BF, talong mayor sa Manila… RHIAN AT SAM, NAGBAKASYON SA EUROPE AFTER ELECTION

ni Erlinda Rapadas @Teka Nga | May 30, 20255

Photo: Sam Verzosa at Rhian Ramos - IG

Hindi man pinalad manalo si Sam Verzosa nang tumakbong mayor ng Maynila, napatunayan naman niya kung sinu-sino ang kanyang mga tunay na kaibigan na dumamay at hindi nang-iwan sa kanya sa gitna ng laban. 

At maging ang nobyang si Rhian Ramos ay all-out ang ibinigay na suporta sa kanya bilang patunay kung gaano siya kamahal ng Kapuso actress.

Medyo pumayat si SV dahil sa pagod at stress sa kampanya, kaya naman pinayuhan siya ng kaibigan/business partner na si RS Francisco na magbakasyon muna para makapag-recharge.

Binisita ni SV ang panganay niyang anak na nag-aaral sa United Kingdom (UK). Isinabay na rin nila ang bakasyon nila ni Rhian sa Europe. 

Kailangan din ni Rhian ang mag-recharge dahil tinapos niya ang kanyang mga eksena sa pantaseryeng The Encantadia Chronicles: Sang’gre (TECS).

Medyo nanibago lang si Rhian Ramos sa kanyang character na may pagka-kontrabida. Tiyak na maraming viewers ang magagalit sa kanya.

---

Sa pamamagitan ng legal counsel niyang si Atty. Raymond Fortun, nagpahayag si Bong Revilla, Jr. na magsasampa siya ng kasong cyberlibel sa ilang taong nagpakalat ng fake news bago ang May 12 midterm election na convicted siya sa plunder at ipinababalik daw sa kanya ng Sandiganbayan ang halagang P124 milyon.

Magpapatulong sa National Bureau of Investigation (NBI) si Bong upang matukoy ang mga taong nasa likod ng fake news na ang layunin ay sirain ang kanyang imahe sa publiko.

Malaki ang naging epekto ng mga nasabing paninira at fake news sa pagkatalo ni Bong sa nakaraang 2025 elections. Two weeks bago ang May 12 election, naglabasan na sa social media ang mga paninira sa kanya. Talagang sinadya at pinagplanuhan ng mga kalaban ang panlalaglag kay Bong Revilla upang hindi siya makapasok sa Top 12 senators.

---

MAY aabangan na naman ang mga fans ni Barbie Forteza kapag umere na ang seryeng Beauty Empire (BE) na ang major cast ay binubuo nina Ruffa Gutierrez, Barbie, Kyline Alcantara, Sid Lucero atbp..

Isang matured na Barbie ang gaganap bilang CEO ng isang beauty empire. Parehong fashionista ang character nina Barbie at Kyline na magiging mahigpit na magkakumpitensiya sa fashion world. 

Kung dati ay nasanay ang mga fans ni Barbie sa kanyang bagets style ng pananamit, babaguhin ito sa serye. Kailangan na medyo smart at sophisticated ang kanyang personalidad at magsisilbing mentor niya ang beauty queen na si Ruffa Gutierrez.

Ibang-iba rin ang character na gagampanan ni Kyline na may pagka-bad girl na ayaw magpatalo. 

Marami silang eksenang bardagulan ni Barbie Forteza. Tiyak na pati ang kanilang mga fans ay magsasalpukan din at iyon ang aabangan ng mga viewers.

Pinakamabentang endorser... TRONO NI SARAH, KAY KATHRYN NA

ni Erlinda Rapadas @Teka Nga | May 29, 20255

Photo: Kathryn Bernardo - IG

Sa dami ng ine-endorse na produkto ngayon ni Kathryn Bernardo, mukhang naagaw na niya ang trono ni Sarah Geronimo bilang top celebrity endorser. Nang magpakasal si Sarah kay Matteo Guidicelli, nabawasan ang exposure at endorsements ng Pop Princess lalo na’t wala naman siyang regular na TV show at hindi na rin gumagawa ng pelikula.

Si Kathryn Bernardo ay sumikat pa nang husto nang maghiwalay sila ni Daniel Padilla. Napunta kay Kathryn ang simpatya ng tao. Bukod dito, box office hit ang balik-tambalan nila ni Alden Richards, ang Hello, Love, Again (HLA) na bilyon ang kinita sa takilya. 

Ngayon ay kabi-kabila ang malalaking offers kay Kathryn upang mag-endorse ng produkto. Kapag nagtuluy-tuloy ang suwerte niya, tiyak na makakapagpundar siya ng maraming investments tulad nina Bea Alonzo at Sarah Geronimo. 

At mas okey para kay Kathryn ang solo at walang ka-love team. Panahon na para mag-mature ang image ni Kathryn Bernardo bilang isang artist.

---

Kapalit ni Atasha...

JULIA, PANTAPAT NG EB! KAY ANNE NG IS!

Nawala man pansamantala si Atasha Muhlach sa Eat…Bulaga! (EB!), bongga naman ang kinuha at ipinalit sa kanya sa show. Ilang beses nang napapanood bilang co-host sa EB! si Julia Barretto. Madali siyang naka-adjust sa mga orig na hosts ng show. Pasado rin si Julia sa mga viewers ng noontime show dahil lively at may pasayaw-sayaw pa siya kapag nagho-host sa EB!. 

Kaya marami ang nagsasabing si Julia ang ipantatapat ng EB! kay Anne Curtis na pambato naman ng It’s Showtime (IS).

Marami ang naaliw sa pagiging jologs ni Anne. At kahit medyo bulol at hirap sa pananalita ng Tagalog ay cute pa rin daw. 

Well, ayaw naman ni Julia na magpa-pressure sa pagtatapat nila ni Anne Curtis. Ine-enjoy lang niya kung ano ang ipagagawa sa kanya. Hindi siya nagpapakasosyal kapag nasa EB!. Sinisikap niyang matuto sa mga veteran hosts na sina Tito, Vic at Joey de Leon. 

Excited din si Julia Barretto na nabigyan siya ng pagkakataon na matutong mag-host ng isang game/variety show tulad ng Eat…Bulaga! (EB).

---

Dahil sa away nila ng ex-misis..

BUBOY, NAWALAN NG CAREER

MARAMI ang nakapansin na bibihira na ang guesting ngayon ni Buboy Villar sa mga shows ng GMA Network. Wala rin siyang regular na serye ngayon. 

Mukhang nakaapekto sa career ni Buboy ang paglitaw o pag-expose ng dati niyang karelasyon na si Angilyn Gorens. Inakusahan nito si Buboy ng hindi pagbibigay ng sustento sa kanilang mga anak na nasa pangangalaga ng magulang ni Angilyn.

Naungkat din ang dating pananakit ni Buboy kay Angilyn noong sila ay nagsasama pa. 

Ang pag-amin at paglalantad ni Buboy Villar sa bago niyang karelasyon ang dahilan kung bakit nabulabog si Angilyn. Hindi raw kasi tumutupad si Buboy sa kanyang pangako na sustento sa kanilang mga anak.

Well, multi-talented artist si Buboy Villar. Sayang naman kung matetengga ang kanyang career dahil lang sa personal nilang problema ng dating karelasyon. Puwede naman silang mag-usap at magkaroon ng mutual agreement para na rin sa kanilang mga anak. 

Huwag sayangin ni Buboy Villar ang break na ibinigay sa kanya ng GMA Network.

Kahit sa negosyo, todo-suportado raw ng labs… JULIA, FEELING JACKPOT KAY COCO, SOLB NA SOLB NA

ni Erlinda Rapadas @Teka Nga | May 28, 20255

Photo: Coco at Julia - IG

Tanggap ng mga fans ang relasyon nina Julia Montes at Coco Martin. Marami ang kinikilig kapag nakikita silang magkasama. At kahit walang pormal na pag-amin sina Julia at Coco sa status ng kanilang relasyon at sa pagkakaroon nila ng dalawang anak, still marami pa rin ang humahanga sa kanila.

Nananatiling tahimik si Julia Montes at hindi naging sagabal sa pag-abot ni Coco sa kanyang tagumpay. Hindi siya nakikipagkompetisyon at hindi nagde-demand ng atensiyon. May sarili siyang diskarte sa kanyang career at may mga negosyong naipundar. 

Ang paglalantad sa kanilang relasyon ay sariling desisyon ni Coco Martin. Ngayon ay malayang-malaya na sina Coco at Julia na makitang magkasama. Hindi naman nila itinatago ang kanilang relasyon.

Parehong homebody sina Julia at Coco. ‘Pag wala silang trabaho at commitments, nasa bahay lang sila at nagba-bonding.

At this point of Julia’s life, wala na raw siyang puwedeng hilingin pa. Masaya siya sa piling ni Coco dahil maalaga at very supportive.

Hindi lang partner kundi best friend ang turing niya sa aktor. Maging sa kanyang mga negosyo ay nakaalalay sa kanya si Coco. Kaya maituturing na masuwerte si Julia Montes na siya ang pinili ni Coco Martin na maging partner sa buhay.

---

SA latest post ni Lotlot de Leon sa social media, nakikiusap siya sa lahat na bigyan naman ng respeto at privacy ang yumao niyang ina, ang Superstar/National Artist na si Nora Aunor.

Marami na kasing naglalabasan na kung anu-anong kuwento na nakakasira sa reputasyon at pagkatao ng kanyang ina. Kaya humihiling si Lotlot na igalang muna ang kanilang pagluluksa.

Humingi rin ng tulong si Lotlot kay Atty. Mark Julius Estur ng Estur and Associates Law Firm para sa aksiyon na kanyang gagawin sakaling hindi tumigil ang mga gumagawa ng fake news.

Bilang panganay sa magkakapatid, handang protektahan ni Lotlot ang dignidad ng yumaong ina. Planong idemanda ni Lotlot ang nagkakalat ng kasiraan at fake news tungkol kay Nora Aunor.

Well, nairaos na ang 72nd birthday ni Aunor, ganoon din ang kanyang forty days. Nawa’y bigyan na ng katahimikan ang Superstar at tanggapin ng mga Noranians na hindi na nila makakapiling ang kanilang idolo. 

Ang kanilang dasal ang kailangan ni Aunor para sa kapayapaan ng kanyang kaluluwa.

---

NAKAKABAHALA ang nangyaring insidente sa Boracay kung saan nabugbog ang anak ni Sen. Jinggoy Estrada na si Julian at ang pinsan niyang si Jelo.

Tatlong lalaking kabataan ang nambugbog sa kanila na walang malinaw na dahilan at hindi nila kilala ang mga umatake sa kanila.

Dapat na tutukan ng mga awtoridad sa Boracay ang pangyayaring ito dahil baka makabawas sa interes ng mga turista na nagtutungo roon.

Well, sa pagkakakilala namin kay Julian Estrada ay tahimik ito at mabait. Hindi siya maporma at hindi umaastang mayabang kahit senador ang kanyang ama, at lolo niya ang dating Pangulong Joseph Estrada.

Edukadong tao si Julian at pinalaking marespeto. Unfair na siya ay husgahan dahil lang sa kanyang pagiging anak ng senador.

Kung tutuusin, dapat ay may kasama siyang bodyguards. Pero dahil bakasyon ang ipinunta nila sa Bora, kasabay ang imbitasyon para sa isang event, hindi na sila nagsama ng bodyguards. Nataon naman na nakursunadahan sila ng ilang local boys. 

Well, knowing Sen. Jinggoy, hindi siya basta mananahimik lamang hangga’t hindi nabibigyan ng kaukulang aksiyon ang nangyari sa kanyang anak na si Julian at pamangkin. Magsasampa sila ng kaukulang reklamo sa tatlong nambugbog sa kanyang anak