PCG, hinarang ng China Coast Guard sa paghuli sa pinaghihinalaang dynamite fisher

by BRT @News | October 5, 2026

Photo: PCG

Hinarang umano ng isang barko ng China Coast Guard ang mga tauhan ng Philippine Coast Guard (PCG) habang hinahabol nila ang isang banyagang bangkang pinaghihinalaang nagsasagawa ng dynamite fishing malapit sa Pag-asa Island.

Ayon sa PCG, umabot sa halos 10 yarda ang layo ng Chinese vessel sa kanilang bangka habang sinusundan nila ang pinaghihinalaang illegal fishing vessel.

Napilitan ang mga Pilipinong awtoridad na itigil ang paghabol at bumalik sa Pag-asa Island bandang alas-10:48 ng umaga para sa kaligtasan.

Samantala, sinabi rin ng AFP na dalawang Chinese aircraft ang ilang beses na lumapit sa isang Philippine military aircraft habang nagsasagawa ito ng routine patrol sa Bajo de Masinloc noong Oktubre 3.

Navy personnel, hinataw sa ulo ng China Coast Guard

ni Mai Ancheta @News | July 21, 2026

Photo: Circulated

Sugatan ang isang miyembro ng Philippine Navy makaraang hampasin ng baton sa ulo ng isang tauhan ng China Coast Guard sa Ayungin Shoal nitong araw ng Lunes, July 20.

Sa inilabas na video ng Armed Forces of the Philippines, nagkagitgitan ang rubber boat ng Philippine Coast Guard at rigid hull inflatable board ng CCG at nang makalapit sa mga puwersa ng gobyerno ay hinampas ang isang tauhan ng PCG.

Nilapitan ng CCG ang BRP Sierra Madre at inikutan, kumuha ng mga litrato at video na dahilan para itaboy sila ng mga tauhan ng PCG na sakay ng dalawang rubber boats.

‘Pinas, manindigan sa WPS — Defense Sec.

ni Mylene Alfonso @News | April 28, 2026

Photo: Gilbert Gibo Teodoro, Jr. / FB / DND

Binigyang-diin ni Defense Secretary Gilberto “Gibo” C. Teodoro Jr. na walang puwang ang mga paratang na walang sapat na ebidensya sa ilalim ng pandaigdigang batas, kasabay ng panawagang ipagtanggol ng Pilipinas ang mga lehitimong karapatan nito.

Tinanggihan ni Teodoro ang alegasyon ng Tsina kaugnay ng Ayungin Shoal at hinamon

itong patunayan ang mga paratang sa tamang legal na forum.

Suportado ito ni Chairman Emeritus Dr. Jose Antonio Goitia, na nagsabing hindi dapat sumuko ang bansa sa anumang pressure at dapat igiit ang mga karapatang likas na para sa Pilipinas.

Ayon pa kay Goitia, mas nauunawaan na ngayon ng maraming Pilipino ang sitwasyon sa West Philippine Sea, kabilang ang epekto nito sa teritoryo at kabuhayan ng mamamayan.

Binigyang-diin din niya na ang soberanya ay dapat ipagtanggol nang hayagan, may tapang at malinaw na direksyon.

“Ang soberanya ay hindi ipinagtatanggol nang palihim. Ito ay pinaninindigan nang may tapang, malinaw na direksyon, at matibay na kalooban ng isang bayang hindi papayag na ipagkait ang kanyang mga karapatan.”