Dedma sa mga patutsada ng madir ni Kobe… “I KNOW MY TRUTH” — KYLINE

ni Erlinda Rapadas @Teka Nga | Apr. 27, 2025

Photo: Kyline Alcantara - Instagram

May attitude problem nga ba ang Kapuso actress na si Kyline Alcantara, kaya wala siyang nagtatagal na relasyon at laging iniiwanan ng mga lalaking kanyang minahal?

Ito ang tanong ng marami dahil nga sa paghihiwalay nila ni Kobe Paras na isang taon lang tumagal. 

Noong bago pa lang sila ni Kobe ay super-proud na idini-display siya ng nobyong basketbolista. Halos ayaw na nilang maghiwalay at super sweet kapag magkasama.

Panay din ang post ni Kobe sa social media ng kanilang mga larawan sa iba’t ibang events na kanilang dinadaluhan. 

Hanggang isang araw ay unti-unting lumamig ang kanilang relasyon at nag-unfollow na sa isa’t isa.

Nakikita na ngayon si Kobe Paras na kasama ang isang maganda at sexy single mom na puma-party sa Bali, Indonesia. Kaya sunud-sunod ang bash ng mga fans kay Kobe, babaero raw ito at manloloko.

Pero to the rescue naman ang mom ni Kobe na si Jackie Forster. May ipinost itong cryptic post na patama raw kay Kyline. 

Bale dalawang mommies ng kanyang mga ex-boyfriends na ang parehong may pasaring kay Kyline. 

Kung matatandaan, naging usap-usapan din noon ang mga hugot posts ni Carmina Villarroel na mommy ni Mavy Legaspi na diumano’y patungkol kay Kyline. 

Pero dedma at ayaw nang sumagot ni Kyline sa mga posts. Mas pinili niya ang manahimik na lang para payapa ang lahat.

Gayunpaman, matapang ang pahayag ni Kyline na, “I know my truth,” at wala siyang balak ipaliwanag ang mga dahilan kung bakit nagbago sa kanya si Kobe.

Inisip na lang niya na nagsawa na si Kobe sa kakapanood ng mga paborito niyang (Kyline) movies. At siguro, na-turn-off si Kobe sa ginagawa ni Kyline na pagti-TikTok sa kanyang harapan.

Well, malinaw naman na sa edad ngayon ni Kobe ay hindi pa ito handang pumasok sa isang seryosong relasyon. Mas makakabuti para kay Kyline na natuklasan niya ito nang maaga.

---

MARAMING personalidad ang nag-alay ng tulong-pinansiyal nang pumanaw ang Superstar/National Artist na si Nora Aunor. 

Unang-una nang nabalita ay si dating Gov. Chavit Singson. Nariyan din sina Sen. Robin Padilla, Sen. Bong Go at Imelda Papin na isa sa mga directors ngayon sa PCSO. 

Pero, ayon sa ilang reliable source, ang Pangulong Bongbong Marcos (PBBM) daw ang sumagot sa bayarin ni Nora Aunor sa Medical City.

Maging noong burol ay marami rin ang nag-sponsor sa catering, tulad ng Viva Entertainment. Maging si Julia Clarete ay nagpadala ng supply ng Coke products.

Masuwerte nga sina Lotlot, Ian, Matet, Kiko at Kenneth dahil maraming nagmamahal sa kanilang mommy, kaya lahat ay kumilos at tumulong upang hindi sila mahirapan sa pag-aasikaso sa burol ng kanilang ina.

Mabuti at nakaalalay din kay Lotlot ang BFF niyang si Nadia Montenegro, ganu’n din sina Shyr Valdez, Ana Abiera, Malou Fagar, Imelda Papin, Celia Rodriguez at Daisy Romualdez.

---

MAY mga nagtatanong naman kung bakit ganoon na lang ang importansiyang ibinigay ni Sen. Robin Padilla sa yumaong Superstar na si Nora Aunor. Malaki ba ang kanilang pinagsamahan? Malalim ba ang kanilang friendship?  

Sa unang gabi pa lang ng lamay ni Aunor sa Heritage Chapel ay naroroon na si Sen. Robin at nag-stay ng 10 oras. Dinamayan niya ang mga anak ni Aunor sa panahon ng kanilang pagdadalamhati. At kahit may commitment siya noong inihatid sa Libingan ng mga Bayani ang Superstar, dumating ang senador.

At pagkatapos ng libing, bumalik siya kinabukasan upang dalawin ang puntod ni Nora. Ganoon kataas ang respeto ni Sen. Robin sa nag-iisang Superstar at multi-awarded actress.

Ibinulgar ni Ricky Lee… NATIONAL ARTIST AWARD NI NORA, 2 BESES NAHARANG BAGO NAIBIGA

ni Erlinda Rapadas @Teka Nga | Apr. 26, 2025

Photo: Nora Aunor - IG

Sa eulogy para sa Superstar na si Nora Aunor, nabanggit ni Ricky Lee na dalawang beses na naharang ang paggagawad ng National Artist kay Aunor. Ipinagkait daw sa Superstar ang rekognisyon. 

Hindi na binanggit ni Ricky Lee kung sinu-sino ang mga tumutol na maging National Artist si Nora dahil sa pagsulpot ng ilang isyu. 

Taong 2014 daw huling na-reject ang nomination ng Superstar. Ganunpaman, noong 2016, sa panahon ng panunungkulan ni Rodrigo Duterte bilang pangulo ay nakamit na ni La Aunor ang pagkilala bilang National Artist for Film and Broadcast Arts.

Maraming magagaling na direktor sa movie industry ang nakatrabaho ni Aunor, tulad nina Lino Brocka, Ishmael Bernal, Mario O’Hara, Marilou Diaz-Abaya, Joel Lamangan, Maryo J. Delos Reyes, Brillante Mendoza, Adolf Alix, atbp. ang nagsasabing karapat-dapat si Nora Aunor sa karangalan bilang National Artist dahil sa dami ng magagandang pelikula na kanyang nagawa. At nanalo na siya ng ilang Best Actress awards mula sa ilang award-giving bodies sa industriya.  

---

MASAYANG-MASAYA ngayon ang Kapuso actress na si Mikee Quintos dahil sa wakas ay nagawa niyang maka-graduate sa kursong Architecture sa University of Santo Tomas (UST). 

Kahit na inabot pa siya ng 10 years bago natapos ang kanyang kurso, hindi siya nag-give-up kahit mahirap na pagsabayin ang kanyang showbiz career at pag-aaral. 

Ngayon ay may maipagmamalaki na siya. Handog ni Mikee sa kanyang parents ang kanyang diploma at bale regalo na rin niya sa kanyang sarili.

Ngayon ay makakapag-concentrate na nang husto si Mikee sa mga projects na kanyang tinanggap. Kasama siya sa cast ng Encantadia: Sang’gre Chronicles (ESC).  

Malungkot man si Mikee Quintos sa paghihiwalay nila ng nobyong si Paul Salas, tanggap naman niya ang kinahinatnan ng kanilang relasyon. Maaaring hindi raw sila itinakda para sa isa’t isa.  

---

MUKHANG totoo nga ang predictions ng ilang psychics na ngayong 2025 ay maraming showbiz couples ang magkakahiwalay. Magsusunuran sila sa nangyari kina Kathryn Bernardo at Daniel Padilla. 

Naghiwalay din sina Barbie Forteza at Jak Roberto na seven years ang naging relasyon. Tapos ay nag-break din sina Mikee Quintos at Paul Salas.

Hindi pa umaamin sina Kyline Alcantara at Kobe Paras, pero marami ang nakakakita kay Kobe na may kasamang bagong chicks sa Bali, Indonesia. 

Ngayon ay maigting ang bali-balitang nagkakalabuan na rin sina Cristine Reyes at Marco Gumabao, kaya marami ang nag-aabang ng kanilang posts sa social media para sa kanilang latest update sa kanilang relasyon.

Well, sinu-sino pa kayang showbiz couples ang susunod na aamin ng kanilang breakup? At bakit nangyayari ang ganitong sunud-sunod na paghihiwalay ng mga showbiz couples?  

---

BUKOD sa pagiging mahusay na komedyante, singer/composer at creative director ng mga comedy shows ng GMA Network, magaling ding mag-sketch si Michael V. 

Nagagamit niya ang talent niya sa pagguhit ng mga larawan ng mga sikat na celebrities.  

Magkasunod na pumanaw ang Asia’s Queen of Songs na si Pilita Corrales at ang Superstar/National Artist na si Nora Aunor. At bilang pagpupugay kina Pilita at Nora ay gumawa si Michael V. ng sketch ng dalawa at iniregalo sa kani-kanilang pamilya. 

Maging si Pope Francis (SLN) ay ginawan din ng sketch ni Michael V.

Samantala, may malaking selebrasyon ngayon ang sitcom na Pepito Manaloto (PM) bilang bahagi ng 15th anniversary ng show. May mga special guest stars na magiging bahagi ng anniversary episode, tulad ni Gelli de Belen na first time raw na magge-guest sa PM. Kaya nagbiro siya na kung hindi pa 15th anniversary ng comedy-drama serye ay hindi pa siya maiimbita.

Bale 2-in-1 ang handog na episode ng PM. Bukod sa anniversary ay kasabay na rin ang summer episode na mapapanood. Two parts ang kanilang inihanda para sa mga viewers ng PM.

BF, willing to wait? JULIA, 5 YRS. PA GUSTONG MAGPAKASAL KAY GERALD

ni Erlinda Rapadas @Teka Nga | Apr. 25, 2025

Photo: Julia Barretto - instagram

Malakas ang bulung-bulungan ngayon na ang showbiz couple daw na susunod na maghihiwalay ay sina Julia Barretto at Gerald Anderson. Ito ay sa kabila ng pahayag ni Gerald na gusto na niyang pakasalan si Julia, at magkaroon na ng sariling pamilya.

Umaarangkada pa ang career ni Julia at sayang naman kung hindi niya sasamantalahin ang oportunidad na dumarating sa kanya ngayon. Marami rin siyang endorsements ngayon, kaya ang deadline niya na mag-asawa ay baka mangyari five years pa.

Makakapaghintay naman kaya si Gerald ng 5 taon pa? Papaano kung may humadlang at sila ay paghiwalayin?

---

Taliwas sa bali-balitang purdoy (mahirap) na ang Superstar na si Nora Aunor nang siya ay yumao, meron pala siyang 64 hectares na palayan sa kanilang bayan sa Iriga, Camarines Sur. At nang maiayos na niya ang mga papeles bago siya nagkasakit ay ibinigay niya ang 36 hectares sa mga magsasakang tenants ng kanilang palayan.

Buo ang akala ng marami na walang natira sa mga properties na naipundar ni La Aunor. Naibenta na raw niya ang lahat ng kanyang nabiling bahay atbp. ari-arian. Wala na rin daw siyang pera sa bangko, kaya nanghihiram na lang ng pera sa mga kaibigan kapag may kailangang bilhin.

Pero sa kanyang kakapusan sa pera, ni minsan ay hindi niya inisip na humingi ng tulong-pinansiyal sa kanyang mga anak na sina Ian, Lotlot at Matet. May ilang kaibigang artista na kusa na lang tumutulong at nagbibigay kay Nora Aunor.

Bagama’t kumikita naman si Guy sa mga pelikulang kanyang ginawa bago siya nagkasakit, ito ay itinutulong din ni Nora sa mga taong lumalapit sa kanya. Sobra ang pagiging generous ni Aunor, at halos wala na siyang itinira para sa kanyang sarili.

---

MARAMING Noranians ang nagtatanong kung ano raw ba ang balak gawin ng mga anak ni Nora Aunor na sina Ian, Lotlot, Matet, Kiko at Kenneth sa napakaraming trophies at memorabilia ng Superstar? 

Dapat daw ay mailagak ito sa isang museum upang maingatan at ma-preserve.

Sa isang interview, sinabi ni Matet na noong nabubuhay pa ang kanilang Mommy Guy ay napag-usapan na rin nila kung saan ilalagay ang mga trophies at iba pang memorabilia ng Superstar. 

Gusto raw ni La Aunor na magtayo ng mala-museum café at dito i-display ang iba’t ibang trophies at mahahalagang memorabilia upang makita ng mga Noranians.

Well, sino kaya kina Ian, Lotlot at Matet ang mamamahala sa itatayong museum café? Sayang at hindi na rin naasikaso ni Aunor ang pagtatayo niya ng sariling foundation na ang layunin ay makatulong sa mga mahihirap.

---

HINDI totoo na hindi sumipot si John Rendez sa burol ni Nora Aunor, at hindi rin dumating sa Libingan ng mga Bayani. Hindi naman siya off-limits sa wake ng Superstar. In fact, dalawang beses namin siyang nakita sa Heritage Chapel.

At sa libing ni La Aunor noong Martes ay naroroon din siya, pero hindi nakigrupo sa mga anak ni Nora Aunor. Nasa paligid lang siya at nagmamasid habang ginaganap ang state funeral. 

Nang nailagak na ang kabaong ni Aunor at nakaalis na ang mga anak ng Superstar, nakita namin na lumapit si John Rendez sa hukay at humahagulgol bago tabunan ang puntod ng Superstar.

Ramdam ng lahat ng mga nakakita ang lungkot ni John Rendez sa pagyao ng kanyang “special friend” for more than 30 years.