Fake news daw na may umatras na… HEART, 47 PA RIN ANG ENDORSEMENTS

ni Vinia Vivar @Frankly Speaking | September 29, 2025

Photo: Heart Evangelista / IG

Sa mga hindi nakakaalam, for this year alone, nasa 47 ang total ng active brand endorsements and collaborations ng aktres at global fashion icon na si Heart Evangelista. Kung tutuusin ay mas marami pa nga ngayon ang kanyang mga endorsements kaysa noong mga nakaraang taon.

Kaya nakakatawa ang mga nagsasabing ginagastos ni Heart ang kaban ng bayan dahil sa umano’y pagkakasangkot ng kanyang mister na si Sen. Chiz Escudero sa corruption.

Unang-una, laking-mayaman nga si Heart at bata pa man siya ay talagang living in luxury na siya kahit hindi magtrabaho.

Pangalawa, sa kanyang mga endorsements na ito pa lang ay sobra-sobra na talaga para mabuhay siya nang marangya.

Hindi rin totoo ang latest tsika na nilayasan na siya ng kanyang mga endorsements at bilang paglilinaw dito ay naglabas ng statement ang Sparkle GMA Artist Center.

Nag-post sa Instagram (IG) ang Sparkle ng screenshot ng news item na nagsasaad na binitiwan na si Heart ng kanyang mga endorsements at tinatakan ito ng naghuhumiyaw na “FAKE!”.

Mariing pahayag ng Sparkle sa caption, “FAKE NEWS ALERT! THIS IS NOT TRUE!”

Nagbigay din ito ng babala sa publiko na huwag magpaloko sa mga fake news.

“Don’t be fooled by fake news! Always be vigilant when reading articles online,” ang mensahe ng Sparkle sa publiko.

Nauna rito, kamakailan lang ay sinagot ni Heart ang mga bashers sa akusasyon na pera ng bayan ang ipinambibili niya ng kanyang mga luho. 

Ayon sa global fashion icon sa kanyang Instagram (IG) Live, pinaghirapan niya ang lahat ng kanyang ginagastos mula sa kanyang pagtatrabaho simula pa noong bata siya.

Nagbanta rin si Heart Evangelista na magsasagawa ng legal action sa lahat ng naninira sa kanyang reputasyon at pangalan.

---

After kumalat na break na… RESTO NG FIANCEE NI RYAN BANG, MAGSASARA NA

NAGLABAS ng closure announcement ang fiancée ni Ryan Bang na si Paola Huyong sa kanyang Instagram (IG) page.

Inanunsiyo ni Paola na isasara na niya ang kanyang restaurant sa Quezon City na Siesta Horchata ngayong Nobyembre.

“Thank you for making us possible. Siesta Horchata will be closing this November 2025,” ang nakasaad sa official IG page ng nasabing resto.

Sa isa pang official statement ay nagpasalamat si Paola sa lahat ng tumangkilik ng kanyang restaurant.

“We don’t know exactly what’s next, but we’re leaving with full hearts and deep gratitude,” saad pa niya.

The announcement was made sa gitna ng mga bali-balita na hiwalay na sina Ryan at Paola na na-engaged noong Hunyo 2024.

Nagsimulang umugong ang balitang hiwalay na ang magdyowa early this month nang mapansin ng mga netizens na wala na sa IG account ni Paola ang lahat ng larawan ni Ryan, pati na ang kanilang engagement photos.

Hanggang ngayon ay wala pang inilalabas na statement ang dalawa para i-address ang rumored breakup, pero dahil sa latest announcement na ito ni Paola sa pagsasara ng kanyang resto, marami ang naghinala na maaaring totoo nga ang balitang hiwalay na sila.

Alam ng marami na sa building na kinaroroonan ng Siesta Horchata ay matatagpuan din ang Paldo, ang Korean restaurant na pag-aari ni Ryan Bang.

‘Di raw nag-iinarte… BINI GWEN, NASANAY NA WALANG ASUKAL ANG TURON

ni Vinia Vivar @Frankly Speaking | September 1, 2025

Photo: BINI Gwen - IG

Inamin ni BINI Gwen Apuli na naapektuhan din siya ng mga pamba-bash at panghuhusga sa kanya ng mga netizens sa People Vs. Food (PVF) vlog na napanood sa YouTube (YT) noong nakaraang buwan.

Nag-guest sa naturang vlog ang BINI at dito ay pinatikim at pinag-rate ang mga miyembro ng mga Pinoy snacks kabilang na ang street food.

Maraming netizens ang naartehan sa ilang miyembro at nilait-lait pa sila.  

Kabilang nga sa mga na-bash si BINI Gwen dahil sa sinabi niyang hindi siya sanay kumain ng turon na may asukal.

Sa latest interview ni Gwen sa vlog ni Ogie Diaz, nilinaw niya na talagang walang asukal ang turon na nakagisnan niya.

“Oo, sanay talaga po ako sa turon na walang sugar. Kasi as in, alam ‘to lalo na kung taga-Bicol po. Mostly, hindi ko po nilalahat, s’yempre iba-iba pa rin, mostly talaga sa Bicol, lumaki akong walang sugar ‘yung turon,” sey ni Gwen.

Hindi akalain ni Gwen na lalaki ang diskusyon dito at kung anu-ano na ang sinabi ng mga bashers tungkol sa kanya.

“Well, ako po, naturally, tina-try ko po talaga ‘yung best ko na ‘wag magbasa. Kasi hindi ko in-expect na ganu’n pala s’ya lumala,” aniya.

“Nakaka-affect po talaga s’ya,” pag-amin niya.

“Lahat nahahalungkat, na-judge ka na ng lahat ng tao, ‘Maarte ka sa pagkain, mahirap ka lang naman noon, tapos ngayon, nag-iinarte ka na.’ Ganu’n na ‘yung sinasabi. Masakit po s’ya,” dagdag ni BINI Gwen.

Pero ang talaga raw ikinasakit ng loob niya ay nang makita niyang naapektuhan na ang kanyang pamilya kabilang na ang kanyang ina. Sinabihan na lang niya ito na huwag magbasa.

“Kahit ‘yung mama ko po, ‘di po s’ya nag-aano talaga, nagpapatol o sumasagot, pero noong time na ‘yun, na-feel ko na ru’n s’ya pinaka-affected out of all na mga bashing sa BINI po, especially sa ‘kin,” saad ni Gwen.

---

SASABAK sa masayang hulaan sa Family Feud (FF) ang newlyweds na sina EA Guzman at Shaira Diaz. Pangungunahan nila ang Team Pag-ibig na Totoo, kasama ang Unang Hirit (UH) hosts na sina Kaloy Tingcungco at Jenzel Angeles.

Makakaharap naman nila ang Team Serbisyong Totoo nina Susan Enriquez, Athena Imperial, Dano Tingcungco at Jonathan Andal. Sino sa kanila ang mag-uuwi ng P200,000 thousand?

Abangan ang kanilang episode next week, pati na rin ang iba pang star-studded guests sa FF tuwing 5:40 PM mula Lunes hanggang Biyernes sa GMA-7.

---

HINDI pa rin tinitigilan ng intriga ang mag-asawang Derek Ramsay at Ellen Adarna. Kahit ilang beses na nilang sinagot ang isyu tungkol sa fake news na hiwalay na sila, paulit-ulit pa rin itong bumabalik at pinalalaki.

Ang latest na ikinaloka ni Derek ay ang bagong fake news na pati ang anak nila ni Ellen na si Lily ay idinamay pa.

Sa kanyang Instagram (IG) Stories, ipinost ng aktor ang screenshot ng isang Facebook (FB) post ng showbizlife na ganito ang nakasaad:

“Hala! Negative ang DNA Test! DEREK Ramsay, INILABAS ang DNA TEST result ng anak kay Ellen Adarna.”

Sa kanyang sagot, sinabi ni Derek na anak niya si Lily kaya tigilan na ang pagkakalat ng kasinungalingan tungkol sa kanyang pamilya. Ipinagtanggol din niya ang kanyang misis at sinabing loyal ito sa kanya.

“Showbizlife stop spreading lies about my family! Lily is my daughter and Ellen is a loyal wife!!” saad ni Derek na halatang bad trip.

“I don’t know how you can sleep at night spreading lies like this!” aniya pa.

Super happy sa bago niya, Daniel… KATHRYN, EXCITED NA SA MGA GAGAWIN NILA NI JAMES

ni Vinia Vivar @Frankly Speaking | August 31, 2025

Photo: Kathryn Bernardo at James Blanco - IG

Tulad ng ibang Pilipino, nagrereklamo rin si Nadine Lustre tungkol sa mainit na pinag-uusapan ngayong anomalya sa flood control projects sa ating bansa. Naglabas ng sentimyento ang aktres nang mahingan siya ng opinyon ng TV5 reporter na si MJ Marfori tungkol sa isyu.

“I think, you know, obviously people are going to react kasi with everything that’s been going on with the typhoons, with the flood and everything, people are not seeing any improvement. So, obviously, mali talaga, mali talaga,” sabi ni Nadine.

Ayon pa sa aktres, nalulungkot siya na makita ang paghihirap ng mga tao na nawawalan ng bahay at kabuhayan dahil sa baha na hindi mabigyan ng solusyon.

“And I’m really sad seeing that people are really struggling and, you know, are going through all of these things, like losing their homes, even losing their pets, livelihood, just because we can’t find a solution for it,” aniya.

Dagdag pa niya, “Tapos s’yempre, nakakagalit at nakakalungkot na makita na ‘yung ibinabayad nating mga buwis, sa ganu’n lang napupunta.

“So I am not really very much updated on whatever it is that’s going on. I am, however, aware of, you know, the budget for flood. Pero ‘yun nga, nakakainis talaga,” sabi pa ng aktres.

Magkagayunman, natutuwa naman si Nadine na ang sambayanan na mismo ang nagsasalita at nagpapahayag ng kanilang mga reklamo hinggil sa nangyayari.

“It is good that people are speaking up. It is important we are heard by the people. When you stand up for yourself, people will do something about it. At the end of the day, they have to take care of people. We are paying them to help us and make things better for us,” saad ni Nadine.

---

NAYANIG ang social media matapos ang sorpresang anunsiyo ng tambalan nina Kathryn Bernardo at James Reid para sa isang ABS-CBN teleserye kung saan nagtala ang video teaser ng higit 3.5 milyong views sa loob ng 24 oras. 

Natuwa ang mga fans sa pangmalakasang tambalan ng Asia’s Superstar at ng Multimedia Prince para sa kauna-unahang teleseryeng pagbibidahan nila. 

Aminado si Kathryn na hindi rin niya inasahan na makakapareha si James.

“Hindi ko in-expect, baka si James din, hindi niya in-expect. Sino’ng mag-aakala na pagkatapos ng ilang taon, at galing pa kami ng kani-kanyang love team, na magkakasama kami para sa comeback teleserye namin? Posible na talaga ngayon. Excited na kami,” sabi ng aktres sa panayam ng TV Patrol.

Nagpatikim din si Kathryn sa mga dapat abangan mula sa teleserye nila at sinabing, “Nakakapanibago ito. Ang ganda-ganda ng konsepto ng series na ito. Sa lahat ng kuwentong ipinakita, ito talaga ang gusto kong gawin kasi hindi lang ito tungkol sa pag-ibig. Tungkol din ito sa pagkakaibigan, pamilya, at mga babae.”

Inanunsiyo ng ABS-CBN at Dreamscape Entertainment ang tambalan nina Kathryn at James kahapon (Agosto 29) sa pamamagitan ng isang video teaser kung saan makikita ang nakakakilig na chemistry ng dalawa habang kinukunan sila ng mga litrato para sa look test ng serye.

Abangan ang iba pang detalye tungkol sa serye at kung sinu-sino pang artista ang makakasama nina Kathryn at James.

Ito ang nagsisilbing comeback teleserye nilang dalawa pagkatapos ng 2 Good 2 Be True (2G2BT) ni Kathryn Bernardo noong 2022, at Till I Met You (TIMY) ni James Reid noong 2016.