8 yrs. old, todas sa killer truck

ni Mai Ancheta @News | August 29, 2026

Photo: File

Patay ang isang 8-anyos na lalaki matapos maatrasan ng nakaparadang truck habang sugatan ang kanyang lola sa Balamban Public Market, Cebu nitong Miyerkules ng hapon.

Batay sa imbestigasyon, lumabas ang driver ng canter truck matapos ayaw umandar ng sasakyan.

Habang sinisilip umano ng drayber ang baterya ng sasakyan, bigla umanong umandar ang canter van at nahagip ang mag-lola habang tumatawid sa kalsada.

Pauwi na ang maglola mula sa paaralan nang mangyari ang insidente.

Nasagasaan din ng truck ang isang nakaparadang tricycle na nagdulot ng pinsala sa sasakyan.

Trak, bumulusok... 9 empleyado ng DAR, todas

by Info @News | February 5, 2026

Photo: Mini dump truck, nahulog sa bangin kahapon ng umaga sa Negros Oriental. (Mai Ancheta)

Malagim na kamatayan ang sinapit ng siyam na kawani ng Department of Agrarian Reform (DAR) makaraang mahulog ang kanilang sinasakyang mini dump truck sa Brgy. Kalamtukan, Bayawan City, Negros Oriental nitong Miyerkules ng umaga.

Sa report na inilabas ni Negros Oriental Provincial Director Pol. Col. Timmar Alam, nangyari ang insidente alas-10:30 ng umaga. Pabalik na umano sa kanilang opisina ang mga biktima mula sa isang aktibidad nang mangyari ang insidente na pagkahulog ng mini dump truck sa bangin na tinatayang may lalim na 30 metro.

Tinitingnan ng mga otoridad ang posibilidad na human error ang sanhi ng insidente.

Lahat umano ng sakay ay hindi nakaligtas sa trahedya.

Kumilos na ang provincial office ng DAR sa Negros Oriental para alalayan ang pamilya ng mga nasawing biktima.

100 trak, bumalagbag sa Maynila vs. taas-toll fee ng NLEX

ni Mylene Alfonso @News | July 22, 2023

Nagkakaroon ng mahigpit na daloy ng trapiko matapos na magsagawa ng "caravan protest" ang grupo ng truckers sa Bonigavio Drive kahapon ng umaga sa Port Area, Maynila.

Nagsimula ang protesta, alas-7 ng umaga sa Anda Circle kung saan tinututulan ng mga truck company ang ipinatutupad na toll hike increase sa North Luzon Expressway.

Umabot sa 100 trak o dalawang kilometro ang haba ng isinagawang protesta malapit sa Manila North Harbour hanggang sa Anda Circle.

Balak din ng grupo na ibalagbag ang kanilang mga truck sa bukana ng NLEX upang ipakita ang kanilang pagtutol.

Nabatid sa Central Luzon Alliance of Concerned Truck Owners Organization (ACTOO) na naging epektibo ang toll hike noong Hunyo 15.

Umaabot umano sa P19 hanggang P100 ang ipinatutupad na taas- singil sa toll fee.