Ipinamana raw sa anak na si Joshua… KRIS, SA BAHAY NI TITA CORY SA TARLAC NA NAKATIRA

ni Vinia Vivar @Frankly Speaking | November 7, 2025

Photo: IG _krisaquino

Sa bagong update ni Kris Aquino sa kanyang Instagram (IG) page, ibinahagi niya na sa Tarlac na sila titira, sa bahay ng kanyang inang si former President Cory Aquino. 

Binanggit niya rin na gusto pala ng kanyang mommy na ipamana sa kanyang panganay na anak na si Joshua ang naturang tirahan.

“When I told Kuya that his Lola’s house would be our house, he looked at me angrily and said, ‘No, that’s LOLA HOUSE.’ I appeased him by saying Lola wanted him to have it—a smile that started in his eyes, made his dimple appear, and a smile for Lola that was full of love and gratitude,” pahayag ni Tetay.

Kasunod nito ay sinabi niyang matindi raw ang sakit ngayon ng kanyang buto dahil sa malamig na panahon.

“The bone pain is awful because of the weather. But this is now part of my life and it hasn’t broken my spirit yet,” aniya.

Sey pa niya, nuclear family na raw sila ngayon.

“We’re learning to be a nuclear family. I admit we have two nurses, two assistants, and several men. But we set a rule—when it’s dinner time, the three of us will eat together and bond like a family. Bawal muna ang gadgets except to listen to new releases and me asking my two favorite nurses, Elle and Kate, to please get me my notepad because there were particular lines in a song I wanted to write to make sure I remember,” ani Kris.

Naikuwento rin niyang may sinubukan siyang isang gamot pero tila hindi niya hiyang.

“I disappointed one of the doctors I respect the most (the other is my anesthesiologist). I tried new medicine but it’s just not for me. He wants to help relieve the pain from fibromyalgia. I was saying we could be roommates for five nights so he could see that when the weather is colder, my bone protrusions have a life of their own,” aniya.

Sa huli ay sinabi rin ni Kris Aquino na probinsiyana na siya ngayon.

“Probinsyana na si KCA and it’s #lovelovelove,” sey ng Queen of All Media.

---

KAMAKAILAN ay inilabas na ang isa sa mga twists sa Pinoy Big Brother Celebrity Collab Edition 2.0 (PBBCCE 2.0).

Nahati na sa limang grupo ang housemates, bawat isang grupo ay may tig-apat na miyembro na binubuo ng dalawang Kapuso at dalawang Kapamilya housemates.

Tinawag na ‘Team Antoquin Sella’ ang unang grupo na binubuo nina Anton Vinzon, Joaquin Arce, Sofia Pablo, at Lella Ford. 

‘Fighting Sweethearts’ naman ang ikalawang team na kinabibilangan nina Krystal Mejes, Marco Masa, Iñigo Jose at John Clifford. 

Para naman sa ‘Team Caramel Macutesy’, napili ni Carmelle Collado na maging kagrupo sina Heath Jornales, Rave Victoria, at Caprice Cayetano.

Samantala, ang grupo nina Reich Alim, Waynona Collings, Fred Moser at Princess Aliyah ay tinawag na ‘Rays of Sunshine’. 

Para sa huling grupo na ‘Adorable Task Smashers’, binubuo ito nina Miguel Vergara, Ashley Sarmiento, Eliza Borromeo at Lee Victor.

Bago nito, pinatawan na rin ni Kuya ng parusa ang mga lumabag na housemates.

Mas magiging matatag nga kaya ang Gen Z housemates ngayong alam na nila na ang bawat galaw nila ay magiging basehan ng kanilang pananatili sa loob ng Bahay ni Kuya?

Panganay ng aktres, iba ang trip… LORIN, ‘DI FEEL MAGING BEAUTY QUEEN TULAD NI RUFFA

ni Vinia Vivar @Frankly Speaking | November 3, 2025

Photo: Xyriel Manabat

Bagama’t lumaki si Lorin Gutierrez sa kasikatan ng kanyang inang si Ruffa Gutierrez both in showbiz and pageantry, sinabi ng dalaga na mas gusto niyang magkaroon ng sariling path sa mundong kanyang ginagalawan.

Aniya, sa tingin niya, ang pageantry ay hindi raw para sa kanya.

“I’ve always admired my mom and everything she’s achieved, but I’d rather carve out my own path. She’ll always be the pageant queen of the family, and I’m proud of that,” pahayag ng panganay na anak ni Ruffa.

“I want to explore my own passions and create something that’s uniquely mine, while still carrying the lessons and values she’s instilled in me,” she added.

Inamin niyang ang interest niya sa ngayon ay nasa business and marketing, pero ang passion niya ay maging global ambassador for the new generation.

In fact, recently ay ipinakilala si Lorin bilang celebrity ambassador ng sunscreen product ng Brilliant Skin Essentials.

“I see myself building a career that blends creativity with purpose. While I have an interest in business and marketing, I’m more passionate about continuing to represent brands in fashion, beauty, lifestyle, and travel as their endorser or global ambassador for the new generation through ad campaigns and social media,” aniya.

Ibinahagi rin ng dalaga ang beauty tips sa kanya ng mommy niya, pati na rin ng lolang si Annabelle Rama.

“My mom always told me to never leave the house without being presentable because you never know what opportunities may come your way. From my grandma, I always try to incorporate a piece of jewelry into my outfits,” sey ni Lorin.

Sa kasalukuyan ay nag-aaral si Lorin sa Pepperdine University, isa sa mga nangungunang Christian Liberal Arts institutions in the United States of America (USA). She’s taking up Advertising at nakatakda siyang magtapos sa May 2026. From there, titingnan pa raw niya kung ano ang puwedeng mangyari.

“My studies are going well! I'll graduate in May. I don’t know if I ever see myself becoming a practicing lawyer in a courtroom, but I do think a law degree is extremely beneficial in terms of sharpening critical thinking skills and would love to have one under my belt. It will definitely take some time before I start that journey as I’d like a break from academics following my bachelor’s degree, but one day I would love to revisit that idea,” sey niya.

At sa mga nagtatanong kung ipagpapatuloy pa ba niya ang pagpasok sa mundo ng showbiz, saad ng dalaga, “As for showbiz, I have no idea if I want to go down that path. I think nowadays there are so many different ways to be in the public eye that I can explore. But never say never, life is short!”

---

FIRST time na magsasama sa isang project si Beauty Gonzalez at ang nagbabalik-serye na si Kris Bernal para sa House of Lies (HOL).

Sey ni Beauty, masaya siya para sa comeback ni Kris.

“I know ‘yung hunger and fire n’ya kasi ilang years din s’yang nagpahinga, so I know how it feels na ‘yung excitement mo pagbalik sa trabaho, ang dami mong baon,” ani Beauty.

Pag-amin naman ni Kris, matagal na niyang gustong makatrabaho si Beauty.

“Magaling talaga s’yang artista. Medyo nape-pressure nga ako, kinabahan talaga ako,” sambit ni Kris.

Talagang pang-malakasan ang upcoming GMA Afternoon Prime series na ito kung saan bibida rin sina Mike Tan at Martin del Rosario. Kasama rin sa powerhouse cast sina Jackie Lou Blanco, Geo Mhanna, Kayla Davies, Angel Cadao, at Kokoy De Santos.

Marami na raw natutunan sa mga ex-BF… KC, LALAKING-LALAKI ANG GUSTONG MAPANGASAWA

ni Vinia Vivar @Frankly Speaking | October 31, 2025

Photo: KC Concepcion

Aa the age of 40, tahasang sinabi ni KC Concepcion na sobrang ready na siya na mag-asawa.

Ang aktres ang guest ni King of Talk Boy Abunda sa kanyang programang Fast Talk with Boy Abunda (FTWBA) sa mismong araw ng kaarawan niya last October 29.

Isa sa mga napag-usapan nila ay ang paglagay sa tahimik, at aminado naman si KC na gusto na niyang i-share ang kanyang buhay sa taong kanyang mamahalin.

“I am ready to share my life with someone. I think I’ve enjoyed my life so much that gusto kong i-share to someone na deserving,” aniya.

“And I think, natuto rin akong magmahal through the years. With every relationship na dumating sa buhay ko, natuto talaga akong mag-trust at magmahal.

“Natuto ako kung ano ‘yung weaknesses ko, kung saan ako nagkukulang, kung saan ako puwedeng mag-improve, kung ano ‘yung mga takot ko dati,” dagdag niya.

When it comes to pagmamahal, ani KC, sabi raw ng kanyang inang si Sharon Cuneta ay matiyaga raw siya. Matagal daw bago siya kumalas sa isang relasyon at talagang pinag-iisipan niya nang husto. Pero kapag umayaw daw siya, talagang ayaw na niya at nagmu-move on na agad.

Nahilingan din siya na i-describe ang kanyang Mr. Right o ang hinahanap niyang katangian sa kanyang mapapangasawa, at inisa-isa ng dalaga ang kanyang mga requirements.

“Preferably po, someone na kilala ko na po, preferably someone po na maalaga and provider po, na mararamdaman ko po na lalaking-lalaki s’ya at babaeng-babae po ako,” aniya.

Nilinaw naman agad ni KC na wala pa naman daw siyang nahahanap, at kung meron na raw ay iaanunsiyo niya at hindi naman daw niya itatago.

“I think he’s just there. I think the love that I will end up with and that I will marry is just waiting there for me,” aniya.

---

UMANI ng papuri sina Sparkle artists Martin Del Rosario at Migs Almendras sa katatapos na Cinesilip Film Festival awards night.

Wagi si Martin bilang Best Actor para sa pelikulang Haplos sa Hangin (HSH). Ang pelikulang ito rin ang nakakuha ng 3rd Best Film, Best Screenplay, at Best Musical Score.

Nanalo naman bilang Best Supporting Actor si Migs na gumanap bilang si Maki para sa pelikulang Dreamboi.

Komento ni Migs sa kanyang Facebook (FB) post nang may magtanong kung umaasa siyang makakuha muli ng isa pang award sa upcoming film, “I’m at this stage in my life where I’m just enjoying and having a great time. Bonus na lang ‘yung ganu’n for me, I guess.”

Magkasama rin ang dalawang aktor sa pelikulang Multwoh (Patay na Patay Sa ‘Yo), isa sa mga official entries para sa Puregold CinePanalo Film Festival 2026.