Isama pa lahat ng trophies, pang-museum na! VILMA, 15 NA ANG AWARDS SA FAMAS

ni Ambet Nabus @Let's See | August 24, 2025

Photo: Vilma Santos-Recto at Nadine Lustre - IG

Sa bonggang speech ni Star for All Seasons Vilma Santos, grabe ang pasasalamat niya sa FAMAS na nagkaloob sa kanya ng napakaraming mga karangalan through the years.

Una siyang naging Best Child Performer dito noong 1963 para sa Trudis Liit hanggang sa first Best Actress niya in 1972, may kabuuang 15 (yes, 15) FAMAS recognition at parangal na ang ibinigay sa kanya ng oldest award-giving body ng bansa.

Lima bilang Best Actress na nagluklok sa kanya sa Hall of Fame, 4 as Circle of Excellence Award, may Lifetime Achievement Award, FAMAS Presidential Award, Exemplary Achievement Award, Best Producer at Best Picture 1978 (Pagputi ng Uwak, Pag-itim ng Tagak) noong aktibo pa ang kanyang VS Films (Vilma Santos Films outfit).

Nakakaloka namang tunay kung bibilangin talaga natin sa dami. Hahaha!

Basta noong huling naglista kami, mga Ka-BULGAR at kapwa-Vilmates, sa showbiz pa lang ay umabot na sa mahigit isandaan (100 plus) na acting, box-office at honorary awards ang nakuha niya mula sa FAMAS, URIAN, FAP (LUNA), CMMA, PMPC STAR Awards, Metro Manila Film Festival (MMFF), Manila International Film Festival (MIFF), Quezon City Festival, Guillermo Mendoza Box-Office Awards, EDDYs, Golden Screen Awards, Young Critics, ilang international festivals abroad at iba pang mga minor award-giving groups for TV and multimedia societies, galing sa academic institutions at mga critics groups. Whewww!

Kung isasali pa natin ang mga awards niya from Malacañang, civic society at iba pa for her government service since naging mayor, governor at congresswoman siya, naku po, dapat na talagang ilagay sa museum sa dami. Hahahaha!

Anyway, here’s congratulating again Ate Vi at ang Mentorque Productions na sa aming palagay ay muling magko-collab for another exciting movie event in the near future, lalo pa nga’t super active si Ate Vi sa pagtulong sa pagpo-promote sa kanyang adbokasiya sa film industry at mga workers dito gaya ng pagtulong niya sa AKTOR, Mowelfund, Film Academy at iba pang sangay para sa mga manggagawa ng industriya, kasama na ang mga organisasyon sa entertainment media.

---

Juday, humakot ng special awards… 

VICE AT ARJO, TIE NA BEST ACTOR, MARIAN BEST ACTRESS SA 73RD FAMAS

Sa katatapos lang na 73rd FAMAS Awards rites, nagwagi sa major categories sina Vice Ganda at Arjo Atayde (tie) as Best Actor, Marian Rivera (Best Actress), Jeric Raval (Supporting Actor) at Nadine Lustre (Supporting Actress).

Nakuha naman ng Alipato at Muog (AAM) movie ang Best Picture at Director (JL Burgos) awards, habang Best Screenplay ang Green Bones (GB). 

Tatlo pang awards ang nakuha ng Mamay movie bukod sa acting award ni Jeric Raval, namely: Production Design, Cinematography at Musical Score. 

Nakuha ng Topakk movie ang Best Sound award.

Big winner din ang Uninvited dahil nakuha nito ang Supporting Actress for Nadine, ang Best Original Song, Producer of the Year for Mentorque at ang Circle of Excellence Award for Vilma Santos.

Maraming mga special awards na ipinagkaloob lalo na kay Judy Ann Santos na tumanggap ng Nora Aunor Superstar award at isa sa mga Child Icon awardees kasama nina Ice Seguerra, Gladys Reyes, Niño Muhlach, Ian Veneracion at Matet de Leon. 

Kay Juday din ipinagkaloob ang Star of the Night, kaya nag-conclude na talaga ang mga nasa Manila Hotel na hindi nito makukuha ang Best Actress. 

Sey nga ng katabi namin, “Naku, binigyan na ng marami para ‘wag nang umasa sa Best Actress.”

Ang mga babies naming sina Atasha at Andres Muhlach naman ang nabigyan ng German Moreno Youth Achievement award, habang ang PEP ang ginawaran ng Dr. Jose Perez Memorial Award for Journalism.

Nakakatuwang may FPJ Bida at Kontrabida award na ibinigay respectively kina Manny Pacquiao at Dindo Arroyo.

Si Lorna Tolentino naman ang nabigyan ng Susan Roces Celebrity award habang Bida sa Takilya award naman si Kathryn Bernardo.

May iba pang nakakatuwang ‘special award’ na ipinagkaloob pero hindi na namin matandaan. Hahaha!

Congratulations sa lahat ng winners!

---

SAGLIT naman naming nakabatian si Meme Vice Ganda dahil magkakatabi nga sila sa table kasama sina Ate Vi, Direk Dan Villegas, Direk Jun Lana, friend Perci Intalan, Nadine Lustre, at Bryan Diamante.

Mula kasi sa pagsundo namin kay Ate Vi sa hotel room nila kasama ang tropa nina kapatid Pipo at Lyn (Cruz), umaatikabong tsismisan na ng mga kung sinu-sino ang nasa loob ng Fiesta Pavilion ng Manila Hotel ang usapan namin. Hahaha!

Kaya nang ihatid namin sina Ate Vi sa table kung nasaan din sina Vice, talagang nagmistulang reunion uli ang ganap.

Maaliwalas ang awra ni Meme at bago pa man siya tinanghal na Best Actor, masigla itong nakipagtsismisan kina Ate Vi and the rest sa table nila (nasa bandang likod lang kami malapit naman sa table nina Marian Rivera).

Naririnig pa namin ang tsikahan nilang tatlo nina Ate Vi at Nadine, na ‘tunay na Barbie doll’ kung tawagin nila sa huntahan.

Bago pa man natapos ang ceremony ay sumabay na kaming lumabas kina Ate Vi dahil hindi nga namin mahindian ang imbitasyon ng kaibigang Joey Lina (Manila Hotel President) para sa madaliang coffee chat sa lobby.

Sandali pa lang kaming nakakaupo nang magkagulo na ang mga tao sa lobby dahil papalabas na pala si Meme Vice.

Napadaan ito sa amin at nang tawagin ng kanyang assistant ang name namin, huminto ito mereseng pinagkakaguluhan siya ng iba. Nilapitan namin siya at nakipag-beso uli, sabay pa-picture at sinabi nito sa amin, “Uy, mag-iskedyul din tayo. Usap din tayo soon.”

“Sure, sige, iskedyul natin ‘yan, Meme,” ganting tugon ko naman sabay pag-congratulate uli sa kanyang panalo.

Binayaran daw ng mag-asawang Discaya para sa interview… KORINA: POST NI MAYOR VICO, MALICIOUS AT LIBELOUS

ni Ambet Nabus @Let's See | August 23, 2025

Photo: Korina Interviews / Circulated

Matindi rin ang public opinion hinggil sa naging reaksiyon ni Ateng Korina Sanchez at programa niyang Korina Interviews (KI) sa viral post ni Pasig City Mayor Vico Sotto.

Kaugnay nga ito sa tila pasaring ng magaling na mayor sa diumano’y ‘paid interviews’ (kasama rin kasi ang programa naman ni Julius Babao na Unplugged) sa mag-asawang Curlee at Sarah Discaya.

Mga prominenteng pangalan ang mag-asawa hindi lang dahil nakalaban ni Mayor Vico sa Pasig last elections si Sarah, kundi dahil sa koneksiyon ng mga ito sa construction business at mga kontrata sa gobyerno na ngayo’y mainit na usapin sa buong bansa.

Anyway, kahit wala namang pinangalanan si Mayor Vico, pero ‘yung sa mga posts na ginamit ay nandu’n sina Julius at Korina sa magkahiwalay nilang mga programa at petsa ng interview.

Ang latest na nasagap namin ay baka raw mauwi sa legal na usapin ang naturang post ni Mayor Vico dahil para kay Ateng Korina at nagpapatakbo ng kanyang programa, ‘malicious at libelous’ ang nilalaman ng post ng Pasig mayor.

Aabangan natin ‘yan!

---

Binago na ng Film Development Council of the Philippines (FDCP) ang layout ng kanilang promo material ng Ikaw ay Akin (IAA), ang 1978 classic film na ipapalabas sa opening ceremony ng Filipino Film Industry Month ng FDCP na may temang Pelikula at Pilipina.

Sa malakas na panawagan ng mga kapwa-Vilmanians, kinuyog talaga namin ang opisina ni FDCP Chair at CEO Joey Reyes sa maling pagtrato nila kay Star for All Seasons Vilma Santos sa usaping billing at pagbibigay-importansiya sa body of work at legacy ni Ate Vi sa showbiz.

Although magkakapareho na ng font at sukat ang mga names nina Ate Vi at Nora Aunor at mas inuna na ang name ni Ate Vi sa leading man nilang si Christopher de Leon, may prominence pa rin si Nora. Mayroon siyang mas malaking picture at sa itaas pa rin ito inilagay habang nasa ibaba si Ate Vi. Plus, naka-highlight ang National Artist title nito. 

No question sa ginawa nila sa direktor ng movie na si Ishmael Bernal dahil nararapat sa kanya ang ganu’ng paggalang.

Again, inirerespeto namin ‘yun. Pero kung nag-iimbita ang FDCP ng mga Vilmanians na sobrang active pa rin sa mga panahong ito at proven na ang support sa bawat event na may VILMA (sad to say, hindi namin ito masasabi sa mga Nora movies na may record ngang first screening last day sa mga sinehan since the ‘90s until nitong mga huling years niya sa mundo), puwes nagkakamali ang grupo ni Direk Joey Reyes. Hindi kami magpapagamit para sa success ng inyong event dahil sa obvious namang gusto lang ninyo ng clout o ingay at the expense of Ate Vi.

At sa very lame ergo stupid excuse na nakuha namin na diumano’y hindi nakarating at inaprubahan ng office ni Direk Joey ang naturang pagkakamali sa poster material, sey ng mga Vilmates, “Tell that to the marines. Utuin ninyo ang maloloko ninyo. Imbes na mag-apologize kayo at ibigay ang due respect at tamang importansiya, kayo ang nagpapasimula ng gulo.”

Sa mga panahong ito, need talaga na may nagsasalita at nagpapakita ng puwersa sa mga gawaing inaakala ng maraming nasa posisyon na kaya nilang mang-uto.

Sey nga ng mga colloquial na Gen Z, “Don’t us. ‘Wag kami, uy!!!”

---

HALA, marami naman ang nagsasapantaha na si Heaven Peralejo nga marahil ang tinutukoy na ‘she’ ni Diego Loyzaga sa reply post nito kay Marco Gallo.

Sa makahulugang post ni Marco, may sinabi itong, “Strength isn’t about the goal. It’s about showing up. That’s the real superpower.”

Tungkol nga iyon sa pagpapaunlad ng kanyang physical being (via weights) kung saan niya raw natatagpuan ang tunay na kasiyahan, maging patient, consistent at mapaligiran ng mga taong naniniwala sa kanyang journey.

May emote pa ito na noong bata pa siya ay nagsusuot na siya ng Spider Man suit at dito lang niya naramdaman ang hatid nitong power. 

Malalim at makahulugan. Sinagot nga ito ni Diego ng “Nope. 100% she only cared when the abs were there and cared about 10 other guys when they weren’t (laughing emoji).”

Tila may nais iparating si Marco sa kung kanino man dahil sa post niya. Mas naging malinaw lang sa mga netizens na may pinatutungkulan ito dahil naman sa reaksiyon ni Diego na tinawag ding ‘pakialamero’ na wagas din daw magkomento. 

“Feeling naman n’ya ay wala s’yang mga naging isyu sa mga nakarelasyon n’ya,” hirit pa ng netizen.

Magre-react pa kaya si Heaven Peralejo?

Bagong endorser ng McDo… HEART, DAMAY SA GALIT NG MGA DDS KAY VICE

ni Ambet Nabus @Let's See | August 20, 2025

Photo: Heart Evangelista - IG

“Ibang service naman o product,” ang seryosong sagot ng napagtanungan namin hinggil sa pagiging endorser ni Heart Evangelista ng isang food chain na ine-endorse pa rin ni Vice Ganda.

Marami kasi ang nag-aakala na pinalitan na ni Heart si Vice after ngang magkaroon ng mga negative na impression sa TV host-comedian sanhi ng pagiging matalas ng dila nito sa kanyang concert.

Bukod pa riyan ang mga naging panawagan na i-boycott ang naturang food chain ng ilang grupong naniniwalang nag-overboard ang host-comedian sa kanyang mga kuda, pagpapasaring at paggamit ng mga names ng mga celebrities o personalities sa kanyang comedy act.

“Perfect timing naman kasi ang paglabas ng mga ads ni Heart kaugnay ng food chain. Masyadong perfect ang marketing campaign sa isyu ni Vice,” sey pa ng ilang netizens.

Although may kaugnayan sa isang app na dapat i-subscribe ng mga patrons ng food chain ang ine-endorse ni Heart, para pa rin daw sa utak ng mga ayaw pauto, “Still the fact remains, endorser pa rin nila si Vice at hindi pa namin s’ya kayang tanggapin.”

Aguy! Puwede ba nating sabihin na kawawa naman si Heart Evangelista dahil tila sa kanya nabunton ang inis ng iba o mga kontra sa isang Vice Ganda?

---

Pinaamin noon ni Maine kung may feelings din sa kanya… “HINDI PUWEDENG SABIHIN DAHIL BAKA MAWALA ANG MAGIC” – ALDEN

Sa naging pag-amin ni Maine Mendoza hinggil sa direkta niyang pagtatanong kay Alden Richards ng kanyang pagmamahal during their AlDub (Alden at Yaya Dub) days, marami tuloy ang tila pinagtatawanan ang aktor sa naging sagot nito.

“Hindi puwedeng sabihin dahil baka mawala ang magic,” or words to that effect ang umano’y sagot ni Alden sa tanong kung ano nga ba ang nararamdaman nito kay Maine.

Marami tuloy ang nagtatanong at natatawa ngayon kay Alden kung ano’ng magic ba ang kanyang pinagsasabi sa simple lang naman na tanong tungkol sa emosyon?

Sey ng mga netizens, “It was a basic question about feelings? About his reaction sa pagiging

babae ni Maine. Ano’ng kinalaman ng magic? Kahit kailan talaga, hindi naging totoo sa feelings n’ya ‘yang si Alden. Just look at his involvement sa ibang mga babae. Hay, naku! ‘Wag kami, Alden.”

Wala naman sigurong masamang intensiyon si Maine sa naging rebelasyon niya sa tinutukoy niyang roller coaster ride ng naging samahan nila during AlDub days nila.

Past is past, ‘ika nga, pero may mga ganito ngang kuwento na tila nagpapatibay sa mga naging impresyon ng tao at classic example na nga rito si Alden Richards.

---

Sa ipinalabas na lumang interview video sa Fast Talk (FT) ni Kuya Boy Abunda tungkol sa naging pag-amin noong March 2023 pa ng hiwalayan nina Liza Soberano at Enrique Gil, mapupuri natin ang programa sa pagiging disente nitong pagbigyan ang request ng aktres.

After watching it at kung ikokonek ito sa naging rebelasyon ni Liza ngayong August 2025 podcast interview niya, very consistent naman ang mga isyu ng hiwalayan at iba pang kaugnay na kuwento rito.

Ayaw naming sabihin na nagpapa-victim si Liza dahil hindi biro ang dumaan at alalahanin ang childhood trauma, kaya marahil bilang isang babae, ay nag-iba nga ang pananaw ni Liza sa buhay, karir at pag-ibig.

Basta kami, pinupuri namin ang programa ni Kuya Boy sa pagbibigay-halaga sa pakiusap ng isang tao, gaya na rin ng naranasan naming pakiusap din sa amin ng mga taong nagmamalasakit sa LizQuen (Liza at Enrique) during those times.

At sa napanood namin kay Liza, kapuri-puri rin ang pagbibigay niya ng halaga kay Enrique dahil kung wala nga raw ito ay wala rin siya. 

Kasabay pa riyan ang paghingi niya ng patawad at pasasalamat dito, sa kanyang mga fans-supporters at sa mga taong kanilang nakasama.

Sa latest posts ni Liza ay patuloy siyang nagpapasalamat sa magagandang salita at feedback na ibinahagi sa kanya ng mga nakapanood sa last podcast niya. 

Asahan daw natin ang mga susunod pang sharing lalo’t tila may adbokasiya na siyang ipinaglalaban, ang mga gaya niyang nakaranas ng pagmamaltrato at exploitation.