ni Thea Janica Teh | September 27, 2020
Bubuksan na ng Metropolitan Manila Development Authority (MMDA) simula bukas, Setyembre 28, ang dalawa pang Pasig River ferry stations.
Maaari nang sumakay sa istasyon ng Hulo, Mandaluyong at Sta. Ana, Manila ang mga authorized outside residence (APOR), ayon sa MMDA.
Ngunit ayon sa ahensiya, tanging ang mga APOR lamang ang papayagang makasakay nang libre sa ferry sa ilalim ng general community quarantine.
Samantala, mananatiling bukas ang mga ferry stations sa Pinagbuhatan San Joaquin sa Pasig; Guadalupe at Valenzuela sa Makati at Lawton at Escolta sa Maynila.
Pinaalalahanan ng MMDA na kinakailangang magsuot ng face mask at face shield ang mga pasahero. Bago sumakay ay kukuhanan din muna ng temperature ang mga ito at sasagot ng form para sa contact tracing.
Ayon pa sa MMDA, tanging may edad na 21-59 lamang ang maaaring sumakay.