diumano ni Anne si Phoemela Baranda and her friends, na may John Lloyd Cruz pa on the side.

Ngayong 2026, gamit na gamit ang insidente dahil may ipino-promote na movie si Anne kasama si Jericho Rosales.

Nag-iba na ang narrative ng istorya. Kahit si Phoemela ay may iba na ring sinasabi. 

Pero bongga si Anne Curtis dahil ‘inako’ na niya ang iconic lines na never naman daw pala niyang sinabi at all. Pero dahil naging markado nga’t inia-associate ito sa kanya, might as well ‘akuin’ na nga lang.

Well, anything for publicity and promo talaga, ‘noh? Sana nga lang ay makatulong iyon lalo’t nagawan pala ng paraan na pababain ang presyo ng sine.

---

MAPAPANOOD na rin pala sa Netflix ang latest TV series ni Papa Dingdong Dantes sa GMA-7.

Inilabas ng Netflix ang line-up ng mga programang dapat abangan sa streaming platform, at kabilang dito ang pinakahinihintay na pagbabalik-serye ni Kapuso Primetime King Dingdong Dantes, ang The Master Cutter (TMC). 

Sey ng ilang netizens, “Nakaka-excite dahil alam mong kalidad ang mga projects ng isang Dingdong Dantes.”

Gaganap dito si Dingdong bilang isang sastre na may kakaibang misyon, na talaga namang inaabangan ng maraming fans. 

Noong huli naming makatsika si Papa Dong ay ikinuwento nitong may mga pag-aaral siyang ginagawa tungkol sa mga mananahi. Kahit daw iyong paghawak ng sinulid at karayom ay pinag-aaralan niya lalo’t may mahalaga itong papel sa mga action scenes na kanyang gagawin sa series.

Muling makakatrabaho ni Dingdong Dantes sa serye ang direktor na si Dominic Zapata, at makakasama niya rito sina Max Collins, Sienna Stevens, Shuvee Etrata, at Jo Berry. 

Mapapanood ito simula ngayong Abril sa GMA Prime.