ni Twincle Esquierdo | September 24, 2020
Nagpatupad muli ng liquor ban at curfew ang Zamboanga del Norte simula nitong Setyembre 23 hanggang 30, matapos kumpirmahin ng Inter-Agency Task Force na may 2 kaso ng local transmission ng COVID-19 sa lungsod ng Dipolog at Dapitan.
Kinilala ang unang pasyente na Patient #46, 90-anyos na lalaki mula sa Dipolog na agad namang dinala sa Zamboanga del Norte Medical Center matapos makaramdam ng ubo, sipon at hirap sa paghinga at meron din itong co-morbidity sa hypertension at namatay noong Setyembre 22 dahil sa chronic obstructive pulmonary disease.
Ang pangalawa naman ay si Patient #47, 70-anyos na babae mula sa Dapitan na dinala sa ZNMC at nakaranas ng diarrhea, sore throat, ubo, sipon, pananakit ng katawan at hirap sa paghinga na kasalukuyan pang ginagamot.
Ayon sa hepe ng provincial IATF incident office na si Joey Bernad, ibinalik nila ang liquor ban at curfew upang mapigilan ang paggalaw ng mga tao at maiwasan ang pagkalat ng sakit.
“We are making amendments of the Executive Order that will now declare it banning liquor from now until September 30th, meaning to say, between September 23 until September 30, there will be a liquor ban province-wide. We are also imposing again the strict compliance of the curfew for 21 years and below, our curfew hours is from 6:00 p.m. – 6:00 a.m. And for the adults, our curfew is 10:00 p.m. – 4:00 a.m. This is so we can control any movement and the possible spreading of the disease." sabi ni Bernad.
Nagsagawa na rin ng contact tracing ang pamahalaang lungsod sa mga nakasalamuha ng mga nagpositibo sa COVID-19.