Ayaw nang balikan ni Kathryn… DANIEL, ENJOY SA PAGIGING SINGLE

ni Erlinda Rapadas @Teka Nga | May 20, 20255

Photo: Daniel Padilla - IG

Nag-e-entertain na ngayon ng mga bagong manliligaw si Kathryn, kaya naman sinisikap ni DJ na maka-move on at tuluyang isara ang nakaraan nila ni Kath.

Marami naman siyang nakilalang puwedeng ipalit kay Kathryn at isa nga rito ang isang non-showbiz girl na nasa malayong lugar. Posibleng out of the country ito, dinadalaw

daw ni Daniel at gusto nang seryosohing ligawan. 

Pero naghihintay siya ng tamang panahon at sinisigurong handa na siyang umibig muli.

Sa ngayon ay nag-e-enjoy si Daniel Padilla sa kanyang pagiging single. At okey sa kanya ang mga projects na hindi niya kailangan ang may ka-love team. Mas may challenge kapag nagso-solo siya at career muna ang kanyang prayoridad ngayon.

Payo lang sa kanya ay iwasan ni Daniel ang pagiging sobrang maluho at magastos. Hindi na siya gaanong malakas kumita ngayon.

---

Hanggang namatay, ‘di nagpa-annul…

RICKY, NAGKA-2 GF, SI JACKIE LOU PA RIN ANG LEGAL WIFE

MAY ilang nagtatanong kung bakit hindi na nakipagrelasyon sa iba si Jackie Lou Blanco matapos nilang maghiwalay noon ng kanyang mister na si Ricky Davao. At hanggang ngayon, hindi nabalita sa showbiz kung ano ang dahilan ng kanilang paghihiwalay.

Wala namang lumitaw na third party at that time nang sila ay naghiwalay. Basta ang alam ng lahat, they remained civil to each other.

Bumukod man ng tirahan noon si Ricky ay malapit lang sa dati nilang bahay ni Jackie Lou upang makasama ang kanilang mga anak. 

Hindi naman itinago ni Ricky sa publiko na may bago siyang karelasyon at pinayuhan din ng kanyang mga anak si Jackie na magkaroon ng love life.

Pero mas pinili ni Jackie na maging single at ibuhos ang panahon sa kanyang mga anak. At matagal man silang hiwalay ni Ricky, hindi naman nila ipina-annul ang kanilang kasal. Si Jackie pa rin ang legal wife hanggang sa yumao si Ricky Davao. 

Tanggap ni Jackie ang dalawang babaeng naugnay kay Ricky, pati na ang isa pang anak ng yumaong mister sa ibang babae.

Sadyang kakaiba ang love story nina Jackie Lou Blanco at Ricky Davao. Nagkahiwalay man ay napanatili ang respeto sa isa’t isa.

---

MAY isang bagay na hindi alam ang publiko tungkol sa ginawa ng magkapatid na Rachel at Ali Alejandro bago yumao ang kanilang amang si Hajji Alejandro. 

Tinawagan nila ang singer na si Alynna Velasquez na nakarelasyon ni Hajji for 27 years. Pinapunta nila ito sa bahay ng kanilang ama upang makapiling sa mga huling araw ng singer na si Hajji.

Eight days na nagkasama sina Alynna at Hajji bago tuluyang yumao ang orig na Kilabot ng mga Kolehiyala! Kaya kung hindi man pinayagan si Alynna Velasquez na dumalaw sa burol ni Hajji, at least binigyan naman siya na makasama si Hajji sa huling mga araw na buhay pa ito. At sapat na rin na sa star ni Hajji sa Walk of Fame-Phils. sa Eastwood Park na lang niya nadalaw si Hajji at inalayan ng mga bulaklak.

---

NGAYONG tapos na ang Miss Universe PH 2025 competition, ang kanyang showbiz career naman ang haharapin ng beauty queen na si Winwyn Marquez.

Marami siyang options na pagpipilian. Puwede siyang tumanggap ng serye at bumalik sa pag-arte. Puwede rin siyang maging endorser ng mga beauty products o tumanggap ng modelling job. 

Pero sa ngayon, mas pinili ni Winwyn Marquez ang maging isa sa mga hosts ng morning show ng GMA-7, ang Unang Hirit (UH).

At hindi naman siya nanibago dahil swak siya agad sa ibang UH hosts. 

Nagkaroon na rin siya ng experience na mag-host sa ilang showbiz events.

At this point of Winwyn’s life, marami pa siyang gustong ma-achieve. May mga goal pa siyang gustong abutin at gusto rin niyang mas lumawak pa ang kanyang kaalaman sa maraming bagay.

At lagi namang nakasuporta sa kanya ang kanyang mom na si Alma Moreno at dad na si Joey Marquez. Nagsisilbing inspirasyon din sa kanya ang kanyang partner at ang kanilang cute na 3-year-old daughter na si Luna.

Kaya raw ‘di ibinotong senador… “BOBO AKO, IBALIK N'YO SA SENADO” — PACQUIAO

ni Erlinda Rapadas @Teka Nga | May 19, 20255

Photo: Manny Pacquiao - IG

Hindi rin makapaniwala ang maraming Pinoy na ang dating sikat at world champion boxer na tulad ni Manny Pacquiao ay matatalo sa midterm election. 

Pero batay sa obserbasyon ng mga political analysts, maraming factors kung bakit natalo si Pacman nang tumakbong senador. 

Una sa lahat, hindi siya gaanong nangampanya at hindi gumastos para sa kanyang campaign materials. Ni hindi siya halos nagpa-ads sa anumang network at hindi nagpa-presscon. 

Sobra raw ang kumpiyansa sa sarili ni Pacman at inakalang sikat pa rin siya.

Isa pang factor na ikinatalo ni Pacquiao ay hindi niya gaanong natutukan ang kanyang kandidatura bilang senador dahil sa dami ng kanyang inaasikaso. 

May mga partylists siyang ineendorso at tumutulong pa sa kandidatura ng iba niyang kamag-anak kaya kalat-kalat ang kanyang atensiyon.

Naging setback din ni Pacman ang kanyang sinabi sa kampanya na naging slogan niya na: “Bobo ako, ibalik n’yo sa Senado.”

Sa halip na matuwa ang mga botante ay nabuwisit tuloy kay Pacman. 

Ayon pa sa ilang mga netizens, sinayang ni Manny ang magagandang oportunidad na dumating noon sa kanyang buhay. Hindi niya inalagaan ang legacy ng kanyang pagiging world champion sa boxing. Kumupas na ang ningning ng kanyang pangalan.

---

Unfair para kay Sen. Robin Padilla na siya ang bagsakan ng sisi kung bakit maraming artista ang natalo sa nakaraang midterm election. 

Kay Sen. Robin daw ikinukumpara ang kawalan ng kaalaman ng mga tumakbong artista sa iba’t ibang posisyon. Sikat lang daw si Robin, action star, pero walang nagawa bilang senador. 

Sinuwerte lang daw si Sen. Padilla na tumakbong senador noong panahon ni Duterte, kaya siya naging number one senator. At plus factor din na idolo si Robin ng mga botante sa Visayas at Mindanao.

Pero ayon sa veteran campaign analyst na si Alan German, hindi si Sen. Robin Padilla ang main factor sa pagkatalo ng mga artistang senador, lalo na ‘yung kasama sa Alyansa ni PBBM. 

Malaking pagkakamali raw na bago ang election ay isinulong ang planong pagpapa-impeach kay VP Sara Duterte. Sinundan pa ito ng pag-aresto kay Duterte ng ICC. 

Nagmistulang gumanti ang mga DDS kaya iniligwak sa Mindanao at Visayas ang mga kandidato ng Alyansa. 

Sad to say, tinamaan nang husto rito si Sen. Bong Revilla, Jr., na isa pa namang masipag at dedicated na senador. 

Sabi nga ng mga political analyst, iba na ang mindset ngayon ng mga botante, hindi na sila nakukuha lang sa popularidad ng isang kandidato. Dapat ay may puso at malasakit sa mga mahihirap.

---

BAGAMA’T wala pa silang kumpirmasyon sa status ng kanilang relasyon ngayon, kalat na sa social media na nakaplano na ang pagpapakasal nina Bea Alonzo at Vincent Co ng Puregold sa October, 2025. 

May tsika pang naimbitahan na ng pamilyang Co sa kanilang tahanan ang partidos ni Bea. 

Ayon pa sa ilang malalapit kay Bea, magiging limitado lang ang entourage at bisita sakaling matuloy na ang kasalang Bea at Vincent Co.

Well, may tsikang matagal na raw type ni Vincent si Bea at dati na siyang nanliligaw sa aktres. Ang kasosyo raw sa negosyo ng aktres sa kanyang luggage business ang naging daan upang sila ay magkakilala. At hindi tumigil si Vincent sa panliligaw kahit noong naging karelasyon na ni Bea si Dominic Roque. 

Sobrang pursigido si Vincent sa kanyang panunuyo sa aktres. Kahit nasa Spain ito para asikasuhin ang kanyang luggage business, pinadadalhan niya ito ng mga paboritong pagkain. Ganoon kabongga si Vincent Co.

Tiyak na mai-intimidate ang sinumang nagnanais manligaw kay Bea Alonzo ngayon. Ibang-iba na ang financial status niya ngayon at kahilera na siya nina Gretchen Barretto at Sharon Cuneta sa dami ng naipundar na properties. 

Hindi na rin siguro kailangan ang prenuptial agreement kapag sila ay nagpakasal na.

Puro donasyon ng mga BFF… IPE, TUMAKBONG SENADOR NANG WALANG PONDO

ni Erlinda Rapadas @Teka Nga | May 17, 20255

Photo: Mr. Ipektibo - FB

Isa kami sa mga labis na nagtaka nang hindi pumasok sa Top 12 senatoriables ang aktor na si Phillip Salvador.

Sa mga unang naglabasang surveys kasi ay laging kasama ang pangalan ni Salvador sa Top 13 at 14 rank. Inakala ng marami na kahit papaano ay aangat siya at makakahabol sa Top 11 o 12 post. 

Noong umpisa pa lang ng kampanya ay sinabi na ni Phillip na wala siyang malaking pondo. Wala siyang sponsors na susuporta sa kanyang kandidatura. Puro donasyon ng mga kaibigan ang mga t-shirts, pamaypay, pocket calendar at posters na ipinamimigay sa kanilang pag-iikot. At puro volunteers ang tumutulong at sumasama sa kanya sa kampanya. 

Sumagupa si Ipe sa laban na wala siyang armas at bala. Ganunpaman, ipinaubaya na niya sa Diyos ang kanyang magiging kapalaran sa midterm election. Ginawa niya ang lahat ng dapat gawin pero sadyang hindi nakalaan sa kanya ang pagiging senador. 

Masakit man ay tinanggap ni Phillip Salvador ang desisyon ng taumbayan at ipinagpapasalamat niya na may mga kaibigan siyang tumulong, dumamay at hindi nang-iwan sa gitna ng laban. 

Puro volunteers ang mga ito kaya gusto niyang pasalamatan at banggitin ang pangalan ng mga ito tulad nina Aeron, JC, Teroy, Nordin, Aris, Christian, Ricky, Glen at Roman. 

Gusto ring pasalamatan ni Phillip ang sambayanang Pilipino na sinamahan siya sa pagdarasal noong panahon ng eleksiyon. 

Kahit papaano, naiangat niya ang kanyang ranking mula No. 58 hanggang sa No. 19. 

Maraming kaibigan naman ang nangumusta kay Kuya Ipe pagkatapos lumabas ang resulta ng eleksiyon noong May 12. 

So far, tiniyak ng aktor na okey siya at tinanggap ang kanyang pagkatalo. In due time, babalik na sa normal ang takbo ng kanyang buhay.

---

Malaki ang naitulong ng pag-eendorso ni Coco Martin kay Sen. Lito Lapid upang makapasok siya sa Top 12 ng mga nanalong senatoriables, at ganoon din ang maayos na exposure niya sa Batang Quiapo (BQ) na libu-libo ang mga viewers. 

Kilala si Lito Lapid sa kanyang role bilang si Supremo na tumatak sa mga viewers ng BQ. Malaking bentahe rin ang malakas na impact ng kanyang campaign promo na si Coco Martin mismo ang nag-endorso sa kanya. Kaya naman sa bawat survey ay kasama si Lito sa Top 12 senatoriables. 

Maganda ang tandem nina Supremo at Tanggol (Coco Martin) sa BQ at aminado naman si Sen. Lapid na malaki ang naitulong ni Coco Martin upang mahalal siyang muli bilang senador. 

Sa kabila ng pagpuna ng mga kritiko at pagsasabing wala naman siyang nagawa sa Senado, maraming botante ang naniniwala at nagtitiwala pa rin sa kakayahan ni Sen. Lito.

---

Kaya olats nang tumakbo uli…

PACQUAIO, WALANG GINAWA SA SENADO

MARAMI ang nagtatanong kung ano ang nangyari sa People’s Champ na si Manny Pacquiao na mukhang kumupas na ang taglay na karisma sa tao. 

Bakit hindi man lang siya pumasok sa Top 12 senatoriables? Malaki naman ang kanyang pondo at campaign fund. Bakit hindi siya gaanong pursigido na manalo, ‘di tulad ng dati? 

Sey naman ng madlang people, hindi kasi nagpakitang-gilas at nagtrabaho si Pacman sa panahon ng kanyang pagiging senador. Hindi siya nagmarka sa mga botante at ang pagtulong at pagmamalasakit niya sa mahihirap ay nasentro lang sa mga kababayan niya sa GenSan. 

Pero kahit na natalo si Pacquiao, mayaman na mayaman pa rin siya at hindi na makakaranas ng kahirapan ang kanyang pamilya.

Ganito rin ang reaksiyon ng marami sa pagkatalo ng aktor at TV host na si Willie Revillame. Hindi naman kailangan pa ni Willie ang maging senador dahil bilyonaryo na siya sa dami ng kanyang naipundar na properties. Mamumuhay na maginhawa ang kanyang pamilya at hindi mauubos ang kanyang kayamanan. 

Magtayo na lang siya ng foundation upang makatulong sa mga taong nangangailangan at mag-produce ng sariling game show kung ayaw pa niyang magretiro sa showbiz.