Binigyan pa ng bulaklak… JANICE, NILUHURAN NG KOREAN ACTOR, TODO-KILIG

ni Erlinda Rapadas @Teka Nga | May 26, 20255

Photo: Janice De Belen - IG

Nagmistulang fan girl si Janice de Belen nang makita nang personal ang hinahangaang Korean actor na si Song Joong Ki. 

Dumating sa ‘Pinas ang South Korean star upang i-promote ang ine-endorse niyang barley product. Sa Mall of Asia (MOA) Arena ginanap ang event at masuwerte si Janice de Belen na makita at makaharap sa stage ang sikat na Korean actor. 

Lumuhod pa si Song Joong Ki nang ibigay niya ang bouquet of flowers kay Janice. Kitang-kita naman sa reaction ng aktres na sobrang saya at bongga ang excitement nang makaharap ito, at panay ang yakap niya sa Korean actor. Para siyang teen-ager na kinikilig.

For sure, maraming fans ang nainggit kay Janice de Belen.

---

Aktres, deserve raw ng mas better sa aktor…

FANS NI JULIA, NATUWA PA NA BREAK NA SILA NI GERALD

Kalat na kalat na sa buong showbiz na hiwalay na sina Julia Barretto at Gerald Anderson. Pinagpiyestahan sila sa mga tabloids at maging sa social media.

Marami na kasing okasyon na nagdaan na hindi nakikita si Gerald na kasama ang pamilyang Barretto. Tulad na lang nang ikasal si Claudia kay Basti Lorenzo at maging noong birthday celebration ni Marjorie. Dati-rati ay bahagi si Gerald ng mga okasyon sa pamilya ni Julia.  

At sa latest na kaganapan sa buhay ni Gerald nang mag-camping ito kasama ang kanyang pamilya, hindi nila kasama si Julia. Nabalita rin na bumiyahe abroad si Julia na solo lang siya. Kaya naman tumibay ang tsismis na hiwalay na sila ng aktor.

Pero hangga’t hindi mismo galing kina Julia at Gerald ang pag-amin sa real status ng kanilang relasyon ay hindi makukumpirmang break na sila.

Ngunit may ilang grupo ng mga fans at supporters ni Julia ang natutuwa sa balitang break na sila ni Gerald. Hindi raw si Gerald ang lalaking nababagay kay Julia. She deserves a better man. 

At ‘wag siyang magmadaling magpakasal dahil mas aangat ang kanyang career kung mananatili siyang single. Marami pang magagandang oportunidad ang darating kay Julia Barretto.

---

NAGDESISYON na si Albert Martinez na mag-semi-retire na sa showbiz, kaya nagbawas na siya ngayon ng workload at hindi na gaanong tumatanggap ng movie projects. Namimili na lang siya kung ano ang gusto niyang gawin.

Ang latest movie ni Albert ngayon ay ang The Lotto Winner (TLW) kasama si Kylie Padilla. 

Ayon kay Albert, hindi siya pamilyar kay Kylie at hindi niya alam na anak pala ito ni Sen. Robin Padilla. 

Magkakaroon lang siya ng panahon na makilala nang husto si Kylie kapag nagkatrabaho na sila sa kanilang movie.

Well, masasabi ngang financially stable na si Albert at puwede na siyang magretiro anumang oras na gustuhin niya. Marami nang naipundar na kabuhayan si Albert. 

Sobra-sobra na rin ang kanyang naipon at may negosyo pa siyang patuloy na kumikita. 

Okey na rin ang kabuhayan ng mga anak ni Albert. May mga sariling pamilya na rin ang mga ito, kaya ine-enjoy na lang ngayon ni Albert ang pagiging single. Hindi na niya iniisip na mag-asawang muli nang mabiyudo kay Liezel.

Nainggit sa nakita sa Spain… BEA, NAGPRAMIS NA PAGAGAWAAN NG VINEYARD ANG MADIR SA FARM NILA

ni Erlinda Rapadas @Teka Nga | May 25, 20255

Photo: Bea Alonzo - IG

Ang bongga ng Mama Mary Ann ni Bea Alonzo dahil pangarap pala niya ang magkaroon din ng vineyard sa kanilang farm sa Zambales.

Nakita kasi niya ang vineyard sa Spain, kaya nabanggit niya kay Bea na sana, magkaroon din sila ng vineyard sa kanilang farm. 

Agad namang nangako si Bea sa kanyang mama na magkakaroon sila ng

vineyard. Tutal, napakalawak naman ng kanilang lupain sa Zambales at kakayanin itong pangasiwaan ng kanyang Mama Mary Ann.

Well, para sa ikaliligaya ng kanyang ina ay handang ibigay ni Bea Alonzo ang lahat. Mas pinili nga niya na sundin ang kagustuhan ng kanyang ina pagdating sa larangan ng pag-ibig. Mas pinili ni Bea ang kanyang pamilya nang magkaroon ng problema ang relasyon nila noon ni Dominic Roque.

So far, wala siyang regrets sa kanyang naging desisyon dahil masaya at tahimik ang kanyang buhay sa piling ng kanyang pamilya. 

Sa tamang panahon, darating ang tamang lalaki para sa kanya. Who knows, baka si Vincent Co na ang nakatadhana para kay Bea Alonzo.

---

MANA NI NORA SA MGA ANAK, INAAYOS NA

NANG dumalo si Ian de Leon sa special screening ng pelikulang Faney, naitanong ng ilang entertainment press kung inaayos na ba ng kanilang abogado ang mana nilang magkakapatid sa yumao nilang ina na si Superstar Nora Aunor. 

Marami kasi ang interesadong malaman kung gaano kalaki ang ipinamana sa kanila nito.

Sey ni Ian, may nag-aasikaso na tungkol dito pero confidential ito at ayaw nilang isapubliko.

Well, kahit papaano ay nakapag-iwan naman si Aunor ng kanyang Last Will and Testament at naihanda niya ito bago siya nagkasakit at pumanaw. Kaya kahit papaano ay may pamana siyang maiiwan para sa kanyang mga anak na sina Lotlot, Ian, Matet, Kiko at Kenneth.

Hindi nga lang puwedeng idetalye kung paano ang gagawing partehan sa naiwang yaman ni Nora Aunor.

Ngayong tapos na ang 40 days ni Aunor, nangako ang mga Noranians na aabangan at panonoorin nila ang iba pang nagawang pelikula ni Guy tulad ng Kontrabida at Ligalig. 

Ang Faney ay puwede namang mapanood ng mga gustong magpa-block screening.

---

NAGULAT ang marami sa naging pag-amin ni Alden Richards na nakaranas siya ng matinding depression last year nang maubos ang kanyang mga pinaghirapan at kinita sa showbiz.

May mga naipundar na negosyo at investments naman si Alden. Pero dahil nga sa sobra niyang pagiging generous na lahat ng lumalapit ay kanyang tinutulungan, nagising na lang siya na halos said na ang kanyang kinita. 

Umabot siya sa puntong nasa rock bottom na siya. Hindi makapaniwala noon si Alden sa nangyari. Dismayado rin siya na may mga taong nagsamantala sa kanyang kabaitan at pagiging generous. 

Nakadagdag pa sa depression noon ni Alden Richards ang pagpanaw ng kanyang lolo noong 2024. 

Kaya naman, upang maka-regain ng kanyang tiwala sa sarili at makabawi sa milyones na nawala sa kanya, ibinaling ni Alden ang panahon sa ilang physical activities at nag-organize ng fundraising fun run sa tulong ng kanyang mga kaibigan sa showbiz.

Ngayon ay unti-unti nang bumabalik ang sigla ni Alden Richards. May malaking leksiyon siyang natutunan sa mga nangyari sa kanya. 

Ganunpaman, patuloy pa rin siyang magiging mabait at generous sa mga dapat tulungan.

---

DUMAGSA sa GMA Network ang mga nag-audition para sa search ng Bubble Gang ng Bayan (BGNB) kung saan naghahanap ng mga future comedians na bibigyan ng exposure. 

Maraming mga viewers ang nangangarap na mapabilang sa longest-running gag show sa telebisyon. Mahigit tatlong dekada na sa ere ang BG at maraming artista na ang naging bahagi ng show.

Tanging sina Michael V., Paolo Contis at Chariz Solomon ang maituturing na ‘orig’ sa cast na hanggang ngayon ay nasa BG pa rin. 

Si Betong Sumaya, bumilang na rin ng taon sa BG at nakikipagsabayan na rin kina Michael V., Paolo, Chariz atbp..

Maging si Ogie Alcasid ay matagal ding nakasama ni Michael V. sa mga skits nila sa BG. 

Si Antonio Aquitania, gradweyt na rin, ganoon din si Sef Cadayona. 

Maraming characters ni Michael V. ang minahal ng mga viewers ng BG tulad ni Mr. Assimo at si Yaya ni Angelina.

Patuloy ang mga pagbabagong nagaganap sa BG, kaya ngayon ay gusto nilang tumuklas ng bagong henerasyon ng mga young comedians. 

Dumagsa naman ang mga aspiring comedians sa audition ng BGNB.

GF mo, Khalil, palaban… GABBI, GAME SA GIRL’S LOVE PROJECT

ni Erlinda Rapadas @Teka Nga | May 24, 20255

Photo: Gabbi Garcia - IG

Muling pinapirma ng kontrata ng GMA Network si Gabbi Garcia. Sa loob ng ilang taon ng pamamalagi niya sa GMA-7 ay kinakitaan ng malaking potensiyal si Gabbi. 

Bukod sa acting, kaya rin ni Gabbi na mag-host ng shows. Hindi rin siya na-typecast sa iisang klase ng pagganap. Kahit na anong role ang ibigay sa kanya ay sinisikap niyang gampanan nang mahusay. 

Gusto rin daw subukan ni Gabbi na gumawa ng GL (girls’ love) serye. Malaking serye ito na magiging challenge sa kakayahan niya. 

Hindi magiging hadlang kay Gabbi ang pagkakaroon ng love life. Walang kompetisyon sa kanila ng nobyong si Khalil Ramos. Nagkakatulungan sila pagdating sa kanilang career.

---

Nang dahil sa kanyang paghanga sa nag-iisang Superstar na si Nora Aunor, agad na pumayag si RS Francisco ng Frontrow upang i-produce ang pelikulang Faney bilang tribute sa kaarawan ng National Artist na si Nora Aunor. 

Nagkaroon ng special red carpet screening ng Faney sa Gateway Cinema 11 noong mismong kaarawan ni Ate Guy last May 21. Bukod kay RS Francisco, co-producer din ng Faney ang Estele Builders ni Cecille Bravo at ang AQ Prime. 

Isa sa mga ikinatuwa ni RS Francisco ay nakatrabaho niya si Nora Aunor sa pelikulang Ligalig, na ginawa ng Superstar bago nagkasakit at pumanaw. 

Inaayos na ngayon ang lahat upang maipalabas na sa mga sinehan ang pelikulang Ligalig.

Samantala, pinuri naman ni Direk Gina Alajar ang Kapuso young star na si Althea Ablan na nakasama niya sa Faney. 

Nagkatrabaho na sina Gina at Althea sa seryeng Prima Donnas (PD) na tumagal ng 2 taon sa ere. Fourteen years old lang noon si Althea, pero kinakitaan na ni Direk Gina ng husay sa pag-arte. 

Nagpasalamat naman si Althea kay Direk Gina Alajar dahil tinulungan siya sa tamang acting.

---

Dumanas din ng matinding depresyon… KYLIE, NAKA-RELATE SA INANG SINUNOG ANG 3 ANAK

LABIS na ikinalungkot ni Kylie Padilla ang balita tungkol sa isang mom na nagpakamatay matapos sunugin ang tatlo niyang anak na menor-de-edad. 

Dumaranas ng matinding depression ang nasabing young mom dahil sa problema sa kanyang pamilya. 

Naka-relate si Kylie sa pinagdaanan ng nasabing ina dahil naranasan din niya noon ang postpartum depression. 

Mahirap ipaliwanag ang ganitong sitwasyon. Kaya naman, gustong iparating ni Kylie sa mga single moms na manatiling matatag kapag may mga pagsubok na pinagdaraanan.

Dapat ay humingi ng tulong sa kanilang mga kaanak at kaibigan. Kailangan ding magkaroon ng support group. 

Ang depression at anxiety ay isang seryosong problema na related sa mental health. Dapat itong bigyan ng pansin bago mauwi sa worst-case scenario.