Dear Chief Acosta, Magandang araw! Nais kong malaman kung gaano na katagal ang bisa ng bagong pasaporte ng Pilipinas? — Elaine
Dear Elaine, Para sa inyong kaalaman, ang inyong katanungan ay binigyang-linaw ng Section 1 ng Republic Act No. 8239 o mas kilala sa tawag na “Philippine Passport Act of 1996” na inamyendahan ng Republic Act No.10928 at ng Implementing Rules and Regulations (IRR) nito kung saan nakasaad na:
“Section 1. Section 10 of Republic Act No. 8239, otherwise known as the “Philippine Passport Act of 1996” is hereby amended to read as follows:
SEC. 10. Validity – Regular passports issued under this Act shall be valid for a period of ten (10) years: Provided, however, That for individuals under eighteen (18) years of age, only a passport with five (5)-year validity shall be issued: Provided, further, That the issuing authority may limit the period of validity to less than ten (10) years, whenever in the national economic interest or political stability of the country such restriction if necessary: Provided, finally, That a new passport may be issued to replace one which validity has expired, the old passport being returned to the holder after cancellation.” (Binigyang-diin)
Samakatwid, ang mga bagong pasaporte ay may bisa na 10 taon. Gayunman, ang mga indibidwal na wala pang 18 taong gulang ay bibigyan ng pasaporte na may bisa lamang ng limang taon. Bukod dito, ang bisa ng pasaporte ay maaaring limitahan sa mas mababa pa sa sampung (10) taon sa tuwing kakailanganin ito ng pambansang interes sa ekonomiya o katatagan ng politika ng bansa.
Nawa ay nasagot namin ang inyong katanungan. Nais naming ipaalala sa inyo na ang opinyong ito ay nakabase sa inyong mga naisalaysay sa inyong liham at sa pagkakaintindi namin dito. Maaaring maiba ang opinyon kung mayroong karagdagang impormasyong ibibigay. Mas mainam kung personal kayong sasangguni sa abogado.
Maraming salamat sa patuloy ninyong pagtitiwala.