‘Di pa raw sila hiwalay ng mister… KALADKAREN, TODO-DISPLEY NA SUOT PA RIN ANG WEDDING RING

ni Lucille Galon @Special Article | Mar. 9, 2025

Photo: KaladKaren - IG

Todo-flex ang news reporter-content creator na si KaladKaren o Jervi Wrightson ng mga sweet photos nila ng kanyang British husband na si Luke Wrightson habang nasa Los Angeles, California, USA.

Sa kanyang Instagram (IG) page, ibinahagi ni KaladKaren na masaya silang magkasama ni Luke, na may caption na: “Look who followed me in Los Angeles.”

Ipinakita rin ni KaladKaren ang kanyang wedding ring bilang patunay na sila pa rin.

Nag-viral kasi kamakailan si KaladKaren nang kumalat ang balitang hiwalay na sila ng kanyang mister, matapos ang isang TikTok video kung saan ini-lipsync niya ang kantang We Can’t Be Friends ni Ariana Grande, at ang umano’y pagkawala ng kanilang wedding photos sa kanyang IG feed. 

Gayunpaman, agad na nilinaw ni KaladKaren ang mga isyu, “Ako pa rin po si Mrs. Jervi Wrightson. Lilinawin ko lang po 'yung issue tungkol sa amin ni Luke. Our marriage is not perfect. Katulad ng ibang couples, s'yempre may misunderstandings, mayroong challenges. And hindi rin po nakakatulong na minsan hindi kami magkasama because Luke is working abroad.

“For 13 years, sinubok na po kami ng panahon at araw-araw pinipili po naming mahalin ang isa't isa,” dagdag pa niya.

Tungkol naman sa TikTok (TT) video, sey ni KaladKaren, “‘Yung TikTok ko po na song ni Ariana Grande na ‘We Can’t Be Friends,’ feel ko lang s'ya i-TikTok noong araw na ‘yon.” 

Ipinaliwanag din niyang ang pagkakatanggal ng wedding pictures sa IG ay dahil inaayos ito ng kanyang management para sa kanyang feed, at ibabalik din ang mga ito.

Nagbigay ddin siya ng paalala sa publiko na maging maingat sa mga fake news.

“Napagtagpi-tagpi lang ng netizens 'yung kuwento. Mayroon pang gumagawa ng fake news, fake videos. Ini-slice 'yung dati kong vlogs tapos inilalagay na umiiyak ako doon sa issue.

“Let’s be responsible with the content we receive and consume,” dagdag ni KaladKaren.

Well, tama nga naman, na kailangan nating maging maingat sa interpretation ng mga napapanood natin sa socmed (social media) at huwag agad maniniwala sa mga balitang wala namang kumpirmasyon mula sa source o sa taong pinag-uusapan tulad ni Kaladkaren.

---

Text, ibinulgar sa socmed…

JAM, NAGMAMAKAAWA KAY JELLIE BALIKAN LANG

IBINULGAR ng DJ at social media influencer na si Jellie Aw ang screenshot ng mga mensahe mula sa kanyang ex-fiancé na si Jam Ignacio na nambugbog sa kanya kamakailan. 

Base sa screenshots, makikitang nagmamakaawa si Jam na balikan siya ni Jellie at pinipilit niya raw na maging maayos ang relasyon nila. 

Mensahe ni Jam, “Kahit kailan hindi kita kayang lokohin. Nagmamakaawa ako sa ‘yo.

“Nangangarap ako para sa atin... Bakit mo ako ginaganito? Bakit? Sige lang, Jellie... Sige lang. 

“Hindi ko na alam. Hindi ko na alam.”

Sagot ni Jellie mula sa caption ng IG Story, “Ano gagawin ko? (smirking & doubting emoji).”

Well, balikan pa kaya ni Jellie Aw si Jam Ignacio matapos ang pambubugbog sa kanya nito? Abangan!

Super-guwapo at sikat na sikat… KARIBAL NI ATONG KAY SUNSHINE, HOLLYWOOD ACTOR

ni Erlinda Rapadas @Teka Nga | Mar. 8, 2025

Photo: Atong at Sunshine - Circulated, FB

Super-guwapo, sikat na sikat, macho at kinababaliwan ng maraming babae — ito ang lalaking kinakikiligan ni Sunshine Cruz at type na niya kahit noong dalaga pa siya. 

Taob ang porma ni Atong Ang sa ‘bagong guy’ ni Sunshine. Pero, wala namang dapat na ikabahala si Atong sa kanyang karibal sa aktres. Hanggang crush lang naman hahantong si Sunshine dahil mahirap abutin ang lalaking kanyang kinakikiligan. 

At ito ay walang iba kundi ang Hollywood actor na si George Clooney!

Minsan nang inamin ni Sunshine na super crush niya ang Hollywood actor, pero mananatili na lamang na pantasya niya ito. Mas abot-kamay pa rin niya ang businessman na si Atong Ang.

---

MAY plano kaya si Max Collins na sumunod sa yapak nina Heart Evangelista at Pia Wurtzbach, kaya sunud-sunod ang rampa niya ngayon abroad? 

Una siyang rumampa sa New York Fashion Week. Sumunod ay nasa Milan Fashion Week din si Max suot ang mga outfit brands na Fendi at Jimmy Choo. Ang next na aabangan kay Max Collins ay ang pagrampa niya sa Paris Fashion Week. 

Madalas na ipino-post ngayon ni Max sa kanyang IG account ang kanyang lifestyle goals. At kapag bakante ang kanyang schedule ay nanonood siya ng mga Broadway shows sa New York. 

Well, nakikita rin si Max na kahalubilo ang mga richie rich sa New York City. Balitang-balita rin na may rich siyang suitor na madalas magpadala sa kanya ng bouquet of flowers at ipinost ito ni Max sa kanyang Instagram (IG). It seems nakatagpo na ng bagong pag-ibig ang ex-wife ng Kapuso actor na si Pancho Magno.

---

SA araw na ito ay eere na ang programang Where In Manila hosted by Kapuso actress Rhian Ramos at mapapanood sa GMA Network, 11:30 PM. 

Ang Where In Manila (WIM) ang bale pumalit sa time slot ng Dear SV ni Sam Verzosa. Ito’y isang lifestyle at travel show na produced by TV8 Media. 

Aabangan ng lahat kung saan-saan mag-iikot si Rhian Ramos at ano’ng lugar ang una niyang itatampok sa kanyang show. Sanay na mag-host ng show si Rhian dahil naging co-host siya dati ni Willie Revillame sa programang Wil To Win (WTW) sa TV5. 

Well, likas na malapit sa tao si Rhian at malakas ang karisma. Madalas niyang sinasamahan ang nobyong si Sam Verzosa sa pag-iikot at pangangampanya sa iba’t ibang lugar sa Maynila. Kumakandidato kasi bilang mayor ng Maynila si SV. 

Ayon kay SV, malaki ang naitulong sa kanya ni Rhian dahil pinapayuhan siya kapag may major decision siyang gagawin sa kanyang political career. Asset ni SV si Rhian Ramos dahil malapit nga sa tao ang aktres. Jologs kasi ito at napaka-down-to-earth. Marami nga ang hindi makapaniwala na kumakain din pala si Rhian ng street food tulad ng isaw, fish ball, betamax, atbp..

---

MAY balak na nga bang magpakasal sina Jake Vargas at ang nobyang si Inah de Belen? Ito ang tanong ng mga netizens matapos lumabas sa social media ang larawan nina Jake at Inah na parehong nakasuot ng puting damit at may caption na “prenuptial photos”.

So far, wala pa namang reaksiyon ang parents ni Inah na sina Janice de Belen at John Estrada. At maging ang cast ng Pepito Manaloto: Tuloy ang Kwento (PM:TAK) ay hindi pa aware sa planong pagpapakasal ni Jake.

Si Jake Vargas na gumaganap na Chito sa PM ay panganay na anak nina Elsa (Manilyn Reynes) at Pepito (Michael V.) sa sitcom. 

May mababago kaya sa takbo ng kuwento ng PM kapag nagpakasal na sina Jake Vargas at Inah de Belen? 

Well, at this point ng buhay ni Jake Vargas, nasa tamang edad na siya upang bumuo ng sariling pamilya. Ganoon din naman ang nobya niyang si Inah. Besides, ilang taon na rin silang nagli-live-in at kabisado na nila ang ugali ng isa’t isa. 

At kahit papaano, may savings na sila upang maging puhunan sa kanilang pagsisimula.

Suportado sa trip… BIANCA, PINAPAYAGAN PA RIN NG MISTER NA MAG-SOLO TRIP ABROAD

ni Erlinda Rapadas @Teka Nga | Mar. 7, 2025

Photo: Bianca Gonzales Intal - IG

Noong dalaga pa si Bianca Gonzalez ay mahilig talaga siya sa solo trip kapag bumibiyahe abroad dahil mas nag-e-enjoy daw siya sa ganito. Napapansin niya ang maliliit na bagay tulad ng mga lugar na kanyang pinapasyalan. 

Nang magpakasal si Bianca sa PBA player na si JC Intal, hindi na niya nagagawa ang solo trip abroad. 

Pero noong kanilang 10th wedding anniversary, niregaluhan siya ni JC ng solo trip na labis niyang na-appreciate. 

Two years ago, nang mag-celebrate siya ng kanyang 40th birthday ay muli siyang niregaluhan ng kanyang mister ng solo trip abroad. Napaka-supportive ng mister ni Bianca at alam ang mga bagay na makakapagpasaya sa kanya.

Dalawa na ang anak nina Bianca at JC at napanatili nilang masaya, matibay at pribado ang kanilang married life. 

Sa ngayon, tuloy pa rin si Bianca sa kanyang showbiz career, at forte niya ang pagiging host. Isa si Bianca sa main hosts ng Pinoy Big Brother (PBB) Collab Celebrity Edition. 

Co-hosts din dito sina Robi Domingo, Melai Cantiveros, Enchong Dee, Gabbi Garcia at Kim Chiu.

---

Sa isang reel na ginawa ni Toni Gonzaga, ibinahagi niya ang naging biyahe nila ng kanyang mister na si Direk Paul Soriano patungong Singapore. Manonood sila noon ng concert ni Taylor Swift at bale foursome sila ng kapatid na si Alex Gonzaga at asawa nitong si Mikee Morada. 

Well, sa airport pa lang ay ipinakita na ni Toni kung gaano siya inasikaso ni Direk Paul at tinulungan sa kanyang mga bagahe, at hanggang sa tinutuluyan nilang hotel at sa mga pinasyalan nilang malls upang mag-shopping. 

Mistula ngang prinsesa ang treatment ni Direk Paul kay Toni. Nagpa-reserve rin ng dinner si Paul sa isang sosyal na resto para sa kanilang apat. 

Wala nang ibang inasikaso pa si Toni sa biyahe nila sa Singapore. Pati na ang tickets sa Taylor Swift concert ay si Direk Paul din ang nag-asikaso, kaya super nag-enjoy sina Toni at Alex. 

Well, napakasuwerte nga ni Toni Gonzaga na si Paul Soriano ang kanyang napangasawa. Alagang-alaga siya at lahat ay ginagawa upang siya ay mapasaya.

---

SA kanyang pag-iikot sa iba’t ibang lalawigan para sa kanyang campaign sorties, maraming senior citizens ang lumalapit kay Bong Revilla upang magpasalamat.

Malaking benepisyo talaga sa mga seniors ang panukalang Expanded Senior Citizen Act na isa nang ganap na batas. 

Makakatanggap ng kaukulang cash incentives ang mga seniors na edad 80, 85, 90 at 95. Hindi na kailangan na umabot pa sa edad na 100 upang makatanggap ng cash incentives mula sa gobyerno, edad 80 pa lang ay nabibigyan na sila. 

At ngayon, may bagong imumungkahi naman si Sen. Bong sa mga mamamayan, ito ay ang pagpapabata sa retirement age ng mga empleyado. Sa halip na 60 years old ay nag-propose siyang gawing 56 na lang ang retirement age. 

Sa panahon ngayon, may mga edad 50 pataas pa lang ay marami nang sakit na nararamdaman, kaya dapat nang mag-retire nang maaga. Pero paglilinaw niya, optional naman daw ito.

Well, tiyak na marami ang papayag sa panukalang ito ni Sen. Bong Revilla, Jr..

---

MATAGAL na naitago sa publiko ang isang malungkot na sikreto at bahagi ng buhay ng aktres na si Iza Calzado na may kinalaman sa kanyang ina. 

Nag-open up si Iza nang mag-guest sa Fast Talk with Boy Abunda (FTWBA). Nalulungkot pa rin si Iza, kapag napag-uusapan ang tungkol sa kanyang ina pero hindi niya ikinahihiya na bipolar ito at nag-suicide, although isa itong stigma para sa kanilang pamilya. 

Maraming taon na ang lumipas at naging tahimik na ang kanilang buhay. May sarili nang pamilya ngayon si Iza, at patuloy siyang lumalabas sa pelikula at telebisyon.

Malaki ang pagbabagong hatid sa kanyang buhay ng pagkakaroon ng anak at masayang pamilya.