Wa’ paki sa KathDen fans… BARBIE, TODO-KANDONG KAY ALDEN

ni Erlinda Rapadas @Teka Nga | May 16, 20255

Photo: Alden Richards - Barbie Forteza - IG

Binigyan ng malisya ng ilang netizens ang lumabas na larawan ni Barbie Forteza na nakakandong kay Alden Richards.

Nakunan ang nasabing larawan sa ginanap na fundraising fun run sa Mall of Asia Grounds na inorganisa ni Alden, kung saan ang proceeds ay ido-donate sa Mowelfund. 

Sumali sa nasabing fun run ang mga kaibigan at tropa ni Alden na sina Barbie Forteza, Kristoffer Martin, atbp..

Naging sentro ng usapan ng ilang netizens ang pagkandong ni Barbie kay Alden dahil sa naging reaksiyon noon ng publiko sa pagkandong ni Kyline Alcantara sa dating nobyong si Kobe Paras. 

Ganunpaman, iba naman daw ang sitwasyon nina Barbie Forteza at Alden Richards, buddy-buddy sila at matagal nang magkatropa.

Walang anumang malisya para kay Barbie ang pagkandong niya kay Alden. Hindi ‘yun dapat bigyan ng kahulugan dahil wala silang personal na relasyon sa isa’t isa. 

Pero tiyak na pagseselosan si Barbie ng mga fans ni Kathryn Bernardo at ng mga loyal fans ni Alden Richards, at magre-react din ang mga BarDa (Barbie at David Licauco) fans.

---

Maraming nagtataka at nagtatanong kung bakit hindi sinipot ng Star for All Seasons ang kanyang proklamasyon bilang gobernador ng Batangas. Si Finance Sec. Ralph Recto at bunso nilang anak na si Ryan Christian ang nag-proxy kay Ate Vi.

May balitang sobrang depressed at nagdamdam si Gov. Vilma nang hindi pinalad na manalong vice-gov. ang anak niyang si Luis Manzano. 

Bago mag-eleksiyon at noong kasagsagan ng campaign season, nakiusap si Vilma Santos sa mga kababayan na iboto at suportahan ang kanyang anak na si Luis “Lucky” Manzano. Pero sad to say, hindi nakalusot si Lucky.

Labis itong dinamdam ni Ate Vi. Alam niya kung gaano rin dinamdam ni Luis ang kanyang pagkatalo sa unang sabak niya sa pulitika. Mahal na mahal ng Star for All Seasons ang anak, kaya agad niya itong dinamayan at binigyan ng moral support.

Maraming nanay ang nakakaintindi kung hindi man sumipot si Vilma sa kanyang proklamasyon. Masakit sa isang ina na makitang bigo ang kanyang anak sa pangarap nitong posisyon. 

Ganunpaman, lilipas din ang lahat at magagawang tanggapin ito ni Luis Manzano at makaka-move on din sa tulong ng mga kaibigan at mga mahal sa buhay.

---

MALUWAG sa dibdib na tinanggap ni Bong Revilla, Jr. ang kanyang pagkatalo sa katatapos lang na eleksiyon.

Walang bitterness at panunumbat sa kanyang puso pero labis na ipinagtaka ng marami ang hindi pagkakapasok ni Bong Revilla sa Top 12 Senators. 

Sa mga naunang lumabas na surveys ay laging kasama si Bong sa Top 12 senatoriables.

At ang sipag-sipag ni Bong na mag-ikot sa kanyang pangangampanya, kaya marami ang nagsasabing tiyak na panalo na siya. 

Pero ‘yun nga, hindi siya pinalad at kinapos sa boto.

Labis itong ikinalungkot ng libu-libong supporters ni Bong Revilla, Jr., lalo na’t napaka-hardworking at dedicated niya sa kanyang trabaho bilang senador. 

Well, sey niya, maaaring may ibang plano ang Diyos para sa kanya, kaya hindi siya nanalo ngayon. Binati rin ni Bong Revilla ang 12 senators na nanalo.

Sa kanyang farm sa Cavite nanatili si Bong pagkatapos ng eleksiyon noong May 12 upang makabawi sa pagod at makapagpahinga. 

At ngayong hindi na siya gaanong busy sa kanyang pagiging public servant, mas may time na siyang makasama at maka-bonding ang kanyang mga cute na apo. 

May dapat pa rin daw siyang ipagpasalamat sa Diyos dahil pare-parehong nanalo si Congw. Lani Mercado at ang mga anak nilang sina Jolo at Ram Revilla.

Collect and collect then select, Daniel… KATHRYN, 3 NON-SHOWBIZ GUYS ANG KA-DATE

ni Erlinda Rapadas @Teka Nga | May 15, 20255

Photo: Kathryn Bernardo - IG

Dapat nang tanggapin ng libu-libong mga fans ng KathNiel love team na hindi na puwedeng magkabalikan sina Kathryn Bernardo at Daniel Padilla (DJ).

Kahit na ipag-novena pa nila ito sa lahat ng simbahan at hingin ang tulong ng mga psychics, next to impossible na mangyari ito.

Si Kathryn na mismo ang aayaw sa anumang project na pagsasamahan nila ng kanyang ex-BF. Tuluyan nang isinara ng aktres ang chapter ng kanilang 11 years na relasyon ni Daniel.

May bago nang landas na gustong tahakin ni Kathryn sa kanyang showbiz career at gusto naman niyang makatambal sa pelikula ang mga mas mature na aktor tulad nina Piolo Pascual at Jericho Rosales.

Sa ngayon ay hindi pa nakakatagpo si Kath ng kapalit ni DJ sa kanyang puso. Pero, ayon sa ilang reliable sources, may tatlong non-showbiz guys ang masigasig niyang manliligaw ngayon. 

Nakikipag-date na si Kathryn sa mga ito upang kilatisin ang background ng mga ito, pero wala pa siyang ipino-post sa social media sinuman sa mga suitors niya.

Samantala, close pa rin naman sila ni Alden Richards, pero bilang matalik na magkaibigan lamang. Pareho kasi silang abala sa kani-kanilang negosyo at career, ganoon din sa iba pa nilang goal na gustong abutin.

Nagpakatotoo rin sina Kathryn at Alden sa mga KathDen fans upang huwag nang umasa na may seryosong relasyon na mabubuo sa kanila.

---

HINDI lang pala pera ang dahilan ng breakup nina Kyline Alcantara at Kobe Paras, kundi may third party na involved, na hindi na kinayang tanggapin ng aktres.

Bukod dito, hindi sila magkasundo sa maraming aspeto, kaya madalas silang nag-aaway. 

Matipid at masinop sa paghawak ng pera si Kyline, samantalang si Kobe ay gastador at maluho. 

Ang pagiging busy din ni Kyline sa kanyang career ang dahilan kaya naghanap si Kobe ng babaeng makakasama niya sa mga happenings.

Samantala, mas naging priority ni Kyline ang kanyang career kesa kay Kobe. Strong woman ang aktres at wala siyang balak na habulin ang dating nobyo na

mas gusto ang malayang buhay. 

Besides, ayaw naman ni Kyline na mistulang sugar mommy at siya pa ang gagastos sa lalaki. At wala siyang nakikitang magandang future kapag sila ni Kobe Paras ang nagkatuluyan.

Hindi pa mature at hindi pa seryoso ang aktor-basketball player kung ano ang landas na gusto niyang tahakin, at walang tiyak na goal sa buhay.

---

NGAYONG naipalabas na ang pelikulang My Love Will Make You Disappear (MLWMYD) na pinagbidahan nina Kim Chiu at Paulo Avelino, malaya na silang nakakakilos.

Hindi na nila kailangang magkunwari na may relasyon sila para kiligin ang kanilang mga tagahanga. Screen partners lang ang KimPau love team. 

Marami ang nagmahal at tumangkilik sa kanilang tambalan. Pero, hindi nila kayang magkunwari forever, lalabas din naman ang katotohanan. 

At ayon sa kilalang psychic/card reader na si Mamu Gloria Escoto, may isang non-showbiz guy na masugid na manliligaw ni Kim Chiu.

Malaya naman siyang mag-entertain ng mga suitors dahil hindi naman committed ang “Chinita Princess” kay Paulo Avelino. 

Hindi nangyari ang gusto ng KimPau fans na mauwi sa totohanan ang kanilang love team. Takot pa rin si Kim na muling pumasok sa seryosong relasyon, dahil sa nangyari sa kanila ni Xian Lim. Ayaw na niyang magtiwala agad sa mga bagong manliligaw at nararamdaman naman niya kung sincere ang kanilang layunin.

---

ANG baguhang rock/alternative singer na si Nadz Zablan ay nagsimulang gumawa ng pangalan sa Spotify noong 2022, hanggang ang iba pa niyang isinulat na awitin tulad ng Sabihin, My Kind of Christmas, Hanggang Kailan, Luha, Akay, at Laya ay madalas nang pinatutugtog sa Barangay LS 97.1.

Ang Sabihin ang kanyang naging Most Wanted Song noong 2022, at ang Hanggang Kailan naman ay naging Most Wanted noong 2023. Ito’y sinundan ng Akay noong 2024.

Ang kanyang mga awitin ay umabot ng million streams sa Spotify, Apple Music, YouTube (YT) Music, at digital music platforms worldwide. 

Bilang solo artist, si Nadz din ang nag-compose ng kanyang mga awitin. Pagkatapos ng COVID pandemic ay na-inspire siyang sulatin ang awiting Laya. Lahat ng kanyang awitin ay self-produced sa ilalim ng isang independent label.

Naging idolo ni Nadz Zablan sina Bamboo, Rico Blanco at Ney Dimaculangan. Gustung-gusto ni Nadz ang energy ni Bamboo kapag nagpe-perform sa concert. Ibang-iba rin daw ang karisma ni Rico Blanco sa tao.

Pangarap ni Nadz na makasama sa anumang concert sina Bamboo, Rico Blanco at Ney Dimaculangan. 

Well, given the chance at mabigyan lang ng magandang break at exposure, lalaki ang pangalan ni Nadz sa music scene. Hopefully, mapansin siya ng Viva Records, Star Records, Ivory, atbp..

Maraming kabataan ang makaka-relate sa mga awitin ni Nadz Zablan na nakasentro sa pag-asa, pagmamahal sa bayan, at matibay na pananampalataya.

‘Di na puwedeng paglaruan ng aktres… MISTER NI ALEX, WAGING VICE-MAYOR

ni Erlinda Rapadas @Teka Nga | May 14, 20255

Photo: Alex Gonzaga-Morada - IG

Nanalo bilang vice-mayor ng Lipa City ang hubby ni Alex Gonzaga na si Mikee Morada. All-out ang support sa kanya ng buong pamilya Gonzaga, ganu’n din ni Direk Paul Soriano at ng kanilang mga kaibigan.

Sobrang saya at proud sa kanyang mister si Alex. Nakikita kasi niya ang sincerity ni Mikee na makapaglingkod sa kanyang mga kababayan sa Lipa City. Napaka-dedicated at hardworking nito bilang public servant.

Maganda rin naman ang family background ni Mikee, kaya minahal siya ng mga Lipeño.

May advise lang kay Alex ang ilang supporters na nagmamalasakit sa political career ni Vice-Mayor Mikee. Sana raw ay behave na si Alex G. ngayong vice-mayor na ang kanyang mister. Huwag na rin sana niyang paglaruan at i-prank sa kanyang vlog si VM Mikee. 

Kailangan ng isang public servant ang magandang imahe sa publiko. Huwag sanang gawing katatawanan ni Alex Gonzaga ang kanyang mister lalo na sa harapan ng publiko.

Puwede naman siyang maging prim and proper tulad ng kanyang Ate Toni Gonzaga.

For sure, kayang-kaya namang gawin ito ni Alex Gonzaga para sa kanyang mister.

---

May malaking pasabog si Kyline Alcantara laban sa ex-BF niyang si Kobe Paras. Ayaw man niyang gawin na ipahiya ang dating karelasyon, kailangan na niyang magsalita upang matigil na ang paninira sa kanya ni Jackie Forster na mom ni Kobe.

Inamin ni Kyline na bukod sa nakitira nang libre sa kanyang condo si Kobe ay umutang pa ito sa kanya ng malaking halaga. At ngayon na break na sila ay nagde-demand si Kyline na bayaran siya ng dating nobyo.

Dahil sa pagkakabulgar ng utang ni Kobe, biglang nanahimik si Jackie Forster. Hindi niya in-expect na may pasabog palang gagawin si Kyline laban kay Kobe Paras.

Anyway, ang talagang ikinapikon daw ni Kyline ay ang pandadawit ni Jackie sa kanyang parents at kapatid na inakusahan ni Jackie na nanlait at nang-api kay Kobe. 

‘Yun ang isang bagay na hindi pinalampas ng aktres. Ayaw na ayaw niyang pinakikialaman ang mga mahal niya sa buhay. Handa niyang ipagtanggol ang mga ito kahit na sino pa ang kanyang babanggain.

Napaka-generous ni Kyline kapag may mga lumalapit at humihingi ng tulong. Todo-bigay siya kung ano ang meron siya. 

Kaya naman ngayon ay ang kanyang parents na ang humahawak sa kanyang kinikita sa showbiz. Hindi na mauuto at magagamit si Kyline ng mga taong mapagsamantala.

---

BAGAMA’T nanalo si Vilma Santos bilang gobernador ng Batangas at congressman naman si Ryan Christian Recto, hindi naging ‘lucky’ si Luis Manzano sa kanyang pagtakbo bilang vice-governor ng Batangas.

Nakalaban o nakatapat kasi ni Luis ang veteran politician na si Dodo Mandanas na 3 termino nang naging gobernador ng Batangas. Malalim na ang naging ugnayan ni Mandanas sa mga Batangueño. Malawak na rin ang naging experience nito bilang public servant.

Mas madali sana ang naging panalo ni Luis Manzano kung sa posisyon ni Ryan Christian siya tumakbo. Puwede namang magsimula si Ryan sa pagiging konsehal ng Lipa.

Kaya tuloy ang naging labanan sa pagka-vice-gov. ng Batangas ay veteran vs. newcomer. Wala pa kasing naging experience si Manzano bilang public servant. Hindi nga siya naging konsehal man lang sa Batangas. 

Mas kilala sa buong Batangas si Dodo Mandanas. Maganda ang track record niya bilang public servant. Nakuha ni Mandanas ang tiwala ng kanyang mga kababayan. Mahal siya ng mga Batangueño.

Anyway, may showbiz career naman si Luis Manzano. Dito muna siya mag-concentrate hanggang sa dumating ang tamang panahon upang pumalaot siyang muli sa mundo ng pulitika.